Sky-b's Profile

今次黎到位於北角，米芝蓮推介既印度餐廳新分店!!!!羅勒印度餐廳係香港已經十多年,一直係香港人食印度菜既首選,餐廳內既員工都係地地道道既印度人，今次叫左啲平時多人叫既單點野食，佢地都有套餐揀既。牛油雞（＄104）紅咖哩汁本身非常濃稠，入面有蕃茄、紅蘿蔔等作烹調，味道偏甜少少。咁雞肉就都有10舊左右，本身都相當嫩滑又無骨，而家唔辣又易入口。加上面頭有溶左既牛油，自己撈一撈個汁又更香更滑。椰奶咖哩羊肉（＄128）咖哩汁本身都係非常濃稠，加上用椰奶同香料去烹煮出黎，令咖哩汁香氣更特出。咁羊肉都係有10舊左右，可能咖哩較為濃味少少，所以食落羊騷味又唔算好勁，羊肉都夠淋。佢本來都有少少微辣既，想辣啲既朋友仔落單時都可以叫師傅加辣架。黑松露烤餅（＄32）一共有4片烤餅，每片上面都有適量既黑松露醬。就咁食既話有少少少「煤氣味」既幽香，烤餅外層夠脆，內層又夠煙韌，口感都唔錯。之後我就分別沾左牛油雞既紅咖哩，同咖哩羊肉既咖哩汁，味道又唔同，真係各有特色啊！牛肉串燒（＄128）牛肉串燒係鐵板上既，到面前都仲係熱辣辣出曬煙，咁個牛肉係配搭上兩種唔同嘅醬汁淋上面食，其中包括薄荷醬同酸酸地既梅醬。mango Lassi（＄48）滿滿一杯自家製芒果酸奶，飲落有芒果既甜又有少少酸奶既微酸，芒果味酸奶味都非常夠。口感濃郁醇厚，質地又夠滑，大人細佬都一定like😍餐廳內既裝修主要都係以紅金色為主，裏面既凳都係梳化質感，坐得都幾舒服。餐廳中間有個大大既水晶燈，兩面牆上都有以金色雕刻作相框既掛畫，同曾經米芝蓮推介既獎牌等，非常有印度既感覺😆…Read More

新鮮生蠔有少少清微咸味道，但又冇海水既死咸。夠新鮮，又爽又嫩滑，又夠肥美大隻。另有檸檬同兩種汁配搭，辣汁會易入口少少，醋會令蠔既鮮味更特出。北海道元貝沙律元貝上有金箔，黑色的蟹籽，元貝底有牛油果蓉邊上有薄荷香草汁，用作點沙律中的脆脆食。牛肝菌濃湯蘑菇墊底上台，淋上熱辣辣既湯汁，湯汁有少少糊狀既感覺，非常濃郁。另外有薄餅脆脆，淋上濃湯同菇係上面一齊入口又係另一種口感。香蒜辣椒意粉未食已經聞到有蒜香味，意粉上都有好多片微燶既蒜片入口微脆，意粉入口非常彈牙煙韌有咬口炭燒穀飼美國頂級牛肉眼10oz我地叫左七成熟，牛扒外層有香草碎，切開都有少少肉汁。佢係有炭燒煙燻過既牛扒，所以食落有炭香味，口感又香又有外脆內嫩既感覺，有芥末醬同燒汁兩款可以點牛扒。牛扒下有秀珍菇鋪底，邊上有馬鈴薯，蕃茄仔同蔬菜作裝飾。朱古力撻配雪糕朱古力撻係用黑朱古力做撻心配上曲奇撻皮，邊上有奧利奧碎同雪糕，朱古力片亦上有芒果醬及紅桑子薄荷葉等作點綴。芒果拿破崙配雪糕拿破崙上面有奧利奧雪糕同芒果醬，拿破崙中間有芒果粒芒果醬同忌廉，配上酥酥脆脆既三層酥皮，入口既層次非常多重，但又做到甜而不膩， 直情食五停口。以上咁多款食物，除咗芒果拿破崙，其他係餐廳嘅dinner set，只需＄788就有得食到咁多樣野🤗而家餐廳既服務非常好，一入黎坐會有人幫你拉凳。食野中途每一道菜之間就會換一次碟， 令你有乾淨嘅碟去品嚐每一道唔同味道嘅菜，唔會夾雜其他菜既味。而且水杯既水未飲晒都會提早幫你加水😆…Read More

今日去黃大仙中心見到呢間韓閣，環境幾靚，野食既價格親民，於是就決定入去試下韓式米酒辣雞煲（＄108）可配炊飯（+＄10）雞煲嚟到之後加入米酒煮滾就可以食，雞件都嫩滑，入口嘅味道甜甜辣辣好惹味， 而且有洋蔥燈籠椒韭菜等調味，入面仲有年糕同埋菇類，支竹做配料超豐盛燒蟹膏軟殼蟹手卷（＄98）一份有成十舊大大舊既手卷， 每舊手卷上面都有燒蟹膏同蟹籽，而軟殼蟹就夾住係個飯糰入面，仲有青瓜等等既其他配料，份量十足鐵板牛肉歡樂盤（＄198）可配韓國泡麵（+＄12） 鐵板牛肉嘅外圍有爐邊蛋、味飯、泡菜同醃蘿蔔。中間有滑蛋、牛肉、雜菜，另外加左個韓國泡麵配上佢既拉絲芝士撈埋一齊食，真係視覺味覺既雙重享受🥰特飲超大杯既沙冰，飲落有芒果菠蘿青檸既味道，係炎熱既夏天飲反啖真係透心涼，望落杯野都好 colorful，非常岩同朋友仔黎打卡甜品泡芙上面有士多啤梨醬，個底有少少焦糖配上忌廉泡芙有少少甜中帶微酸既感覺，五會覺得好滯，非常適合鍾意食甜品既朋友仔小食大大隻既炸雞翼，外皮炸到金黃色脆扑扑，正！價格方面都係平靚正，而且佢全日都免收加一，特定時段堂食，全日外賣都有85折。另外當月生日既話滿＄500有生日優惠全單85折，而且仲送特飲同甜品，上載埋生日特飲上FB或IG Tag韓閣再送小食添！生日嘅朋友仔千祈唔好錯過🤗…Read More

今日約左朋友食完lunch晏就去踩單車🚴，於是決定同朋友去試下大埔超級城呢間滿屋，食飽飽先有力去曬太陽做運動😆呢間餐廳有唔同既放題套餐可以選擇，當然每個放題套餐包含既食物種類款式都唔同，咁今次我地叫左個套餐A經典放題120分鐘，食物款式其實已經有好多。出面有自助bar，有好多唔同既炸物、冷盤、沙律菜、甜品及生果任君選擇。刺身方面，今次都係叫左啲魚生、甜蝦、赤蝦、帶子、赤貝等。當中象拨蚌同泰式虎蝦都較為出色。象拨蚌口感爽脆，而且每舊刺身切得都夠大條，食落去啖啖肉。泰式虎蝦肉質都好爽同彈牙，如果加上辣汁配搭埋一定會更加好味。壽司方面，我就鍾意灸燒三文魚壽司，佢加上少少沙律醬，個種入口就感受到既魚油同肥美既口感真係好正。另外仲有左口魚壽司，都係較為油脂豐滿，有入口即溶既感覺。依家連日式餐廳都有麻辣小龍蝦， 不過今次食得太多喇，個肚放五落咁多嘢所以冇叫到， 有機會返嚟再試🤣另外仲有朱古力噴泉配搭棉花糖，真係唔多地方有，成班朋友或者一家大細去都可以又玩又食，而且仲有幾款唔同既棉花糖可以點朱古力醬添。呢度都有好多唔同嘅罐裝飲品，可樂啤酒樣樣齊，但最特別係佢有清酒同梅酒都可以任飲架😆…Read More

今日lunch約左朋友係銅鑼灣食飯，路過見到呢間餐廳有午市定食（包60分鐘自助區任飲任）都幾抵，最平78就有定食同60分鐘自助餐， 於是決定同朋友入去試下。 我叫咗個日式咖哩吉列豬扒飯（＄98）， 朋友叫咗個蒲燒鰻魚飯（＄128）。咖哩吉列豬扒飯既豬扒表面炸好鬆脆，但里面既肉質又唔會好鞋好乾，配上咖哩汁都好正，但成個飯餸再熱少少既話會更加香口。蒲燒鰻魚飯既鰻魚就都好大塊，啖啖肉。兩個飯配上中華沙律都好正，中華沙律非常爽口。而且佢都係健康產品，非常有營養食用價值高，可以降血壓和增強血管組織的作用。到自助餐區，我地一叫完定食餐就出左去揾食。咁都有啲炸物，炒飯等等十幾樣野食同野飲可以選擇，對於午市定食黎講就都算好多野食，物廉價美。最後就係佢既榴槤炸彈同雪條。榴槤炸彈出面炸得非常脆，但咬落去又即刻有流心爆出黎，仲要佢既流心非常軟會流動的，五係個啲固身硬身既漿糊狀咁。雪條就有六七款唔同口味既雪條同有糯米糍。但最特別既係荔枝海鹽雪條，岩開包裝就有荔枝味撲鼻而來，而且中間都係流心既😆餐廳環境都較為乾淨企理，坐位都算闊落，以木為主的裝修，黃色既燈光望落非常温馨，加上有綠色植物點綴。而家門口仲有個展示櫃放左啲裝飾見到都覺得好有氛圍感。…Read More

中秋佳節當然同屋企人一齊過架啦～食下生果食下月餅賞下月🌕今晚係壽喜燒之夜～極力推介City Super 既生蠔🦪，好高質，細隻既比較creamy，大隻既好有生蠔既鮮，唔算重海水味，吊到生蠔既鮮味😋👍🏻A5和牛同韓牛都係City Super買，試試有咩分別，壽喜燒點可以無和牛架😆生果係app 買，即時落單，半個鐘就送到，唔洗自己拎得咁辛苦，做會員每月俾$40，就免運費，其實成日買既話係慳到好多運費，最正就係凌晨都送貨，不過就一個鐘左右送到，真係好方便，凌晨睇波想食薯片而又唔想落街，無問題啦😁…Read More

今日想食壽司，諗起上次係深水埗外賣壽司返屋企果次質素唔錯，平靚正，所以決定今日收工後去深水埗千之味買外賣。鋪頭環境舒適，企理，仲有好多日本風既擺設，我上次真係睇漏眼。今晚叫左個「千之味壽司盛F」$298，入面有「赤身吞拿魚」、「左口魚」、「墨魚」、「赤貝」、「油甘魚」、「三文魚吞拿魚蓉飯卷」各4件。樣樣都好新鮮，我覺得「三文魚吞拿魚蓉飯卷」幾特別，三文魚同吞拿魚可以一齊夾埋黎食，兩者既味道無衝突，同時食到三文魚既甜，亦食到吞拿魚既鮮，如此分明既味覺。黎緊就快開學，餐廳做緊「學生優惠」一律$30，附近返學既同學仔lunch黎享用優惠，可以慳返啲零用錢🤩…Read More

係荃灣行完Donki，行返出去楊屋道，發現到有一間鋪頭細細既串燒店，原本係想食串燒，之後望到有重慶酸辣粉，又試下個米線先。佢啲串燒係即叫即燒，亦都燒得岩岩好，唔會好燶，啲調味都調得幾好食，而我覺得果碗酸辣粉個碗好似細左啲，但份量黎講我係接受到既，食完唔會太飽既感覺，而湯底個辣度我個人覺得偏辣，不過啲餸都煮到入味，呢間既酸辣粉一般般啦，但串燒係唔錯既～…Read More

成日搭巴士經過長沙灣政府合署都見到呢間火鍋店推廣緊「工作日烤魚雞煲套餐$368」，今日終於可以試下，留意返，呢個套餐只適用於星期一至四（假期除外）鋪頭都算大間，多數都係卡位，坐得舒服，唔會同隔離枱太近。我地揀左「工作日烤魚雞煲套餐」，由於我朋友唔食得辣，所以我地只可揀唔辣既雞煲。其實呢個套餐係抵食，本身個雞煲份量係一隻雞，再加埋肥牛、蔬菜、同埋烏冬，真係夠晒飽。隻雞既肉質幾嫩滑，而且入晒味，湯汁唔會好咸，我估唔到唔辣既雞煲都可以咁有味，「二人肥牛」既脂肪比例都幾平均，而且都好新鮮，「田園拼盤」有生菜、薯仔片、蓮藕片、蘿蔔片、粟米，都好新鮮翠綠，而烏冬有一個。烚烚下，朋友話個湯底好好味，於是再叫左碟海膽丸、韮菜餃、同埋一枝蜜桃紅茶，我地食埋海膽丸同韮菜餃真係飽到上心口。我覺得個雞煲套餐幾好食，下次可以試埋烤魚套餐，真心覺得呢個套餐既性價比高，可以介紹啲朋友一齊再去食👍🏻…Read More

我其實都算係一個米線控，特別中意食酸辣既味道，小辣就岩岩好了。今日又過左去新蒲崗幫公司整野，食lunch 時間係附近搵到呢間雲南米線。我食米線好睇重個湯底，我好中意佢個湯底，好濃郁，唔會太’傑‘，亦唔會得個辣味，有啲甜甜地，我唔係好食得辣，亦唔中意食到成頭汗既感覺，小辣就岩我啦，辣辣地幾開胃。米線既軟硬度係我好中意既口感，爽爽地，啲餸都入晒味，米線同啲餸既份量都算多，價錢上又唔係好貴，平過出面某啲連鎖米線餐廳，同埋我發覺呢間係「米線關注組」入面有推介過，真心覺得人地無介紹錯👍🏻…Read More

之前我話想試下西班牙菜，今日朋友就話搵到一間唔錯既，可以帶我去試下。尖東其實有好多西餐，好多間都試過，但我一直都唔知呢度有間西班牙餐廳。去到門口，我俾門口既decoration吸引左，擺滿好多酒樽，有唔同牌子既啤酒，呢間餐廳係bar and grill ，有酒飲又有野食。餐廳入面既decoration無論地磚，梳化，或碟，都充滿西班牙風情，地方亦好大，容納好多張枱，好寬敞。今晚我地食左「水牛芝士沙律」、「香辣蒜香橄欖油大蝦」、「蟹肉蟹膏寬條麵」、「安格斯牛小排」、同埋兩杯西班牙風味既Cocktail 「Sangria White」水牛芝士沙律（$88）呢個沙律既焦點係鋪面上果幾舊水牛芝士，好有口感，同時係口腔度有淡淡既芝士乳香味，我比較中意乳源水牛既芝士，個口感同味道比較清淡。沙律除左有沙律菜，仲有橄欖，加埋醋，酸酸地，好開胃，為下道菜做好準備。香辣蒜香橄欖油大蝦（$58）侍應一上菜，已經聞到好香既蒜味，蝦既size亦算大隻，調味用左蒜頭，紅椒，相當惹味，用橄欖油黎煎，而取代平時多數用既牛油，鮮蝦既味道無被搶走，保留到個鮮味。蟹肉蟹膏寬條麵（$268）對蟹膏心心眼既我，我成晚既期望係呢碟寬條麵。我好中意食蟹膏，而用蟹膏黎煮寬條麵，我係第一次食。蟹肉同蟹膏既比例都平均1:1，啖啖都有蟹肉，而蟹膏味唔會太濃，我覺得岩岩好，配寬條麵原來係可以咁夾。安格斯牛小排（$188）呢個安格斯牛小排既肉質嫩，唔會韌，肉質已入晒味，個醬汁偏向酸酸地，一邊係蕃茄汁，另一邊係忌廉，將兩隻汁撈埋一齊食，中和返個酸味，我比較prefer撈晒兩邊汁黎食，再食埋啲配菜，有南瓜粒，令到成個菜式無咁單調，亦充滿西班牙既風味。Sangria White （$108/gls)黎得西班牙餐廳，當然唔少得西班牙風味既cocktail 啦～Sangria 係西班牙著名既國酒，呢杯西班牙水果酒，故名思義係有生果，有橙、檸檬、蘋果等生果，同埋加入白酒做基底，再加入梳打水，充滿西班牙夏日既風情，淡淡白酒味，配白酒其實比較適合，白酒既澀味比紅酒淡，唔會蓋過新鮮生果既清甜味，呢杯cocktail 好岩女仔飲，好飲得黎又健康～朋友今次真係無介紹錯，以食物既味道相對價錢黎講，我覺得唔算貴，由其果個安格斯牛小排，另外侍應既服務態度同埋餐廳既環境清潔都好好，令客人食得舒服自在～…Read More

今日收工同同事係上環一帶行陣，行行下同事見到呢間cafe入面擺左套suit，好特別，引起我地既注意，於是決定入去食埋晚餐先。餐廳既門面同一間cafe無咩大分別，但入面既擺設絕對係別具心思，原來餐廳老闆係做西裝生意，佢想係上環附近開一間fusion既西日式餐廳，同埋為客人供應多款好飲既sake，方便附近返工既人放工時候係度chill下，餐廳老闆果然有心思。餐廳裝修都有日式風味，雖然地方唔大，但座位都算寬敞舒服，令人收工後放鬆心情。我地叫左兩個starter，Squid & Chorizo 同埋Curry Shrimp Gnocchi ，兩個main，Beef Chunk 同埋Sea Bass ，飲品就Honey lemongrass soda 同埋一杯sake。Squid & Chorizo ($128)一上菜果陣俾外貌吸引左，好靚，炸得金黃色既係炸腐皮，好香脆，香口，再沾一沾個醬汁，酸酸甜甜，好開胃，入面有幾舊魷魚，再溝埋啲Chorizo ，香腸火腿粒咸咸地，我好中意個醬汁，再撈埋啲炸腐皮一齊食，好開胃，係一個好特別既starter Curry Shrimp Gnocchi ($148)呢個前菜一樣睇見都好開胃，日式咖哩配上爽甜既蝦，蝦既墊底係一堆好有嚼口既gnocchi ，類似湯糰，好gummy ，侍應無介紹錯呢兩個前菜👍🏻我地好中意Beef Chunk ($238)中意食牛既我，唔放過食牛既機會。但侍應建議呢個牛肩煮3成熟係最好食，但我唔接受到，我揀左medium well，但出黎效果都唔差，而亦唔會好生，我食到又唔韌，我覺得岩岩好。而汁料係用哈蜜瓜汁煮，仲有一條哈蜜瓜係旁邊，成個菜式好fusion，好清新既一種口味，而旁邊仲有一堆粒粒炸薯同埋菇菌類，入晒味。Sea Bass ($228)同事揀左鱸魚，我其實好怕腥，但呢個又唔會好腥喎，可能佢用左菠蘿汁，清清甜甜，鱸魚底係一堆穀物，一粒粒好有嚼口，同事好中意食魚子，佢話魚子撈埋啲菠蘿汁一齊食，好好味。Honey lemongrass soda ($50)因為我要揸車，試唔到sake，好可惜，但侍應介紹左呢杯Honey lemongrass soda，好醒神，青檸味同好香既檸檬草味，感覺自己去左陽光與海灘，果然無介紹錯。Gozenshu 9 ($88 / gls)朋友話呢杯sake有一種好純既米發酵味，都易入口，唔會好辣喉，幾岩女仔飲，慢慢嗒，一邊歎美味既fusion 菜，好有品味既一晚😍另外一讚既係員工既服務態度好，又肯主動去介紹每一款食物既材料，煮法。價錢方面，我覺得係呢啲地段，同埋係fusion 菜式，我都覺得值得推薦俾朋友一試👍🏻…Read More

今日放假，一個人捨船入左愉景灣，好多年無黎呢度，啲餐廳都唔同晒，一落船，搵餐廳醫肚先，見到係碼頭附近有間韓國料理餐廳，我係一個哈韓既人，近排煲緊韓劇，所以都好想食下韓國野。我叫左個最傳統既「韓式傳統石頭飯」，我好中意食石頭飯，因為有好香既飯焦。呢個石頭飯好正宗，材料好齊全，熱辣辣既鍋，再倒埋啲辣醬落去撈起，沙沙聲，好香，最後食埋飯焦咁就圓滿啦😊…Read More

今日係大角咀見客，見完客直接收工，咁就約住附近既朋友出黎見下食個飯。朋友叫我係呢間餐廳門口等，睇落新開，所有裝修都好新，光猛，衛生乾淨，入面座位都好闊落，坐得好舒服～我地叫左一個二人套餐C($240)，再另加多個咖哩青口($59)二人套餐份量真係多，有蝦餅、馬拉盞炒通菜、生菜包、蝦醬炒飯、仲包兩杯餐飲。蝦餅炸得金黃色，幾香口，馬拉盞炒通菜味道調得岩岩好，唔會好咸，生菜包既材料亦都好豐富，有好多肉碎，洋蔥，蒜頭，好惹味，我覺得最好食係「蝦醬炒飯，」，唔會咸，而好足料，有蛋、臘腸、蝦仁、魚露同蝦醬～另外咖哩青口唔會好辣，青口亦都算大隻份量多，再配埋薄餅一齊食，味道岩岩好～朋友同我都食到抱住個肚走，呢間越南菜餐廳性價比高～…Read More

每次經過呢間pizza店，總俾佢既大大件pizza吸睛，同埋果陣好香既pizza味，所以我今日終於搵到個同事一齊收工之後挑戰大pizza😋我地叫左一個「意大利辣肉腸pizza」，「自製招牌千層麵」，「New York Cheesecake」，嘩，14吋既pizza熱辣辣出場，真係大得誇張，香噴噴，成個pizza都鋪滿cheese同辣肉腸，pizza焗得好脆，好香口，不過薄批，其實都食得晒，兩個人食一個pizza呢個份量都ok，而「自製招牌千層麵」幾特別，入面有好多肉醬，面鋪滿晒芝士，而鋪係千層麵上面果舊似係麵包既野，軟棉棉再沾啲肉醬芝士黎食，幾好食。而New York Cheesecake 都不過不失啦，都幾濃郁既芝士味～…Read More