TeaSzeSze的個人專頁

星期二晚上10點零鐘入座，自助點餐落咗個枝竹豆腐魚腩煲，嚟嘅時候魚腩變咗魚塊，跟住問個員工，個員工先話冇魚腩變咗斑腩，如果係咁一早唔應該繼續賣呢個餐，或者同我講聲轉咗問吓我仲要唔要。但因為發現嘅時候已經過咗晚上10:30已經截咗單，所以冇得取消重新嗌其他嘢食。雖然員工話可以取消張單，但因為冇其他嘢食，所以我都照俾咗錢，最後員工俾咗個九折。我欣賞員工處理問題嘅方法嘅，但我覺得餐廳應該本身要避免發生呢啲問題先，因為已經唔係第一次覺得啲食物有問題。之前叫燒味飯又係晚上9，10點左右呢啲時間，叫咗燒鵝油雞結果上嚟嚿舊都係骨，之後同個男經理講，佢話係可以換過成個餐俾我，但最後我叫佢加多幾舊肉俾我就息事寧人。我覺得經理嘅解決方法係令我舒服嘅，但我認為本身燒味部唔係淨係斬啲骨俾個客人食就唔會出現呢個問題。呢間餐廳基本上我每個星期都食兩三四次，但最近覺得出現問題嘅情況越來越多，然後通常出現喺晚上九點後。希望之後會有改善。…查看更多

環境舒服，食物還好，但太油…個魚柳一切落去啲油咇哂出嚟..好恐怖😨😨個意粉又好油、個一口小食又好油🥹另外個意粉好咸🥲🥲🥲個魚柳包幾好食🍔🍔之前係尖沙咀太空館果頭食過質素好好多，希望可以改善吓…查看更多

最近，見「彩明商場」新開咗呢間米籽，跟住2024年10月28號夜晚去咗試吓呢間新餐廳，一個人食，淨係叫咗個酸菜魚跟白飯，個白飯一上到嚟….….都心知不妙，係預製白飯，個白飯有啲膠味，總之唔係平時食開香港嘅米飯味……..味道好奇怪，勁難食，仲要個飯係濕濕哋嘅…口感勁奇怪….個白飯食咗兩啖就無食……..以後不會再幫襯！劣食酸菜魚有芽菜有酸菜，但無乜酸菜魚味，好淡味…..完全不但$63…..送也不吃🥲🥲大中伏…查看更多

叫咗下午茶蕃茄湯烏冬…….豬扒+煎蛋+多士…….但多士無唔提供牛油…….要牛油就要俾$1/粒……咁大個人第一次係香港餐廳食麵包/多士係唔提供牛油……咁大間公司叫一個餐，一個牛油都唔提供…….另外叫咗個蕃茄雞肉意粉….雞肉好硬而且無味，只係靠個汁先有味….另外叫咖啡如果唔要奶係要額外㩒制……如果只係叫即磨咖啡會俾一杯有奶嘅咖啡…….食物質素麻麻麻麻、如果無任何改善，下次大概唔會再幫襯………………..…查看更多

星期日兩點去試，QR code 落單，叫咗味增叉燒拉麵、味增豬扒拉麵、忌廉粟米流心脆餅….兩個拉麵煮得超淋…麵質無彈性可言…豬扒似舊式屋邨啲細日式鋪嘅質素，最誇張係個忌廉粟米流心脆餅…超級無敵咁油，好似完全冇”鯨”乾過啲油咁，油到將吸油紙上全部都係油…好恐怖😨😨有包上手客人用過嘅糖係筷子盒上面，無人處理。之後有員工過嚟放低啲紙巾直接放喺用過嘅糖包上面…飲品味道好淡…不會再嚟食😨😨..味道質素不合格、員工質素還好…查看更多

家人生日飯，見呢間餐廳劣評較少，所以揀咗呢間酒樓食中菜。小菜一般，性價比低叫咗個蟹…好霉好明顯係死蟹唔新鮮，問個侍應，個侍應仲死撐話「新鮮㗎，我哋啱啱五點係魚缸拎起備菜㗎」咁無稽嘅嘢都講得出…我哋八點先食飯，你五點拎定隻蟹？唔係有客人叫先去魚缸拎海鮮㗎咩？仲要全晚得幾枱客…又唔忙，洗乜備菜….然後我哋有個糖水未上，同佢講，佢竟然話廚房已經收咗工…之後求其係廚房拎啲蛋散出嚟當甜品俾我哋…未見過一間中菜酒樓咁馬虎..難怪果晚晚市得果三四枱客…下次唔會再去🫠🫠…查看更多

好難食..之前有朋友推薦過呢間米線..今日去試..伏到嘔…首先衛生環境麻麻…之後上米線，我哋三個人，個男侍應將第一碗米線放係枱邊，之後我朋友自己推個米線去自己面前，佢係坐外面果個，佢碗米線最方便拎到，跟住我坐佢對面，個侍應照樣將個米線放係我朋友碗米線旁，要我哋自己推返埋自己個位。都算啦，最後一碗米線佢都係放同一個位，但我個朋友係坐佢放呢果個位嘅對角…跟住同佢講「唔該幫我放呢邊（指住我朋友個位）」跟住佢話：「呢度係自助㗎」跟住碗米線要係兩碗米線中間推過去我左手邊果個位度…因為張枱好細，而張單又痴住係碗底，推碗米線果陣張有油嘅單飛咗落我身上…我都未試過一個侍應可以咁癲..跟住個米線湯又唔熱..叫大辣一啲都唔辣…湯又少…好難食….絕無下次🥲🥲🥲服務負十分食物一分…查看更多

我哋係1930-2130果轉放題，九點鐘果時last order,其中我哋叫咗個壽喜燒，跟住有個無著制服，可能係老細嘅人走過嚟同我哋講「咁晏先叫呢啲嘢食，嚟到你都食唔到啦」跟住我哋呆哂，俾唔到反應，佢下一句就話「呢個無㗎啦，你哋叫其他嘢食啦」然後我哋點咗其他嘢食，例如：燒粟米、牛舌、牛肉粒呢啲小食，但最後一樣都無嚟到。體驗極差，懷疑條友特登去cut 哂我哋啲單，跟住仲要將啲啤酒收埋去一個隱蔽啲嘅雪櫃，最後擾攘咗10分鐘先問個員工拎到罐啤酒。你放題任食又唔俾人點餐，咁驚人浪費食物就唔好做放題啦，仲要果時先九點鐘，我仲有成半個鐘都唔俾人叫嘢食，以後唔會再去，超伏仲有地板痴笠笠…查看更多

第二次嚟打邊爐～又要開post 讚吓❣️打邊爐有七折，小菜 中式牛柳好食，好夠味，連啲洋蔥都食哂福建炒飯一嚟到就俾人清哂🤤椰子雞湯好清甜🥥🐔打邊爐啲牛好腍好重牛味😍雞子好大粒😅🫢不過我無食杯特大凍檸茶真係好大杯😂叫咗四杯，由頭飲到落尾🍋☕️員工服務好好～有個員工見我媽媽飲普洱加香片話未見過有客咁飲，仲拎個杯話試吓🤣我媽媽勁推薦～埋單$2000/6個人，3百零蚊一個人，抵🤤🤤🤤又好食下次會再嚟❣️…查看更多

訂咗VIP房～有k唱🎤有麻雀打🀄️叫咗個藥膳雞湯底😋湯好飲黃金響鈴好好食😍叫咗一隻雞🐔超厚肉又滑❣️好好食！個牛好新鮮😋😋侍應服務好好～有個男侍應倒湯時會用手遮一遮我哋果面！叫咗枝水，仲幫我哋扭開少少！勁細心🥰無得彈！嘢食好好食～所有食材都好新鮮～性價比超高～每人為返先幾百蚊🤣玩足六七個鐘！超啱一班朋友聚埋打吓牌食吓嘢🍽大堂出面仲有花花牆可以影相～好靚🌸下次一定會再去😋😋…查看更多

1730去到仲有午餐set叫，午餐至到1800，好人性化🤭叫咗兩個午餐，一個正價餐，雞胸肉藜麥飯，好食，味道好夠，雞肉都煎得好香🐔牛扒七成熟，好食～🐃牛扒底啲蔬菜都好好食～🥦千島海鮮pizza，個批底好鬆軟，🍕好食～～～蜂蜜檸檬好飲🐝🍋加$25車打芝士薯條,好好食❤️🍟食物好食，賣相靚～叫咗三個餐，埋單連加一$500，抵食又好食🥰員工服務好好，值得一讚❤️食得開心❤️❤️無嘢挑剔～～下次必定再來🥰…查看更多

本身好支持呢間店，呢兩個星期食咗四次，因為覺得啲嘢食真係唔錯，所以今日特登帶埋家人一行六人去食，食完之後家人勁嬲，因為啲侍應𡃁妹員工態度勁衰，1.首先，我地叫個洋蔥圈，個女侍應放低果時整跌咗一舊，佢唔好意思都無講一句。2.第二，可能間鋪店面唔太大，我地食食吓已經催我地叫甜品，感覺趕人走咁。但本身都無乜所謂，但因為發生以下啲事，先令家人覺得唔開心。3.第三，因為家人想請食飯，因此靜靜雞埋單先，但因為我地有加單，加單果杯嘢飲未叫，而家人唔知道就埋咗張單，咁我地就想加返杯嘢飲，因為叫果杯嘢飲要加$5跟餐價，但張單就埋咗，之後廚房有個男仔問外面果女仔「咩事？」個女仔啲態度好差咁話：「埋完單又要加嘢」當然最終都俾我地加咗，但果句說話俾家人聽到覺得係俾說話我地聽，覺得我地好麻煩咁。4.第四，因為有嘢食唔哂，所以加個外賣盒，收我$2淨係俾個盒我，袋都唔俾埋，要問先俾，唔俾個袋我點拎呀？平時因為同男友兩個人食，唔係好覺有咩大問題，但今次家人食完，一出門口已經唔開心同係度鬧，仲要啲侍應妹妹同啲廚房男仔傾計就好好禮貌，對客人就西口西面咁！要媾仔麻煩收工你地傾咩都無人理你地，其實食飯途中聽到有幾次都覺得好嘔心。食物幾好無問題，甜品keep 到水準，但食到家人條氣頂住，唔會再黎食總括啲甜品好食，啲咸點尚有進步空間，啲侍應女員工十分差。…查看更多

蟹腳 蝦 瀨尿蝦 大部分都霉嘅第一次食蟹腳係咁霉 10隻有七隻啲肉係散嘅 三隻係直頭霉嘅熟食選擇少 刺身切好哂一盤比人夾生蠔又細隻又咸 好難食個牛扒唔錯 有即磨咖啡 選擇多但整體黎講好差 唔會再食團購$240 +1 （8個人約$500）唔抵八點零鐘已經無服務生收碟人手不足 兩部咖啡機有一部由八點開始無奶 都無人理 直至收工都係無奶嘅廁所得兩格 好唔方便最後仲要有格比人整污糟左 得一格 幾個人排一個廁所唔會再食 好失望 東涌果間諾富特又係 又少選擇 食物又唔新鮮以後都唔會光顧諾富特啲自助餐…查看更多

個沙律同湯不錯但個意粉同飯咸到食唔到同個侍應講佢只回覆我地：我每日都食架，我個人食得比較濃味啲，都有客人話過啲嘢食比較咸，所以遲啲我地會改下個餐單。朋友：喔，咁我地繼續食啲咁咸嘅嘢啦。侍應：一係我幫你地加多啲水之後加滿左枝水比我地，真係超咸，個廚師係咪味覺有問題😨😨…查看更多

因為諗住去玩具反斗城所以決定係愉景新城食姪女生日想食日本嘢所以揀左呢間六個人 攞位好快 五分鐘唔洗已經比我地入座但係分開兩張枱坐住先隔左大概兩三張枱嘅距離首先我地分開坐各自睇餐牌揀嘢食然後我去左主枱諗坐落定單先落左六個餐 然後侍應問左我一句「六個餐 呢張四人枱放唔哂 可唔可以分開放 其中兩個餐放另一張枱？」我：「但我地六個人 無理由分開擺架喎。」侍：「我知 等隔離張二人枱買左單就會拍返張枱過黎。」我：「咁我兩個餐分開放 轉頭食食下又要拎返過黎？」侍：「我地會幫你拎返過黎 咁因為依家唔夠放 都要分開擺」呢個時候佢已經黑黑地面我：「咁我都無得揀 你鐘意啦咁」我態度都好差下跟手佢蔑咀咁走左其實佢同我講等齊枱先出嘢食咪得囉佢由頭到尾淨係話比我知要分開放問我好唔好 我話唔好佢又話無其他方法你無六人枱就唔好比我入黎先啦從來都無試過話啲嘢食分開放分開食到有枱先拍返埋一齊我唔介意等一張六人枱但介意間公司咁嘅處事方式囉然後都算啦 啲嘢食未到 張二人枱已經買左單我地六個人坐齊啲嘢食先到媽咪叫嘅 蠔嘅套餐 我無食 但男友食左一隻蠔 話又腥又臭接近一百蚊嘅魚生飯 男友食嘅 魚生唔新鮮 啲飯凍冰冰鰻魚卷蛋咁嘅嘢十分滿分我比一分係比舊蕃茄嘅啲蛋凍嘅 好鞋 好難食鰻魚飯 好難食我唔記得啲嘢食名喇我唔食魚生嘅但睇個樣都知好唔新鮮家人食剩好多好多最後我地六人要猜拳輸左果個食一件先清得哂啲嘢食唯一還好嘅應該係個滑蛋豬排好厚好鬆總結係 啲嘢食出菜好快但好似全部都係整定咁凍冰冰又唔新鮮啲嘢食好差我終於明白點解佢就算無枱都比我一行六人入左席先因為捉水魚最基本原理就係 快狠準所以佢好成功咁捉到我地好彩六人埋單只係1000蚊 唔算好貴但以後肯定唔會再去食想比人捉水魚盡管去食一次😂…查看更多