JessJoan's Profile

已經有兩次經過餐廳都無開舖， 終於今次食到！ 舖門大概坐到12個， 1點開舖， 1點鐘到排隊， 等到2點終於有野食！ 等到真係爭D 想放棄， 好彩老闆門口果句好食是應該的， 令我更加想試。一早睇定係大大碗， 對於我地兩個食量較少既人， 最好一個叫菜底， 一個麵底試左花甲， 叉燒，鹵蛋, 辣味魷魚， 五香牛筋， 蝴蝶牛腩！ 首先， 蕃茄薯仔湯真係好足料， 薯仔已經煲到好淋，湯有蕃茄味又唔假！ 花甲係好新鮮， 無沙， 好好食， 細食既兩個人叫一份就夠😋 叉燒唔硬唔死實， 表面有少少脆， 都好好食！ 其中比較欣賞係五香牛筋同蝴蝶牛腩， 五香牛腩清潔得好乾淨， 完全入味！ 蝴蝶牛腩有特別醬汁去食， 食落有層次， 兩樣都煮到好淋， 好食！ 但同預期比較唔同係鹵蛋, 味道係咸但無甜味。 辣味魷魚， 醬汁比較稀， 但咬口煮得剛剛好， 不會太難咬！ 望住老闆個廚房好似睇真人版overcook 咁， 雖然要等比較耐， 但老闆用心煮， 係值得既…Read More

朋友推介旺角的拉麵店， 慕名而去， 特登避開午飯時間， 不用排隊直接入去。 環境真係有陣唔通風既味， 好快叫左一碗魚介、一碗海老魚介第一啖湯係都仲係接受到， 之後就愈食愈咸， 不斷要飲水，慢煮豚肉係好食既， 但係湯底真係偏咸食唔落去最尾。 海老湯都係一樣咸， 咸到食唔落去。…Read More

叫了一杯果蜜白桃， 味道全是調教出出來， 白桃是罐頭果肉， 奶蓋有芝士味， 桃味在冰內，普普通通， 如果可以加點天然桃肉， 件事會比較真實， 現在味道有點假， 有點失望。可能叫焦糖會比較好。…Read More

呢間餐廳一直book mark咗好耐，但係一路怕好多人排隊，終於平日過來食lunch！好好彩等咗5分鐘左右就有位！兩個人好多野想試，但係眼闊肚窄😂 和風烤雞扒定食，雞扒唔老，個飯係珍珠飯好食！花椒泡菜豚肉菜甫滑蛋吐司， 配合埋蕃薯條，滑蛋的確滑， 但吐司普通， 但成個吐司fusion 得幾特別， 幾夾！焦糖雞蛋布甸盒子吐司都好食， 外脆內軟， 呢個吐司比起上面更好食！坐係水吧附近，待應好好， 服務周到！餐廳食物打卡一流，不過，如果要等排隊好耐，就應該唔等了。…Read More

由地鐵站過去餐廳非常方便，大概5分鐘都冇就行到，餐廳好多壁畫由樓梯到一樓，全部都好似個gallery 咁，令人目不暇給，最神奇係連洗手間都有畫Lunch hour 去，無叫set lunch , 直接試佢最出名既龍蝦沾麵 同蟹肉risotto ， 如果叫set lunch 會可以試多d 野食龍蝦沾麵隻龍蝦唔會煮到好實， 個汁入口較甜，但食耐會有d 濟， 感覺一般.個人同朋友都比較喜歡蟹肉飯多d , 蟹肉好足料, 個汁入口咸咸地， 但粒粒分明口感好好另外，餐廳待應好好， 服務周到！…Read More

呢間舖一向被稱為隱世小店， 去到抬頭就見到個天井，晚上8點去到都係要等位， 等左15分鐘左右終於有位！兩個人有好多都想試， 一次過叫左好多款，食完好滿足！雙重黯然銷魚飯，鰻魚飯隻蛋樣子已經很吸引， 鰻魚肥美但點都會有少少骨，但成件事好好食😋 係加倍鰻魚，方便兩個人一齊分享。吉列芝士豬扒真係有拉絲效果， 雖然肉質比較薄，比較乾身，味道正常，但成件事的確做到拉絲效果！明太子雞翼，一碟兩件，外面皮脆，咬入口多汁， 好好食😋自家製芝士漢堡扒配蔬菜，蔬菜完全係幫助個菜式無咁易食濟， 漢堡扒厚度好夠， 可惜上面塊芝士好似一直都唔係好溶，如果個芝士配合好d 就好完美喇！店內有個靚靚壁畫，飲住懷舊波士汽水，成件事好日系！總括黎講， 我覺得係間有心既小店， 老板同客人又會傾下計，好值得去食😄…Read More

平日夜晚已book 位， 食物又未去到食完好驚奇好誇張，但賣相確實唔錯。 壽司好食，天婦羅個飯有汁， 幾好食。個燒雞肉串值得一試， 有分碳燒同電燒，我地都係叫電燒就算。 待應好明顯有唔同態度，2個人一枱好大機會叫極都無人應， 8個一枱會易啲招呼周到。 但的確晚上係人手不太足夠，有個自成一角的爐端燒，見到果邊應該係會招呼好啲。最令我估唔到係餐廳廁所， 竟然有香氛， mouth wash， 食物係幾好架， 但人手不足，去完感覺會扣分。…Read More

由於無留座， 可以walk in, 但我地一到6點就黎排定隊， 幸好都有位。一直好想食片皮鴨， 兩個人係呢度食就岩岩好， 一份半隻12塊皮都係百幾蚊， 勁抵食。 但必須同時間比賽， 個皮 由於無蒸籠， 的確好快會變凍， 一凍就無咁好食， 所以要襯熱食。食中式菜我最愛都係乾煸豆， 好大份，味道不錯但食到最底好多油。炸饅頭都好食， 表面唔算好多油，外脆內熱， 係朋友既至愛。 想食餃子， 於是試了東北酸菜餃， 其實呢個唔算好出色，唔會好酸，但味道剛剛好， 正常發揮。呢間餐廳真係好多餸都大大份， 見到啲炒飯都係4-5個人份量， 所以好抵食…Read More

第一次食一休， 傳說中在旺角性價比好高的餐廳， 勁肚餓入去，結果勁失望。 叫了一碟海蜇冷盤， 有種咬極都唔斷的感覺，食左一兩口就放棄了。到壽司，平時食帶子壽司都係鮮甜仲有少少彈性， 一食落口， 帶子唔甜又太稔，成件事勁失望。 簡單啲講， 壽司唔夠新鮮又唔好食。軟殼蟹手卷， 心諗都應該係穩陣既， 但個紫菜真係有啲厚，個味同平時食既真係有啲唔同。鰻魚壽司， 係成餐飯最ok 穩陣既。到壽喜燒牛肉鍋， 成鍋最好食係個豆腐， 真係太咸， 牛肉又係太老要咬好耐。 一碟炸雞係即炸既， 但實在太多沙律醬，食左一半已經放棄， 太油膩，太酸喇🤦🏻‍♀️ 一餐飯埋單4百幾， 只有勁失望。…Read More

自選丼定食揀左海膽， 三文魚籽， 帶子， 個樣睇落好好食咁。其實食到好食既海膽真係好多時都係睇運氣， 一食落口有啲苦既， 心情就即刻灰左機。 個飯又好濕， 一舊舊， 好彩帶子都係正常， 三文魚籽都正常， 見到大部分人叫壽司同熟食多， 唯一係個丼飯真係好多飯， 一定會好飽。…Read More

隔左幾年， 第二次黎食滑蛋叉燒蝦仁飯， 今次特登試雙併，記憶一樣， 個蛋好滑， 豉油甜甜地，叉燒唔會好硬， 蝦仁就係大大隻，但無咩蝦味，叉燒比較出色。 記憶日頭好多人食， 夜晚少啲人， 唔洗等位。一碟飯64蚊，用日本雞旦，茶記黎講，都值得丫。…Read More

每次行過花墟都會被一陣牛油味吸引，貴族蛋糕係其中一間，門口充滿住唔同名人預造既蛋糕新聞稿， 仲有好顯眼既壽桃蛋糕， 3d 蛋糕。 問舖頭姨姨，佢話多數出名係雜果蛋糕，見到佢地都有賣件餅， 就買左3款試下。日式鮮果凍， 用糯米皮包住個雜果蛋糕， 皮唔會好厚， 咬口幾好，但入面個雜果蛋糕有啲普通，中間有忌廉，但成個感覺有啲普通。tiramisu 件餅， 3樣之中， 最好食一件， 蛋糕唔會太乾太濕，tiramisu 既忌廉唔會太甜， 幾滑口， 但個人很怕濃冧酒味既tiramisu， 佢就應該係極少酒味，所以感覺都ok黑森林蛋糕件餅，忌廉好食，內裡為雜果蛋糕，但朱古力偏硬同麻麻地，有啲普通。佢地對比其他餅舖都較好食，至少個忌廉好食，唔會太甜， 個蛋糕底都唔會太乾， 希望下次去試下佢地啲曲奇…Read More

在moko 一人晚餐， 又唔想去foodcourt, 呢間餐廳幾適合， 主食有飯有麵又有pizza 同小食，下次可以3,4個人去就可以試多啲野食。由於一人晚餐， 唔洗諗就叫一個石鍋飯，溫泉蛋豚肉石頭鍋珍珠飯， 上菜石頭鍋好夠熱， 佢既飯焦真係脆口， 唔會又乾又硬，跟飯有兩個汁都好味， 因為蛋汁已經撈飯, 遂少落啲汁就岩岩好，都好夠味。…Read More

第二次食呢間餐廳， 印象中個份量都係大大份， 飯， 菜，肉都好足料。 所以， 今次就試下佢地既烏冬， 門口有期間限定既餐牌， 但係始終對佢個豬軟骨念念不忘， 所以叫個豬軟骨七小時煮白芝麻湯烏冬。一上枱個豬肉骨已經見到煮到啲軟骨都變啫喱狀😍就算係烏冬都有跟少量椰菜， 個白芝麻湯就真係無咩特別， 芝麻味唔係好濃。 隻半熟蛋好好食，唔會好流心但一咬落口有少少甜，成個味道好好。烏冬係扁身果種但都有咬口， 食完碗烏冬的確已經飽左， 但慢煮豬軟骨真係好稔好好食。 餐廳平時都好多人排隊， 座位都唔係好多， 所以最好早少少食就唔洗排咁耐😎…Read More

葵芳新都會食lunch, 無非都係想坐得舒服啲， 呢間餐廳最好就係意粉又有， 咖喱飯又有，烏冬同漢堡包都有。今次叫左漢堡扒咖喱蛋包飯，咖喱蛋包飯完全無問題， 滑蛋好食，夠多咖喱汁，飯入面有少少磨菇，但個漢堡扒食落感覺有啲似中式點心既牛肉球， 厚得黎好實淨。朋友叫左個吉列豬扒咖喱蛋包飯， 感覺正常好多， 豬扒都係脆既， 但飯份量有啲多， 女仔食太飽。仲可以加$20 做set, 有沙律同湯，飲品， 下次黎最好就叫一個飯share 加甜品/ 小食就岩岩好。…Read More