Harry515's Profile

韓國餐廳前菜加$10，服務態度馬虎，侍應訓練不足，成日聽唔到佢哋講乜lol前菜係幾好食嘅，但係冇得任食就爭啲應該唔會再嚟第二次，下次去返韓國街食開心啲，又平少少…Read More

本身對呢間舖好高期望，但係嚟到食咗個bagel之後好失望。成個bagel都冇烘返熱，想切都切唔到。另外店員都冇乜禮貌，上錯餐一句道歉都冇，搞到我哋呢間餐廳嘅印象更加差。…Read More

嗰陣時放工都大概九點幾，所以就喺附近求其揀咗間餐廳，最後咪嗌左個沙律。份量好少，完全食唔飽，但係個價錢係大概$140 ， 好唔合理。 同事嗌嗰啲粉面，價錢都係$130 $140，咁樣顯得我個沙律貴 lol…Read More

本身仲考慮緊入唔入去，點知店員就好主動低咗張宣傳單張過嚟話有肉送，所以就入咗去。最後咪帶咗兩碟梨汁雞肉，雖然成半年冇食，但係都keep到個水準，雞肉好嫩好甜。另外註冊做會員仲可以送半份炸雞，甜辣炸雞有啲失望，但係薯條就十分好食，唔會話好油。食炑八最大賣點始終都係任加蛋同埋芝士粟米，我嗰陣都好似加咗大概四至五次，可惜嘅係由於黃大仙店嘅店員唔多，有陣時要舉好耐手先有店員見到。不過整體而言呢間韓燒店始終係我心目中嘅第一！…Read More

嗰日放工都成8點9點，附近好多餐廳都閂晒，最後尾就心血來潮想食台灣野所以就嚟咗呢度。坐低嗰陣餐廳都唔係好多人。最後咪嗌左呢一個野雜菜麵，十分難食。唔知點解個醬汁同埋啲菜都係酸嘅，一路諗緊係咪佢壞咗一路照食😂依家諗返佢係應該真係壞咗個湯底亦都平平無奇，或者可以話係中下水平，冇乜鮮甜嘅味道，亦都十分清淡，唔係我期望嘅水準。中環嘅台灣野質素都有啲參差，如果唔介意嘅話寧願行遠少少去灣仔或者上環嗰邊食，同樣價位應該有更加多選擇…Read More

嗰日放完工都八點幾，附近食完拉麵之後就想搵一啲甜品嚟食下，行咗大概兩三分鐘之後就嚟到呢間Gelato小店。一球就58兩球68 ，所以最後咪嗌左兩球。餐廳推介嘅味道係焦糖海鹽同埋開心果，我哋最尾就係嗌左呢兩個味。焦糖海鹽嘅味道平衡得好好，唔會太甜又唔會太鹹，兩者嘅味道都唔會太腸， 10分出色，暫時係我食過最好味嘅焦糖海鹽味雪糕。開心果味就反而有啲平平無奇，仲有少少過甜，不過都係出色嘅！不過舖頭有啲細所以可能要行出出面食…Read More

嗰日咁啱去黃大仙廟，所以就想喺附近搵吓啲有冇好食嘅餐廳。同行嘅有人就搵到一間曾經獲得米芝蓮推介嘅餐廳，所以就入咗嚟。價錢比我想像中平，我哋叫咗小籠包，擔擔面，同埋一個雜菜煲。小籠包係推介嘅美食，皮薄餡靚，暫時係我食過最好食嘅小籠包。雜菜粉絲煲就有啲平平無奇，可能因為佢冇加蒜蓉所以整體感覺唔係太夠味。餐廳有70年歷史，應該算係老字號。食物整體來講算係中上，所以大家可以一試！我見佢每日都有減價嘅菜式，大家嚟到可以望一望！…Read More

慶祝生日所以去半島Gaddis食飯未入到去已經好有氣氛餐前嘅包係幾出色Appetiser 係帶子，層次好豐富Main course真係好普通，賣相係幾好但味道真係冇乜甜品rum savarin 甜到好恐怖，最後食淨一半😂服務馬虎得可怕。當日係慶祝生日所以餐廳有送生日卡，不過唔知點解張卡寫嘅係我個名(即係book枱嘅人嘅名)，而餐廳事前亦冇向我查詢生日嗰位嘅名，好有趣。收我咁貴點知一張生日卡都咁馬虎，有啲失望…Read More

為咗慶祝生日早咗成個月就去 book位5月1號下晝打過去 估唔到一下就打通咗前菜係粟米車厘茄同埋醬油啫喱茄子，同埋櫻花蝦蒸蛋，食材好新鮮不過唔係太識欣賞個蒸蛋，味道有啲複雜主角當然係呢四片A4牛肉，係幾好食嘅，亦都有白飯同埋日本蛋嚟送牛肉。不過個師傅煮得好匆忙，有時未食晒間場嘅蔬菜佢又即刻煮牛肉，之後問咗侍應先知原來師傅半個鐘之後有另一枱要serve，所以冇得煮慢啲。呢個價位嘅餐廳估唔到會係咁樣嘅服務lol…Read More

呢間餐廳好出名，所以我就搵日同frd 約weekday lunch，點知就中晒伏！我地叫咗最出名嘅牛角包🥐，一上枱我地成枱都嚇親，佢竟然係凍㗎！又冇牛油香味，好似擺左好耐咁😰之後上main，佢啲份量好少，我地一行四人都食唔飽要餓住返office😓😓$168嘅hen都幾件，唯有返office嘅pantry搵野食🥲最嬲係當初見佢open rice book有30%off 先去試，落單嘅時候waiter都講明有優惠，結果買單嘅時候先搵個外國黎話冇優惠，話淨係得信用卡優惠10%off，有冇搞錯🤬🤬明明本身個waiter話會比返個七折我地，之後又冇咗回事，要我地硬食正價，好唔老實🤬冷氣又唔夠涼，又坐得迫，餐廳位置又難搵，一定冇下次…Read More