Lala10's Profile

啲腸粉黐埋一pat，叉燒腸粉啲叉燒硬掘掘，超級難食，啲豉油唔知係咪落咗味精，食完非常頸渴， 送嗰杯豆漿難飲到飲咗一啖就要掉，而且店員態度非常差， 呼呼喝喝，好似唔憂做咁，買咗個外賣，呼喝你出門外等，咁冇問題嘅，你店舖細呀嘛，咁之後返轉頭攞， 原來就咁求其喺店舖外面窗口，問佢幾次呢個外賣係咪我嘅，又唔答，又冇紙寫住係啲乜嘢嚟嘅，邊個攞咗都唔知， 求其一個街外人經過都可以攞走，又唔知又冇畀人掂過，亂七八糟，blacklist…Read More

想飲杯正宗凍奶茶， 諗住呢啲熟食中心嘅凍奶茶都唔會點樣失手，點知咁難飲。上午時段，沒有ABC早餐供應，只可散叫。咁簡單啲，煎蛋麵凍奶茶，煎蛋ok冇問題，個麵就擺明係平嘢，勁難食; 至於個凍奶茶，可以咁講，我寧願飲麥記嗰杯凍奶茶，佢個凍奶茶又淡仲有一陣怪味，好似燒仙草嘅味，極難飲。凍飲佢仲有分大細杯（ 因為聽到隔離枱嗌大杯）， 杯凍奶茶比平時飲開嘅杯size細咗四分一， 不過咁難飲，都係飲唔晒。 最後埋單$41，早知過隔離食麥記/大快活冇咁嬲。…Read More

屋企人話想食鐵板燒， 睇勻曬成個太古城原來都冇乜其他選擇，夜晚八點，都坐滿9成， 因為帶住小朋友唔食得太多嘢，所以冇點套餐，散叫唔算貴，和牛炒飯$98，小朋友大叫好食，帶子$68／2粒，麻麻地，可以唔叫，炒雜菜$68，又係炒得好好食，蒜蓉味好香，洋蔥炒牛舌$68，個汁好惹味，食到唔停得口，嘢食基本上都好好食，唯一係飲品冇乜選擇， 小朋友唔想飲汽水只可以飲清水，連果汁也沒有， 如果菜單上可以加多點飲品選擇就更好…Read More

諗住試但叫過早餐食， 好平常嘅沙嗲牛麵早餐，點知嚟到極其難食，個面底係福麵， 成碗麵都係個幅面嘅味精味，即係煮都唔使煮搵滾水浸淋嗰隻，上到枱仲係硬掘掘，個沙爹牛肉呢一啲沙嗲都冇，食落去仲有啲黑椒㖭，應該係啲黑椒牛扒賣唔曬，用嚟當沙爹牛肉賣，垃圾成咁！ 即係平價覆面上面加少少隔夜黑椒牛肉。杯奶茶都叫正正常常嘅，仲有個炒蛋炒到水汪汪，極度懷疑個廚師係唔識煮嘢，多士硬掘掘，牛油都冇，直接放棄掉落垃圾桶， 唔怪得閒嘢成日都冇人。…Read More

見餐牌寫住期間限定黑糖琥珀珍珠拿鐵，諗住試下啦，杯嘢嚟到，賣相已經唔得，飲落去，冇乜味，大半杯都係冰，個底 又好多珍珠喎，結果成杯嘢搞唔喐， 又飲唔到，味道又唔好，堂食又要用膠杯， 唔環保，間嘢名過其實。 老實講，麥當勞嗰杯好飲過佢，連加一要42蚊，一半都唔值。可能又因為隔離嘅張枱有個細路嘈得太緊要，成間店嘅環境非常嘈吵，冇咗茶館應有嘅休閒，原本想試下其他啲嘢食， 但因為個環境麻麻，飲完杯嘢都係拿拿聲走人，呢間嘢應該冇下次。…Read More

住呢度啲食評寫到間餐廳，幾咁靚，幾咁華麗，既然嚟到，都試一試啦。住咗一晚酒店，之前一晚食咗 迪士尼另一間餐廳嘅自助晚餐，都係食佢個牌子，嘢食都係好一般。 對呢間餐廳有啲期望，點知都係失望而回。先講環境，冇想像中咁靚，可能因為其他人放得出嚟嘅相都加咗特別效果，正正常常一間餐廳， 我食既係半自助午餐，連加一大概500蚊一位，頭盤 自助任拎，其實就冇乜選擇嘅，沙律生果連餐包加起上嚟唔多過十款可選，而且拎曬冇人補充，有一段時間食物枱得返一半頭盤食物（ 即係得返四碟係又食物可以拎）， 主菜我叫咗黑毛豬意大利飯，黑毛豬乾爭爭，個飯又鹹，很難食； 甜品都有五六款，都係自助任拎，造型幾靚，但都係麻麻地好食，總括嚟講，嘢食啲樣幾靚，打下卡唔錯，未到就認真麻麻。…Read More

以前嘅招牌可真係好好食，越做越多分店水準就越唔穩定，而家做咁多外賣，水準就更加每況愈下，今次可能係旺區，啲阿姐態度惡劣，招牌湯河啲春卷就冇乜問題，可能因為中央攞貨，但係個湯底認真唔掂， 淡而無味，要落魚露醋同大量辣椒油，進食期間， 幾位排隊等取餐既食客一陣騷動大叫' 嘩! 好大隻呀!' 當然唔會話塊豬扒好大隻😅，廚房同啲阿姐又走出嚟睇，大家估下係乜嘢，我就快手食埋條春卷走人。 總括嚟講嘢食唔得，衛生唔得，效率唔高。…Read More

成日心思思想食outback嘅黑糖包，同事告知原來可以買外賣， 終於外賣兩條返屋企慢慢食，外賣點餐後，店員會每條黑糖包跟一小盒cream，可以要求不翻熱，回家自己翻熱才吃，跟在餐廳一樣咁好食。…Read More

飲茶諗唔到食乜嘢，路過入嚟食個漢堡，堂食冇人，見有下午茶餐，叫咗一份下午茶餐：兩個迷你漢堡加飲品，漢堡好食，麵包烘到好脆，食咗20分鐘，見好多速遞員出出入入，非常多外賣單。下次再試正常size嘅漢堡。…Read More

星期日嚟下午茶，自助撳飛排隊等位，等咗大概半個鐘就有枱，算係ok，食物同環境都可以，係有個黑衫黑裙嘅黑面經理，我地三個人，檯面只係得兩份刀叉同碟，請佢比多一份我地，面黑兼發晒脾氣叫其他人攞，到叫埋單又係黑面發晒脾氣叫其他人攞張單過嚟（ 冇辦法唔叫佢，佢因為我張枱附近真係見唔到有其他侍應）。 講番嘢食，可能因為下午茶， 意粉真係好細碟， 但窩夫都幾好食。當日招牌咖啡冇貨，轉咗做炭燒咖啡，正常水準。 由於服務實在惡劣，短期內不會再幫襯。…Read More

星期日晚上七點半，點了一份漢堡薯條晚餐配熱咖啡，收銀已經講明要等20分鐘，ok冇問題，反正唔太肚餓，坐低玩下電話，杯咖啡大概五分鐘送到， 繼續飲住咖啡玩電話，唔覺唔覺時間過，等到8點10分都仲未有嘢食，問一問店員，應該漏咗單，再等多10分鐘就有嘢食啦， 佢話我杯咖啡凍咗，就補番杯比我，薯條熱辣辣，ok幾好食，漢堡扒係好味嘅， 係兩塊包唔夠熱囉，基本上味道係ok嘅，個包實在太高，冇辦法拎起嚟食。…Read More