kylelung_'s Profile

Lunch Time吾知食咩就會過黎睇有咩好食。今次揀左壽司丼 $36，有金槍魚同三文魚腩，勁肥美可口鮮甜，加左雞蛋粒同青瓜粒，口感豐富。呢個價錢黎講，真係好抵食。…Read More

蟹味噌甲羅燒，蟹殼裏面放左蟹膏同蟹肉，鮮甜美味，略喊，同蟹籽飯一齊食就岩岩好，美中不惜既係紫菜吾夠脆。A4和牛壽喜燒，煲裏有牛肉粒，白菜，菇同豆腐，湯底係平時壽喜燒既甜湯底。A4 和牛真心好食，雖然脂肪睇落比較多，但食落勁重牛味，又滑。大家可以追加烏冬，吸晒湯底精華，好滿足。…Read More

上網Search到呢間，見到裝修同食物都好特別，所以就黎食。海膽蘋果沙律杯，酸酸甜甜好開胃，而且份量吾少，海膽新鮮，同沙律都幾夾，配上雪糕筒皮，口感好脆，都幾特別。上海小籠包，皮薄涵靚，一咬D汁爆出黎，細細個，一啖就食到！花膠瑤柱灌湯餃，好養生，份量同一般酒樓差不多，材料有花膠，瑤柱，豬肉，都吾錯。黑糖薑汁糕伴迷你芋圓，有薑汁糕同迷你芋芋圓，口感好煙韌，配上椰汁，好似食緊糖水咁，中意食芋圓既朋友吾好錯過啦！豉汁蒸排骨，排骨肥瘦適中，又嫩滑，豉汁甜甜地，好好食。魔法四季春奶蓋茶，奶蓋口感厚實，有淡淡芝士味，加埋四季春，真係好夾。…Read More

蘋果清甜、底皮皮脆。薯蓉湯好足料，用黎暖胃好好，勁香，啖啖都係料，唔似齋飲湯咁，好正！當日王牌，大虎蝦伴紐西蘭牛柳。蝦同牛食材都新鮮，好鮮嫩。虎蝦內脆內軟，又大大隻，肉質好鮮甜。牛柳我揀5成熟，廚師拿捏得好好，好正既5成熟。入味又嫩滑，新鮮牛先有咁既效果～個翠玉瓜點樣可以煮得咁爽甜入味？又唔會鹹！其實蘿蔔、西蘭花、玉米仔都有咁既口感味道。我次次黎都係叫呢個，10分滿分俾10分！好神奇，我明明食得好飽，但竟然食得落仲要食晒。可能太好味既關係，芝士cake好正。…Read More

環境清幽，燈光柔和，無需等位。逗留兩個鐘都得啊， 真係好適合下午茶一班朋友嚟食。😁😁迷你buffet都勁多選擇， 經常都會更新啲食物同fulfil返。羅宋湯同埋忌廉湯都好好味。同埋嗰啲泰式嘅薯格薯片真係好值得試。😁😁😁😁牛肉眼，肉眼油脂豐富，肉味濃郁，品嚐後亦唔覺得油膩。肉質鮮嫩，脂肪分布平均，肉質鬆軟入口即化。😍😍😍😍最後凍奶茶，茶夠滑，又唔會太甜，飯後一飲真係好正！😌😌😌😌…Read More

和風沙律，新鮮沙律配上日本和風醬汁，酸酸甜甜好開胃。刺身壽司有三文魚，甜蝦和帶子。壽司師傅即場切俾我地，十分鮮甜，三文魚有一定既厚度，啖啖都充滿住三文魚味。甜蝦同帶子都十分鮮甜爽口。豚角煮雖然有啲肥但油脂十分之香口，肉質十分鮮嫩惹味，入口即融，有經過精心既炮製，一D都吾馬虎。蜆清湯，蜆肉十分清甜可口，可以沖淡之前既濃郁既豚角煮。燒物方面，生蠔，鮮甜可口。牛舌，肉質鮮嫩多汁，加上表皮有燒烤至全黃色，十分惹味，爽口。雞軟骨，爽口彈牙。雞肉串，肉質同樣鮮嫩可口，加上有少少大蔥香味，好食。綠茶蕎麥冷麵放上冰塊上保持冷凍，點上日本豉油醬汁，十分彈口可口，帶有少少綠茶味，十分清新。哈密瓜雪糕，哈密瓜鮮甜爽口，雪糕甜度適中。清酒有淡淡既酒香，清純得黎易入口，大推！      …Read More

我算係老熟客啦，黎過呢度食幾次，發現叫set係超級抵食，千祈唔好散嗌。今次前菜嘅餐湯係忌廉蘑菇湯，好香， 10分比9分啊😁好多肉粒啊，好好味然後黎左飲品，係金菊茶，好解熱氣，又香，添左幾次水。我點左龍蝦窩夫早餐，朋友食過幾啖之後，佢又跟住嗌😂😂😂。因為太好味啦，龍蝦肉好鮮嫩，又入味，肉質一啲都唔老，配合買香濃芝士真係一流。（順帶一提，每個set都有跟薯條，小食就唔好再買薯條啦！）飲咗朋友幾啖嗰榛子咖啡，唔會太苦因為榛子好香，甜甜的。…Read More

呢個地方好適合放工後約埋三五知己黎食野，環境清優，食物性價比高。我地叫左紅咖喱豬仔俾脆脆盒，豬仔脾肉質鮮嫩，口感極佳，配合惹味紅咖哩醬，邪惡指數極高，好快就清晒。另外既海膽醬燒原隻龍蝦蟹肉包亦十份出色，龍蝦鮮甜彈牙，有少少海水鹹味，每啖都充滿龍蝦肉，加上蟹籽既點綴，口感豐富。 薯角外脆內軟，配上鮮茄醬，酸酸甜甜，十分開胃。在甜品方面，我地叫左朱古力香蕉梳乎厘，份量十份足夠，而且入口即溶，有淡淡既蛋白香味，朱古力雪糕充滿粒粒碎朱古力，十分有口感。紅柚菲芷，新鮮制造，甜度適中，帶有少少酸，好開胃。…Read More

今日終於有時間去試御前大江戶！平日晚市都幾多人，好彩穩陣起見都係提前訂咗位。坐底先嚟咗個海鮮拼盤有珍寶級帶子、鮑魚、聖子同蠔。侍應哥哥可能見我地掛住影相就問洗唔洗幫手燒😂 當然好啦（驚自己燒唔熟）因為坐好近爐，燒緊果陣啲香味（尤其放咗牛油之後）同煮汁聲已經搞到流哂口水... 好想問侍應哥哥幾時食得？珍寶帶子真係值得推介，煮熟哂都唔會縮水，洋溢牛油香味嘅帶子入口都無蓋過本身啲鮮味。Overall所有海鮮都幾鮮味，其他無咩特別就唔多講。之後叫咗刺身（三文魚，赤貝，元貝），壽司，海蝦，少少蔬果同埋酒煮蜆。海蝦係一定要試，自己燒熟再加啲鹽，已經好夠味！手握壽司照顧到我呢啲細食嘅輕量級放題選手，啲飯只係得幾粒，如果想食飯就真係要叫佢啲主食😂 壽司個配料絕對冚過哂啲”米粒”。最後有驚喜嘅係酒煮蜆，一粒沙都無。兩個鐘比較多時間嚮玩嘰燒度，成晚體驗都唔錯，但會搞到成身味，件衫一定要洗清清味。…Read More

平民價餐廳，抵食好味！薯條香脆，唔會太重油膩感芝士好香啊～☺️☺️☺️蛋撻同雞翼超正😙😙炸蝦 蝦又鮮薯條一樣都係好香脆必試芝士土匪雞翼feel，雞皮煎得好香，外脆內香、滑、軟！…Read More

我同朋友都一樣覺得份量係少咗好多。隨便加個送到40蚊以上喇， 冇飽肚嘅感覺，唔似以前咁抵食。湯底一如既往都係好味嘅，米線米粉都入味彈牙。不過仍然都係叫左走青但無走到🤣🤣冬菇得三個，好細粒，個「定」好大唔食得🙈。所以真係好唔抵食呀而家， 可能其他分店會好啲。至於環境方面，我之前坐近門口果part就好凍好凍。 今次我入咗去入邊比較安靜area就好焗😩。米線質素整體ok，只係送同米線份量大幅減少，以致唔再覺得抵食😂。…Read More

第二次來喇，今次係食少少辣既麻辣雞肉。比起琴日食酸辣有啲啲失望。唔係太有「麻」果種感覺，湯底非常油膩，米線煮太林，琴日食嘅比較彈牙。但份量超多，又有野飲送😋雞肉幾新鮮健康，雖然不太入味。…Read More

我點嘅係小小辣，奇怪嘅係我明明走晒青，佢都仲有咁多🤣🤣。但整體好好。佢嘅酸辣湯底，酸同辣比例啱啱好，好開胃，唔油膩。份量，比譚仔多5-10%左右，算抵食，以呢一個價錢同埋咁多配菜。肉碎唔多肥肉，好味。墨丸彈牙感同譚仔可以比美！…Read More

米線軟硬適中，墨丸又彈牙👍🏻👍🏻我叫三少辣，辣到都平均，同其他分店到相若既。唔錯唔錯土匪雞翼個外皮好香脆，外脆內軟超好味。皮蛋好多黃呀好香👍🏻👍🏻…Read More

叫set會飽到撐，但好值得叫。飲品呢，附近有水吧可以免費攞水。第一次見到咁多木耳拉麵，份量真係好唔錯。豬骨湯底好濃郁好香。塘心蛋好滑啊。肉量好多好驚喜。菜餃好香👍🏻…Read More