Kat__mama's Profile

拉咗個同事同我試呢間餐廳，平日2點半左右嚟到無咩人，叫佢個set lunch仲可以free-flow iced tea，坐耐少少都唔會有人趕。我哋2個決定試佢個set lunch，同事叫咗個burger，我就要咗個fish of the day:🥣Potato and Leek呢個湯又好味喎，大蔥味好出，如果唔鍾意呢個味嘅我建議唔好試，但我就覺得唔錯，暖暖哋，杰度適中，我唔好大蔥但都覺得好味👍🏼🍔Vienna SchnitzelBurger賣相吸引，同事話好食，我就淨係偷咗幾條薯條食，雖然係幼薯條但都炸到好脆好惹味👍🏼🐟Sea Bream FilletFish of the day 係呢個，魚煎到皮脆肉嫩，好香口，杏鮑菇好juicy，再跟咗薯蓉同甘筍，我清咗碟❤️因為仲要做嘢，所以就算叫咗iced tea都只係飲到一杯就走，但其實佢好大杯，即使係bottomless 我覺得最多都係飲多一杯都會好飽，呢呢個lunch 170蚊左右埋單，忙裡偷閒我又覺得ok喎😜…Read More

同老公偷咗2個鐘出去拍拖，暫時無得去旅行住所以揀咗間日本嘢試。入返正題，因為撞正lunch時間，所以好多人，好彩入早少少咋，遲一個都要開始等位喇！叫完嘢食佢會上湯🥣同前菜，湯係可以嘅，好多料又唔咸，再有個中華沙律同芝麻醬沙律🥗，之後有2粒迷你版紅豆大福🫘做甜品。🐟蒲燒鰻魚飯 $118呢個係我老公食，我一啖都無試，俾唔到評價，只可以睇賣相😝🍣壽司御膳 $208呢個我可以講喇，D魚生好新鮮，我最鍾意嘅左口魚裙邊超級好食，入口接近唔洗咬就吞咗，其他都好鮮甜，唔逐件講啦，我只可以話下次要預多少少時間去單點壽司同刺身食呀❤️今餐好滿意❤️…Read More

同2隻🦖玩完勁攰，搵個地方坐吓就嚟咗呢度。呢度好方便嘅，因為同佢哋喺附近玩完，落一層行前少少就有餐廳食嘢。🍱明太子慢煮雞肉蛋包飯雞肉好食呀，唔鞋口都夠味，不過係嫌個炒飯咸咗少少，如果想share俾小朋友食感覺有D濃味。但係連蛋同明太子一齊食，少少辣辣地又幾好味😂🍗蜜糖無骨炸雞（半份）呢個佢哋2仔爺食，半份都好多，仲有年糕同粗薯條🍟跟埋，淋滿蜜糖，我無食到，但見2父子差不多清晒😝爸爸話個炸雞唔錯，我信佢㗎因為佢試過幾間，呢間佢係第一間話好食❤️…Read More

放假就係要悠閑，呢日係去完家長會之後搵嘢食…English breakfast 🍳 都正常嘅，蛋都好滑，但嗰2塊ham真係好鞋好乾，唔係香口脆口嗰隻，咬咗2啖我已經放棄🤷🏻‍♀️U.S. Premium Beef Burger 🍔 正常嘢，無嘢要介紹😂可以試反而加錢食個雪糕 🍦好食，佢有得揀牛奶、抹茶同扭紋，咁我緊係要扭紋試晒2隻味，抹茶味好夠🍵牛奶味係香同滑嘅👍🏼…Read More

結婚週年👰🏻‍♀️，好重儀式感嘅老公（無錯佢係重過我㗎😘）知道我鍾意食日本嘢🇯🇵，所以搵咗呢間日本餐廳去食個lunch慶祝🎉然後返屋企繼續湊仔😂餐廳好大，我哋揀咗個tatami位，即刻就先叫個 🍣廚師發板手握壽司9貫，一嚟到我第一啖就試佢個海膽先，係鮮甜嘅，已經即刻加分，其他都好鮮味，唔逐件講啦，整體係好值得試嘅！🦀吞拿魚蓉松葉蟹肉卷好「啖啖肉」，吞拿魚同松葉蟹肉好夾，又係好鮮甜，你會想食完一件再夾第二件咁囉😋🥚明太子玉子燒不嬲都鍾意食玉子燒，所以都想試吓，有蛋香但其實無咩特別。🍲A4宮崎和牛壽喜燒浩爸係因為search到呢個而嚟，賣點係可以另加棉花糖，變成棉花糖壽喜燒，打卡影相係唔錯嘅，但呢個棉花糖要加$40，所以如果只係想食個鍋物，其實可以唔需要。牛肉係刺身級和牛🥩，所以只要淥兩吓就夠，好嫩好滑，雪花分布平均，如果唔夠可以另外再加，一片片咁加都得，好flexible👍🏼，其他配料都好足，滿意😊服務態度仲好好，主要serve我哋個女仔好有禮貌，知道我哋係慶祝結婚週年，拎個甜品出嚟之後主動問洗唔洗幫我哋影相，又問我哋寫嘅字靚唔靚o唔ok。呢度仲有private room，環境服務食物都ok👍🏼…Read More