janpingu's Profile

一個月前我去佢哋餐廳食晚飯，我問佢哋可唔可以訂一個月後星期五7pm，佢哋職員話本身星期五係要做兩輪，但係見我一個月前book，就特別俾我book 7pm。之後又叫我喺OpenRice投票俾佢間餐廳，我見佢哋咁好人，就俾咗個like佢哋。點知一個月後嘅今日（星期二），佢打電話俾我，話我嚟緊星期五嘅訂枱唔可以俾我book 7pm，要我改6:30或者8:30。我解釋佢哋同事之前應承話俾我特別book的，但係佢都堅持唔可以。之前應承咗可以，咁遲先同我話唔可以，即係反口啦。其實如果根本唔可以，就一開始唔好特別俾我book啦。況且，我book咗成個月都唔同我講呢件事，食飯前靠近門幾日先至話唔得，要我改，真係好差。可能佢覺得自己好好生意掛，可以咁樣對待客人。…Read More

位於朗豪坊對出嘅十字路口➕新開咗一間台式飲品店～水巷茶弄😍原來佢喺香港係第一間分店👏🏻星期六咁啱同家人經過🚶🏻‍♀️🚶🏻‍♀️🚶🏻‍♀️適逢最近天氣又好乾燥🍂喉嚨有啲乾😮‍💨所以大家都贊成試吓呢間新嘢😃試咗3杯飲品☝🏻有兩杯都係店長推介✌🏻果然冇介紹錯！👍🏻👍🏻👍🏻💯💯💯一定一定一定會再嚟試埋其他款式！🤟🏻#重要的是要講三次😉…Read More

去到間餐廳以為因為過咗食飯時間所以冇乜人，點知食完先至中伏😣本人叫咗以下食物：嚴選五品刺身（其中四款刺身各有兩件，但帆立貝竟然得一件）炭燒大啡菇炭燒黑豚腩肉炭燒魷魚蟹籽沙律成為$491，真係估唔到咁嘅質素食個晏都要二百幾蚊一個人🙄，又話OpenRice度訂位會有八八折，點知原來張單都冇折到😤價錢又貴、份量又少，唔抵食之餘可以選擇嘅款式更少，刺身有少少怪味，Wasabi又奇怪味，其實真係一定唔會再幫襯囉！唔怪之得，成間餐廳冇乜人啦！一定唔會介紹朋友嚟，把鬼。完！😠訂座編號：20231007385205…Read More

離晒譜！淨係等位都等咗45分鐘，食物又要等成個鐘先有，摧咗幾次，每次都話跟進緊，隔籬枱遲嚟，都仲快過我哋有得食😡同佢講取消，因為已經唔夠時間食喇，趕住返工。但係又唔肯取消😡一向食物都出得好慢，根本掛住做外賣都應付唔到堂食嘅需要。安排極度差！🤬午飯時間根本應付唔到堂食和外賣，冇咁大個頭就唔好戴咁大頂帽啦仲發覺成間餐廳啲侍應講唔好意思仲多過講其他嘢，就證明佢哋有幾多嘢做得唔好而成日要同食客道歉。…Read More