維尼小熊's Profile

同朋友21:30黎左呢間食，收銀個職員態度幾好，會介紹promotion 。其他職員既服務態度真係有待改善，想搵個人加湯，搵極都搵唔到，之後有個好冇禮貌既問我係咪搵人，我話想加湯佢放低就諗住走，我想comfrim邊個湯係邊個湯低。個阿姐話：你睇唔到架！呢個辣既！我心裡即刻跳個一個字出黎！另外一個又係，我諗住去拎雪糕 佢攬住部機同我講已經搭3，雪糕機停（個時都重未搭1）個地又跣到好似溜冰咁…食物又唔係特別出色所以如果有得揀，真係唔會再有下一次…Read More

今日lunch 試左食呢間外賣煲仔飯，可能係用錫紙兜嘅關係，外賣黎到既時候重暖既～唔錯👏🏻我地3個人share，叫左原木花菇滑雞+潤腸臘腸，加多個小食～雞軟骨。雖然個飯冇飯焦，但係都好味既😋好夠味，d雞肉算滑，臘腸同潤腸既口感都唔錯。碗野望落去唔大碗，但係最後我地3個都好飽。（可能只係我地細食😅男同事話食晒一個係夠飽既）至於個雞軟骨，味道就一般般，冇咩驚喜，只係覺得好油，同埋唔夠香口。試一次就可以。…Read More

中秋節就到，提前同屋企人一齊食飯。大家都方便去荃灣，於是揀咗喺呢間度食，可能我哋唔係正日食飯，所以酒樓唔算多人。我哋嗌咗以下幾個餸：菠蘿咕嚕肉 - 奀到咬唔到，個皮亦都唔脆小炒王 - 冇咩火喉炸軟殼蟹 - 唔脆，好細份炸魷魚 - 油，冇味炸蟹鉗 - 正常去飲宴食到嘅味道炒飯/ 蠔仔粥 - 非常一般炸子雞 - 算可以，皮脆，不過非常油甜心叫左”綠茶流心包”，”鳳梨酥”（唔記得個名）- 可以，冇特別，係個設計特別總括嚟講，味道非常非常一般，價錢唔算平。…Read More

早2日同朋友去開佐敦，想搵地方食lunch time，見到呢間門口都幾吸引，價錢又尚算合理，於是決定揀佢。我地每日揀左一個set lunch。1個揀沙律 - 我個人鍾意食酸既野，個沙律係用醋做調味，我覺得好食既。1份係扒 - 伴菜既薯條似熱浪味，塊扒好香香料味（個人覺得有d 濃味，重口味既人應該覺得ok)1個揀餐湯 - 普通，冇咩特別1份係餃子 - 皮簿，d肉好juicy 飲食就凍檸茶 - 正常總括嚟講，環境唔錯，d 員工好chill，又唔會催我地埋單，任我地坐係到傾計。好正～～ 雖然較為重口味，但係感覺冇味精。因為食完都冇口渴既feel。下次會再去多次試其他野…Read More

早幾日心血來潮想食泰國嘢，經同事介紹，今日決定過嚟試吓。去到門口都有人等緊位，好彩預先打嚟訂咗枱，準時入得去食。:)我地3個人叫左3杯野飲（太多冰，飲完之後重有大半杯冰，感覺唔抵）西檸梳打x 2 - 飲到最後都重有汽 泰式奶茶- 有茶味5樣餸西柚沙律 - 酸甜酸甜，好開胃生蝦 - 冇咩特別，正正常常汁燒魷魚筒 - 燒到啱啱好咖喱軟殼蟹麵包 - 個咖喱汁好好味，麵包朔晒汁👍馬拉盞炒通菜 - 正常So far 樣樣都好食好啱我哋胃口，而且份量亦啱啱好，價錢相當合理！職員尚算有禮貌～如果想食泰國菜，都會考慮再嚟…Read More

係FB / IG 見到呢間嘢嘅散水餅好似唔錯，於是查詢價錢。未俾錢之前，有問秒答，說要考慮。第二日，佢哋問我有冇需要訂，見佢幾有誠意，決定幫襯佢。俾晒錢，約好送貨日期。到咗送貨前一日，我問佢大約幾點鐘會到貨？送貨前會有人通知嗎？店舖回覆：👌🏻到送貨當日早上，我再問佢大約幾多點鐘到貨，佢覆我佢嘅團隊唔係廿四小時客服。我話我只係想知大約幾點送貨。佢之後連續發咗3段訊息話我，騷擾佢，不信任佢，幫我拒絕配合，擅自更改構成混亂 等字句。我話如果今日收唔到貨就會報警，佢話我誹謗，隨時追究法律責任。其實我都只係訂個餅，想知大約送貨時間，請問有幾造成滋擾呢？今次嘅消費真係非常失望～…Read More

好耐冇寫過食評，為左呢間餐廳。我真係忍唔住。呢到....又唔好食，又熱，又污糟，服務又差...我真係搵唔到一樣可以讚既野。店員服務差：因為早左到，去到間餐廳門口，想問d職員，可唔可以訂枱。點知職員行過見到我，完全冇諗住問我有冇野幫到我..之後我主動問，可唔可以訂位...其中一人態度非常惡劣地答：我地呢到冇得訂位架！個一下...真係唔想幫襯呢間野。但係見佢d食評幾好。最後都係決定食呢間野。食物...只怪我真係唔唔識欣賞：⚠️呢到餐牌有買一送一優惠，但係要留意細則喔！唔好上當喔...唔係特別優惠架！⚠️環境污糟，又熱：店員安排我地坐梳化位，本人懷疑梗張梳化係灰色定粉灰色。真係好污糟！又殘又舊。坐個位好熱...沒有冷氣...好老實...我明白呢段時間大家都好愁。但係你打開門口做生意，唔該對住顧客可唔可以好d禮貌！我冇要求你地賣笑，但都唔好黑口黑面.....…Read More

因為好耐都冇去過葵涌廣場，所以早幾日約埋朋友一齊去行下，同食下呢到d小食。行左一個圈，食左d鹹野，想搵d甜野食，見到個鋪名叫 “九份”，即時諗起台灣九份有一間幼好食既芋圓店。終是我地就決定買呢間既仙草芋圓黎試下。點知一食.....早晒伏。d芋圓超硬，心想可能只係1，2粒係咁，點知粒粒都係咁。對我黎講，芋圓應該係煙煙銀銀，硬既芋圓我唔識欣賞，真心覺得難食。一碗重要37蚊，最後食晒d仙草同紅豆。芋圓byebye。…Read More

同2個朋友去開中環，路過見到呢間食pancake，就決定入去試下。地理位置：地鐵站行去大約10分鐘店舖：呢到有2層，坐既位置都唔算好迫。地面個層full 左，安排左我地上2樓食物：味道岩岩好，份量夠，又足料。我地3個人，叫左3個餐。2鹹1甜。服務：都算可以既。幫我地既係個應該唔識中文既人。一開始有個服務生係2樓，但係唔知係咪樓下個層好忙，定唔想阻住我地，中途就冇左人，想搵人，要落樓下搵。（2樓等我地一枱）到上晒食物之後，佢俾左個鐘仔我地，話如有需要人，㩒下就可以..（唔知點解一開始唔俾我地呢🤔？）價錢：3份野食，3杯野飲，埋單大約$550，但係足料。所以感覺可以。…Read More

早幾日同朋友去左K11 Musea，呢到全棟大商場都有好多野食，野飲選擇。真係花多眼亂。我地最後決定落去food playgound逛逛。呢到都幾大。一落到去就見到呢間賣果茶既鋪頭。望2望，見到裡面有真既生果，就決定買黎試下。果茶價錢大幾$50左右，一d都唔平。我地3個人，叫左芒果茶，蜜桃茶同西柚茶（原本個名唔記得）芒果茶...冇芒果味蜜桃茶...半杯係泡西柚茶... 唔就冇味，攪一攪就勁甜一句講晒... PS. 環境好係因為K11 Musea 好靚，衛生亦都因為呢到新開，感覺衛生。…Read More

早幾日想BBQ, 就同朋有去左食呢間。地點：距離地鐵站有一段路程。大約行左10-15分鐘店鋪：其實都有冷氣既，但係唔知點解安排左一個冷氣吹唔到既位置俾我。（重有其他吉枱，我曾經以為有人訂左位，但到我走都係冇人坐）😑食物：食物飲品都算多選擇，燒野食好多都係現成野，味道就冇意見，配料多選擇，放係到任用👍🏻👍🏻衛生：整體感覺算乾淨服務：不過不失總括：如果搭地鐵，唔介意行既話...又想食懶人燒烤。可以考慮呢間:)…Read More

同朋友Lunch 黎左呢到食飯，不過應該唔會有下次。地點方面：地鐵站行去10分鐘左右，大廈唔算易搵到。環境方面：係ok既，夠光猛，店舖溫度唔會太凍太熱。整體算乾淨既。服務方面：服務員好清楚呢到係賣野食，唔係賣笑，所以每一個服務員都冇笑容。食物方面：價錢唔算平，份量係夠既。不過味道就... 唔好抱太大期望。咁岩我叫個杯沙冰粒冰，係大個過5蚊銀🤨總括，野食唔算好，服務唔算好，價錢唔算好，地點唔算好..有咩原因會令我再黎呢？:(…Read More

中秋節同屋企人黎左呢到食晚餐自睇餐。主題《鮑魚 花膠 海鮮》食物方面：海鮮種類唔多算多。唔知係咪人多關系，龍蝦，龍蝦鉗一轉就冇晒。至於花膠，行晒成個場都搵唔到邊到有。鮑魚就佢每人派一隻。食物種類唔多，又係一個可以食晒所有野既自助晚餐。甜品都幾好味。至少有Haagen-Dazs 雪糕。環境方面：地方好細，呢到有另外一間房。被安排去個到既，就行得比較遠。服務方面：員工有禮貌，食完好快就會有人收碟。衛你生方面：都算ok既，等一隻飛飛。…Read More

8月份同屋企人去左愉景灣住2日1夜，因為帶住小朋友，所以決定早午晚三餐都決定係酒店到食buffet。第一餐中午：buffet 選擇唔多，我第一次食buffet 係可以食晒咁多款野食。第二餐晚餐：buffet選擇比中午多少少，但係都係比一般晚少選擇。多左個即炸天婦羅。第三餐早餐：buffet 選擇與其他酒店早餐差不多。有d食品食晒係冇refill。總括黎講，除左甜品真係好好味。其他野食就好一般，冇邊道菜係特別深刻。…Read More

早2日同同事一行5人黎左呢到食晏就，我地揀左海鮮火鍋餐。一去到，因為太肚餓，我地先揀左d熟食黎食... 心諗一般好多呢d all u can eat 既熟食都比較麻麻...點知一食落口，我知道錯了！隻霸王雞真係好好食，d雞肉好滑，好入味...其他炸物都唔錯！之後到個火鍋配料...牛肉👍🏻海鮮（鮑魚，聖子，大蝦）👍🏻炸魚皮👍🏻其他就一般野飲方面，菊花蜜真係無得輸.服務態度亦唔錯，見到我地有吉碟會主動收，冇湯就幫我地加👏🏻👏🏻人均消費 $218/ 4小時…Read More