Tk1985's Profile

吹大咗好多嘅壽司郎居酒屋😅錢多可以考慮一試🍣難得呢排公司冇咩工開，早收專登成班同事出嚟搵食，點知齊齊伏咗⋯可能係Tea Time時間，入座冇想像中難。服務:門口服務生口齒不清，態度敷衍。好似未訓醒咁，完全聽唔清楚佢介紹D咩。坐底水/茶都冇杯，睇左餐牌先知綠茶要收10蚊...食物方面🍣🍱⋯都差種類唔多，蝦同帶子上邊加呢加路 $30蚊1件，說好的CP高呢?😳見第一次試，每款叫D試下啦~除以下幾款壽司以外，其他都正常壽司郎質素，除左價錢💸乾杯三文魚 - 似擺耐左接近腐x既急凍三文魚大拖羅壽司 - 成塊都係筋竟然端上來了！仲要腥呀大佬！！中拖壽司 - 正常Aeon水準貨色魚子醬壽司 - 都知係平價仿魚子，但重點係點解成陣雪藏味，D飯硬到一個點...仲勁鹹沙甸/池魚壽司 - 腥得黎帶酸，飲返杯可能先接受到wasabi冇味。壽司飯都整得唔好食，機捏既飯都可以咁散。壽司料同飯分離，鋪上去都據兩下呀...我諗已經係我食過最難食既壽司⋯！價錢唔係平，味道實在太差！！！(埋單冇叫酒水3千幾)刺身雪藏味重，有筋，有腥味。除左差都俾唔到其他評價，簡直慘不忍睹⋯池魚骨 - 秒上,凍,硬蒸蛋 - 最早嗌，第三輪先上枱，係熱嘅，可惜只係食到魚子腥味，劣食其他一般以下...總括嚟講，壽司郎居酒屋真係被人吹大咗好多，壽司質素差到不得了。唔使排隊 未試過 錢多純粹諗住平平地飲下清酒可以考慮一試🍣，但如果心態係想食野，就可免了。入黎前都睇過下食評，期待唔高，但依然好大落差。絕無下次…Read More

一直有幫襯呢間壽司小店，今晚幾個好友相聚。諗住去食，點知到左原本店面竟然冇開！心內一沉，唔係執左呀 。定休息呢，行前一睇：哦！搬左。上網睇返用map揾到，但原來的小店升級了，空間感大左，個人認為座位大到有點空洞感 見間野靚仔左，D野食好在冇咩加價！經濟例牌必叫激安壽司：十蚊件，當然推介啦！新鮮呢碟件件十蚊，正 加拿大海膽刺身$138／半板，有跟壽司飯冇影到，味道比顏色吸引！另外試左想試好耐既黑松露壽司，口味好重！但我本身好黑松露，可以接受 一邊食一邊飲下Sake,飲到咁上下，其他野食冇影到啦！ 總之價錢經濟，新鮮。值得推介平時好少寫食評，但俾嗰句：第一個食評吸引左我！嘿嘿…Read More

前幾天又再來到裕一品，這幾天工作都很忙！現在才有時間寫下野 鐘意食辣野，冇咩理由唔試下：lunch時間$29蚊起就已經有交易，灣仔黎講 經濟～ 打卡仲有小食8折，即係十零蚊就食到如：麻辣雞翼尖，拍青瓜之類既小食。(仲有好多其他小食，冇影到)黎既時候已經係下午茶，冇咩人！但位置唔多，廿零個位。我食到一半已經坐左唔小人，應該大部份都係熟客仔，見店員同D客都幾好傾。下午茶抵食，两個餸送埋汽水都係$26。我就貪心D,叫左五個餸加特飲都係$48！但相當滿足 至於野食，水準保持得好，辣得黎又唔太咸～D料比起嘜哥米線做得有心機，連粒魚旦都唔求其，並非街邊炸魚蛋普通貨；值得一讚 …Read More

又黎到一個人的午餐時間。 呢排食得粉麵多，諗住搵下有冇其他野食下！跟住醒起同事俾左張争色鮮八送一卷我。而灣仔中人寿大厦距離我都近，諗唔到食咩，是旦啦！ 平時都有食其他大牌寿司店，對寿司都有D心德。但老老實實，入得黎都係預左只求飽肚……坐低個人熱辣辣，見凍飲當然秒殺。可惜140ml两啖真係會飲完 ！三文魚當然都一定要食啦！顔色都okay~夾起先知出事，裂開的三文魚刺身，極淋加室溫…… 呢款赤蝦，在我記憶中～味道鮮甜，原隻都幾大隻，應該可取。難怪迴轉帶上有咁多隻都冇咩人攞；個問題係點食，一不小心連蝦腸食一定成口蝦便便… 另外室溫關係蝦味好重。吞拿魚很難咬，味道正常應該因為仲凍凍地。油甘魚八蚊件算抵食，但冇咩魚味。中式感覺的尤魚小食，食落臭臭地 跟住已經唔知食咩好，睇住張八送一卷，食左六碟加一包飲品冇咩理由唔食埋佢。等等等等等…等極都冇再拎得落手的……最後都係放棄左～或者可能這間連鎖唔啱我，唔啱對食物有少少要求既人！…Read More