NikkiHui的個人專頁

聽聞粉果佬大埔好出名，主打手工燒賣，所以知道他們開咗分店喺觀塘便去嘗試一下。$10.5粒燒賣，其實價錢都算喺觀塘來講幾貴，但因為手工燒賣關係，所以都想試吓。另外再叫咗三粒粉果。首先，他們的燒賣真係幾失望，一點兒彈牙煙靭的口感都沒有，食下去，只是感覺很鬆散，好像食粉團一般，沒有什麼味道。另外，食了他們出名的粉果，外皮厚，而且偏硬，煙靭度不足，餡料很少。還有，豉油偏鹹，辣油沒有特色。所以試完一次就夠了。…查看更多

今天出銅鑼灣經過這間店舖打算嘗試他們的粢飯，前面有兩位客人等候外賣。排在前面的客人問職員要一個粢飯，總共問咗幾次都不瞅不睬，他繼續等，過了一會再繼續問的時候，店員就話冇飯要等。後面有人排隊都問職員，態度到是十問九唔應，其他人客外賣問我們是否排隊，我們就告訴要排隊，我哋都等待中。之後有位外賣的客人走上前，買粢飯他們就直接給她。排在我前面的客人直接問為何不用排隊？你不是告訴我們要等待嗎？店員就態度很惡劣地說你們沒有問我點知你們要買，我就出聲說他已經問過你好多次，你扮聽唔到不瞅不睬，之後你們說要食就要等。之後見客人話佢，仲要同個客講你收聲唔好嘈，你嘈就走啦仲叫個客人唔好食。職員講得啱，其實唔食你都唔會可惜，就算幾好食都唔會再有下次。返到去打開，其實真的很一般偏貴，飯及肉鬆很少，加上衛生欠奉。這個價錢完全唔值得再幫襯，再加上這種惡劣態度，真係唔會再有下次。…查看更多

好耐冇食翠華的早餐，但係附近都冇乜選擇，所以都照叫外賣，早餐加咗價，貪就腳，就鮑魚絲火腿通粉。我都冇諗過外賣原來要另外加$3，不過都趕時間時間就算了。呢個鮑魚絲火腿通粉，以前都經常食。返到公司打開，通粉份量少，豬仔包細個，凍咖啡淡，呢個價錢俾啲咁嘅質素，一定唔會再有下一次，仲要個外賣另外再加多$3，總共盛惠$45，怪得知成間鋪都冇乜客。講真好多地方嘅茶餐廳質素都已經好好，翠華仲不停咁退步，食物質素已經唔係特別好，貴都唔緊要，麻煩俾返少少質素。…查看更多

這間餐廳晚上繁忙時間竟然得小貓幾隻，都已經覺得有少少中伏。但都抱着一試的心態。這間韓國餐廳款式不是太多，叫咗他們招牌的芝士燉雞，雞件出奇地鞋口，配菜又少，另外加了年糕，味道好似普通炆雞。原味炸雞好彩我們叫咗半隻，原味炸雞真係可以整到又乾又冇味的，同現在盛行的韓國炸雞這個真係差天共地，另炸雞跟咗薯條，薯條都可以係無味。海鮮煎餅食咗成塊剩係得很細條的魷魚腳尾，全塊餅感覺很油膩及有少量蔬菜，這個極其量叫做蔬菜煎餅，不能夠說它是海鮮煎餅。絕無下次…查看更多

以前食過呢間北方餃子源，見今日經過，就入去叫咗一份韭菜煎餃外賣。返到屋企一打開見到啲餃子炸到好黑，食落口又油又硬，感覺似返炸又返炸，餃子感覺重要比以前細隻咗。仲有唔係好食得出有韭菜味，食咗兩舊，食到牙都攰。講緊都收緊$59 10粒，真係街邊嗰啲煎釀三寶都好食過佢，很差劣，以前我食過都唔係咁，定係因為外賣搏大霧，或係咪因為冇生意，所以就俾啲咁差劣嘅食物比客人？真係用劣食來形容係冇形容錯，真係再見了，唔會再幫襯。…查看更多