icesmall's Profile

今日咁啱同朋友喺觀塘搵嘢食去咗駱駝漆嗰邊，諗住由最高11樓開始睇吓有咩食點知見到呢間新開嘅貓Cafe即刻俾佢入邊啲貓貓吸引咗😍再睇埋佢個Menu都好吸引，所以決定試試👍🏻入到去環境好好好舒服😃仲有位可以坐榻榻米朋友嗌咗杯牛油果奶昔，我就嗌咗一杯熱情果吉仔梳打，牛油果奶昔甜到剛好好好飲🤤估唔到牛油果做奶昔咁好飲😍熱情果吉仔梳打好Fresh , 佢仲要係成枝泰象梳打俾你，抵👍🏻嗌咗兩款主食意粉，兩個都真心好食，奶油黑松露雜菇 ，好香有黑松露味卡邦尼意粉，佢哋係傳統卡邦尼，煙肉同芝士味都好夠最後唔夠再嗌多咗個甜厚多士，個多士脆仲有蛋香👍🏻👍🏻👍🏻店員仲會出嚟傾你傾偈 好nice 地方好好坐嘢又好食 真心推介…Read More

前幾日經過見到依間新嘅日本餐廳，見到好多人食，即刻好想試下，等位時間大約5分鐘，好快入到去，環境不錯，唔會坐到好迫。藍鰭吞拿魚中腩壽司：鮮味十足，入口即溶，好滿足。三文魚腩刺身，好肥厚，好新鮮。炸軟殼蟹手卷：軟殼蟹剛剛炸起，完全無油膱味；紫菜好脆口，唔會腍晒，好食。土佐豆腐：外脆好香口，𥚃面豆腐熱辣辣好滑。鹽燒牛舌串：燒得剛剛好，鎖住肉汁好juicy，好惹味。鹽燒雞軟骨串：無油膱味，爽口，好夠味。海鮮燒餅：好多海鮮料，而且唔會好多粉醬，煎到好乾身，好香口。全部都好食，價錢合理，服務好，加茶加得好密，之後一定會再食。…Read More

今日又入左屯門揾食，入左條街近康景花園個邊，比一間小酒館既名同外型吸引左。秋香入到係揀左張高枱坐，氣氛很好，好有外國小酒館既味道，坐低之後仲有靚仔哥哥送上餐牌有好多野食都好吸引，忍唔住叫多d首先係粟米沙律，一送上枱就閒到好香既味道，粟米係熱既淋上沙律醬同芝士碎，粟米放係香茅上面，粟米既熱力令到香茅散發出淡淡清香，好有心思，好香好好食黑糖枝豆每一條枝豆都掛到黑糖，黑糖甜得黎仲食到有小小酒香味秋香牛腩煲牛腩炆得好淋入味，煲入面仲有好多牛筋好多骨膠原，佢仲配埋生菜蒜片比你，夾埋成件事清新好多炒雜菜佢地用左一隻味道好特別既汁炒，咸味剛剛好有菇有椰菜有露荀豬腩肉煲仔飯送上枱既時候仲熱辣辣，將雞蛋攪勻落去個飯到，豬腩肉既油香再伴埋一齊，正！真心誠意推薦如果入開理屯門真係可以試試，環境好坐得舒服食物又好食，仲有個小福利，哩度d員工個個都係型仔黎嫁…Read More

尖沙咀行街趕時間所以食d唔洗等咁耐既餐廳，潮丸相信其中一個快靚正選擇，menu 除左有粉麵仲有飯揀牛爽腩粗麵，牛腩炆得好淋好入味，湯底清清地但夠味，芽菜爽口牛丸麵，牛丸彈牙牛味濃，又唔會一咬入口成口油蘿蔔有淡淡的清甜味，唔會係假甜味另外值得一提既係除左傳統既辣椒油，仲有黄燈籠椒同紅燈籠椒，我推薦黄燈籠椒，辣之如仲酸酸地，好特別話梅柚子梳打特飲，柚子同話梅加埋冰底放係隻鐵杯入面，足料又夠冰凍，梳打水仲有成枝比你，有誠意…Read More

前幾日去開何文田，遠看門口黑色設計，在同區顯突出，吸引到想去試一試，地鐵站附近非常就腳，入面簡單裝潢，坐得寬敞，環境寧靜，係放工去 relax 嘅不錯選擇。叫了兩個晚餐主菜，其中加錢轉set: 有湯,有沙律,飲品,甜品。先來前菜: 意大利巴馬火腿沙律，火腿淡淡鹹香，沙律配黑醋，帶微酸，清新開胃。餐湯: 紫薯忌廉湯，賣相吸引，飲落好香滑，配香軟黑松露麵包，很搭。另外叫了兩隻生蠔，新鮮，海水鮮味重，$1好抵食。主菜: 熊本西冷(霜降)，叫左5成熟，剛剛好鎖住肉汁，好juicy，滿口油香，配上惹味黑椒汁，一流。另一道主菜：安格斯肉眼，同樣叫5成熟，肉質厚，口感腍，充滿肉汁，很不錯。甜品: Tiramisu，甜度剛好，好香滑。總括黎講全部都好滿意，好有誠意，會再去。…Read More

星期六下午出左理尖沙咀行街，記得之前好多介紹吉列牛，一直都想試，決定就今日啦！上到樓，一開門就見到好日本居酒屋既裝潢，好有風味因為都比較早所以未有太多人兩個人揀左兩個set lunch , 揀左個串燒物盛同埋元祖吉列牛定食，可以share食元祖吉列牛定食送上後侍應教每邊煎10-12秒就可以了，唔係講笑，真係好好食，牛肉味重有油脂，每一啖都有肉汁，個邊位又炸到脆口，冇得頂餐仲有跟沙律飯同湯，再值得讚既係個湯，淡淡清香菇味道，食完油膩野飲最岩不過串燒物盛有五款 每樣都好唔錯 燒得岩岩好 最要讚就係蠔 肉燒香左再包住蠔入面仲有紫蘇葉 好食…Read More

因為工作關係今日去左屯門工廠區個邊，做完野岩岩好食飯時間，見到有間地道大排擋好多人，應該唔錯籠仔梅菜蒸菜芯。梅菜甜，菜芯吸左梅菜同荷葉味，清清淡淡食落口感覺舒服金菇瑤柱羹。個羮好足料，入面有韮王，肉絲，金菇同瑤柱都比好多去大排擋一定要叫既就係煲仔類，因為通常都用瓦煲，好有風味涼瓜火腩白膳煲。上枱既時候仲係滾，涼瓜唔苦甘甜，火腩同白膳都好入味最後點少得黄金蝦，隻隻蝦都有咸蛋黃，炸到好脆就黎連殼食都得，正！…Read More

難得過海黎到銅鑼灣，更係要爭取時間行街，但又要醫肚又唔想求其食，最好選擇更係食丼飯啦！之前已經聽朋友講e間丼飯唔錯，就試試佢先！一坐低侍應就送上熱茶，環境係簡單舒服既，餐牌打開一睇丼飯種類好多，唔食生仲有好多熟食丼，眼花撩亂，但因為見到佢有廚師推薦鹽燒三文魚鮫想試，所以最後揀左個特上北海道海鮮丼，貪佢好多餸可以兩個人share食，咁又可以叫多個小食，叫咩就更係我最愛既牛舌串燒啦特上北海道海鮮丼，魚生鋪滿飯面，每樣都新鮮，最值得讚係油甘魚，甘甜仲有淡淡魚油香牛舌串燒完全冇令我失望，咬落去牛味同佢既油脂一齊爆發出理，好香好好食建議襯熱食鹽燒三文魚鮫，魚皮部分煎到脆口，但魚肉保持到juicy…Read More

入到去有西式格調裝潢，生日慶祝影相都唔錯 ，坐得幾寬鬆，環境靜靜地，食飯傾計係個唔錯嘅選擇。叫左兩個set dinner，主菜連湯,沙律,飲品,甜品。先來個田園沙律，好多芝麻醬，唔會吝嗇，沙律菜算新鮮，清新開胃。再來是日餐湯: 芝士忌廉菜湯，好濃郁嘅芝士忌廉香味，飲到將菜blend開左個種口感，好滑好creamy，餐湯黎講算驚喜。主菜: 美國頂級肉眼牛扒配燒汁，叫左5成熟，賣相好吸引，不負所望，烹調得剛剛好，肉質juicy，好有牛嘅鮮味，跟香草很配，不用蘸醬已經好夠味。另一道主菜: 香脆豬手，睇落好脆口，的確食落好脆好香，但肉質依然保留嫩滑，味道唔會太鹹，不會很膩。最後甜品係藍莓雪糕，好濃郁藍莓味，而且味道天然，不會似藥水味，好滿足。咁嘅價錢有咁多野，而且好味，好值得推介。…Read More

今晚突然好想食小籠包，所以走左入理荃灣試下e間龍門一番，上次經過見到個餐牌已經好吸引咁一入門口見環境都唔錯，坐低左之後侍應就問我地飲咩茶，茶係獨立包裝仲可以一人一款，有好多款揀，剩係e樣野都已經加哂分！花雕醉豬手酒味夠，咬落去d皮仲好彈山東一口牛肉包，幾香口，係略嫌比較少牛肉餡火腿津白，鹹肉夠哂味，連埋菜一齊食味道岩岩好酸菜肉片，酸味夠哂，d粉索哂d湯魔鬼天使小籠包，兩款都好食，黑色款仲輕輕食到海膽鮮味…Read More

觀塘lunch hour 邊到都要等，今日行左去碼頭個邊經過見到有間好似幾吸引既西餐廳又唔洗等位，就入去試下先！入到去環境舒適，位都好闊，店員好親切咁送上餐牌，已經好值得讚總共有六款選擇，仲有兩個burger 餐，一個係肉burger , 一個係素，難得有素burger當然要試試啦同事就叫左意大利扒豬扒同事個餐有餐湯，係栗米湯，佢話好飲仲有一粒粒栗米食田園菇菇漢堡，賣相好，一切落去個包係脆，應該係有烘過，大菇有汁，仲有厚切蕃茄，配埋佢個個sauce，成件事係好食意大利豬扒，汁酸酸甜甜好開胃，豬扒唔乾身煎得幾香口值得一提係佢有部咖啡機，食飯時不斷聞到咖啡香，下次一定要試下！…Read More

同朋友行過太子見到有間氣氛好好既西餐，睇到個餐牌都好吸引，決定試試！Set dinner 有好多個餐都好吸引，揀左一陣終於揀好啦！首先係頭盤，帶子同個醬汁幾夾，海膽都好食，龍蝦湯味道較濃主菜。我揀左香煎石班魚(爐魚咁岩冇)配薯蓉魚煎得好香，魚肉唔鞋，仲有汁，有驚喜薯蓉好香牛油奶香味朋友就叫左最貴既M5和牛肉眼，五成熟牛肉有汁有𡁻口牛肉味濃,建議親熱食，配菜應該係紅菜頭薯蓉，朋友全部食哂我地仲加左個任飲！環境真係很好，好適合情侶，兩個朋友傾下計飲反杯都得，推介！…Read More

Lunch 時間無咩胃口，同個同事行左去海濱散下步行下，經過見到有間賣台式飲品，見有d口渴，就試下先，店舖走小清新路線，門口前一大個吉地，環境好舒服叫左一杯葡萄柚清茶一杯伯爵奶茶加珍珠一杯仙草蜜葡萄柚清茶，淡淡茶香，葡萄柚味較重伯爵奶茶，茶味濃郁，調配得剛好，喝到伯爵和奶香。珍珠有𡁻口仙草蜜（25%糖 少冰)，甜度剛好，不會蓋過仙草味道，啜每一啖都是滿滿的仙草，絕不吝嗇，比得上台灣仙草飲。再值得一讚係店員，好親切好有禮貌既台灣店員，同佢地買完杯野飲心情都好哂…Read More

星期二晚既尖沙咀都係咁多人，兩口子想揾個地方食飯都難，行行下經過六合小廚留下，見有好多款式中菜小炒幾吸引咁，決定試試入到去環境唔錯，位都好闊餐牌厚厚一本好多選擇,最後揀左兩個廚師推介!叫左一個蕃茄薯仔魚尾湯蕃茄味好重，湯渣見唔到魚尾反易見到魚頭同魚腩，都一樣咁好飲金牌三杯辣辣雞煲雞煲好足料！特別既係雞煲入面有芽菜，都幾夾，半隻雞但都有好多件，係有小小唔夠辣,再辣d就正如果去到尖沙咀想食下雞煲又唔想同人逼既話可以試試…Read More

好耐冇食泰國野啦！行過美麗華見到諗都唔諗就走左入去，環境唔錯選擇多，有好多都好似好好食最後揀左三款第一樣，生菜包個肉碎夠哂酸夠哂辣，正！泰色豬手配香辣肉碎炒飯豬手脆，肉都好食冇好咸，個飯夠哂香口有小小辣羊扒配糯米飯羊扒自己平身冇點調味，煎得好香，點個泰色醬汁岩岩好，跟配反泰國人最鐘意既糯米飯…Read More