trunks33's Profile

兩位食2小時，叫左和牛套餐，但d和牛勁「鞋」，肉嘅品質完全配唔上哩個價錢，埋單成9百幾蚊，仲要連隻雞蛋都要另加加錢，但個蛋黃打出黎d色一d都唔靚，都唔知係咪真係日本蛋.......好啦，d肉唔得，諗住食個雪糕走人啦，點知連雪糕都唔係獨立包裝嘅，裝雪糕個筒個底仲要裂開嘅，睇到都唔敢畢黎食.......講埋飲品，選擇個人覺得算少，連個熱水機都係壞嘅...... 勁後悔加時到兩個鐘，實在唔好食所以未夠個半鐘就走左，以後唔會再去不過店員態度和服務都ok嘅，純粹是食物唔得…Read More

見新開張諗住去幫襯下，咁早就關門真係冇諗過，希望只係新開業未調整好營業時間。8點半係香港係正常食飯時間，好多人先啱啱放工去食飯，去到唔比入真係呆左，有其他客人同我地差不多時間去到冇得食都覺得不可思議。其他壽司郎都唔係咁早關門，哩間暫時真係好特別，大家去之前記得睇住時間！…Read More

第一次黎，叫左員工姐姐介紹既北海豐盛丼，200蚊都唔洗，好足料，成碗飯啖啖都有料，食晒魚生都仲有好多ikura, 冇得去日本漁市場食，食住哩個先都非常ok！😍 最後因為抵唔住誘惑加左隻生蛋，有蛋就係唔同d，加埋 豉油就係無敵！跟飯送既miso soup都好多料，幾好飲，唔太鹹。朋友叫左個爆盛慢燒牛肉丼，我偷左塊牛肉黎試，半生熟唔算太乾，個醬幾好味。員工服務都好好，親切有禮貌，斟茶斟得密，環境亦乾淨舒服。…Read More

本來見到有玫瑰賣相好靚所以叫黎試下，結果玫瑰就冇啦，仲變左隻豬......不過pancake texture ok, 個士多啤梨mousse 幾香同唔甜，啱我口味。不過都係希望可以比返朵玫瑰我......…Read More