偉少's Profile

先唔講食物味道同質素，如果大家想慢慢品嘗食物，對唔住，呢度唔得！店員會不時望住你食嘢既進度，睇你食完未，一食完即收走，成個晚餐食得好有壓力，好似監獄X雲d阿sir監視你咁，你一路食佢一路喺你身邊行嚟行去𥄫住你，十分趕客！其實我成餐飯都係差唔多食左一個鐘左右，何必咁chur呢。食物方面，味道都可以，但趕客既表現，已令我唔想再俾多次機會佢，所以一次就夠！剛剛再睇返其他人既食評，原來都有其他人同我既經歷差唔多。…Read More

老夫子係我童年最鍾意漫畫，呢間餐廳俾返少少童年回憶我，先講講座位，如果5–8人黎食一定要有耐性，我5個人食最終要坐4人卡位，其中一位係5歲小朋友，勉強可以坐到，但都差唔多等左45-60分鐘，再講講服務質素，我叫雜扒餐，但小弟因宗教關係唔食牛，諗住改豬扒或其他，但無得改，而且入座後唔會主動俾杯水你，ok唔收加一服務費無乜服務都正常，最後就講我份雜扒配黑椒汁，無乜野講只有一個字《咸》，最後我既評語就係好睇唔好食…Read More

我其實唔係成日會寫食唔評既人，但發覺食店有問題必定出聲，希望大家唔好中伏，上星期五同班Friend去食，其實今次係第二次食呢間，還記得第一次食，各方面都唔錯，但今次就質素已下降不少，最令人不滿就是服務態度，我book 6:30, 應該食到8:30, 但8:10有個樓面同我地講，夠鐘要交枱，咁我話乜唔係至到8:30咩？跟住佢就走開左，10分鐘後，又有樓面走埋黎要執走d野，ok,反正我食緊甜品，其實食2個鐘既時間都唔太多，佢地仲要偷我地時間，真係有點過份囉！…Read More

我同老婆叫左兩樣外賣，蕃薯糖水加湯圓同薑汁手工湯圓，蕃薯好似無乜味，湯圓就覺得最唔值，出去買番黎自己煮個D仲好味，但個薑汁係可以一讚，小小辣我個人覺得剛剛夠！另外等呢兩個糖水外賣竟然等半個鐘.....唔通係即叫即包湯圓？…Read More