WongYuet0916的個人專頁

男朋友生日，見到openrice好多好評，就帶左佢黎食，298$一位，另外加左$58翡翠螺一份（4隻），同埋大連鮑魚2隻$68。本身打算和牛海鮮盛，但鮑魚轉左做元貝，就無叫到。🐠🐟🐡唔海鮮種類加錢嘅海鮮種類其實好小，就算加錢嘅翡翠螺一般般，唔鮮甜。鮑魚就唔錯。牛肩肉，豬頸肉，三文魚骨，菠蘿，煙肉車厘茄都可以一試。最失望嘅係個日秋葵賣晒。服務一般般，啲碟放左好耐都無人汁，但舖頭並唔係好忙，雛雞可能因為即燒，叫左30-45分鐘先有。海鮮都係要我地問佢先拎價錢比我地睇，如果無睇openrice嘅朋友可能連有海鮮都唔知。到左之後帶我地埋位，完全無講過個爐係點用，枱上面分別係咩馬醬汁（分別有三種，無標明，肉眼睇比較難分辨，我都係睇openrice先知係咩醬），服務同食物款式質素唔值呢個價。賣單2位$8xx。…查看更多

琴晚去左食晚餐，加完一兩位$392。🤔🤔完全係因為個芝士炸雞所以去嘅，芝士炸雞okla，刺身壽司都新鮮，但反卷個啲勁多飯，手卷都係🙄唔係好掂。串燒天婦羅都不過不失，我叫左蕃薯天婦羅叫左三、四次都無黎過。甜品選擇多，但味道一般，除左但焦糖菠蘿ok之外，雪糕個日得返曲奇味，無咩曲奇味🌚。放題黎講選擇都多嘅，但係有啲黎得好慢，本身以為漏單再叫過，點知就走先黎手卷😭，漏單唔算好嚴重但係都有嘅。…查看更多

去左長洲三日兩夜，踩左兩次門釘🙄，第三日終於開舖。芒果煎糯米飯 $35我最中意呢個，芒果好鮮甜，啲飯就煎得啱啱好。手撕海南雞飯 $35希望可以醬同飯分開會更好，我唔想要太多醬又會係咁hi到，整體都okay。青流特飲 $28呢個真係我唔like嘅，雖然店員有提過係含酒精嘅，但無諗過咁重啤酒味，因為我同男朋友都唔中意太重啤酒味嘅所以就叫左罐可樂無繼續飲。😖店內裝潢好用心，但位置有啲逼，不過食物上得好快，同埋係新鮮熱辣，加分👍🏻👍🏻…查看更多

👎🏻👎🏻👎🏻👎🏻唔係好滿意嘅火鍋。第一次食咁小海鮮嘅火鍋放題，得我唔食嘅青口😭。醬料仲要得辣椒，辣椒醬，蒜蓉同䜴油。雞煲得個辣字又唔夠香。羊肉唔係好新鮮，唯一好食嘅係芝心丸😒😒😒。其他都係一般般，而且啲啊姐好惡☹️唔會有紙巾提供，位置都有啲逼，唔會再去。…查看更多

今晚想過下炸雞癮～平平地就黎左呢間食，價錢係平，但味道真係麻麻地😟。座位都好逼，得兩張痴埋嘅摺枱。甜辣雞塊，$36/10件。價錢好平，但味道就真係一般😢。係炸左啲雞再淋甜辣醬係面頭😵，同外面做法完全唔同，甜辣醬係m記個種味，最尾係食唔晒。泡菜煎餅，$30係淋身嘅，太少泡菜係入面。蜂蜜芥末味炸魷魚鬚，$20啲醬佢係真係比勁少你！每條淨係點到一滴都無嘅份量！最尾叫佢加返多少少醬比我地，但都係加左dd😞😞。（圖入面嘅醬已經係所有😓）…查看更多

今日朝早同男朋友飲早茶（2點先入座😂😂），唔洗等位，都幾少人下。無openrice啲人講到咁天上有地下無，款式好少，連蘿蔔榚馬蹄糕都無。價錢黎講都偏貴，無咩特別好味特別驚喜。值得推介嘅有～😉北菇綿花雞 爽肚蒸燒賣爽肚真係好爽但無乜味，燒賣賣相雖然一般般，但好足料，啖啖都係蝦同菇。一般嘅～蒸鳳爪同外味嘅醬汁唔同，比較咸啲，我覺得外面嘅醬汁更加夾，會有小小怪。叉燒包不過不失，無咩特別唔提議嘅～蒜茸蒸鮮魷無蒜茸味，成碟好似水煮咁。…查看更多

今次同男朋友第一次黎食。我就叫左奶油豬仔包 $20脆口，烘得啱啱好。飲品叫左什菓冰 $25味道比較似橙汁，有啲酸，再加罐頭雜果？無咩特別。男朋友叫左校長多士 $25味道係唔錯嘅，芝士加黑松露都幾特別。西瓜沙冰 唔記得幾錢唔夠冰，無咩西瓜味，落左好多糖水。另外仲加左個炸雞脾 $18個皮好薄，啲肉太乾，一般般。…查看更多

睇劇前食飯，去左將軍澳嘅FoodPoint，選擇原來都幾多元化，今次就試左銀咖哩。富士山咖哩飯🍛🍛 $75 （另外加左芝士同炸蝦，唔記得幾錢）聽個名都好有睇頭，聲稱重1.5kg架，我就同我男朋友share食，係食唔晒架🖖🏻主打咖哩嘅店舖反而咖哩一般般，咖哩唔係熱嘅，只可以話係暖，少少辣味都無。加錢嘅芝士🧀係融唔到嘅。蛋🍳有小小過熟無咁好味。炸蝦🍤就唔錯👍🏻👍🏻，食得出係即炸嘅。其他餸就無咩特別。不過就價錢而言都算唔錯。…查看更多

終於第二次黎KCcafe😭，今次同男朋友過黎，個日係閒日比較少人，有機會同到卡比同熊大影相😭（上次黎比人逼住晒）。我都係點左上次嘅紫薯latte $32一試返唔到轉頭😋😋。男朋友就點左薄荷朱古力沙冰 $38無沙冰嘅感覺，試左一啖覺得係滿口牙膏嘅味道😂就無再試。今次仲試左包，芝味四重奏墨汁意大利包 $43其實幾好味嘅，好啱啲芝士愛好者，如果唔係超級喜歡嘅真係會覺得有啲膩，因為除左芝士都係得芝士，如果加啲火腿粒我覺得會好啲，因為膩到我食唔晒成件🤔🤔仲有泡菜呑拿魚紫菜飯 $37我覺得正過火腿煙肉，無咁乾身，少飯多餸👍🏻👍🏻最後加多張大合照，無去一個月都無，就多左好多新公仔喇😆😆…查看更多

第一次黎呢間食，感覺好似做左水魚咁😥😥。叫左碗車仔面，因為係男朋友食嘅，所以淨係試左小小餸。墨魚丸比出面嘅細粒好多，無咩味，比較似白魚蛋多啲。雞翼就不過不失，算係最好。不過十蚊一個餸車仔面黎講都幾唔抵食。另外叫左2份牛柏葉1份八爪魚 $10一份係整嘅途中整跌左一件八爪魚，就咁比返粒魚蛋就算🙄🙄🙄（好彩無叫魚蛋，完全唔彈牙）。味道就無咩特別。雀巢/汽水都10蚊一罐，外帶飲品又話要收10蚊，食到最尾我出左去買野飲算🙄🙄🙄。…查看更多

男朋友帶左我黎氷屋食冰，係instagram 都久仰大名左好耐，終於有機會黎食。🍧等左大概45-60分鐘（個日係星期四），店內空間唔算大，記得要留返小小時間等位。今次就叫左兩個黎試下，白桃味🍑🍑🍑（季節限定）$75我係個白桃愛好者，不過想係有小小失望，白桃味唔重，驚喜嘅係除左外面有白桃粒之外，冰入面都有架👍🏻。比外面做得好嘅係中間個層都係有好得白桃汁，唔會話成到最底就無味😋😋，不過味道就真係有啲太淡。草莓special味🍓🍓 $78叫呢個除左因為中意食草莓之外，店舖仲有列明係銷量第一架！（我覺得呢個設計幾好，方便第一次黎嘅客人😆），上面舊草莓好大都好酸😂比較重奶味，似士多啤梨奶多啲🤔🤔唔會甜到好漏啱啱好，醬汁都好係好足料👍🏻👍🏻好評。雖然座位有小小逼，等嘅時間都有小小耐😂不過都值得嘅，老闆好似係日本人黎👱🏻員工都好有禮貌，做事都好快手，叫完之後5分鐘都無就有lu😋😋。下次會想試下宇治金時。…查看更多

book左枱收工之後同男朋友一齊食晚餐，有好多遊戲玩（其實我都係貪多遊戲同埋收得夜先去），但食物質素都係意料之外嘅好。班尼蛋卡邦尼意粉$78好香濃，份量都ok多，一食就食唔停口👍🏻👍🏻芝士薯條$40芝士份量好多，唔會得面頭有，唔會膩，但同時芝士味好香。男朋友本身話無胃口但都食左幾多下👾👾。柚子香橙特飲$40佢嘅飲品都係有小小貴，但味道其實係類似柚子蜜，無咩特別。坐左2個鐘先走，有時間會再去。…查看更多

食左咁耐終於有時間打返個差評。比想像中好失望，款式真係好少，質素都唔高。香芒椰子macaron，真係唔得，林身。炸雪糕，比較好嘅一個，但有陣拎到返去已經融左。芒果燕窩tart，無燕窩味，唔錯嘅，但但tart皮唔係好掂。有芒果布甸，味道係出面個啲布甸粉味。最好味嘅都係自己整嘅窩夫，但醬得花生醬，我唔食花生醬要就咁食，好失望。…查看更多

因為生日，男朋友帶左我黎食自助餐，提早左一個月book枱，佢話會盡量安排窗口位，但都係無窗口位坐，有小小失望☹️。佢用餐時間係6.30-10，一開始仲以為有限時。食物質素好好，員工都好有禮貌，海鮮我比較like翡翠螺，好鮮甜，完全無沙，生蠔同蝦男朋友就話幾好味，蝦係會幫你mok埋，好貼心😆，試左一隻唔會好腥好咸最回本嘅龍蝦男朋友就話一般般，無咩味長腳蟹好新鮮，比外面自助餐嘅質素好好多，重蟹味又唔會過咸。另外仲有蜆，青口等等好多選擇，會不斷上新👍🏻👍🏻👍🏻。另外要推介羊架，燒得啱啱好。鵝肝。刺身，好新鮮。仲有燒帶子。甜品水準好驚喜，款式好多，有炒雪糕。雪糕推介白桃同雲呢嗱，一試難忘，出面食唔到嘅味道🙊。芒果糯米飯，飯好似係有班蘭味？仲有啲榴槤嘅甜品，男朋友話雪糕好香好重味（我勁遠都聞到，真係好勁榴槤味）最後走之前更係要食生果，睇到都覺新鮮✊🏻✊🏻✊🏻，其實仲有好多野食無食到，種類都好多選擇。飲品係走之前先會有一杯😟😟，但我地10點10分左右走都無人吹過我地，全程都食得好舒服，重點係風景好靚，下次聖誕會再去，十分期待，晚餐大約$770一位，間中去食一次我覺得值呢個價👍🏻👍🏻…查看更多

平時都比較少食元氣，因為印象中都係比較貴，今次就同朋友黎食下午茶，兩個夾埋$14x，兩個都食到勁食飽勁滿足。🍣🍣揀個烏冬+小食+壽司盤都係$40幾蚊咋！我仲另外加左個手卷(+$9)，同埋拎左個千層蛋糕。所有野都好有水準，個北海道玉米薯餅好讚👍🏻👍🏻。下午茶餐要等15-20分鐘左右，下次想再食元氣都係等下午茶先去🙈🙈。…查看更多