孤獨一味's Profile

難得嚟到蘇豪區, 梗係要搵返間好嘢食嘅見到呢一間Pizza舖, 裝修得靚靚囝囝就入嚟試吓因為我同我朋友都唔係食得好多嘢, 所以就簡簡單單嗌咗個八吋嘅Pizza仔同埋一個Risotto講吓呢個八吋嘅Uncle Wyman 先啦, 一嚟到已經超級吸引眼球, 睇到佢勁多料喺上面, 仲要好鬼死香, 茄子嘅甜味, 蕃茄醬嘅酸味, 再配搭埋芝士嘅奶香, 真係忍唔住食完一塊又一塊另外佢呢度嘅Pizza全部都係叫Uncle D Uncle 即叫即整, 時間可能耐啲, 但絕對值得等待跟住講埋個Risotto, 食完個飯面都係鋪滿晒海鮮, 鮮甜嘅蜆肉同青口, 再加埋勁彈牙嘅魷魚同大蝦, 淨係食海鮮都抵呀, 再加埋佢用龍蝦汁煮嘅意大利飯, 軟硬適中, 將所有海鮮嘅精華融入落個飯, 令人食過返尋味…Read More

如果大家有留意開都知我成日食呢間餐廳, 咁絕對係基於佢實在太好食同太多款式, 食極都仲有新野我寫。今次就叫左呢個臺灣排骨酥肉燥飯, 其實次次黎都想食左佢個臺灣排骨酥, 因為炸野夠曬香口, 但又怕佢太乾身, 所以一直都無叫, 但今次同個姐姐吹水, 佢話怕乾咪叫埋肉燥, 搭住食, 會好好多, 唔會太乾, 既然係咁我就叫黎一試啦。首先佢嘅臺灣排骨酥, 係即炸嘅, 即使我外賣食, 都仍然feel 到佢啱啱起獲嘅熱氣, 外脆內嫩, 肉汁係口入面嘅噴發, 絕對無得彈。再者佢嘅肉燥又真係香噴噴, 好好餸飯, 令到我最怕嘅"太乾"唔會出現, 姐姐認真無推介錯。…Read More

係附近可以叫做獨市嘅潮式粉面鋪, 水準都唔會求求其其。咁我就有d 怕牛腩熟到好硬好柴皮咁, 所以就比貴少少叫左個崩沙腩, 希望佢淋身d。咁佢出到黎嘅效果亦都不負價錢, 有肥有瘦, 即使咬落去舊肉到都會一咬就開, 肥位淋身, 成舊腩位好入味好香。食一舊加一啖飯唔會好漏, 仲有鼓油香係個口到散發出黎。如果食曬d 牛, 剩係腩汁都好夠餸飯。加上係到叫飯, 佢會送一碗紫菜湯, 即使我外賣拎走, 返到屋企食都仍然好熱, 直頭可以話係辣口。…Read More

係附近嘅餐廳都食得7788, 反而呢間日本野因為價錢較高嘅關係, 咁耐都未試過今次就入左去試下, lunch time 就相當之多人, 等位都要10幾分鐘。但入到去個位都未執, 不過lunch time 人手忙d 就緊係接受啦。我就叫左一個經典日本飯 - 浦燒鰻魚飯呢呢間餐廳個鰻魚汁, 好香好濃, 但都食得出係買返黎嘅味, 唔係自己調制。鰻魚都叫厚嘅, 但就得三份一到, 好彩就叫做腩位多肉d。肉質不過不失。但係食飯當日水吧應該炒曬場, 到我食曬過飯都要問侍應兩三次先到。…Read More

呢間餐廳, 可以係眾多競爭對手嘅荃灣立足咁耐, 真係無d 實力都唔得所以我都黎食過好多次, 只不過晚飯就第一次黎食。咁今次就叫左個吉列豬扒煎蛋飯加咖哩汁。炸豬扒一上枱已經可以聞到炸野嘅香味, 即刻想相都唔影就整一啖先。一啖咬落去, 已經feel 到豬扒炸到香香脆脆, 內裏嘅肉汁慢慢滲返出黎, 認真無得頂, 將控制火喉嘅技巧去到極致。咖哩汁好香唔會太辣, 薯仔煮到好淋好淋, 啱曬我口味, 壓開撈飯食一流。最尾, 緊係講下兩隻蛋, 雖然太陽蛋煎得相當好但蛋汁加咖哩汁就無咩加分喇…Read More

以前喺元朗工作就會成日黎呢間浩食冰室度食, 以前食嘅感覺相當之好, 令到我今次經過元朗都專登過嚟食個早餐。今次都係食返以前叫開嘅沙嗲牛肉公仔麵, 以前食開就會轉蕃茄湯, 今次佢就話冇得轉蕃茄湯, 要轉羅宋湯(+5蚊), 咁我既然專登過得嚟食就唔會介意個少少錢啦, 照加。先講吓佢個沙嗲牛肉已經唔再有以前咁濃郁咁香, 已經變返普通嘅茶餐廳貨色。牛肉就切得厚薄適中, 亦都幾嫩滑。羅宋湯就真係湯咁, 唔同印象中嘅蕃茄湯底嗰種濃郁嘅感覺, 所以如果大家唔係想飲個羅宋湯都唔會建議轉。雖然整體感覺一般, 冇以前咁好食, 但都係喺茶餐廳之中有水準嘅一間。…Read More

呢一間餐廳位置偏僻, 喺而家呢個香港呢一間就係真真正正嘅隱世茶餐廳呢間餐廳, 人情味濃, 小店經營, 但選擇嘅款式相當之多。今次我嚟到呢就食呢個回鍋肉牛腩公仔麵回鍋肉當然就唔係自己整啦, 都係比罐頭你啫, 但係佢值得我提嘅就係因為佢係用成罐回鍋肉俾你, 份量一定比到足。至於個牛腩就係佢地自己炆嘅, 味道香濃, 有少少咬口, 唔會做到好腍。而且亦都係一樣份量比到足, 餸仲多過麵。雖然我今次冇食到, 但絕對建議大家都試吓佢嘅五香肉丁同埋豬扒。推介五香肉丁, 因為佢都係比一罐你分量足夠。豬扒就係因為佢醃嘅味都好香, 唔同出面啲餐廳, 係街邊啲舖頭攞貨全部一樣味最尾, 一定要試嘅就係佢杯凍朱古力真係好香好濃, 好難特別餐廳做得到呢個效果…Read More

今日嚟到呢間餐廳食下午茶, 雖然出面好多人等位, 但可能屋邨餐廳啦, 啲人好快食完就出返嚟, 都唔使等好耐就有得入去坐啦, 啲侍應姐姐都好快手咁樣主動行埋嚟幫你落單, 嘢食亦都上得相當之快 (呢個可能就係佢哋唔使等位等好耐嘅關鍵)佢呢個黑椒雞扒飯色澤誘人, 黑椒醬汁均勻咁淋係雞扒上面，黑椒味微辣刺激, 雞肉就煎得外面脆入面, 嫩滑多汁，同黑椒醬汁完美融合再加埋熱辣辣嘅飯底, 咁樣嘅配搭真係一碗又一碗都食得落呀嘢飲方便都係普通嘅茶餐廳飲品冇乜特別…Read More

依家$28一個下午茶仲可以喺邊度食？冇錯，就係肯德基喇佢價錢平，但唔等於嘢食少佢個配搭必然會有一嚿雞啦, 自己揀炸雞定燒雞我個人嚟講就鍾意食佢嘅燒雞, 呢一個係燒雞翼都唔會整到好乾身, 好柴皮嘅感覺, 雞皮亦都會有燒過嘅香味, 算係做得比較好嘅一間跟住嘅薯蓉就正正常常普普通通冇特別啦葡撻就一如以往嘅好啦, 食得肯德基，有時都係為咗佢個葡撻另外提一提大家記得記得一定要用app 嗌, 因為我嗌兩個餐食夠$35就會送一個葡撻, 食多一個葡撻即刻感覺圓滿曬…Read More

呢間餐廳方便就腳, 認真多人食呀好彩我就咁啱等到張卡位, 唔洗排好耐隊就有得入去食佢呢度每日都有幾個唔同嘅午餐俾你揀今日我就揀咗呢個蔥油豬扒煎蛋飯, 佢嘅蔥油相當之香, 亦都比得相當之重手, 唔會得少少唔夠食豬扒就雖然唔夠x 華咁厚身, 但佢就勝在唔會煎得好乾身, 亦都比多半塊我食。食晒啲飯塊豬扒都未食完。佢外面就煎得香脆, 內裏都仲會有啲肉汁喺度, 茶餐廳嚟講算比較做得出色另一個驚喜位係竟然有兩隻煎蛋, 一般嚟講比一隻你已經好好, 佢呢到竟然有兩隻, 仲要煎得到標準以上嘅水準, 蛋黃可以比你篤穿撈飯食, 無得頂…Read More

之前喺旺角食過一次都覺得好鬼好食, 估唔到呢到都有分店既然樓下xx 郎鬼死咁多人就上嚟食啦我哋一行三人一共就嗌咗兩碗湯餃一碟煎餃一共就試咗五款餃子首先十分絕對值得推介大家食嘅 - 香葉豆角豬肉餃呢一款餃子我煎餃、湯餃都嗌咗, 佢有一股濃郁好特別嘅香葉味, 好香會好吸引你食完一啖再食一啖。第二款會推介大家試嘅就係 - 粟米芝士雞肉餃粟米嘅香甜, 芝士嘅鹹香, 兩者配搭適度好處。鍾意食芝士嘅可以叫嚟試吓。第三款就會推介 - 京蔥羊肉餃即使外表分唔出佢係咩餃子, 一啖咬落去你就會知道係羊肉餃嘅味道, 好味。最尾仲嗌咗兩款經典啲, 穩穩陣陣普普通通嘅餃子(菜芯豬肉餃、韭菜豬肉餃), 就唔多講喇, 有興趣就自己嚟試啦…Read More

日式炸嫩雞, 外面炸得香脆, 入面嘅肉汁仍然保留住喺度, 唔會好乾身, 加埋佢酸酸甜甜嘅沙律醬認真開胃好食日式炸餃子, 就普通d 喇, 係一般超市買到嘅餃子, 但佢就整得幾香口, 好食。鰻魚壽司, 都係正正常常普普通通。福岡芝士漢堡扒就勝在有芝士係內面, 唔會好乾, 佢又有d 肉汁, 唔錯唔錯。反而佢嘅吉列大蝦, 外面嘅炸漿唔會太厚, d 蝦都好彈牙。佢嘅咖喱飯呢, 咖喱就普通日本咖喱水平啦, 啲飯就有少少軟身, 但都可以接受。至於個燒汁飯呢, 感覺就似豉油撈飯, 可以不用一試。…Read More

喺香港必食嘅一個早餐, 當然係沙嗲牛肉麵早餐啦呢度嘅沙嗲牛肉麵早餐呢, 我可以額外配多兩個餸, 咁我就揀咗太陽蛋同埋呢個漢堡扒嘅。同時呢間餐廳比較好嘅就係可以免費轉蕃茄湯底。好多人都話沙嗲牛肉加蕃茄湯底個味好怪好難食。但係我個人就相當之鍾意, 酸酸甜甜嘅蕃茄味配搭返沙嗲牛肉嘅濃味同辣味, 絕對係一個絕配。咁另外呢煎蛋同漢堡扒就普普通通啦, 不過不失。最尾我好想提嘅, 就係佢個丹麥酥多士喇, 外面香脆, 內裏鬆軟, 仲有好香嘅牛油味添, 令我有一啲以為佢呢個丹麥酥多少先係主角…Read More

一個簡簡單單嘅下午茶, 黎大快活真係啱曬一定要放第一黎講嘅係佢嘅豬仔包, 整到外脆內軟, 外面香脆, 內裏軟熟, 加埋佢少少蒜蓉, 本個香味已經提升唔少。如果再額外拎多一包煉奶醬, 咁就絕對Perfect。麥味燒雞翼, 外面蜜糖味香香味甜, 少少燶邊嘅香味, 熱辣辣咁樣上碟, 認真好味。反而呢條珍寶腸就普普通通啦, 雖然好外皮都爽脆但味道普通, 勝在夠熱上碟。最好呢一個下午茶餐點解要講吓佢送嘅呢杯凍綠茶, 無糖茶, 茶味香, 夠解膩, 識咁樣配搭認真抵讚…Read More

終於有時間可以分享大家睇呢個出色嘅PLAYT自助餐喇呢間自助餐嘅位置方便相當方便就係銅鑼灣食物種類繁多最好就梗係有即開即食嘅新鮮生蠔，清爽又香甜，唔食返一打真係唔好走啊凍海鮮除咗一般嘅螺、海蝦同青口之外，仲要有龍蝦蟹腳，refill仲要相當之快手，唔使急唔使同人搶都可以慢慢食當你食完咁多海鮮，想清清個口，就可以去到隔離嘅沙律吧度慢慢食返啲前菜喇，種類唔少呀，真係左搭右搭都有排先食得均專登要提一提嘅，梗係佢呢度嘅西班牙燒乳豬啦，皮脆肉嫩肥瘦適中，香脆可口令人食完一啖就想食第二啖其他嘅熱葷一樣好出色，勁多選擇，總有幾樣會啱你口味自助餐黎講日本嘅刺身同壽司一樣唔會少啦，刺身有帶子、三文魚、吞拿魚等等等等啊，仲要有唔少嘅壽司俾你揀，請唔到假去日本都可以喺度食返夠本食到最尾梗係要試埋佢嗰個出出色色嘅甜品區啦，數十種嘅蛋糕，6款Geloto，再加埋個朱古力噴泉，簡直係要多個胃先搞得掂呀…Read More