crystal25dec的個人專頁

去旺角行街，經過Sukiya驚覺佢啲丼真係幾平！知道成日都排長龍，所以我哋醒呀，5點45分就開始排之前母親大人買過普通牛丼返屋企食，所以今次同M仔就試吓其他啦！我睇中香蔥溫泉蛋牛丼，因為之前睇過娃妹推介 哈哈！M仔就要三式芝士牛丼。本身想要熱溶嗰款既，但燒一燒就貴7蚊，覺得唔係好抵啊。鍾意食蔥必叫！有蔥真係香好多，但牛肉份量就比普通牛丼少喇。撈埋蔥，真係成件事既好味程度提升幾倍！但隻蛋就一般，無乜蛋香味。加芝士都係無得輸啦！牛肉份量亦都正常，超滿足！因為想食啲蔬菜，所以加左10蚊，有一碟菜同一杯冰茶。個通菜真係老過我同M仔加埋但佢係有heart炒既，蒜蓉勁香！冰茶，甜度剛剛好，是微甜的，正常。下次想食經濟啲，都會再黎呀…查看更多

早排有啲事要入大埔，順便去試吓呢間近排好hit既燒賣啦！因為燒賣好多好評，所以都對佢有啲期望。諗住難得入到大埔，都排隊試吓啦。粉果就唔諗住試，因為住大埔朋友話，食過既人都話好一般... 同埋當日呢個時候已經賣哂粉果了。點知... 食落係彈牙既，但魚味欠奉。配咸豉油，個人覺得配甜豉油更能帶出鮮味。辣椒油亦唔係特別香口惹味。整體來講算中上啦，絕對無啲人講得咁天上有地下無。不過，食既係一份人情味吧，支持小店係好既。同埋都算抵食！如果唔使排，都可以食吓既…查看更多

純粹係想試佢個奶黃包所以去。去之前都見到有不少劣評，親身去過後發現原來真係咁差!!我係經openrice訂位既，一去到就同個帶位女仔話訂左位，佢叫我地等等。咁我地等左15分鐘左右，發覺啲遲過我地黎既walk in 客都有得入，就問個帶位，佢先急忙安排我地入座。坐低就叫野食啦，落左單成25至30分鐘都仲未有野黎! 搵返個待應催單，佢四圍走又搵其他同事check.. 之後先有點心到.....只係貪得意想試呢個包先黎啲野食味道還可以，但咁高既價位，換黎咁差既服務同質素好一般既食物，一定無下次…查看更多

呢間cafe叫得做Coffee Jobs,我對佢咖啡既期望都幾高! 個人鍾意玫瑰味，就點左Rose Latte試吓。先唔講味道，杯咖啡一上枱，我就心心眼，個拉花係一朵玫瑰，勁靚!!! 咖啡飲落好順口，唔會帶酸味，玫瑰味恰到好處，奶泡亦打得很滑。果然無令我失望! Rose Latte - 約$38去到主菜，唔想食咁heavy,所以叫左軟殼蟹牛油果沙律。牛油果靚，沙律菜新鮮! 份量都算幾大份，牛油果有成個，食完都夠飽。軟殼蟹牛油果沙律 - $118推薦俾對咖啡有要求的你去試吓! 帶埋本書去，一邊嘆咖啡一邊睇書，夠哂寫意。…查看更多

好多時同frd食完晚飯，又想繼續傾計，都唔知去邊坐好。有次試過呢間覺得不錯，所以今次飯後又黎呢度食甜品! 貪呢度可以慢慢坐，唔會一食完就俾人趕走😅栗子熱情果蛋糕 - $45我第一次食呢間既蛋糕就係呢款，之後每次再黎都係點返呢個，因為太好味。佢栗子味唔算係超濃，但我覺得可接受的。內裡係蛋白脆脆同一啲淡淡的忌廉。最欣賞佢既地方係個撻底，有質感又脆既餅內，有兩層朱古力麥住帶微酸的熱情果蓉，連同埋上層栗子蓉部分一齊食竟然出奇地夾，熱情果既微酸仲中和左啲飽膩感!! 推薦推薦!杯裝Gelato - $40開心果味gelato係皇道吧!? 每次都一定會叫!! 另一種味今次試左oreo，正正常常啦! 始終係覺得開心果味好味，好濃郁，仲有粒粒開心果仁!! 正! 質地方面尚算正常，呢間的gelato比起喺意大利食到既軟身少少。呢度真係一個唔錯的傾計地方，大家都不妨飯後去食吓甜品hea吓😙…查看更多

因為喺附近上完堂，好肚餓，所以就去米線陣食晚餐! 平時去米線陣都係叫麻辣蕃茄湯米線多，今日見佢有新出品 - 椰子雞米線，咁岩我又想食清啲，就試吓啦!$56 椰子雞米線餐配雪耳桂圓茶，+$8 豬頸肉真係估唔到個椰子雞湯做比想像中好! 香濃既椰子味，仲有唔少椰肉碎喺入面，亦唔會感覺太膩。當然係唔夠辣既咁惹味，但唔食辣既話，呢個係不錯的選擇。跟餐包埋既雪耳桂圓茶，又幾清潤wo~本身呢個米線包括左幾樣配料，主要有雞肉，雲耳，蕃茄仔。我再另外加左豬頸肉, 好味，酥脆香囗，只係油左啲。佢米線本身的雞無乜味，如果唔加其他都真係唔夠餸😅$22 蜜糖檸檬雞翼 3隻檸蜜雞翼就同朋友share,都食到檸檬味，但如果啲醬汁多啲就會更突出到個檸蜜味，同表面唔會咁乾。整體黎講，椰子雞試一次夠，可能因為我比較重口味，下次食返麻辣蕃茄😂😂😂…查看更多

因為在剛過去的星期日大吃大喝後，接著的星期一lunch想食啲唔好咁heavy既，所以就揀左呢間試吓! 本身想叫一個飯糰，一個煎餅，點知飯糰賣哂。😢 唯有下次再試!我地兩個人食，最終揀左個功夫辣雞腿燒餅，一杯米漿，一杯無糖豆漿。其實都幾貴，個燒餅4x元，飲品各2x元。不過喺朗豪坊難免收得貴啲... 飲品比想像中大杯，豆漿好天然的感覺，米漿就有啲似核桃露!? 個功夫辣雞腿好惹味，配埋生菜蕃茄，感覺幾清新。原本以為實唔夠飽，但飲埋野原來都好飽😂😂😂總括黎講都值得一試👍…查看更多

之前經過過呢間野，見到入面好光鮮，今日有機會就黎試吓! 等左十分鐘左右就有檯啦，幾好彩，因為都多人排。餐牌上好多食物都好岩心水好吸引，價錢又相宜，所以我地兩個人一個唔小心就叫左好多唔逐一講喇，請睇相片。最推介係個海南雞飯，咁既價錢有咁高質素真係要encore! 個咖哩比較多油但夠香同辣度岩岩好! 配埋薄餅very good!! 總之整體都好正，下次會帶家人黎食! 大家都去支持吓呢間新力軍啦! 香港旺區而家好少咁抵食又好味既食肆了。…查看更多