choi_emily's Profile

今晚唔想排隊去買外賣，牛油果吞拿魚腩蓉溫泉蛋丼。雖然外賣有九折$88(原價$98)，但啲吞拿魚腩蓉仲少過一件軍艦壽司，成碗白飯！好彩有隻溫泉蛋同鼓油撈飯😩。係唔係外賣先係咁？…Read More

今日原本專登入元朗去倆口小吃食刈包，但點知門口貼咗內部裝修休息一天！唯有去搵其他嘢食，轉彎見到餃子放題決定去一試！入到去店員問你係咪食放題，然後就問你要牛湯定雞湯，我同店員講我想要白菜同韮菜餃，但佢話廚房會煮一盤出來到時會分俾你！於是我唯有等⋯ 10分鐘後終於有得食，店員拿出一盤餃分配俾各枱食客，而我分配到9隻：6隻茴香及3隻粟米。大鑊！我唔鍾意食茴香㗎！於是我同店員講，佢話佢都控制唔到廚房煮咩餃出嚟。過咗一陣店員係冇問過我要唔要嘅情況下放咗6隻煎餃係我隻碟就行開了！救命！我都無話要煎餃，但最重要是有3隻係茴香！我再問店員究竟除咗茴香餃之外，會唔會有其他味道菜餃，她說仲有白菜、粟米同韮菜。最後我再等多一轉，店員給再分6隻俾我。終於有3隻韮菜 …..仲有3隻茴香！呢次餃子放題我一共食咗21隻，但其中有12隻係我唔鍾意嘅茴香囉！…Read More

兩個人叫咗一碟醬油蟹同一碟炒牛肉年糕。首先醬油蟹真心唔差，質素對得起價錢，$368。炒年糕上枱嘅時候，我哋淨係見到碟雜菜同牛肉，年糕好似得幾粒，咁我哋就即刻問，睇吓係咪上少咗。之後個侍應就入咗廚房問，佢出到嚟話個廚師好肯定放咗10粒落去，我哋梗係呆咗啦，10粒？！$118得10粒年糕同一大堆椰菜洋蔥紅蘿蔔？！重點黎啦，當我哋食緊「雜菜」嘅時候，有個女人就走過來吹我哋，問我哋仲有冇嘢未到，出邊好多人，叫我哋快啲買單。大佬我哋仲有成碟雜菜未食，我哋當時食咗35至40分鐘，又要等佢上菜又要食蟹。咁吹我都冇辦法，咁我哋咪快啲食囉，點知佢講完都冇走，企咗喺我隔離，監察住我哋食咁。我啤住佢，佢先肯行開啲，但係都喺後面望住我哋食。其實當時仲有好幾枱食得耐過我哋，同我哋一樣都係淨係嗌咗兩樣嘢，仲要喺度吹緊水。總言之食醬油蟹係可以嘅，服務態度可以話冇，食唔食你哋就自己衡量。…Read More