嘴刁食客's Profile

餐廳裝修格局偏暗淡，類似燭光晚餐，但位置寬躺，人偏多熱鬧（六日夜晚幾乎滿席，記得要提前訂位）提前預訂咗雲南野菌套餐$1250/位前茶四款，當中最多為出色係花雕酒糟老人頭菌先上黑松菌野菌餃個人感覺麻麻，黑松露味道強烈，用黎做包點定餃子通常都會好搶味，所以只係食到層次感豐富，但其他食材味唔出第二，3款前菜一次過上先食老人頭菌，酒香浸滿，口咬爽脆，兩塊完全唔夠喉。椒鹽桂花蚌，煙韌爽口略帶少少鹹鮮味，底下鋪埋嘅油炸蟲草花意外好食煙熏素鵝，夾起已經聞到陣陣煙熏味，餡料夾雜着菌菇，不過不失主菜四款海鹽松茸+鮑魚牛油封煎帶出松茸原本獨有嘅香味，鮑魚口感爽口，點少少海鹽就夠，但就食唔出點解要用鮑魚配搭松茸油浸雞樅菌鮮腐竹田七沙律油浸雞樅菌分量真係好少就係沙律頂一啲啲，醬汁調配分量極好，黑醋唔會過份攻舌，但用冰菜作為沙律主菜唔係人人食得慣，因為新鮮未煮過嘅冰菜會有少少苦，但作為主菜黎講我覺得佢過份清新難以擔起枱架（嗰一啲啲嘅油浸雞樅菌完全唔算）羊肚菌野生竹荀炆野生雞食唔到羊肚菌香味，亦都感受唔到竹筍吸收曬啲精華（羊肚菌+雞） 雞件唔鞋口，呢道主菜完全失望，而且紅棗外皮渣好多，建議拎走乾巴菌雲南臘肉炒飯不過不失 用黎比客填肚，唔太食得出有金華火腿味湯呢個湯，係最最最帶得出松茸本身獨有嘅清香，一咬落去，直沖落舌，但獅子頭就完全係清蒸肉餅味甜品 八寶茶配玉米粑粑粑粑本身無咩味，但配（偏甜）紅棗味打底嘅8寶茶又意外地幾搭最後，以貓鬚草茶為一席終（去尿酸）成餐飯，性價比常可，以呢個價錢可以食到咁多款雲南珍菌都算係咁，所以都要有心理準備質素未必會好靚，款款餸都淺嘗輒止，好易會覺得唔夠喉，而且份量偏小，食完可能要另搵地方醫肚香港冇咩地方可以食到時令雲南珍菌嘅餐廳，都不失為一間試菌餐廳（題外話，服務好好，侍應會好細心溫柔同你講解每道菜式 點食 次序 但廚房上餐速度實在太快，好多時未食完已經要上另一道菜（可能我食野慢）但反映完係有改善到 讚）…Read More

呢間牛八近期新開，以飛機場候機室特色裝修全餐廳，餐廳門口位仲有航班信息加埋入場門票以機票形式展現，真係會有少少俾佢呃到。但由於新開，人都多，建議大家一係早啲黎排隊，一係就提早預訂店內環境乾淨企理唔算太大，四人位置就比較舒服，如果係兩個人嘅位爐就非常細，可能心急嘅朋友就要慢慢等啲食物熟先可以燒下一輪餐廳有三個Plan，一個係牛，一個牛再加海鮮，一個係牛加海鮮再加和牛，我地揀咗最貴嘅Plan 想試試啲和牛品質，承惠每人588+20（星期六日去要額外加20）再加一熱盤區食物種類唔多，可以話非常少只有一兩樣炸野同幾樣菜，而飲品選擇就只有6-7種，冇紙包同罐裝飲品。同樣甜品亦都得3樣，但一口泡芙味道唔錯，但外皮一啲都唔脆。而食物方面，值得一讚肉類質素唔錯，冇冷凍肉感，肉質細膩紋路正常，同牛角質素差唔多，燒落食落都食唔到任何臭肉，讚，比起平時一啲放題店放係出面任你拎嘅肉，質素高幾級。（食餐方式係以飛機模式嘅輸送帶，真係過足曬癮）最好食係和牛牛舌同厚切1Cm豬腩肉，前者脆口之餘雪花嘅油膩感唔高，加埋燒汁食好正，後者我鐘意燒到兩邊脆皮，再加辣醬包生菜變成韓式食法😂😂。澳洲和牛好食過黑毛和牛，因為雪花分佈均衡牛味食，食落軟滑香，但未到入口即化，而且每次黎嘅品質都好唔定，好睇師傅切到咩位比你。但細細塊一啖一塊差唔多。但魚類，海解，貝真係唔推介，一黎品質一般，二黎燒出黎口感麻麻，同埋選擇都很非常少，少到每款得一樣，所以一黎揀食牛餐，一係就和牛餐。亦食到最後每人可以揀一個雪糕，烘茶比較好食，香濃焙茶味但又唔太甜，算唔錯係候機室環境食野，加埋登機廣播，真係會覺得自己置身於飛機場，而且抽風系統做得好加埋夠高，食完翻屋企都聞唔到太大味。疫情期間，大家都冇得離景或者搭飛機，黎呢間餐廳食飯對於大朋小友都不失為一個好去處。值得一試，香港同類餐廳極少（但由於新開張，繁忙時段人手不足，大家可能要叫多幾次或者比啲耐心等）…Read More

粉絲椰菜煲$148 椰花乾身爽口，食落非常有咬口，但我個人偏愛軟淋口感，值得一讚係佢個粉絲就算放係落煲都冇燒到乾曬水，仲要唔洗經常兜啲粉絲，完完全全索曬啲蝦乾海味 ，變成主角招牌炸子雞（半隻）$268讚 讚 真係好食 外皮炸至干脆 又唔會油膩 非常好食 而雞嘅腌料非常好食 炸完外皮之後 就算唔點任何醬汁都唔會覺得索然無味 但有啲部份肉質偏鞋颯颯 原件馬友咸魚蒸肉餅 $168一開始見到個名真係以為原條馬友蒸肉餅 仲諗點解咁便 同埋會唔會太咸 原來係一件😅 肉餅正正常常 肉質嘅質地同平時係太興或者好少少嘅茶餐廳肉地 但肉餅真係同馬友好夾好夾又真係好普通 送飯一流 😋子薑炒牛肉 $188見未飽就再叫多個餸，一開始睇個名以為佢會有伏，點知有驚喜，子薑係平時食開過日本薑片只不過係厚切版，仲要加埋菠蘿一齊炒，酸化啲牛肉令到好軟身 好好食整體來講，出色嘅中菜水平，聽講係著名食府班底，難怪水準都有翻咁上下…Read More

三姐海鮮飯店比點比較偏僻 係將軍澳一條村屋入面 算係幾隱蔽 店外有兩隻專名嘅鎮店「神獸」好大嘅飛河龜 好得意 見到人同互動會有回應跟住你轉 去到餐廳食飯不妨都同佢地打聲招呼🤣三姐豉油雞 $480 呢幾年經常都去 最少都一至兩個月都去食一次 所以算係見證住佢啲質素嘅起落 老實講 第一次食真係好驚豔 從未諗過豉油雞可以咁好食 焦糖味嘅香 豉油嘅甜 同傳統港式豉油雞好重玫瑰酒好唔同 完全係另一種好食而且冇點食得出玫瑰酒 可以講係全香港最好食嘅豉油雞 但疫情關係 而家平日黎食 豉油雞都要提前一日預定開爐 醬汁相比以前遜色唔少。陳皮豆豉蝦 $188聽個以為係清蒸 其實係避風塘嘅另一種做法 只不過材料換成陳皮豆豉同蝦 未試過係其他地方食過 算係三姐特色菜之一 蝦火候炸得岩岩 份量都唔少 有7-8隻大蝦 陳皮被炒出香味 豆豉咸香 唔難 但亦唔會覺得好食到飛起整體來講 三姐餐廳最出色其實係豉油雞 其他菜算係附搭 每次都係為食雞而黎 如果真心鐘意食雞 一定一定一定要黎 因為第一次食真係好驚豔 會停唔到口 （連我一個唔食雞皮嘅人 都食曬啲雞皮就知😂😂）但整體價格偏貴 如果唔係食雞而黎會有所失望…Read More

讚好台灣黃埔呢間台灣餐廳 經常有人排隊餐廳滿咗率好高 有一日見到唔洗排隊就去試試 店舖裝修充滿日式裝修風格 但坐位偏細 如果兩個人每人叫一碗仲會岩岩放得落 再叫啲小食就放唔落口水香腸乾拌麵 $58 乾拌麻細做得出色又比得多 完全夠Lo暈曬成碗麵 面質彈牙有咬口亦都好掛汁 麻醬味好香而辣汁辣得黎又唔會谷口嚨 越食越辣亦越上癮 份量唔算多亦唔算少 台灣香腸焗得香口 唔係放咗好耐嗰啲 好食！建議小食都可以叫夜市小香腸 切成薄片拎去焗 脆口之餘腸裡油脂亦非常香 醬油蔥串大腸 $35 炸得外脆內軟 唔過火有一定水準 但大腸會膩 食2-3塊我已經唔想再夾 所以唔建議自己一個人食 雖然淋上去嘅茄汁中和咗大腸嘅油膩 但對於我黎講仲係唔夠 如果係鐘意食開偏油膩嘅朋友 應該就冇問題總體黎講 係香港少有嘅出色專食台灣野嘅餐廳 食物水準亦相當不錯（我好少講呢句🤣） 可以再食再食再食 翻食翻食 價格係紅磡黎一區亦都唔算貴同便 絕對價錢合理…Read More

一如往常咁 店鋪有8成入坐率 坐位亦寛敞舒適菜單相比以前都多咗好多選擇 有炸雞，雞雜 除咗飯以外亦有泰式麵$52 雙拼飯（雞+炸雞）油飯偏乾但雞油濃 飯量少 如果胃口比較大 或者男仔就可能要加多個飯 白切雞 雞味濃厚雞件唔肥（唔多脂肪） 但嫌有啲鞋口 炸雞就唔係新鮮炸起 入口微溫 但炸漿同肉質都岩岩好 唔會炸過火 但食落係好食湯就一入口成陣胡椒粉味 同咸 但就每碗都有一個冬瓜整體來講 仲算可以 雞件質素唔差 但就份量偏小 如果可以多啲就完美啦 …Read More

經過佐敦 見到一間懷舊餐廳就入嚟 鋪面裝修係20 30年前裝修風格 但見到碗筷同洗碗碟都仍算白淨 使用痕跡咁多應該係近期新補 所以衛生方面算佢合格啦釀豆腐$80 豆腐入口嫩滑 肉碎味道適中 唔會過咸 黃豆味出眾 令到食客每食頭一啖豆腐都食到黃豆嘅香味 確實特別少見 但價格一般梅菜扣肉$120 落完訂之後 5分鐘內已經送到 熱辣辣 入口肥瘦均勻但係瘦肉位非常鞋 同煲咗好耐湯嘅肉一樣 相信係擺喺蒸爐上蒸太耐 口感全失 但勝在係甜梅菜 味道嘗可 伴飯一流 但用120食個梅菜扣肉 有啲唔抵賣單連加一 茶介 茶位要$254 但餐飯只係叫咗一個釀豆腐梅菜扣肉同一碗白飯 所以唔算得上經濟實惠整體來講 試咗就算 算係一間懷舊餐廳 比較特別係食物款式少 但同一種食物會有好多種唔同嘅煮法 例如餐牌上嘅豆腐就有薑豆腐紅燒豆腐煎炸釀豆腐等等-.- …Read More

經過佐敦 見到一間懷舊餐廳就入嚟 鋪面裝修係20 30年前裝修風格 但見到碗筷同洗碗碟都仍算白淨 使用痕跡咁多應該係近期新補 所以衛生方面算佢合格啦釀豆腐$80 豆腐入口嫩滑 肉碎味道適中 唔會過咸 黃豆味出眾 令到食客每食頭一啖豆腐都食到黃豆嘅香味 確實特別少見 但價格一般梅菜扣肉$120 落完訂之後 5分鐘內已經送到 熱辣辣 入口肥瘦均勻但係瘦肉位非常鞋 同煲咗好耐湯嘅肉一樣 相信係擺喺蒸爐上蒸太耐 口感全失 但勝在係甜梅菜 味道嘗可 伴飯一流 但用120食個梅菜扣肉 有啲唔抵賣單連加一 茶介 茶位要$254 但餐飯只係叫咗一個釀豆腐梅菜扣肉同一碗白飯 所以唔算得上經濟實惠整體來講 試咗就算 算係一間懷舊餐廳 比較特別係食物款式少 但同一種食物會有好多種唔同嘅煮法 例如餐牌上嘅豆腐就有薑豆腐紅燒豆腐煎炸釀豆腐等等-.- …Read More

蓮花健康素食睇落似係一間充滿有歷史年華嘅素食小店 店內乾淨企理 店內幫襯嘅顧客大部份都係老人家為主 午市套餐好抵 48蚊一個餐 有飯有餸有湯 菠蘿咕嚕肉 $48 用豆渣製成嘅肉外脆內不乾 除咗食落一陣豆味 其實真肉嘅分別唔大 甚至仲好過用豬肉製成嘅咕嚕肉（因為有時候找過火 肉質會偏柴）而豆渣就有呢個問題 汁同配菜都正常發揮 唔錯唔錯！配餐送嘅湯 出色 睇得出料煲製而成 一點都冇因為係贈送嘅湯而Hea 飲落好大陣蓮藕青紅蘿蔔粟米嘅甜味，值得一讚！甜酸齋 （$價錢唔記得）食落酸甜適中 口感亦冇偏硬 個人來講食一小碟已經足夠 亦都值得一試整體來講，以家咁嘅價錢喺九龍城食到咁嘅質素嘅素食性價比算好高，經過亦可一試…Read More

路過尖沙咀見到有間小食店 話自己苦練30苦功（但唔知點解好多差評） 決定試試真假 試食當日得我一個客人 叫咗雞蛋仔 阿姨話為咗維持質素 所有雞蛋仔同夾餅都係即叫即整 等咗差唔多十分鐘 就已經出爐放係風扇吹 一陣就食得！入口好脆 外脆內軟 入面蛋漿軟綿一啲都唔Dry 非常唔錯 而且蛋香味亦非常足 有驚喜 比起平時整好放定係度 好食好多！所以等待就好值得！留得咗個好印象第二次去食 叫咗雞蛋仔加夾餅 但今次去到嘅時候已經有五至六個人喺度等緊 唔知係咪呢個原因 今次食到質素不如上次 夾餅唔夠脆口 偏淋 但餡料唔甜（讚👍🏻） 但雞蛋仔內漿就偏軟起比上次 但外脆度亦不如上次 但相比開到成行成市快食店 整定好幾底嘅店鋪 呢間鋪頭都係值得一食！（建議最好冇咩人排隊先好去 食物質素會高啲）…Read More

方榮記平日夜晚去食唔使排隊就可以入去 但作為火鍋店 店內位置甚至坐位都有啲窄 四人位可能會好啲 兩人位就大啲更加好因為真係有菜放喺枱面（問都冇問） 姐係要逼你一定要食🙂$60 沙嗲湯底 非常濃郁 撈一下湯底甚至會見到好多沙嗲醬係底 用匙羹飲一啖都食好到好多碎花生 完全滿足左我對佢嘅期望 冇名過於失 比喺慈雲山食嘅 好食好多 $388頂級牛肉 失望 可以牛味不足 導致浸落湯底 啲牛味完全比沙嗲庶晒陣味 （唔建議叫）（性價比低）$280 聖子王 見店員推介就叫四隻試吓 結果完全唔伏超出預期 好大隻（差唔多好似筷子咁長）仲要烚完都冇縮水 好甜 而且有膏 正！就係有啲貴 $48 炸魚皮 少見唔係普通炸魚皮 而係非常少見嘅有骨炸魚皮 高質！ 真係好少見到有火鍋店會提供得到 因為通常都好難買埋同好快賣曬 $15 大光麵 同普通公仔面差唔多 但就真係必食 非常掛汁 完全食曬沙嗲湯底啲味 正 必食必食必食 $88骨腩 同平時食曬嘅素質差唔多 脆 但冇爆油 可叫可不叫整體來講 火鍋食材同湯底高 除咗牛肉 其他都算高質 特別係連骨炸魚皮同埋湯底濃厚沙嗲味豐富 非常加分 雖然服務態度麻麻 但啲店員收盤非常快 如果未試過香港嘅沙嗲湯底 佢算係仍可一探的名店…Read More

海雲天 九龍海逸君綽酒店 - 168蚊點心放題一坐低就每位都會送3樣點心（冇得追加）1.花膠蟹肉灌湯餃 大大塊花膠但冇咩味同湯一樣 好似飲緊有少少嘅水2.芝士焗蟹蓋 餡料一般有紅蘿白蟹肉等 唔會焗到太Dry 但對比起點心只會覺得佢佔咗你肚皮位置3.富貴鮑魚撻 一個細鮑魚係撻面 底下有驚喜鋪滿肉 一口咬落去淡淡肉 酥皮鬆化好夾 值得一讚 係3樣點心入面質素最為高跟著其他點心都係任點任食 真係幾多黎幾多（算係少溜單）Eg 你寫一隻蝦餃真係蒸一隻比你口水雞 - 試食指數⭐️⭐️失望 唔會好入味 係啲汁淋係面 汁底唔香少辣 整體黎講試過就算 唔洗Recall （係中式餐廳你唔會期望佢整到出色嘅川菜）蜜椒雞翼 - 試食指數⭐️⭐️⭐️✨好入味 柑桔蜜同雞翼好夾 肉質唔鞋口 可以Recall干煸四季豆 - 試食指數 ⭐️⭐️⭐️肉碎少辣同蒜蓉四季豆炒埋一齊好惹味但好睇當日廚師炸四季豆嘅時候火候（油溫唔夠會導致好油膩）XO醬炒蘿蔔糕 - 試食指數⭐️試過就算 -.- 無謂浪費個胃黃金涼瓜 - 試食指數 ⭐️⭐️⭐️⭐️非常有驚喜 如果鐘意食苦瓜嘅苦味 真係會想瘋狂Recall 苦味夠出之餘 佢係即叫即炸 所以好香口 一口咬落去香脆之餘 仲會有苦瓜汁 沖淡鹹蛋黃嘅膩（互補）而且鹹蛋黃唔會過多太膩岩岩好 食一碟都得四喜烤麩- 試食指數 ⭐️⭐️⭐️⭐️⭐️ （冠軍）幾乎枱枱都會叫 （現炸）香脆之餘帶少少面粉口感 同酸酸甜甜嘅汁非常夾 會急唔住食咗好多件蝦餃比起一般酒樓 質素都好 餃皮唔會淋到一夾就爛 燒賣都可以一試 但冇特別出色以168點心放題總體黎講 性價比高 食物質素唔差 甚至大部分點心質素比起坊間酒樓都唔差 如果坐到窗口望海位就非常抵但去食嘅當日 都好多人 而且大部分人都係有訂位 好少Walkin 所以想去食最好提早3日訂位 特別係要訂星期五六日 因為真係好爆場 （題外話 離黃埔地鐵站好近3-5分鐘腳程 有巴士總站係附近 交通方便）（海雲天 係酒店2樓 一出Lift就見到）…Read More

係九龍灣E-Max Food Court 位置比較偏僻 係Food Court入口要行2-3分鐘先行到 如果唔係門口有放到牌 真係好難留意到呢間日式小店當時去星期六 人數仍唔算多 店內得幾個人 位置闊寛 入面有免費自助蜂密菊花茶 幾好飲叫咗兩個餐 份量充足 完全夠曬男仔胃口份量風味牛肉拼雞扒 $80-90比預期中好食好多 雞蛋係正常嘅溏心蛋 肥牛入口略嫌有啲鞋口 但份量唔少 雞扒嫩口醬汁多 差在啲雞皮冇煎得香脆！正啊！ 飯量非常多！日式東坡肉拼雞扒$80-90本身對東坡肉期望好大 結果入口雖然非常入味 但啲肉真係好鞋好鞋 乾身到啲邊位肉已經條紋 但份量十足 雞扒水準同上一個一樣 都只係差雞皮唔脆 味道黎講就唔夠牛拼雞咁好食 但麵豉湯就唔太咸 嘗算好飲小食心思唔馬虎 餃子$18 新鮮煎出爐 餡料係蔥+雞 外皮香脆 章魚小丸子 $32 鋪面木魚仍在「跳舞」 入口熱 但嫌粉漿太多 偏淋 但木魚份量多 質素唔差 食落煙熏味重 幾好食 整體黎講 價錢有啲貴 但食物質素仍好 衰在位置不佳…Read More

雲南人家風味餐廳最近米線鋪大熱 見到蘋果出咗個米線專訪 就決定試食其中推介8間餐廳 其中一間就係呢間雲南米線店鋪名冇改 真係雲南餐廳😂 小店位置唔算隱蔽 店內所售賣嘅食物又唔多 當日去到想試嘅兩款特色都冇貨（可惜）就叫咗招牌豆花米線豆花米線$35入口微熱 唔算係涼拌嘅凍 但米線質地爽口彈 豆花嫩滑帶有微豆香 建議撈勻嚟食 但隻汁唔係我以前食開嗰隻酸辣 呢款酸係用酸菜嘅酸 同辣汁撞埋一齊就曬得有啲唔夠搭 如果用翻黑醋隻酸可能會好啲 但如果未食過豆花米線都算值得 而且35實在係抵食 而如果係男仔食嘅話 份量可能略嫌有啲不足 推介指數4星雲南乳餅$60見佢豆花米線做得唔差 就叫埋佢嘅另一款特色雲南乳餅我第一次食嘅時候 就係係雲南 而當時係行當地啲菜市場見未買過就買黎一試 結果賣乳餅嘅姨姨同我講 要拎去啲燒烤叫人幫你加工 烤香先好食 結果一試難忘 岩岩新鮮出爐 烤到微微發焦 食落香濃嘅奶香味 一啲腥味都冇 一個正吖講翻正題 其實乳酪要焗 所以最好提前叫 因為都等得幾耐吓 但乳餅焗得香口 厚薄足夠 入口有咬口之餘 啲奶香就隨住咀嚼不停咁散發 如果鐘意食奶香味食物嘅人應該會食到停唔到口 但正正因為奶香重 所以對於我黎講 通常一件起兩件止 要同朋友一齊黎Share先岩岩好 🤣🤣特色推介指數 5星（正宗雲南風味小食）玫瑰木瓜冰$16唔好比佢個夠呃到 唔係我地平時食開嘅木瓜 佢係由一種食物籽製成類似於果凍質地嘅野像 由於加咗玫瑰（雲南好出名用玫瑰黎整野食）成杯野飲清香曬 好解膩 口感味道亦好特別 就係冇得跟餐便啲買 所以性價比不高 特色推介指數 3.5星 整體黎講 雲南風味十足 但店鋪食物種類有限 食中午食仲可以 夜晚就會唔夠啦…Read More

太耐冇食辣 辣癮上身 見到尖沙咀呢間四川餐廳好評好多就去一試無妨 結果一啲都唔失望！一間會翻轉食嘅餐廳平日夜晚去唔洗等位 （應該）🌟叫咗3日個餸 份量好足 唔會少麻辣口水雞（58）啱啱入口嘅時候唔會好辣 點知原來後勁好大 不知不覺 越食越辣 成條利已經麻痹咗 但啲辣得黎又入味 唔係停留係表面果種辣 而且雞件爽滑！一個字正！性價比又高回鍋肉(88)正宗四川做法用豆豉同豆瓣醬去大火快炒 腩肉肥瘦均勻 蒜苗爽脆唔會過老又唔過咸 加上有辣味嘅中和 入口唔太膩 就算係女仔都可以連食幾件 美中不足希望佢份量可以比多啲🤣（貪心）干鍋 （160）五個餸起叫 我地揀咗四個素一葷 萵筍 鮑珍菇 熟蝦 鮮枝竹 蓮藕 食起黎好爽身 每樣食物都好入味 當中菇味道最重 蝦亦有炸過先炒 蝦殼爽脆 但味道偏麻 份量好多 過足曬麻辣癮總體來睇 正宗四川麻辣餐廳 份量唔少 所以菜品整體評分高 值得一試 （而且店員服務態度好好 值得一讚 非常體貼）…Read More