Sindycsm's Profile

同老公出左旺角買野，老公見我好耐無打邊爐，所以BOOK左喜鍋帶我去。係門面見到有好多湯底揀，已經好吸引，特別易拉架介紹個果 花膠鯊魚骨湯底，入秋食呢個湯感覺好正，即刻入場就叫左呢個湯底先^^個湯底黎到，老闆就教學先飲左個滋潤湯，同埋呢個湯專誠送了一筒脆焦香飯，粒粒都脆，加上花膠湯的鮮甜味道，嘩我同老公一開始就食左大半鍋湯先落餸打邊爐，真心好舒服好好味。小食之選：蟹籽墨魚油炸鬼，廚師推介，果然真係必食。 油炸鬼新鮮香脆，加埋蟹籽墨魚滑，一脆一軟，好夾。聖子皇，好抵食，其實喜鍋有好多海鮮叫，仲要係生猛捉來即切即碌。奈何得我同老公兩個，驚食唔晒浪費，所以最後食左呢個聖子皇，一人一隻，好鮮味也啖啖肉，好好大隻老公中意食鵝腸，呢碟鵝腸特色在，新鮮鵝腸，唔係雪藏個啲。老闆特別來解說一下個鵝腸會比坊間平時食開既多啲肥膏，口感更飽滿。 咁我同老公都唔介意肥HAHAHA  ，真係～滾起食既新鮮鵝腸真係好滑又有點咬口之餘，好香甜，係值得一試。要來打邊爐就要而家啦，因為喜鍋做緊 88 折，如果你係醫護更加係7折 支持您地，特別留意個佢地的防疫設施好好的，送口罩袋，個盒我就好中意既 XD埋單有88折～食完好滿足的一餐，入秋真係要成日打下邊爐呢～～…Read More

一直都好鍾意食堅果的我，這間用堅果做BASS的手搖飲品店，一定要去試試。他們的奶是用了五種堅果萃取而成，沒有奶精，比一般的奶茶更健康，雖然比平常飲開的可能貴少少，但係值得架！今次同朋友分別試左佢地推薦的飲品。伯爵朱古力堅果奶蓋茶伯爵茶、朱古力、堅果奶蓋三樣野都係我最愛，三樣野聽落好唔夾，但一清一濃，非常夾。這杯的奶蓋係由堅果加埋朱古力而成，本身堅果奶蓋已經鹹鹹地，加左朱古力的甜，更加帶出堅果奶蓋的味道。茶的清新加上獨有的朱古力堅果奶蓋，帶出新一個味覺感受。要試的朋友一定要早，這杯是每日限售架！！🥺🥺繽紛火龍果奶蓋茶這杯用左紅色的火龍果，加埋堅果奶蓋，整杯的顏色已經好靚粉粉紅紅白白咁，首先影相打卡已經一流📸。味道上堅果奶蓋帶有少少鹹味，加上火龍果本身的酸酸甜甜，帶出一種清新的味道。鍾意火龍果的朋友一定要試試！⭐⭐升級享受飲法~飲奶蓋茶，他們都會附有一個小剷子比大家「食奶蓋」，之前見過佢地教一個飲法，就係先含一小匙奶蓋在口中，再飲茶。這個飲法，立刻將奶蓋中的堅果味融入茶中，把這兩個味道完全帶出來。不過試這個方法的朋友要小心，小心將奶蓋吐左出黎🥴，小編的朋友就差D做左😆。…Read More

同老公出左旺角買野， 順道去食晚飯～ 見到呢間食和牛燒， 餐廳寫立食， 以為只有企位， 原來都有bar chair比我們坐， 幾好喎。 講翻食物方面， 我叫左個風味和牛套裝。 套裝都有4-6款牛既不同部分。 肩，腹，肚都有， 有晒指引不同部位燒幾耐最好食。 果然和牛真係靚肉。 牛味口感都入口溶。 另外牛肩位有咬感協和全個餐既口感不會太漏。 今日呢餐隨意搵但有驚喜。 讚！同老公出左旺角買野， 順道去食晚飯～ 見到呢間食和牛燒， 餐廳寫立食， 以為只有企位， 原來都有bar chair比我們坐， 幾好喎。 講翻食物方面， 我叫左個風味和牛套裝。 套裝都有4-6款牛既不同部分。 肩，腹，肚都有， 有晒指引不同部位燒幾耐最好食。 果然和牛真係靚肉。 牛味口感都入口溶。 另外牛肩位有咬感協和全個餐既口感不會太漏。 今日呢餐隨意搵但有驚喜。 讚！…Read More

老公同我補生，一程車來到奧海城商場的呢間餐廳。 環境優雅、非常舒適。 當時未出什麼禁令，所以我地都有叫野飲。 餐廳做緊買一送一 ， 您叫個杯，有非酒精或酒精飲品。都是買一送一。 好抵呢款西班牙～乳豬件是餐廳推介， 份肉燒得好juices ~ 另外佢既醬吊既個肉好好味！ 下面多士可以吸下個油脷感西班牙車打芝士波是老公加既小食， 好好食、 好creamy又唔太漏。 熱住食好正主菜叫左呢個西班牙海鮮炒飯， 個飯我估是混合左珍珠米好彈牙炒得好香！ 重點碌蝦好.大.隻！ 鮮甜！整個飯既全餐必叫。 坦誠3個人先食得晒～ 好大碟～～～～～～～黎到我都驚食唔晒～～ 但又想叫！ 所以都係要叫！ 必食之選…Read More

手寫MENU用手製作，看到佢地可能在旺市中包場，加上食物飲品質素都唔錯，可以收藏日後做活動有備用呀GOOD！午間在窗邊可以好光猛地食下午茶。我同朋友都好鍾意。叫左杯焦糖咖啡沙冰，真係用心好味。甜度剛剛好，啡味都好足（有時其他店會調到過甜或過奶）。賣相又靚，來到時我同朋友都嘩左聲。蜂蜜薑梳打，用唔同的杯上枱，看到已經心曠神怡，個味道好BALANCE，清新寧神。趕得到叫過LUNCH SET- 雞柳蘑菇配南瓜忌廉長通粉，通常CAFE比人覺得食物一般架嘛。 呢個長通粉同下面個小食下午茶拼盤的野食都打破左我的眼鏡，跳出框框。香、脆、雞翼又有汁唔係乾淨淨～～師傅好野重點一提：而家疫情店鋪特意在入門時加強防疫消毒衛生的提示同設施，非常貼心…Read More

情人節正日食好西實貴貴貴...老公就早一日約啦，我地鍾意食新野，一到步嘩～真係好新喎，咁多花～剛 開張哈哈！有廚師推介，當中我地都有幾款食，望價錢都幾OK～老闆推介，燒雞翼～都真係好喎，佢係去骨攤開入翼來燒，味道、口感都好平均，嫩滑脆因新開張，鋪頭個枱都送杯香檳慶祝下～幾有心^^  另一推介：雞肉春卷，有別平時食既，佢個餡好JUICE。點少少隔離既蛋黃醬好好食果汁燒物　個汁是自家秘制，帶到肉的質感　也因果汁的香甜果酸混和了當中的油"脷"感特色三色釀椒，好食在唔食椒既老公都讚好食，因為啲肉碎醃得好好夠味，當燒完隻椒後個辣椒鎖住晒當中的肉汁。好好食肥美的鰻魚。。。見樣都不用多介紹～正！價錢抵食…Read More

Dinner with husband 白酒煮藍貝，一個浪漫的地方配上呢個真係一絕。這個貝是廚師推介，個汁好香濃、肉感好嫩滑。另外這是廚師推介之一。讚。海膽溫泉蛋意粉，也是廚師推介。呢個海膽拼溫泉蛋的汁醬好好，個海膽鮮味淡淡在蛋汁之間， 混合在意粉一齊食。值得一讚。我認為必食推介黎！當天我地好在早啲到，所以在露天仲有位，之後好快入多左幾枱，但好在都易傾計，唔會困住晒啲聲～～呢度唔洗一定要飲酒，仲有好多花水之選，適合不同口味既都岩來個場中一個靚地方，要影低。…Read More

Lunch time with friend ,同朋友飯聚，是想食翻好少少。約左係寶勒行，算係集中搵食的街道。入來COSMOS個環境好舒服，職員安排我地在卡位。另外BAR枱仲有好特別的牆，我本人就特別鐘意呢到，第一印象好好首先叫左個黑松露意大利飯，味道好好，個意大利飯的口感加埋黑松露及其他菇的融合，仲要加埋夠熱。好快食晒了～好味。另外叫份豬肋肉，本來以為係LUNCH 餐廳會縮水，點知相反黎到好足料，上盤又靚，仲要FEEL到啲薯角的新鮮熱辣。我個朋友食個陣因為太吸引即刻吉舊食，太興奮辣親個咀～但都真係好好食～。師傅醃製時，連內部的內都好入味。這是特讚之處兩杯MOCKTAIL- Orange &Cranberry sprits, Summer Fruits 慢慢食慢慢傾的好地方。…Read More

同個啲FIREND 放左學，都9 點幾，行K11 附近想搵下食同傾下計。見到 La-neige個門口有枱客除了飲酒外有碟雞翼好吸引。所以就入去坐低食啲野傾下計。叫左三碟食物：秘製雞翼、蕃茄肉丸（本身想食辣肉腸，但無晒HAHA）、餃子。個雞翼係幾好食的，有點孜然燒烤味，但有其他香料，但驚喜在於口味剛剛好，唔會太咸，同時有少少辣，又夠熱。好快好個朋友食晒HAHA肉丸好夠熱，芝士味夠，慢慢食住送下啤酒傾下計好舒服。自己友 香港手工啤：花味濃有質數。1664 唔洗講啦HAHAHAHAHAH個場地上位置係地窂，但場地好乾淨，有飛鏢玩既，重點係 無乜煙味！！！！！！！！對於我地呢啲唔食煙的朋友來講，呢個點好重丫～～ 好似時候想搵個地方飲啲野，但都因為"煙味" 令我卻步 。呢點值得讚既！！！！有包場開PARTY的PLAN 有貼心既係：我個電話無晒電，但呢到有借充電器，一啲都唔複習。好窩心呀HHAHAHA…Read More

返學先會來九龍城，咁岩我老公話攞件，就要來到九龍城食野。 呢個好日式的鋪面吸引左我地入去啦！ 個門牌有個推廣話$98 有清酒任飲。串燒唔少得既腎，燒得好好有汁唔會過分乾。呢個果肉拼煙肉好清甜同時煙肉好香脆，好想一吃再吃雞皮正！脆香。梗係要叫埋酒一齊食。  本來想叫老公一齊 $98 任飲清酒。但老公琴日唔夠瞓所以無叫到。明太子玉子卷，好好好好好食，玉子的軟綿加埋明太子少少濃的味道，咬落去有蛋汁夾住明太子一齊入口，本來同老公一人一半，但我搶多件。。。。。。。SORRY 好好食個MENU好用心，又簡單易看。是日推介，我地都有叫到  禮 地址：九龍城打鼓嶺道79號地鋪…Read More

灣仔區搵食通常在大街都係好嘈，所以行去灣仔的內街望望。呢間台灣菜看似細細的。但都有好似客流。內去試試看。店員推介食呢個 黃金苦瓜，我地兩公婆都食得既，喂唔係講笑，出來呢碟菜是好香，苦瓜帶出清甜感，同時黃金好香脆。我覺得如果來到呢道一定要叫呢個餸。紅燒牛肉食台灣野必叫吧。梅之味的牛肉面面質有彈力，口感唔錯，個湯唔頸渴，代表無味精之選！讚。帶出牛肉鮮味。叫左一支手工啤，好台式口味：桂圓黑啤。 黑啤本身味濃，有桂圓加持，中和個澀味。令到個啤酒味飲落好舒服。長知識，好飲。呢碟叫蚵你穌，個穌有紫蘇伴碟，一齊食好好食，好香﹐又唔會一味食肉好漏。台式菜另一必叫菜：三杯雞。好夠熱，送飯一流。啲雞先處理，好香口。我地兩個好快食清了HHAHHA…Read More

十三少酸菜魚，個名幾特別，吸引左我同老公入去食。門口個介紹好簡約，一看就知什麼是招牌菜　專登影低個筷子托，好靚。口水雞～ 可以辣同唔辣，我地㨂小辣，重點個雞真心嫩滑。主菜來了！酸菜魚！！！來到熱辣辣，即刻想飲湯先，好鮮甜有椒香又唔係太酸。重點唔覺口渴，應該無味精。唔覺意飲左兩碗先開始食魚XD 魚肉 好嫩滑但入到味。 我平時食好少飯，但因為呢個魚我都食左大半碗飯。可想而知個魚係一定要叫。菜類：土豆絲～少少辣～送口一流…Read More

同食辣朋友相約係中環行陣街，佢介紹話瘋狂小面好食，所以佢再翻食帶我來吃多次。多到來都幾大幾好坐，吃麻辣通常一入來以為一定要食火鍋，但呢度可以叫一碗碗面食，自己揀料揀餸。正！簡單出名食面就梗係叫左碗面先啦﹗食得辣我地叫左個大辣。叫左碗豬大腸小面。啲湯味很濃，啲面入到味，但唔會影響到面質。個辣唔算搶喉。幾好食，我地之後再叫多左碗添食。鋪頭新加了一款菜：串串鍋，新上市所以我地叫左一窩試下。一窩都好多餸。肉菜滲半。個味道有藤椒同麻辣。我地今次食麻辣。野食夠熱。入味，稍略為與小面味道相似，下次來都叫藤椒。食下不同口味傾耐啲。餸都幾豐富：雞腎、蓮偶、菇、腐皮等等、如果有得揀就更加正﹗！…Read More

食左幾日麻辣，約左朋友係東區就食下其他清清地，佢接囡放學，所以就佢近近地入左呢個九州鯛魚。喂有驚喜。佢強項食鯛魚湯同龍蝦，我地一人一個試下佢係咪同參考圖咁。前菜係薯仔沙律，好野喎佢加左少少海鮮料，令到鮮味出來個沙律同主菜好一致。鯛魚湯飯，熱辣辣上菜，如圖一樣，都幾足料，個魚肉好入味，個魚湯都包都啲飯，飯中吸收魚湯精華，幾好食喎｜加少少胡椒就連湯都飲清左。好食喂～呢個就係驚喜位啦，龍蝦無花無假，真係同圖一模一樣 原隻上，湯味好濃，個蝦我同朋友一人一半都有肉食喎，能夠在東區搵到優質日式泡飯，我覺得都幾方便同想食好啲終於唔洗行咁遠了。合理價錢，讚…Read More

二家姐我好相信如果二家姐個鋪位係方便啲的話（而家在渡船個邊）我應該會再飯堂。因為個真係好好食，我可以咁講：我辣妹食過咁多間香港麻辣鍋，二家姐的湯底係我的排行榜首位。唔係講笑。縱然係麻辣是油，是重口味，但係唔覺得好味精頸渴感，嘩！大佬，無乜幾間。二家姐個湯底方好得。我係服既。就個朋友中間食個藥膳湯中和下。個鋪頭的位置都唔算太迫，因對面都租埋做分店，好作人客分流，而我們坐既係新店木耳好大片，好係質感，爽口又降血脂，好野黎脘脆片，厚切好有肉，但因為鯇片係爽身，都好鮮，有吸味。登登登登！！！！！！！！！！！呢個配料係火鍋無敵強！！素腰花～～素料但好食過腰花（豬內臟）好鮮甜，碌落麻辣湯底到，臨左先食～～～～嘩真心宇宙級好食。我第一次叫來食。寫文前我都網上搵下有無得買。唔係講笑，黑馬之選。鵝腸就唔少得啦，二家姐清得好乾淨，開晒邊咁碌來食，一片片就唔係一條條，易食好多，唔會縮埋一舊。鬼馬油炸鬼：二家姐特色菜，用蝦滑釀入油炸鬼，可以就咁食有：香脆小食，也可以浸一浸落麻辣湯到吸一吸湯來食，係好正既。我覺得浸湯後食就提起個香口感，有啲似響鈴，但個口感再豐富啲。呢個餸我好有印象，應該再來會再食既必食菜。不可以小既午餐肉，厚切，好入味麻辣牛肉，將麻辣湯底升華既個香麻度。…Read More