今日真係不吐不快，要同大家分享一單極之離譜嘅遭遇。早排同朋友去餐廳食飯，竟然俾人當係犯咁審！事緣我哋落單叫咗個套餐，點知上菜時硬係話我哋點錯單，個侍應仲要叉住腰企喺度，用啲審犯嘅語氣話：「你哋自己點錯就認啦！」哇！聽到真係火都嚟！我哋明明跟足餐牌編號落單，餐廳自己出錯仲要客人孭鑊？嗰個侍應話「系統顯示就係你哋落錯單」。我想問吓，係唔係要我哋跪地叩頭認錯，你先肯退返啊？講真，香港飲食業競爭咁大，呢間餐廳嘅服務態度已經唔係第一次被人投訴。上次我個fd嚟食飯，都話俾個侍應黑面對待。成日話香港係美食天堂，但俾呢啲害群之馬搞臭個名！唔通而家香港開餐廳，請人唔使睇態度架咩？作為消費者，我哋係嚟享受美食唔係嚟受氣㗎！我哋做客人嘅，態度已經十分之好，問題完全出喺餐廳嘅服務態度上！如果連咁基本嘅尊重都做唔到，真係要認真反省下係咪唔適合做服務業！…Read More
The above review is the personal opinion of a user which does not represent OpenRice's point of view.
1
Dining Method
Dine In
