glo0521's Profile

兵庫縣生蠔鍋，生蠔成板送上，觀感上已經好吸引，煮熟時間只需大約3分鐘，不要煮太耐否則容易過熟會老，之後將疏菜拼盤放晒入鍋一齊煮，疏菜吸左湯底既昆布和生蠔既鮮味，已經好夠味道，不會太淡A4宮崎和牛，A4牛雖然唔吸A5牛咁多油花，但食落一樣好軟綿綿，雖然好味，但和牛價格始終不菲，好好慢慢品嚐金龍珠海膽吞拿魚蓉卷，蛋黃經過醃製，味道會更香，口感更黏，用作做壽司較創新做法，配埋海膽和青瓜一齊食有助中和作油膩作用海膽三文魚籽日式豆腐，另一道吸引眼球既菜式，盛器華麗，用黎盛載海膽格外貴氣十足，威化上鋪滿三文魚籽，頂層再鋪滿厚厚既海膽，海膽順滑冇苦味厚燒牛舌心、安格斯牛肋肉、嚴選松板豬、自家製雞皮蝦，師傅燒物功力十足，燒得剛剛好唔會燒得太老，牛舌有咬口，中心位帶少少粉紅，曬上黑椒粒令味道更香月見特厚燒牛舌三文魚籽，同樣鋪滿左三文魚籽，今次仲特大牛舌可以盡情食，相當有滿足感，飯既份量看似很少，但其實碗形圓圓拱拱，碗中心直徑大過碗面直徑，加上食材高過碗，所以食完都好飽肚…Read More

宴Dinner Special Set $1380淮山海膽鵪鶉蛋汁冷麵，將淮山切成幼細既絲，形狀如同冷麵一樣，食落口感較爽，攪拌埋馬糞海膽一齊食令鮮味提昇。汁煮八爪魚，八爪魚清新爽口，味道唔會太濃。法國刺身蠔，表面淋上店家調製既青檸汁，味道甜甜地，先食前端蠔既邊邊食起，再食後面飽滿既位置，就有前爽口後creamy既感覺。右口魚包住魚邊、中拖羅，兩款刺身都好新鮮，色澤鮮豔，尤其中拖羅油份都算幾多，入口已有半溶感覺。底層係雪魚乾，中層係燒右口魚邊，頂層係拖羅蓉，三樣食物結合埋一齊食好有層次感，又脆又軟綿綿。沙巴虎蝦，黃色一粒粒狀係蝦頭既膏，鹹香味濃郁，蝦肉結實彈牙。帆立貝配鮮海苔，海苔汁好清新，味道唔會太濃搶過晒其他味，帆立貝大粒，而且切開為一片片，方便食用。香煎鵝肝伴藍莓醬，鵝肝超級肥美，放入口唔需要咬，只要輕輕一壓，鵝肝就溶化，滿口油香既味道，藍莓醬酸酸甜甜有助解一解除油膩感。西班牙黑毛豬，肉質軟腍，而且油脂高，包住蔥粒，亦可以加埋炸蒜片一齊食，可有助減低油膩感。黑松露蟹肉炒飯、炒什菜、蜆湯，黑松露係即磨，味道夠晒出，而且飯粒炒至粒粒分明。黑糖蕨餅，食落質感似啫喱狀。抹茶布甸，口感滑溜溜。…Read More

黃金芝士雞煲(小)$208，芝士份量簡直係激量，熔化左既芝士就好似岩漿一樣咁靚，睇賣相都知道芝士味道超濃郁，雞好嫩滑一d都唔“鞋”口，配料其中一款係花生醬，將芝士雞和花生醬結合埋一齊食，陣陣花生香味在口中散發，令味道更加提升五香鮮牛肉$98，牛肉色澤鮮紅都幾新鮮，份量亦都唔少，牛肉厚度係薄切，所以比較容易吸收湯底既味道，但因為湯底係芝士湯本身已經好夠味道，所以有點蓋過左牛肉既鮮味，肉質方面都幾軟“林”竹笙墨魚滑(半份)$54，墨魚肉既Q彈口感，配上竹笙既爽口，這個組口好夾，仲食到有粒粒墨魚肉金菇$38，油麥菜(半份)$28，食左咁多肉，都要食下蔬菜中和一下，兩者都處理好乾淨雪白翠綠，蔬菜吸收左湯底既精華，唔需要再額外加醬料都一樣已經好入味…Read More

坐低後，店員好有效率送上醬汁和配菜，同埋加蛋漿，正所謂時間就係金錢，值得嘉許揀左較高價錢既世子御膳，食物種類當然會多d，所有肉類都鎖得住肉汁，燒完一d都唔乾身，仍然保留到油脂既香味，有幾款我重覆追加order，分別係雞軟骨、雞腎、謢心肉、辣五花肉，豬頸肉、鰻魚、牛舌，第一次食謢心肉，原來肉質軟淋最夾生菜一齊食，加埋爽口泡菜，口感更豐富醬油鵪鶉蛋，用醬油浸住蛋好滑溜，裏面亦好入味韓式煎餅，仍然係熱的，相信係即叫即做，蛋味濃，表面帶少少脆口豆腐湯，豆腐香滑，吸收晒湯既味道水冷麵，主要將麵、配料、醬汁撈勻，麵既質地有d似喬麥麵，醬汁望落好鮮紅以為好辣，其實唔太辣，味道較得岩岩好，而且凍食確實透心涼，好岩夏天食…Read More

同同事經開附近做野，又到lunch time時間，辛勞左一日決定對自己好d，食日本菜角切魚生丼$118，賣相好精緻好靚，魚生用左魚腩部位，魚既油脂香味好濃，加左芝麻粒更加香口豚肉生薑燒定食$98，豚肉炒得入味，每塊都有濃郁薑味，而且份量都幾多，食完碗飯仍然有好多片豚肉，非常足份量套餐包括埋沙律、蒸蛋、昆布湯，整個套餐食晒有飽肚感，但價錢都只係大眾化，非常抵食，個人喜歡蒸蛋，加左冬菇和蟹柳增加咬口感覺柚子蜜，清甜消滯…Read More

清湯牛腩河$55，原先想升級轉崩沙腩，但已經賣晒，所以改為升級轉爽腩，牛腩份量好充足，口感好淋好易咬開，每件牛腩都連住少少脂肪，食落更順滑，腩皮滑口得黎亦會保留到少少咬口咖喱牛筋飯$59，牛筋既份量同樣好多食極都有，牛筋外層好滑身，咬落就有骨膠原既口感，咖喱汁既辣度係後勁凌厲，開頭覺得唔算辣之後慢慢湧出黎炸上海排骨$37，火喉控制得不錯，排骨炸到唔會好油，食落好香口，肉質亦好淋，厚度適中，不過這菜式無醬汁，如果店家自創醬汁就更好，或者配沙律醬亦可以…Read More

三重懸岩蠔$168，肥美厚肉，大隻到不能一口一隻，起碼食左3口先食完，海水味較強，原汁原味，咬落有口令和怪物蠔$180，雖然較細隻d，而且海水味亦冇咁強，但佢既賣點係幼滑口感，咬開後肉裏蠔汁爆晒出黎明太子芝士玉子燒$98，菜式上枱仍然熱辣辣抵讚，蛋既裏面好滑有蛋汁，配左明太子和芝士一齊食增加咬口口感牡蠣豬肉$38，係用豬肉包住一隻蠔，我選擇左汁燒，因為有醬汁，食落惹味唔乾身特大吉列蠔$68，有2件，炸粉堅酥脆，咬落有“索索”聲，裏面係軟綿綿既蠔，真正外脆內軟，配埋2款醬汁可以點，但我冇點，覺得原味最好食燒羊架$68，燒至8成熟，咬落仍有微微血水，羶味夠香，而且好軟淋，旁邊個醬係店鋪自家製，有黑椒味而且帶微辣免治雞肉$38，雞肉棒釀入左雞軟骨，食落口感豐富一d，點左蛋汁之後支雞肉食落更加滑身十款盛合$268，十款壽司都係用上盛材料，魚生好鮮甜，一d魚腥味都冇，帶子個人認為最好食，因為好軟淋…Read More

古今二出名卷物，五花百門十幾款式，相信要幫襯幾次先可以食晒所有口味日本溫室南瓜沙律$58，先食個前菜開胃沙律，南瓜肉結實清甜，而且鋪滿南瓜蓉令香味更加提升蟹柳壽司薄餅$88，菜式好創新，pizza食得多，壽司pizza真係第一次見，餡料係用蟹柳和薯片碎組成，味道都幾夾金龍卷$88，主要餡料係炸蝦和三文魚，脆口加軟綿綿食落有2種不同層次口感，蜘蛛$88，主要餡料係牛油果和軟殼蟹，同樣係一脆一軟綿綿口感，不過我覺得今次軟殼蟹更脆口雞翼串燒$25，廚師已經開左邊再去燒，雞皮有焦香而且脆卜卜，雞肉嫩滑有肉汁網燒牛舌$58，哩個牛舌非常之好食，油份重夠香口，有一定既厚度，食落有咀嚼口感，仲有種彈牙感覺好有咬口…Read More

丼瀛十二風味$398，菜式擺盤已經好華麗，食材色澤鮮豔好新鮮，隨意揀出幾款食物形容一下海膽，唔使講一定無得輸，幼滑無苦味，而且吞食後口腔內仍然有濃郁海膽味蟹肉絲已經除去晒蟹殼碎，可以好放心大啖食，蟹膏亦夠香鮑魚切成四片，食用時會方便優雅一d，肉質口感彈牙有口赤貝新鮮爽口，真係好想食多片牡丹蝦大隻，肉質糊口，即係有種黏住黏住既口感，越新鮮黏住口感越強烈帶子好大粒，軟綿綿既口感，配合埋粒粒蟹籽，口感層次更豐富我個人好鐘意食芥末八爪魚，去壽司店基本上係必食深海池魚和三文魚都好肥美，尤其三文魚真係好上盛油脂好重雞皮餃子$48，餃子個皮用左雞皮黎做，菜式創新，而且煎過之後，脆得黎又有煙韌口感，加上趁熱食仲香口…Read More

門口擺設左一架傳統蒸氣火車，勾起自己兒回憶，另店內環境裝修就比較新潮，迎合晒不同年齡層客人泰皇咖喱法包軟殼蟹$228，價錢雖然唔平，但份量絕對十足，食完哩個菜式都有d飽飽地，軟殼蟹至少有8件以上，炸到脆卜卜，咖喱汁香濃，食到有好重既泰國香葉味道，辣度方面唔算太辣好適合香港人口味泰式芝士烤簿餅$48，烤餅食過，加多層芝士第一次食，味道唔錯，哩隻芝士味道有d似芝士夾心餅既餡，芝士帶鹹香味，點咖喱汁更加好食泰式豬頸肉炒飯$88，飯炒得粒粒分明，豬頸肉爽口有咬口，而且一邊咬一邊滲出油份既香味停留係口腔椰青$43，清甜解渴，而且椰汁水份好滿…Read More

前菜，胡麻醬沙律配日本黑豆，沙律相信好多人都食過，都知道夾埋胡麻醬一齊食係絕配，至於黑豆就比較少見，味道帶有輕微甜甜地，口感結實有咬口Order左兩個主食都各自有跟一份刺身，帶子好滑清甜爽口，劍魚腩既油脂比例好重，我覺得油脂最重係大拖羅，其次就係哩件劍魚腩，牡丹蝦好鮮甜肥美，三款刺身都好新鮮，食完真係好有滿足感和風Set餐$340，炸物包括有蝦、蕃薯、南瓜、紫蘇葉，粉漿薄身好脆口，而且食落唔油膩，另一小碟係燒牛舌芯，燒至岩岩好，內裏軟淋並且有咬口，再加埋少少海鹽一齊食味道更正A5和牛照燒$560，這個和牛真係無得頂，首先賣相已經睇到好重油份，厚度切得適中，和牛既邊位入口有少少即溶感覺，而且滿口充滿油脂香味，配埋店家既醬汁好夾，好惹味食完主菜，最後仲有是日甜品，係賣相精緻既綠茶雪糕夾餅…Read More

黃金芝士雞煲(小)$178，半熔既軟綿綿芝士，包住整件雞既香濃，而且每件雞肉都好滑，個煲一直座熱住可以保持住溫度，所以唔驚食到後尾d芝士會冷卻變硬五香鮮牛肉$98，色澤鮮紅新鮮，這碟牛無乜脂肪，所以食落會啖啖肉，口感好軟淋，值得一讚既係，食左多片都唔會食到有筋位日本廣島蠔$88，有6隻，每件都好肥美飽滿，熟左之後會縮細，但我覺得仍然算大隻竹笙墨魚滑$48，共4條，這菜式創新特別，墨魚滑好彈牙，咬落仲有粒粒墨魚肉，竹笙亦都用上靚食材，食落爽口鮮炸響鈴$28，「鮮炸」兩個字絕對貨真價實，睇得出唔係用來貨比客人，係確確實實炸出來，外觀有光澤，而且好脆，size方面好巨型，吸收左芝士湯汁真係好正…Read More

三色前菜，分別係韓式泡菜、中華沙律、芽菜，開一開胃既小食櫻花蝦餃子$65，共4隻，櫻花蝦散發既味道好香，配合餃子一齊食帶有脆脆既口感豚肉五花腩(厚切/生菜)$130，共8塊，五花腩皮位置爽口，肉既位置軟林，因為係厚切食落好有咬口，辣醬唔會太辣，適合香港人口味香蔥牛脷$85，共7片，師傅燒出左三種不同口感既牛舌，分別係實、林、脆，燒既時間都有所不同，我自己較喜歡結實一d，因為有咬口，而且牛舌既油花最出美國Prime醬油牛肋骨$198，共2件，師傅先將整條肋骨燒熟再切成細塊，此舉對食客實在好細心，肉好嫩滑好林，醬油醃得入味，帶少少甜味日式炒烏冬$65，烏冬煙韌彈牙，炒得唔錯，岩岩好唔會過鹹，我幾喜歡加上左木魚碎，味道提升晒…Read More

黃金芝士雞煲$178，賣相已經無得頂，夾起仲有拉絲效果，雞件真係好多，食完已經有一半飽肚感，雞肉方面肉質好嫩滑，加埋有層厚厚既濃郁芝士包住一齊食，真係勁好味勁邪惡，食完加湯用作打邊爐，店員會問想加清湯定芝士湯，加左芝士湯就唔會溝淡左黃金芝士雞煲個味道，真係好細心調味盒共6款，選擇唔算多，但我覺得食材煮熟後已經吸左煲裏面既芝士湯底味道，已經好夠味五香鮮牛肉$98，這價錢這份量絕對超值，牛肉顏色呈鮮紅，冇暗啞冇出血水，肉味重，咬落軟淋唔會有筋鮮炸響鈴$28，有光澤確實係新鮮炸出來，而且好大卷，輕輕淥一淥，表面吸少少湯汁，內層仍然食到脆脆既口感雜菇拼盤$44，雖然冇點算有幾多款，但目測至少有5款，打邊爐唔可以淨係食肉，菇和蔬菜都好重要Wasabi鮮墨丸$48，墨丸都幾大粒，內裏有粒粒墨魚肉，食落好彈口有口感，而且輕輕帶出wasabi既味道，唔會太濃烈有嗆鼻既感覺哈哈蝦中寶$63，這菜式係店家自創，坊間比較少食到，每粒都用左好多蝦仁和芹菜粒，再打至起膠做成球狀，絕對足料，加少少蟹籽增加咬口，蝦肉新鮮每食一口都好彈牙…Read More

牛大人哩個名字，相信身邊總有朋友講起，一直都好想去食，終於同朋友夾到時間一齊去朝聖一下最出名係自家品牌既冷泡茶，我覺得白桃烏龍係最好飲，入口茶味清淡慢慢滲出白桃既味道調味都好多選擇，甚至有d醬料建議客人食咩肉類就配該種醬料揀左麻辣鍋，非常辣非常刺激，其實唔需要點任何醬料，食物熟左之後夾起直接食已經好夠味有d食物可以在自助區直接拎，有d就要用apps落單，食物選擇都幾多，揀出幾樣我覺得必食推介，店內牛肉全部都係簿切，方便淥一淥幾秒就食得，和牛M5牛肩係最多油脂而且最“林”，龍蝦沙律丸都係我至愛，丸夠彈牙餡料仲係爆滿，墨汁墨魚滑打到呈起膠狀態，食落先夠彈牙，而且內裏有粒粒墨魚，更加有咬口口感…Read More