LeeKelly's Profile

去澳門唔食過葡撻唔算叫去過澳門，所以每次去澳門一定要食到先開心。之前幾次去澳門都食官也街安德魯葡撻，今次唔去官也街，要去大三巴，所以都做定資料搜集，本身想食瑪嘉烈葡撻，可惜睇完水舞間再轉幾輪車，去到大三巴附近已經6點幾，都趕唔切關門前去到。後來醒後仲有間人氣葡撻，就係波爾圖葡撻，見到網上寫住7點關門，於是我哋9秒9半跑半行，希望趕得上關門前買到；皇天不負有心人，係職員準備閂門個一刻我哋趕到，職員仲問我地想要幾多，埋單時仲送多個芋泥撻比我哋，真心感動，下次去澳門一定會再幫襯。雖然個葡撻已經唔再熱，不過個酥皮依然好脆，同個蛋好滑好有蛋香，總算食到葡撻，勁開心。…Read More

食完葡國菜晚餐見仲有時間，朋友提議食甜品，於是上網查到有間人氣糖水店開到好夜，於是行咗十幾分鐘去食。可能創立至今已超過半世紀，所以裝修比較傳統，但坐得舒服嘅。果然係人氣永店，去到其實已經係晚上9點幾，幾乎全場坐滿，唔知以為時間仲好早(我哋食完仲要趕去港澳大樓過關返香港)，當中好多都係澳門本地居民。見到牆上圖片，糖水甜品碗碗都勁大碗，食完一碗勁飽。我叫咗個凍鮮椰汁西米龍眼湯丸，朋友叫咗個芒果椰汁西米。糖水比預期無咁甜，好香椰奶味，不過湯丸都係凍食好啲。價錢不過唔算平，但因為大碗，所以幾個人share食除返開都抵嘅。…Read More

去澳門食葡國菜是常識，但澳門有咁多葡國菜，究境邊間先最好又有特色！？經過我連日資料搜集，最終揀咗呢間，因為除咗歷吏悠久，仲要有好特別裝條同擺設。不過唯一唔好就係路途太遙遠同崎嶇，要行好多斜路先去到，好彩沿路問人最終都去到。正如我所講，餐廳裝修好特別，配埋葡國菜特別有風味。我們兩個人都叫咗幾款食物，最好味都係葡國菜必食馬介休，印象中第二次食馬介休，呢個炸得剛剛好，唔太油之餘皮又薄。其次就係乳豬，都係葡國菜必食，不過略嫌呢個太貴，接近四佰幾蚊，最終呢餐飯兩個人都食咗$1009，比出面個啲少貴。…Read More

雪糕係我零食首選，所以每到旅行有雪糕地方當然唔例外，澳門都一樣。睇水舞間之前仲有時間，見到雪糕店poster又被吸引咗，結果又買咗兩杯雪糕，仲要造型超靚同可愛。去Haagen Dazs門市買雪糕食首選味道我一定揀夏威夷果仁，又香又有口感。不過回想當初第一次食Haagen Dazs雪糕應該係1993年時，當時唔多口味，最多人買就係士多啤利同芒果味。而家Haagen Dazs雪糕越來越貴，加上市面上太多牌子雪糕可選，所以有陣時都唔一定堅持食佢，反而多咗食天然手作雪糕多啲，身體同銀包負擔無咁大。…Read More

去澳門睇水舞間前仲有時間可以食個午餐先，新濠天地都好多食肆，本身爭扎緊食咩，後來見到個侍應揸住張套餐menu又好似好吸引，所以最後決定食中菜，叫咗一個二人套餐，三餸一湯兩個白飯，埋單HKD360算差唔多啦，兩個人食到好飽。午市套餐有兩款，我地揀咗個平少少都多餸啲，紫菜蛋花湯，招牌抄蜆(我地覺得係花甲，因為好大隻)，增城貴妃雞，叉燒抄滑蛋。紫菜湯每人都飲兩大碗，仲要入面好多料；雞就半隻到，好滑；叉燒抄蛋好滑，好似食緊早餐抄滑蛋咁。…Read More

而家香港食接麫都唔平，大多數埋單連加一都過佰蚊一個人，因為一碗接麫都HKD80-100，甚至佰幾蚊一碗都唔出奇，所以臨去亞博睇拉濶演唱會之前趕得到下午茶時段前埋單勁開心。下午茶時段套餐包一碗拉麫外，還有一個小食同一杯飲品，勁抵。平時食日本拉麫最鍾意彈牙兼爽口，五輪洞就比到呢種口感我，彈牙得又煙韌。另外食拉麫除咗麫質外，湯底都好緊要，佢有黑蒜，白豬骨，赤五輪洞(辣)，三款湯底比你揀，鍾意辣嘅我當然揀赤五輪洞，湯底辣得嚟好惹味，又唔會覺得好油，鍾意食辣嘅你不況試下。另外送嘅飲品唔係好甜，啱曬怕甜嘅人。…Read More

上年我生日第一次去千海水產，當時感覺一般🙈，地方太細人又多🫤，落order又漏單🫣，最惨食得兩個鐘太趕😑。今次去新開旺角分店完全兩回事😅，地方大又光猛，啲職員又勤收吉碟。仲要好好好有禮貌唔該前唔該後👍，比多五十蚊食多45分鐘。啲海鮮勁新鮮🦐🦀🦪🐚，焗榴槤又好味😋，仲有好多雪糕甜品，完全超值👍。仲有點菜紙叫其他嘢食。勁滿足嘅一餐😋😋😋。減肥中嘅我都唔理得咁多。豁咗出去食咗先算🤣。…Read More

每次去YOHO MALL 已經食到唔知食咩好，仲要呢期好多食開嘅餐廳結業，所以今次同朋友食飯去返兩年前我食過餐廳，印象中第一次食評價都唔差，不過今次食就有啲失望，唯一覺得抵嘅係個2L啤酒，$158都抵嘅。食物質數就真係要改進，個通菜老到食完都有渣，食剩一半都無食，另外叫黃咖喱大蝦，蝦還蝦味，咖喱還咖喱味，好似係灼完啲蝦再撈返咖喱汁咁，仲要配黃咖喱個手抓餅硬到大人都咬唔開，幾佰蚊個餸該都就真唔值。…Read More

自助午餐一向比人感覺無嘢好食又唔抵，但當我食完呢間餐廳自助午餐之後，想法已經唔同。本身訂位前都做好多資料搜集，又要平靚正，又要多嘢食，最好又有生蠔，香港真係唔多，結果睇過網民評價，最後決定食呢間。平時習慣拍片影相嘅我，一開始錄影食物時以為好快錄完，但拍片時感覺拍好奈，原因太多嘢食。至於食物質數方面，生蠔細隻咗啲，但都feel到新鮮嘅，三文魚好肥美，仲有好多熟食，甜品都唔少，最重要我呢個雪糕控可以同時食到movenpick 同Haagen Dazs雪糕。講真$298包加一有咁嘅質數真係超值，飲餐茶都唔得，仲要長者再減$20。下次會再來！…Read More

朋友介紹食呢間酸菜魚，雖然裝修簡單，但全店以粉紅色做主題，好有少女feel。揀坐吧枱，好似去咗酒吧到，兩個人一路食住好有特色酸菜魚，一路傾計，另有一種風味。套餐以一人餐為主，不過細食朋友叫一個套餐再叫其它小食應該都夠。酸菜魚有好多款選擇，有辣有唔辣，仲有好套餐可以揀，有小食又有甜品，而且價錢性價比高，魚質好滑，仲要份量勁多。我另外叫咗麻辣燙，有好多餸菜可以選擇，而且味道唔錯，有機會會再去食過。…Read More

上次去葵廣食過網民推介豬柳蛋雞蛋仔，第一次食感覺真係好新奇好好味😋👍，到第二次食可能一個人食曬成底，感覺好膩同味道太甜😑。早排美食新聞報道有介紹元朗有間好出名嘅豬柳蛋漢堡，頭先又比朋友遊說我去咗買🤭。不過食咗呢個元朗豬柳蛋雞蛋仔之後，覺得畀葵廣嗰個好食好多倍，一嚟平好多，二嚟佢唔會蛋漿還蛋漿，豬柳蛋還豬扭蛋🙈，元朗嗰個佢係會融合一齊，所以口感非常好😋，連朋友都大讚👍。仲要like咗同share咗社交平台之後有半價優惠，勁抵🤭👍另外再買咗好出名沙薑手撕雞，叫咗盒細份，打開原來好大盒，我一個人食晒都好飽。雞肉好滑又無骨，咸咸地幾好味，不過如果有小小青瓜絲加埋一齊食口感應該仲好。…Read More

再臨閣自助餐已經想食好奈，見到KK day有優惠所以就訂了。首先環境好舒服，因為同行有小朋友，所要訂位時要求安排近甜品吧枱，咁啱又安排到近窗位，仲可以睇埋幻彩詠香江。 食物質數都唔差，龍蝦好新鮮，好彈牙，刺身每次比好大份，不過如果有埋生蠔仲一流，平時食自助餐最緊要係甜品，呢度最欣賞甜品，好多好有泰國特式，仲有榴槤pancake，又有心太軟，overall都ok,，最重要小朋友都食得開心。…Read More

由中學時代已經常常跟爸媽去嘅酒樓，一家人幾乎每星期日去飲茶，有時晚飯都會去嗰度食，過時過節更加唔駛講。不過前身唔係叫歡樂大排檔係叫天然居海鮮酒家，雖然而家已經改咗名不過依然見到有啲舊嘅職員響度做。裝修已經完全唔同，好有大排檔氣氛，房間嘅擺設做好有特色。而家因為搬咗所以已經冇再同屋企人嚟呢度食，不過因為中學時期都係附近讀書，成為咗我哋聚會嘅飯堂。啱啱中學同學又有聚會，今次當然又有叫我最鍾意食嘅沙薑豬手👍，另外推介小棠菜墨魚鍋貼，炸粉唔會好多，墨魚好厚身，入面仲有小棠菜，好有口感。另外叫咗個好懷舊特色嘅小菜砵仔雞蛋焗魚腸，呢款菜唔係度度都有想食返兒時嘅回憶都唔係咁易，不過正值呢度就係有😋。…Read More

做完gym行過見到好大粒糯米糍，仲要有我至愛開心果，忍唔住即刻要食，皮薄餡多，又唔太甜，唔差過荃灣嗰間👍，之後再翻轉頭買多十幾個，送俾隔離鄰居同埋夜版同事宵夜，下次出開嚟一定再幫襯。…Read More