Ericamau's Profile

天氣凍左，當然想去食煲仔飯，去到廟街，見四季出面排隊嘅人比往年少，以為仲早啫，排隊時有個姐姐已經幫人落定單，坐低左都仲要等好耐，其間有個阿姐多次攞起我地張單再掉低(係多次，係掉)之後自言自語，我地兩個人，叫左兩個飯，1個細蠔餅，1碟通菜，兩支飲品，好正常啫，唔明佢咩事。到蠔餅黎到，味道普普通通啦，腐乳通菜就似粉麵舖嘅油菜，兩個飯等得最耐，終於到，1個田雞排骨飯，另1個牛肉排骨飯，伙記放低前教落豉油再等10分鐘，但食嘅時間完全冇飯焦，同豉油撈飯冇分別，重點d牛肉同排骨肉係梅架，超勁難食，埋單$317, 勁唔抵，冇下次…Read More

今日去旺角湯加食午餐，由於店內少客，所以可清楚聽到其他食客說話，附近有兩個女士，到食物來到後說米線大碗，話可以減半俾番廚房，職員竟然攞碗叫佢減出來，然後放回廚房，之後另一女士嘅飯又到，女士又話飯太多，要求要回朋友之前半碗米線，退回飯，於是職員取回"半碗米線"給她，之後收起白飯，於是我大叫:"哥仔，而家肺炎呀，d飯出左黎，個客又除左口罩，又攞番入去？"之後他固意同女士講:"妳唔要都係掉架喇",如果食物返廚房係掉，點解可以原装攞出之前女士退回的半碗米線？奉勸大家，肺炎期間，不要到此店，咁處理食物，好得人驚。…Read More

這間餐廳位於上海街618, 新開業,所以襯星期六下午茶時段過來試試。餐廳環境整潔，坐位都算闊落，職員亦會詢問顧客們意見，看看餐廳有甚麼需要改善嘅地方，十分貼心。食物方面，點了拿破崙意粉和漢堡蛋包飯，兩款都不錯，而且價錢唔算貴，但餐飲嘅凍檸茶，茶底比較淺色，冇咩味，但整體來講都唔錯，下次會試下晚餐的。…Read More

同朋友聚會，在Open rice隨意睇睇，發現這間餐廳，決定試試這間餐廳地點方便，近油麻地地鐵站，好易找到，入到餐廳內，環境不錯，有一種好relax嘅感覺，而且職員好有禮貌、好細心咁介紹職員推介~慢煮牛面肉嘩，真係入口即溶，比牛柳更滑，好味 蘋果木煙薰西班牙豬扒，比平常食過的juicy熱情果接骨木花茶，外型好特別，幾得意已約左朋友，下次一定試埋手工啤…Read More

1/10/2017,我同老公去攞月餅順便飲下午茶，攞左飛，上到去冇人理，咪自己揾位啦（當時好多吉位，不過未執枱）於是我倆揀左張6枱坐等左好耐都冇人開茶，終於有人開茶，但企到好遠嗌問飲咩，我地要大聲嗌番過去，之後另有一阿姐問我地“幾個位，做咩坐哩度”我答佢：“冇人帶位，我地自己揾位坐”，佢之後自言自語行開左，過左一陣，專登安排其他茶客搭枱，重點係，其實有好多吉枱，個阿姐專登咁做，最終我地因為未叫野食，所以走左咁嘅服務態度，點會仲有人幫襯架…Read More