Diningjoe's Profile

係百佳買個麵包都要十幾蚊嘅金鐘，想六十蚊食個飯？由金鐘地鐵去香港公園，愈上得高，愈感覺到物價上漲的壓力。走到公園的盡頭，正當心灰意冷時，柳暗花明又一村，壁球中心入面正正有呢間家庭式小店。冇招牌，冇廣告，裝潢清簡，我唔係係呢道做運動都唔會知道呢道有間茶記。價格相宜（包湯包餐飲，冇加一），服務周到（真心一流，家的感覺）。食物質素不俗（唔覺有味精），份量充足（我都唔細食㗎）。係我方圓20分鐘步行路程的指定餐廳，做完運動買外賣的指定動作。$55 冇加一，有服務薄牛扒意粉：牛扒夠薄，好有茶記feel蒜蓉汁：唔太咸，另外上便可以自己食幾多落幾多紅湯：勁熱，少少辣，足料奶茶：茶記奶茶，夠熱…Read More

平安午遊館，一圈心無屬，猶見泰吧空。關門性價疑，男應笑面迎，心想可一試。綠咖辣度洽，魚餃韻味郁，檸茶色式泰。五味骨雖佳，唯獨欠泰香，悠景補有餘。份量僅半飽，但價亦相宜，happy hour 可再試。Green curry with fish dumplings. Beans are a little raw, but like the curry. Five spice braised pork, delicious but a little ChineseQuite affordable price in the context of the neighbourhood, happy hour 3-8pm could be even better. …Read More

上回眼見餐牌上琳瑯滿目的甜點還未曾嘗試，其中下午茶餐特別吸引。愚人節正好休假，下午的家務又比預期中理想，便一再到甜匠偷閒。四點多，店內沒有客人，但店員忙於準備食材，店舖整潔有序。我們二話不說就選了窗邊的座位，點了芒果窩夫+玫瑰花茶和紫薯糖水。芒果窩夫+玫瑰花茶 $52窩夫一如既往外脆內軟，水準一流。芒果雪糕伴芒果粒和芒果糖漿，果真很芒！可能因為芒果味道沒有宇治金時那麼複習，這次的忌廉和木糠的味道比上次突出，玫瑰花茶的茶香也非常怡情。紫薯糖水 $38可能因為本來沒有什麼期望，所以這甜品帶給我喜出望外的感覺。紫薯和紅豆的鬆化，加上三重丸子的柔韌，與青梅竹馬的蕃薯糖水味道似曾相識，但口感增加了另一重新鮮感後，更上一層樓。自己本人不是太好珍珠奶茶中的丸子，但此丸不同彼丸。此丸的韌性更像糯米，跟紫薯和紅豆配合得天衣無縫。總而言之，這紫薯不俗，可再一試。後記：$90結賬，沒有加一。今天的張國榮經典，感謝。…Read More

近來比較忙，在日曆上尋尋覓覓，終於找到了一個飯後的空檔，到這裡一嘗。點解咁難揾時間過來食甜品？因為我唔鐘意等位，而呢道好旺。我八點半到，都要等1張枱，好彩只係等左1分鐘。間舖裝修簡約，面積雖小，只有4張枱同埋bar枱，成間舖都係坐得18人，但樓底夠高，冷氣夠涼，音樂夠正，地方夠清潔，招呼夠親切——街坊鄰居生意嘛。揸車來嘅朋友可以坐窗口位睇住自己㗎車。一坐低，打開餐牌一睇，嘩，一啲都唔街坊，絕對唔係鄰居可以做到的甜品...唉，難得揾到一個時間來到，但係太多甜品想食，睇來要揾時間再來試其他甜品。幾經掙扎，叫左2個甜品。宇治金時窩夫 $52呢個應該都係招牌菜了，因為櫥窗有講佢地窩夫特別之處。（有乜特別？唔話你知，等你自己過來睇。）個甜品一上枱，一個字：物超所值！綠茶粉把賣相點綴得別緻，窩夫入口外脆內軟，甜度適中，唔會蓋過綠茶雪糕搭紅豆的宇治金時嘅甜味，窩夫的温暖與雪糕的冰凍形成對比，加上粟米片的脆卜卜同埋小丸子的柔韌，食完仲有木糠的餘香樸鼻。註：要一啖食晒以上的食物先會有呢個感覺。紅豆大大粒直得一讚，但可能正因為大粒，有啲硬，浸耐啲可能會好啲。綠茶雪糕可以綠茶味再重啲，但係呢個就人人口味唔同喇。鮮奶油在眾多食材掙豔鬥麗之下，有如在燈火闌珊處，也無可奈何。滿分，5星！玉桂蘋果金寶 $48連pan上保持crumble的脆，配牛奶雪糕也很新鮮（通常係雲尼拿雪糕），上面的焦糖奶同蘋果批嘅肉桂又幾夾，等我都可以係屋企試下。可能我對蘋果批情有獨鍾，鐘意食又鐘意整，所以要求有啲高，呢個甜品功夫有點不足，蘋果太少，個批亦有啲散，肉桂唔夠平均。我會俾3分，但係價錢有啲貴，所以扣1分，得2分。埋單1舊水，仲有人請，出門口已有人排隊了...…Read More

同同事食午飯，係開飯喇見到好似幾好咁，咪試下囉。間餐廳都好易揾，電梯又唔洗等好耐，小品裝修更添人情味。訂左位所以唔洗等，侍應一叫即到有責任心。第一次來，叫個低風險唔洗乜功夫而我又鐘意食嘅...rib！個餐都好快到，沙津好新鮮，調味適中，而蒜蓉包夠牛油夠蒜香夠脆。至於個rib，肉質夠淋。因為係短rib，所以好易切，又唔會因爲條骨太長食到塊面污糟晒。以我一個月都會食幾餐rib的經驗，覺得呢個rib買得幾好，但係啲醬落得太多了...其實啲醬個味適中唔係太濃，但係我一邊食，我把刀就一邊好似車頭擋風玻璃水潑咁，一味潑醬，搞到好忙。不過，以呢個食物水準，呢個地址方便程度，呢個裝修來講，呢餐好低食！可以再來幫襯，但係叫rib的話好會叫少汁，或者試下其他菜式。…Read More

有少少肚餓想食下午茶，作為一個老馬友，當然去老爹。老爹今日係舖頭，睇起上來精神都唔錯。係老爹悉心照顧之下，個舖好乾淨整潔。今日好彩唔洗排隊仲有窗口位坐。叫左我的例牌：豬扒包配薯條。老爺仲保持舊舖嘅水準，麵包外脆內軟，豬扒又熱又香，仲有沙津菜。我知所以會叫邪惡的薯條，全因爲薯條上嘅味粉，真係令人難以抗拒。唔想食薯條的話，可以加少少錢轉沙津，都好好食㗎。如果沙津菜唔切開，係成塊葉上嗰啲就更好。埋單都唔洗30蚊，去邊度揾？老爹--鞍山沙漠的綠洲！…Read More

My magical journey began with the first step out of the holiday coach. The wood and bamboo gave the resort an ancient brown. Carefully designed, the interior met my high expectations for the world class theme park. The lodge was vividly new relative to the other two hotels. I liked the exploratory decor of this cafe better than the other two restaurants of the lodge. As an explorer, I felt like on the move rather than sit-down dining while saving a few bucks for my journey. Waitresses cheerfully recommended the puff pastry: poached eggs on top of mushroom in cheese, spiced with chorizo in a crispy puff. It was an egg Benedict with a twist. Glad that I didn't forget the small baked tomatoes and greens with vinegar on the side. Coffee was mildly roasted, perfect for an early start of exploration. PS: try to get to the cafe by balloon lift, it's fun.…Read More

見今日早左，就心血來潮睇下新開張的米線陣。見個早餐餐牌都好有茶記feel，生意都幾好咁，就拿出勇氣入去試試。自己揾位自己坐，等左1分鐘就有位了。好想叫茄牛通，但係風險好高。咪以為茄牛通好簡單，其實要煮一碗平凡的茄牛通係一D都唔容易。掙扎左一陣，用埋剩餘嘅勇氣，同靚仔侍應講左句：「茄牛通。」當我影完餐牌，聽左陣歌仔，燈燈燈櫈，茄牛通出場了，我的笑容出來了。湯底好清，冇乜油，唔覺有茄膏，蕃茄冇煮過龍，牛肉都煮得啱啱好，又唔係肥牛，通粉仲彈牙。大大碗茄牛通，咖啡又好飲，加7蚊有麥皮，煉奶自動另上。食完自己去收銀俾錢，爽手。（注：餐廳音樂唔錯，冇諗過茶記會有呢D歌仔聽。）…Read More

經過見到門口排長龍，行近啲八卦下，原來係綠茶雪糕。見到啲人一路行一路食，好似好滋味咁，搞到我心郁郁又排埋一份隊。其實加3蚊多條kitkat有啲貴，但係我又未試過綠茶kitkat喎，所以就忍痛嘟左10蚊叫左個有kitkat嘅。說時遲那時快，老麥妹妹以拔刀齋的速度，遞左個甜筒俾我。一拿上手，忽然覺得手感沉實敦厚。原來甜筒紙厚度不菲，同哈記比起來，講厚度的話有過之而無不及。伸脷一瀨，清雅嘅綠茶香氣充滿了鼻腔。張口一咬，濃郁嘅綠茶味充滿了口腔。咕嚕一吞，淡淡嘅綠茶餘韻充滿了喉嚨。因為係軟雪糕，入口即溶，綠茶香氣更加明顯。因為有雪糕，所以kitkat唔會太甜。好好味，但係又唔捨得食太快。當我仲陶醉係個綠茶甜筒嗰陣，唔經唔覺已經食埋最後一啖，但奇怪嘅係...個甜筒殼仍然堅挺，咬落仲脆卜卜！10蚊真係值回票價，但係下次我都係會買7蚊嘅，慳番啲錢。…Read More

復活節假期的最後一日，到久違的PRC午餐。幸好12點15分來到，拿到最後一張枱。這裡的餐牌豐儉由人，最重要的是每一道菜都可以見到廚師的心機。服務也很好，基本上都係舉手即回，仲自己主動加水。但我最喜歡的，是這裡的音樂--這裡枱唔多，客人一般都唔大聲，飽餐後歎茶時，用優悅的音樂調劑下煩忙的生活，夫復何求？其實3期餐廳近來已增至10間，但PRC還是我在馬鞍山的心水餐廳。PS: 這裡車位充足，也有很多揸車客。…Read More