conniekung's Profile

20211110今日對我嚟講係一個非常特別而一言難盡嘅日子。好開心可以喺平昌見到去年嘅工作人員，坐到去年嘅座位，可以回想好多開心難忘往事⋯⋯。服務態度依舊咁好、有禮貌、細心；食物水準依然咁高質、食物整潔新鮮；有多款飲料任君選擇，當中有韓國啤酒同韓國汽水𠻹😋😋😋😋😋。喺韓國，生日嘅人都會飲碗海帶湯嚟慶生，既然你都韓國人開嘅餐廳，我都入鄉隨俗下先😂😋。今日好開心可以喺平昌品嚐到一餐富有懷念味道嘅好料理，真係超級滿足👍🏼。…Read More

今日係呀女生日🎂，兩母女嚟咗山頂⛰️凌霄閣慢活。過咗食晏時間🕒見到呢間日本餐廳🇯🇵依然照常營業，環境亦可以，午餐又未食，就決定入去刷番餐啦！服務員好有禮貌，先送上兩杯熱水，但係大熱天時，點飲呢？所以叫佢換兩杯凍水，點知佢話餐廳只供應熱水，連室溫水都冇，😳咁熱嘅天氣⋯⋯🤦🏻‍♀️都冇計㗎，人哋話冇，可以點呢😅？肚又餓，繼續點餐啦，叫咗四款嘢食～吉列廣島蠔(2隻)$48、炸七味雞翼(3隻)$55、吉列豬扒黑咖喱飯🍛$118、滑蛋豬太郎丼🥚🐷🍚$108，嚟到山頂食嘢，咁嘅價錢唔算貴😊。點完餐職員就放一張我哋嘅點餐紙喺枱上面，😳😅第一個感覺係🤔喺山頂凌霄閣裹面嘅日式餐廳食嘢，一個墊點餐紙嘅板都冇😧？！食物陸續送上，首先嚟到嘅係黑咖喱飯，原本抱有期望嘅咖哩飯，喺上枱後變成完全失望，豬扒唔脆唔在講、連飯都竟然有好似冷飯嘅硬飯粒喺度😰🤦🏻‍♀️，仲差過茶記啲水準😂😅，同職員講，佢都話好奇怪🤣🤣🤣，見今日呀女生日唔想唔開心，只係同佢講，快啲入廚房留意啲飯，唔好再俾其他客人食到😂🙈。再嚟豬太郎丼都只可以俾50分，蛋唔滑、豬扒淋，啲飯有汁唔夠爽。七味雞翼唔知係咪要自𢹂七味粉加㗎呢？😂😂食唔到味道，唯有加檸檬汁先有少少酸味😂😂。炸蠔喺今次呢餐算係最好嘅，都有70分啦，細隻蠔有蠔味，不過粉漿超厚（可能要多粉漿炸出嚟先感覺隻蠔大隻🤣🤣🤣🤣🤣。我同阿女都覺得好搞嘢嘅係，叫埋單後，個職員真係就咁拎住張紙仔過嚟向我收錢，我俾錢係比落去佢隻手度🤣🤣🤣，日本人最唔接受咁嘅收付款方式，但係竟然喺山頂凌霄閣裏面嘅日式餐廳就俾我遇到啦！呢間餐廳我唔會再嚟第二次，除非有人話我知佢哋大改革咗啦！…Read More

20210317。12:45今日收得早，專程約朋友揸車🚘入流浮山搵一間出名食排骨飯🐷🍚嘅餐廳「生利茶餐廳」。泊好車，由正街沿路行入去過咗球場冇幾遠，左面有一條巷仔，轉入去三幾個舖位就係啦！坐低先叫兩碗排骨飯，老闆話啱啱蒸緊所以要等十零分鐘，啲人講得咁好食😋，等下無所謂啦😉！餐廳裏頭嘅環境算可以接受嘅，乾淨光猛有冷氣，只係裝修仲停留咗喺六七十年代🙈😂。等咗差不多成廿分鐘，排骨飯終於出爐啦😍，姐姐拎住碗熱騰騰嘅飯，各人仲有一隻吉碗一隻匙羹，姐姐仲話排骨飯啱啱蒸出嚟「好好食㗎」，原來隻吉碗係俾我哋將嗰碗啱啱蒸好嘅排骨飯倒落去慢慢食嘅，否則隻蒸飯碗實在係太～～熱～～啦！碗飯嘅份量係普通屋企飯碗大概250ml咁上下，至於排骨飯嘅味道感覺如何呢🤔？排骨好新鮮，稍嫌豉油味重咗有啲啲咸😅，飯嘅軟硬度算唔錯，因為食剛剛出爐嘅飯而味道唔太差嘅都會覺得好好食㗎喇，所以並唔覺得好突出。我另外仲叫咗一杯菠蘿紅豆冰，菠蘿係用罐頭菠蘿，紅豆煮得夠稔甜，一杯兒時喜愛飲品真係冇得頂🥰🥰🥰。總括嚟講，專程開車入嚟食就⋯⋯，如果路經或者順便買海味就係唔錯嘅選擇😊😊…Read More

喺5月訂咗枱，但係竟然喺約定時間舖頭冇開😂😅，仲要冇通知，到咗門口先自己發現冇開門，講真真係好掃興，因為當日係同呀女慶祝生日😂😅。今日總算了咗件心事可以「一償素願」試吓呢間餐廳啦🤣😂！餐廳唔係好大，所以枱唔多，因為疫情關係，所以亦架起咗隔板，更顯迫夾；但係客人並冇因為呢個原因而少咗，只有一張四人枱吉咗出嚟👍🏼。樓面有兩位好有禮貌嘅員工喺度做嘢，真係好有禮貌㗎，我同老公訂咗枱嘅，但係早咗20分鐘到，其中一位小姐好有禮貌咁行出嚟門口幫我查證，好快帶我埋位；落單嘅時候都好用心去解釋，全程兩位小姐都面帶笑容去服務每一位客人👍🏼👍🏼👍🏼😊。我今日揀咗嘅食物係：1.）香草醬法式羊架配薯角$178 加配洋蔥湯、蒜蓉包、飲品、甜品$452.）秘製BBQ雞翼(4隻)$423.）芝士燒蠔(2隻)$484.）蒜蓉燒加拿大扇貝(2隻)$48我除咗羊腩煲之外，其他羊嘅煮法都唔鐘意食，今次老公俾咗一小啖要我試，雖然仍然感覺到有臊味，但係可以接受，而且肉質好嫩滑，不過嗰個香草醬就不敢恭維啦😂。BBQ雞翼味道的確唔錯，不過雞翼真係好細隻🤣。芝士燒蠔食唔到隻蠔嘅鮮味，燒嘅時間可能過咗火，所以隻蠔縮得好細好實。扇貝其中有一隻縮到只得少少肉😂🤣，廚師用咗大量嘅蒜蓉本想遮蓋啲雪氣味，所以只係食到蒜蓉味一粒嘢😂🤣😂🤣😂🤣！雖然食物好一般，但係呢度嘅工作人員好勤力用心，佢哋嘅熱誠服務，我係會繼續再嚟嘅，希望大家加油💪🏼，食物質素提高返啲更好😅😊💪🏼💪🏼💪🏼！…Read More

第一次接觸樓上食肆，而且仲係工廠區裏面某工廠大廈o既食肆。喺工廠區喎，得唔得o架？甜品放題，會唔會真係甜到漏o架？反正有四位超級好同學、朋友陪著一齊，咁就即管一試啦！喺「開飯啦」裏面預訂咗枱之後，餐廳好快有人聯絡我確認訂位，效率同禮貌都一流，已經留咗一個好好o既印象。餐廳o既放題其實係由15:00-17:30，但係我預訂咗14:15，早咗嘍！餐廳o既負責人(下述簡稱G)唔知道我哋其實只係想食甜品放題，所以好負責任咁向我哋解釋午餐有啲乜嘢o既選擇，呢個時候，我哋好負責任o既班長即刻向G表示我哋o既來意，G不但冇黑面同反面，仲好好笑容咁講冇問題，可以比我哋等到夠鐘先落單叫甜品。但係我哋其實都係未食晏晝，考慮緊要唔要叫嘢食o既時候，G又提醒我哋因為係「開飯啦」訂位關係，所以午餐會有折扣，我哋好開心咁即刻揀咗三款午餐齊齊分享！講真心味道唔係太突出，但係以咁平o既價錢可以食到呢個水準已經好得啦！放題時間一到，服務員即刻遞上甜品單比我哋選擇，真係每個服務員都笑容滿面o架！我哋五個大細佬望著張落單紙好開心咁又嘈完一輪，結果係15款甜品都暫時各叫兩個份量！甜品真係得喎！唔係嗰啲甜到漏，食完一件就唔想再添嗰種，當然我哋都唔會例外，一定會添加柯打啦！更加值得稱讚o既係呢間餐廳聘用咗一批聽覺唔靈敏o既人士，G會提示我哋佢呢間餐廳o既服務員可能未必完全聽到或表達到，而且餐飲o既餐牌後面有手語可以學習溝通o添。但係我哋就唔覺得有咩大問題嘍！因為佢哋服務態度誠懇、有禮、滿臉笑容；比起喺茶記好多o既熟手老練侍應好千倍啦！所以呢間樓上餐廳真係值得嚟為佢哋打氣…Read More

當日係星期五，同老公去完蝴蝶灣拜完觀音，跟住就過咗蝴蝶邨商場搵茶樓飲茶食點心，一上電梯就見到呢間酒樓冇人等位，咪行埋去攞位囉，點知門口個姐姐都話要等等，原來唔搭枱就要等一陣，(因為啱啱有張枱埋單。)大約等咗十分鐘咁上下，一行入去就已經聽到好嘈，仲勁過街市，街坊茶樓冇辦法啦，啲師奶可能喺買餸前先約埋飲餐茶、吹吓水咁啦，就當入鄉隨俗啦！唔好計較咁多，其實都算食得過o既。…Read More

[勁離譜的一間日式食肆。今日放咗日語班就約個女去食壽司，好耐都無去過金水，所以咪去食囉。去到o既時候太約晚上8:50分，攞位嗰個姐姐仔已經態度差，想話同亞女去第二間食，但又驚行到去都係冇位，(因為自己望過張紙，知道大約第二個就輪到我哋。)咁咪等多一陣囉，都唔係等好耐啫就可以入去，佢比咗迴轉位我哋，座底時拉櫈位姐姐已經好似好唔忿氣咁大大力去拉，(當佢唔覺意大力咗！)舉手叫嘢食，竟然有兩個人行過我背後都當睇唔到我隻手，(重要其一個o既衣著好似係主任或經理嗰類。)我自己論盡唔小心倒瀉咗杯茶，又一個好大o既竟然囉？？？冇人會攞條毛巾比我抹o架，唔好話要佢抹，比條布我自己抹都好呀，冇噃！(無奈囉！！！:(:(:(同個女好努力咁攞自己啲紙巾索咗好多水，張紙都濕晒嘞，咪叫啲姐姐幫我換咗佢囉，精彩環節出現喇！我都自己攞住晒啲碟呀、筷子呀咁o架啦，佢可以就咁將嗰張紙放喺濕嗰張上面o架，係咪精彩呢？？？唔駛5秒張剛鋪上去o既紙都濕埋，:(:(:(都唔知鋪嚟做咩！都濕晒緊係唔用啦！但佢哋冇人會攞過第二張乾o既比我喎，真頂隱！終於都叫咗嘢食，送食物嚟嗰個都好嘢o架，啲食物就咁放喺我個女同另一位客人中間就算數，咩都冇講o架，要自己認頭o架，唔係就冇得食！呀女食一客三文魚壽司，得嗰兩件仔，又唔新鮮，食到有骨架，從未試過食三文魚壽司會有骨o架，奇聞呀！！！個肥牛烏冬就得個「鹹」字；西京燒銀鱈魚就嘥咗，新鮮但時間耐咗，所以做得唔夠嫩滑；火炙和牛亦都係嫌過火，老咗啲；火炙燒鰻魚就中規中矩啦。最後叫埋單，找埋數連多謝都冇一句o架。老實講，做餐廳樓面o既唔係做賣笑o既，不過客人入到嚟都唔係嚟尋仇啫，使唔使咁黑面喎？你黑面時，客人都對你黑面，何必呢？？？咁樣對客人法，叫人點樣比Tips呢？…Read More

好嘢！又有一間好嘢食嘞！一入餐廳，第一眼見到裏面都好乾淨，有人會招呼問你幾多位，又會儘快送上茶問你食啲咩，好有親切感，好有老街坊feel。:):):)坐低後老公就要咗碟鹹魚雞粒炒飯同凍啡；我就要叉燒鮑片米同菊花蜜。從未食過一間食肆啲米粉係咁滑同唔碎o架，因為好多都係滑得嚟就碎晒、一係就o鞋拾拾，老闆娘好好o架，菜都比其他人多啲o架；杯菊蜜對我嚟講就啱啱好，唔會過甜。:):):)(不過就要因人而異嘞！)老公個飯就要等多一陣，(大約五至十分鐘)因為係逐碟炒，好夠鑊氣，呢間舖頭個師傅煮o既食物全部係逐碟炒o架，佢唔會一次過炒幾碟或者炒定先咁樣上比客人囉，感受到佢o既用心，夠熱之餘重好香噴噴，未入口已經聞到陣味令到你漏口水想去食，師傅好嘢！咁樣留客o既方法真係一流。:):):)老公話杯啡都好掂！價錢算公道，佢午餐時重會有蒸魚、蒸肉餅o添噃！下次再試過先得！…Read More

以前幫襯呢間舖頭只會選擇食蝦子麵或撈麵，甚至買蝦子麵返屋企煮。因為好耐都無食過伊麵，兩公婆專登去試吓啲伊麵，伊麵要煮得好食，一啲都唔容易，時間要掌控得好先至會做到香、滑、軟綿，但又唔會軟綿到或者腍到一pat嘢咁囉。而且伊麵通常都比較貴，呢間就要另加每碗五大元，唔係問題，好食就得嘞！今次叫咗兩碗雲吞伊麵，伊麵煮既時間都尚可，但有油臆味；雲吞有少少變壞o既味道，可能同天氣熱，廚房處理問題有關。一碟生菜，蠔油味道剛剛好，唔會太鹹，不過菜就少咗啲。重有一碗牛腩蘿蔔，呢碗都算係今餐o既代表作，蘿蔔香不在話，無渣又清甜；牛腩腍度剛剛好，一咬就OK，唔痴牙，好滑(因為有牛筋)好香但唔會冚過蘿蔔味，互相配合得宜，所以蘿蔔同牛腩真係絕佳o既好拍檔。…Read More

因為喺屋企樓下o既關係，咁多年嚟都冇想過要介紹佢，但就話咗比好多朋友知同帶過朋友去食嘢，每個朋友都話佢呢度啲啡同茶都好正，連洪水橋間茶王都冇佢咁香喎！我以前飲檸檬茶已經覺得冇第二間有佢咁香濃，而家飲好立克就唔覺有邊間會好似佢咁捨得用咁多粉去沖，我就唔駛落糖o添。呢度啲麵食全部首選都係用出前一丁麵，唔駛加錢o架。而我個女就每次都係食「生福麵」。咩叫「生福麵」呢？固明思義就係一個福麵加入調味粉同熱水後就儘快食用，因為咁樣個麵就可以保存佢o既脆度同跟住麵o既軟度，兩種感覺，喺一碗麵裏邊可以享受到，你哋話係咪好正呢！我今次就試咗叉燒餐肉生福麵同香濃好立克，老公就食雞翼米粉，漢堡扒同太陽蛋。老闆紹無欺場，依然咁好食。佢哋除咗早餐我覺得好食之外，佢哋o既午餐都好正添，我最喜愛o既有支竹蓮藕炆腩仔，好多料o既例湯(一啲都唔例水o架)，食完個午餐都係$32.00，份量多到我可以同個大食仔兩份食o架，$32.00午餐兩個人食，你哋話去邊度食呀！…Read More

同老公去到筲箕灣啲餐廳食完個晏，想話都飽嘞，行吓逛吓就算啦！點知經過呢間名不經轉o既小食店，看似賣台灣食品，點知個名叫做「香港第一小食」，可能啲嘢食都要嚟香港旅遊啦。比佢哋放喺門外啲嘢食吸引住......係咩嚟？我見到有炸粉果呀！蒸粉果已經唔係咁多舖頭做得好食，重要炸喎，緊係要試一試佢啦。唔試尤自可，一試就不得了。老闆娘重送埋啲炸菜過我試吓o添，嘩！真係攞啲西蘭花、椰菜花、豆角炸喎。以為會好乾同油，點知一啲都唔油，又脆又有蔬菜o既甜味，重好Juice o添，超讚！講返個炸粉果啦，外面好酥香，粉果皮並冇炸到好硬，仍然好軟滑，裏面又香口、惹味，每件都細細舊，一啖就放晒入口，好有咬口，好QQ的感覺，難以形容。最主要就係價錢平到都唔知有冇可能搵到第二間，有o既就請留言比我去試啦，因為呢間舖重有其它嘢食我都好想試o架，Thanks！…Read More

好耐都冇嚟過呢間粥舖食粥嘞，好開心:)，今日去完醫院，老公就帶我嚟重回舊地，同老公喺車度已經講好咗今日要食咩粥，好期待呢！點知，原本我想叫o既魚卜粥，唔比落單，因為啲魚卜而家唔夠賣、又貴，所以佢哋就只賣薑葱炒魚卜囉！:(最後我就叫咗一碗超勁好味、又大碗o既魚腩、粉腸加肉丸粥嘞！老公叫咗個及第粥，一碟炸面(即係油炸鬼)，重有個重點推介炒魚卜啦。我碗粥啲魚腩多到瀉，肉丸又甜，係啲粉腸唔係太夠腍，差啲啲，同埋冇咗以前嗰種風味囉，老闆除咗喺而家近門口個位煲粥之外，重要喺巷仔近門口度煲o架，攞比客人上枱時啲生菜多到喺碗粥上面好似一座菜山咁，你話嗰陣時點會唔多人食粥呢！我老公以前好鐘意食嗰度啲魚皮，但今次就冇食，唔知水準有冇變。啲粥都重係好好味道，當然有些少師傅啦，所以食完都有少少頸渴，不過難得一次，冇所謂啦！…Read More

Yummy!Yummy!舊年睇過蘇Good介紹呢間餐廳，只覺得係呀蘇自己覺得好食啫，唔係太相信會有咁大o既驚喜。就係呢一日，心情有啲悶，兩公婆喳架車去咗筲箕灣東大街嗰頭行吓，散吓悶囉！到達時已經12點有多，經過呢間舖，嘩:(！人山人海呀！見又未食嘢，咪一心要去試吓個龍躉炒河係咪咁得先囉！雖則佢哋係有「人滿之患」，但啲侍應真係好招待，一見有人行入間舖就會即刻招呼問幾多位，儘量安排，唔會待慢你o架。唔駛等就比我哋見到門口有兩個位，緊係嗱嗱聲埋位啦！第一時間問老闆娘有冇龍躉片，有就要炒河，真好彩，不過想試吓個炒菜就冇嘞！因為午市可能做唔切o既關係，冇得落單囉！最終兩公婆叫咗個龍躉片炒河，兩杯凍飲，個炒河食唔到佢有味精，龍躉片好新鮮、好鮮甜、唔會一夾就散，肉質好爽脆，又好滑，食完後再飲埋杯凍檸茶，個口都仲有啲龍躉片o既味道，你話正唔正啦？埋單都唔駛$100，去邊度食到咁平o既、又咁新鮮o既海魚呢？我就話只此一家嘞！讚讚讚！:):):)…Read More

今天原本想食韓國鐵板燒，但老公又話想去又一棧飲茶，去到見到話3時就茶市完，望吓個錶成2點5個字，重點敢入去呢！去咗樓下間翰騰閣，之前個姪孫擺滿月食過，茶市就未試過嘞，咪入咗去試吓囉‧都OK，冇話個個掛著收枱收嘢唔理客人‧叫咗茶睇緊點心紙o既時候，有個姐姐走埋嚟話佢哋午市有做啲燉湯，一個人份量都夠兩個人飲，問我哋試唔試？咪試吓個豬肺湯囉，點知賣晒，就改試個木瓜燉山斑啦！之後再叫多5款點心，兩款炸物好新鮮，即叫即炸嗰種；小籠包就要趁熱食嘞！好快個皮就硬，裏面啲湯又唔多夠；柚皮鴨掌，老公嫌柚皮太稔，鴨掌算入味，唔太咸；個湯裏面有花膠、雞腳、瘦肉一齊燉，都好甜；最後就要介紹一下我今餐o既最愛「露筍帶子腸粉」，真係好正，想番都想即刻去食過，但切記唔好落咁多豉油，否則就會搶走帶子o既鮮甜(老公話帶子細粒咗)‧雖然帶子細細粒，但配合腸粉o既滑，同整條腸粉都係帶子，並冇唔足料，原來帶子配合腸粉比鮮蝦配合腸粉嚟得更絕配呢(不過一定要新鮮)！不過埋單連貼士要$300.00，一個午餐嚟講就見人見志啦！…Read More

當天提早打電話預約座位,所以去到都唔駛等.一行四人去到時剛剛7點半,都未見爆棚.因為係母親節關係.有部份食品欠奉.都幾失望.第一時間緊係叫三文魚腩刺身同三文魚壽司啦,三文魚都新鮮.呀女話舊飯咁細o既, 我就話啱啱好,可以食到其它嘢嘛!呀仔叫咗個肥牛烏冬,個湯底就幾好,肥牛新鮮,不過嫌過火咗.個汁燒牛柳壽司就因為少汁所以乾到好難哽.不過我哋都再叫多兩客,但就特別吩咐今次要多汁o既.(因為想比多個機會佢哋).果然好咗好多.其他天婦羅都冇得叫.因為人手問題.呀女話個鹽燒三文魚皮好好味.我o既吉列豬扒鳥冬就唔多掂,皮厚肉薄唔夠Juice.係就係好大件,但真係好睇唔好食囉.小食又款式少.佢哋解釋話做唔切.算啦!見佢哋真係人好少o架.一間舖頭o既樓面連知客連收銀連打雜都係得兩個人,我同老公就估廚房可能都係得兩個人,即係話大節流流一間食肆只得四個人做嘢.不過要值得一大讚o既就係樓面個妹妹,一個人做嘢,客人又不停咁叫呢樣,叫嗰樣,佢都無發脾氣,重有笑容添,真係Good Fit!今次無影相,下次再去時一定影比各位睇睇.…Read More