Elanne1028's Profile

今次經朋友推介下試食呢間，嚟之前都有睇過下OpenRice既menu，好似好吸引咁入到去我叫咗碗海鮮丼。上到枱十分有驚喜份量勁多，女仔未必會食得晒成碗。刺身好高質，而且會厚切，唔會偷工減料，抵讚飯本身已經好夠味，如果加埋壽司豉油，可以再食多啲！不過到最後都係食唔晒成碗下次喺旺角諗唔到食咩都會再嚟幫襯！…Read More

之前呢間嘢叫杜老誌大飯店，同同事一直叫開杜老誌就冇轉過叫法haha。餐廳Menu經常會轉，今次嚟食有幸試到蕃茄湯海鮮泡飯。睇張相都見到超多配料，有肉片、大大嚿蕃茄、蟹柳、蝦仁。碗飯一上枱，所有同事都後悔冇叫跟我一齊叫 $62有咁大碗飯咁多配料，而且包一杯飲品，喺灣仔來講算係性價比高！之後都會再返嚟食。…Read More

同朋友行行下街好想食甜品，就入咗呢間甜品店坐低慢慢嘆～收銀位哥哥好似係真·韓國人，所以落單我用咗英文溝通。 佢都態度好好，有禮貌。等咗5分鐘左右我地叫既哈密瓜牛奶冰同埋檸檬乳酪馬卡龍就到咗啦，好有效率。一食落去牛奶冰好夠味，亦都唔會怕話食到最尾啲冰會冇晒味，而且哈密瓜好鮮甜，大推！另外嘅檸檬乳酪馬卡龍超大粒，我哋係兩個女仔share食一粒。真係要擘大個口先咬得到一啖。馬卡龍好有檸檬味，但乳酪味就未夠出，希望之後會有改善。…Read More

一向番工帶飯既我，好少出灣仔食lunch。朋友強烈推介我食臺坊（佢對食都有要求的），咁我就去試下啦。不過因為我唔夠時間堂食，所以唯有外賣番公司食。我叫咗鹽酥雞肉肉燥拌麵，份量好多，我完全食唔晒。。。性價比真係算抵。我加咗$8飲杯珍珠奶綠。完全諗唔到嘢飲咁出色，本人係珍珠奶茶控，我都不得不講呢杯嘢超好飲。首先我唔記得咗叫少冰微甜，我勁驚會全糖太甜，但一飲杯嘢係唔甜的！！我超驚喜已經好加分。第二，佢啲珍珠係有彈性嫁！！超好咬完勝對面街既天x茗x哈哈。我已經決定咗以後lunch完想飲珍珠奶茶直接係臺坊買就算haha…Read More

一直都想嚟Sensory Zero試佢杯signature飲品 — 痴_線朱古力，今日終於試到啦！呢杯嘢目測真係每枱都至少有一杯勁igable。飲落唔係好甜，好欣賞。另外仲叫咗個和牛牛油果芝士漢堡，朋友就叫咗扒⼤蝦蟹肉扁意粉。兩樣都十分好食。我個漢堡係一咬落去啲和牛會滴晒啲牛肉汁出嚟，超juicy！雖然滴到成手都係，但食到好味既食物真係會令人感到好滿足。餐廳會提供紙巾同濕紙巾，唔洗怕食到太狼狽。而且配漢堡既粟米片好惹味，就算唔點個醬就咁食都好足夠。當然點埋點芥末醬會令你味蕾有更高級既享受啦總括嚟講呢一餐雖然唔算平，但食物素質可媲美酒店一樣。如朋友生日或節日慶祝我都會再食呢一間！！…Read More

早一兩年之前我記得譚仔都出過烤雞炸醬撈米，當時唔單止我，連我身邊既朋友都瘋狂食今次譚仔再次出烤雞炸醬撈米，當然唔可以放過啦今次一如既往既好食，但好似無上次既咁重口味。不過炸醬真係唔會同你孤寒，比勁多你，唔洗怕唔夠撈啲米線。值得喺你諗唔到食咩既時候再去食！…Read More

呢間餐廳一直bookmark咗好耐，一直都好想試佢個麻薯蛋糕同靚靚嘢飲。朋友準備要移民，今晚請咗佢食呢一餐farewell dinner，希望佢一切順利。我地都叫咗煙三文魚墨魚汁手工墨魚圓粗麵。雖然食到成嘴都係墨魚汁，但味道啲確唔錯！而且嘢飲唔係得個樣for打卡，而係真係好好飲！！我叫咗杯抹茶奶蓋士多啤梨牛奶，朋友叫咗奶蓋桂花鮮奶烏龍茶。兩杯都唔會太甜，值得一試！最後我地叫咗成餐既重點 — 抹茶巴斯克麻糬蛋糕。食落好香抹茶味，而且加咗麻薯，令件蛋糕既口感再生色咗不少！強烈推薦餐廳環境舒適，能夠令人放鬆心情。如果可以坐埋室外個vibe相信會更加正！總結嚟講vol.1 cafe 性價比ok, 食物質素對得住個價錢，一定會再嚟食第二次的。…Read More

呢晚約咗3位朋友食飯，我都係喺ig搵番之前save低想食既餐廳，最後揀咗Bubble Tree。餐廳喺觀塘工廠大廈入面，一出lift環境唔算好。但一入到餐廳，係平時食開既cafe舒服環境。我同朋友分別地叫咗2份「日本飛驒牛漢堡滑蛋蓋鐵板拌飯」，「一份韓式辣汁海鮮意粉配刁草煙三文魚」，同埋一份「山賊黑椒燒雞扒煙肉漢堡配炸薯條及沙律」。全部都好好食，特別係瘋狂芝士日本飛彈牛漢堡，一咬落去啲牛汁咇晒出嚟。下次再經過開觀塘都會再番嚟食多次～…Read More

今日同同事一齊食呢間作為我哋嘅午餐。我叫咗鰻魚滑蛋飯，非常之大碟。而且仲有包埋餐湯同埋餐飲。以$60至$70左右嘅價錢就食到呢個質素算係性價比高。有機會都會再次嚟食。…Read More

上IG見到有人推介呢間餐廳，見到佢啲相睇落好好食，就叫咗兩個朋友同我一齊去試。我哋叫咗一個章魚大阪燒、一個帶子大阪燒同埋一個蝦大阪燒。三個大阪燒都係一人份量，但我哋最後叫嘅抹茶醬烤蛋糕就係2-3人份量。全部食物都好好食，但如果想叫烤蛋糕嘅話，最好叫多幾個朋友一齊食～…Read More

呢日放工後與朋友們聚餐，由於我想食拉麵，經同事推介下選擇了金色不如帰。餐廳環境很好，服務員質素唔錯。餐廳員工推介下我選擇了螃蟹湯拉麵。朋友們叫了貝汁鹽味拉麵及黑椒豚骨拉麵。三個拉麵都味道不錯。有機會可以再食。…Read More

每逢星期五都會同同事一齊食lunch,今個星期五我地決定近近地食下茶記，就揀咗公司附近既金記冰室。餐廳上餐速度好快，我叫咗吉列豬扒烏冬配黑松露炒蛋。黑松露炒蛋好滑好重黑松露味值得一讚，唯獨係烏冬比較硬身，可以改進一下。…Read More

朋友生日選擇了燒烤堂作為生日晚餐。這是一間性價比高的居酒屋。出面的串燒都係呢個價，但呢一間個質素好好多。而且有鵝肝多士食，十分香口。下一次有朋友生日都會帶佢地嚟食。…Read More

一直都聽過九龍城係出名食泰國菜，而網上好多網站亦有推介泰皇閣呢一間餐廳。果然一試就明白點解咁多人推介。牛肉半生熟十分好味，一啲都唔會靭。而且芒果糯米飯啲芒果十分甜。有機會會再嚟食！…Read More

作為街坊，偉記車仔麵係我食咗好多年既抵食小店。而家出面車仔麵隨便都賣緊$40up（3餸），呢到先$36，仲要包野飲，認真CP值高！配料選擇都算多，豬紅整得好食好入味，仲要有出面好少車仔麵店既鴨胸！一日未搬走都會繼續支持…Read More