Markley Chung的個人專頁

琴晚經過尖沙咀美麗華,見自己好耐冇食台灣嘢,於是入咗去春水堂食.坦白講,食物本身同埋環境加服務都算尚可👌,但只係真係覺得佢自從5、6年過江來咗香港,買嚟買去都係嗰啲,又冇新嘅飲食menu出,面相佢見有既食物變得非常冇驚喜.當晚叫咗個 1）鹽酥雞翼滷肉便當 + 2）黑糖琥珀珍珠拿鐵. 先講便當 -- 見到waiter都好有禮貌送上便當,一碗牛丸湯同一隻恆過溫嘅暖湯羹同盤碟. 傳統台灣美食、搭配上日本便當concept去包裝呈現畀客人,呢一點都可以見到台灣深受日本包裝文化嘅影響. 便當分開四格（鹵水蛋、烚菜同菇、白飯加魯肉、鹽酥雞翼）、中間就用醃製蘿蔔隔開（同日本一樣、以作開始進食濃味食物之前清潔口部之用）、鹽酥雞翼炸得外脆內軟而且亦都唔會過於鹹👍呢一部分真係交足功課,一個便當三隻雞翼,冇一隻有失準.但好可惜,其餘三格,媽媽虎虎鹵水蛋口感好似橡膠一樣（好明顯擺咗好耐）、魯肉亦都好乾、油脂部分完全乾成膏狀（變咗食唔到佢個種油香味）,好彩佢哋都仲保留用梅干放上白飯上面,白飯變咗仲有少少甘甜既味道.至於菇同菜...基本上只係滾水烚出嚟,製法冇經過任何思考,所以冇乜好comment🤷牛丸湯就直頭係滾水燙口...然後到咗整晚最失望嘅- 黑糖同琥珀嘅份量完全拿捏錯誤,變咗飲出嚟嘅口感係帶苦嘅味道. 成杯嘢攞嚟打卡就好好睇,但一飲,就意識到另一回事.我幫襯呢間舖頭第一次係喺台灣,到而家計埋香港我諗都有3、4次🤔,總括而言,佢每一次畀到我嘅感覺都算係坐得企理乾淨,舒服唔逼喼,侍應有禮貌. 然而,佢嘅食物持續係一個“不過不失“嘅狀態,本來其實就冇乜特別,但係若果叫兩樣嘢埋單要140蚊再加一,性價比自自然然就拉低咗.更加好味嘅台灣家鄉食品（例如喺荃灣某間夫婦店舖、又或者中環嘅牛肉麵）、出面大把、珍珠奶茶亦都係、咁點解D人要返嚟食呢？春水堂哋嘅定位係點嘅呢？我諗呢啲都係值得諗下👆希望春水堂可以繼續引進多啲唔同食品,同調整一下佢嘅價格同市場策略.💪💪💪（我依然想返嚟食、但係唔係帶住迷惘嘅樣返嚟）…查看更多

首先我想講,呢間分店啲侍應服務好好,有禮貌,但係問題係出咗喺佢哋啲食物度...當其時我入去粉嶺呢間分店其實唔係食蝦面而係想食佢嘅椰漿飯（Nasi Lemak),因為佢喺出面窗廚貼曬椰漿飯啲production shot,睇到好吸引,點知一入去坐低佢哋就話賣曬冇得食,叫我試下其他,咁我都係第一次試佢哋分店,冇乜所謂,於是我就叫咗一個M1五香滷肉配檳城辣醬菜同埋V5是日油菜 - 香爆蝦油馬拉盞通菜煲點知兩款菜式都中伏馬拉盞炒通菜喺個煲入面一開蓋就有一陣好攻鼻嘅魚露攻出嚟,啲菜嘅份量得嗰幾條嘅通菜,一隻手掌掌心嘅份量,若果就咁烚嘅就收20蚊轉馬拉盞就加32蚊.成碟嘢非常之咸,但起碼仲入到口,我呢個都算數啦. M1滷肉配檳城辣菜就真係離譜,喺佢菜單Menu入面影嘅production shot係用一個大嘅原木碟裝住一大個拼盤入面裝住鹵肉同支竹,但結果走出嚟嘅係用一個大概15cm長方形點中式點心碟裝住一條剪碎咗六塊嘅腐竹春捲滷肉,下面只得一塊生菜加兩條酸菜,再用三格碟裝住啲醬,啲腐竹好明顯炸完再返炸,咁樣就收咗68蚊.坦白講,衡量成個晚市用餐嘅經歷,120蚊總數,性價比非常之低,菜淨係靠鹹,滷肉又返炸,真係過唔到合格.…查看更多