Hanasan's Profile

上次去左咖啡弄,諗住試下茶木啦,因為上次朋友都話要等成個中先食到,咁岩經過一於試下...點知.....衰到不得了...先唔講味道,講佢D 服務! 我地初黎報到梗係唔知頭唔知路嫁啦,企左一陣見到有服務生,就同佢講話2位,佢就指一指個櫃面,叫我地禁飛仔,好啦,咁禁啦...有人帶我地去台果度,之後佢安排我地好似答台既台咁,只係將張台拉開條"LA"仔咁,咁我地就要求隔離果張2人台,之後個服務生答:你坐低先啦!嘩,我同朋友互望左一眼,太無禮貌啦!!呢個多士係最好味既野,甜甜酸酸甘,幾好味!呢杯香芋奶茶,真係不知所謂!!完成無茶味,呢杯野叫香芋奶水就差唔多...鹽酥雞,味道一般,唔難食,又唔係好食呢杯又唔係茶黎嫁,無茶味,無果味,只係得華梅味!!整體黎講,好差!以後都唔會再黎~…Read More

星期6,當然訓到不知時日啦, 咁就約埋朋友去HEA個TEA, 結果就黎左呢度...去到門口已經好多人等叫台號入坐,心諗,有排等啦,因為望入去露又座位比較小,應該都要最小45分鐘,結果我地等左25分鐘左右...完來佢唔只係得露天果度有得坐,入面都有,但地方有D 窄,有D壓迫感~~…Read More

終於可以一試咖啡弄,好好彩唔駛等好耐就入得...我諗5分鐘左右就有位...非常LUCKY!好快左個講普通話既靚女侍應黎落單, 好有禮貌,彎低腰咁解答我地既問題,對比起講廣東話既好10倍!!真係值得一贊....呢個牛角包係餐牌上寫住係限量供應,所以就叫左黎試下..嘩!!!正到不得了..溶左既芝士流出黎,好好味!!呢個咖哩牛腩飯好辣,應該配法包會更好味!只係因為我地都已經ORDER左牛角包,唔想食樣樣都係包,點知就出出事了....哈冰鮮果茶,酸酸地,味道幾特別,又有果肉...其實我好中意食WAFFLE呀,格仔餅之類既野,但呢舊格仔餅,好厚,好飽,感覺有D硬起初得2個人食,但已經叫左3樣野,其實係無可能食得晒嫁...最後呢個份量係4個人先食得晒....…Read More

天氣日日都咁差,今次咁岩放假非常咁好天氣,於是入西貢行下,HEA 下... 行到呢間餐廳,唔起眼既鋪頭, 原本最近睇FACE 有介紹過既葡國菜,人唔多,所以就入去試試...本來想坐外面,但佢話暫時唔開出面...浪費左個咁靚既天氣...侍應好有禮貌,好好的招待...:) 好多野都好想食,又想食三文治,又想食意粉,自己一個都食唔到咁多...只好叫左一個雜菜沙律,一個意粉&一杯Lattte...沙律菜貌相好新鮮,唔會好似一堆梅梅爛爛既菜咁...贊!! 我要求汁要分開上,初頭佢無比隻匙羹我,我都未開聲問拎既時候,有個好似廚師叔叔就已經拎左比我...好好的服務態度!! 食完晒個沙律,好快就上左個意粉比我...太有FINE DINNING 既一個LUNCH...好ENJOY!!個latte係我最估唔到...因為佢係一間普通餐廳,我唔會期望好好飲...最緊要唔難飲...佢都做得唔錯,又大杯..:):)意粉好好味,因為我好怕太濃味,要求小鹽,佢都整得咁出色,抵佢咁既價錢!! 果個葡國腸,有D似食臘腸咁既感覺,但都真係好好味...好大碟...只係order左3樣野,一共$200幾蚊,覺得唔錯的..我咁麻煩既要求,佢地都盡量滿足我,又有水準,服務各樣都好好...如果有得坐出面,可能會更好...下次會再黎!!…Read More

期待以久既一餐,好等我一嚐傳說中既冰滴咖啡!!!是關我好中意飲咖啡 ,所以今次揀左呢間餐廳試一試!!一早10點中就到,所以都唔駛等位.但奇怪就係,一入去就有個員工同我地講英文 ,但佢係亞洲人樣的!佢問左我地一句之後,結果都係我地自己行入去坐低,一早10點幾,都已經有好幾台客人...一般見識既我,出奇地見到有幾位客人台上都有隻紅酒杯,令我更奇怪咁諗,外國人咁早就飲酒?? 原來唔係....後來先知呢杯似紅酒非紅酒既野就係冰滴咖啡!! 真係一大鄉里...坐低左,好快有侍應埋黎問要點d咩,佢地都仲係用英文同我地講野,我地都堅持用中文...我地諗左好耐先諗到叫d咩食咩飲,佢地起我地諗既其間,行左埋黎幾次,搞到我地好似有d唔太relax...一心諗住黎hea下, 點知好似有d迫我地既感覺!!最後我地選擇左以下食物:冰滴咖啡,侍應建議未飲過,飲d淡小小,易入口d既..因為唔識,所以相信, 入口都唔錯,好香,好清,唔算好苦,下次有機會再試就飲高一級...一共埋單咁就$600幾蚊...下次都唔會再黎,佢D服務令我好唔滿意macchiato, 層次都仲keep 到..好香叫左個雞肉沙律,無咩特別,都係同一般沙律無咩分別餐牌上寫住叫BREAKFAST TOWER ,我地想像中佢好勁咁, 但點知原來係咁樣,都幾得SUPRISE..裡面條腸好長,好好味,唔係好咸,又唔硬...:)盲曹魚意粉,味道OK的,但係凍凍地,意粉好UN,有D好似唔夠熟咁..呢個薯條好好正,有3個醬,一個蜜糖介末,一個甜酸醬,仲有一個好似係CREAM 咁既...但3個都好味既...真係唔錯...…Read More

難得放假,想搵起油尖旺附近搵間寧靜既CAFE 坐下,走下走下就黎左呢度...入到店舖,無人的...心諗,正係我所要既野...HAHA有中午套餐,有好幾樣野都想食,但因為我唔中意食白汁,所以就要求轉茄汁... 即叫即整,好好味, 茄汁加香草好味道~叫左一杯咖啡,叫佢比Skimmed milk我,佢地竟然無,有d d 出奇... 出奇地失望唔係佢無skimmed milk, 而係杯咖啡好似係一包包即溶咖啡沖出黎咁,好淡,好難飲,又凍:(我仲加左一個普通凱撒沙律,其實一般雜菜,其實無技術可言,但d 菜唔係咁新鮮囉...:(…Read More

韓國朋友食過舊店推介呢間,佢話呢度D野食都幾似韓國口味,所以朋友生日咁就黎試試~~一早BOOK 左位,所以唔駛等,但6點中上到去已經有2台韓國客人用緊餐...之後陸陸續續都有客人上黎.都好似真係幾旺咁!!餐前小食有8款,都不錯,但無得安哥~~炒由魚,味道好農,唔錯的,但就好細碟...酒煮生蟹,生蟹我身我第一次食,唔知會係咩味,但佢好農酒味之如,仲好咸,咸得好緊要,本想要求退貨,但朋友話算...:(生牛肉,真係最好食係呢個,因為生肉既質素同味道非常之好味,我地追加左一碟~~壽司飯,同韓國街廿蚊一條果D無分別,但真係好好味..HAHA什錦飯, 無咩特別..都係石頭飯好食D...我地仲叫左一個石頭飯同炒年糕... 石頭飯好正,佢整到D 飯焦出黎,真係好正!!相反炒年糕就差左D,D年糕好林,好糊狀,口感好差,好似唔知食緊D咩咁... 總括黎講,個蟹係最難食的…Read More

朋友好中意食馬卡龍，於是見到佢新開，d.包裝又靚，結果一試!7粒為一盒，一共$220，一般黎講街外價，一粒大約25蚊起，呢度一粒30蚊，係就係貴d,但係就真係物有所值! 有好多款味，只係用顏色去揀，問店員有咩推介，佢只係好推介一般比較多人買既推介比我。我問左好似無問甘。哈哈食落去唔太甜，馬卡龍比我印象係超甜，甜到驚，但佢呢d 唔算超甜，外面脆得黎又軟棉棉，真係值得試下…Read More

想試好耐,從舊鋪想到而家搬埋新鋪先試到...book 左台,所以都唔駛等頭盤:一去到,點左個黑松露醬蒜蓉包,個包外脆內軟,口感一流!! 但個醬就覺得無咩特別,都係咁..我地食左2 Round 蠔,係由店員推介,價錢同質素完成係成正比,真係大贊 ,好新鮮,完全合晒我地口味,真係不錯...一客海膽,嘩,呢客海膽鮮甜肥美,真係very good!! 連朋友唔係好食海膽都食左...再黎一個好特別既芝士炸薯粒,黎到先切開個芝士皮,薯粒點落d 軟棉棉既芝士醬度,真係正,但薯粒得好小,所以人多就一定唔夠食,只可以淺嘗...白汁藍青口,本人非常喜愛藍青口,但呢個青口非常一般..無咩特別出色,又唔係難食,只係我個人口味唔係咁中意..主菜:叫左一客菇意粉, 味道唔錯,比起一般意粉算有水準店員推介我地食鹽焗蟹,即管試試,但...好麻麻...可以唔試都得...可能比較中意食凍蟹多d最後叫左個肉眼扒,可能此終海鮮比較出色,扒類就變左配角,麻麻..…Read More

近來好喜愛到sky bar..一來夠凈靜！野食又不錯！最主要開得夜同環境舒服！多士~有6件！可以揀3款口味！揀左：蛋、三文魚他他、牛肉粒！好味！磨菇沙律~熱食的！幾特別！味道就一般牛扒~今次熟過頭所以味道一般！但薯條就超讚！我地仲追加多一客！海鮮湯~2個人係絕對飲唔晒！都幾好味服務生態度一般！經理除外！經理細心推介野食比我地！唔錯如果撞著有波睇會好嘈！…Read More