ohlaimanki's Profile

人氣好高所以想親身食下係咪值米芝蓮推介餐廳，結果係食物無特別驚喜。餐廳由外到內係好吸睛，好岩打卡；有兩層，不過用餐位置相當迫，當日係枱貼枱坐咁滯。兩個人點左三樣野Share，叫左d典型越南食物，最易試出水準。#1 越南法包：大大個餡料多，不過調味醬料唔多，食落無咩層次＃2 鮮蝦紮肉米紙卷：無諗過會有四大條咁多，餡料飽滿。配有3款醬料，辣魚露汁、花生醬、秘製醬（個人中意呢個多d） #3 雞絲湯河粉：湯底正常…Read More

店舖佈置好有中東風情，雖然有盤膝坐嘅位，但因為食Lunch所以揀枱櫈位方便d。响平日下午兩點去到，好少人環境安靜。兩個人叫左一個Lunch Set，一個單點菜式。#1 自家製鷹嘴豆配芝麻包 個包好出色，暖笠笠咬落去好鬆化，原本係Bagel包體但炸完外脆內軟，口感好似食咸水角咁，好有驚喜！配有3款鷹嘴豆味，味道最突出係黑松露味。#2 川味芫茜口水雞冷意 呢個配搭好新，冇諗過意粉都可以涼拌，川味都幾夾！口水雞手掌咁大塊，口感好似醉雞，汁醬剛好，成個配搭好有驚喜。跟餐配有前菜沙律同一杯熱土耳其紅茶，用餐中途女店員更自動幫我refill紅茶好好另外點了一罐Espresso stout啤酒試試…Read More

自助餐揀左Premium中間價，無加任何野都試唔曬所有野食。原來入到去，前菜係要Scan QR code落單，每十分鐘先可以再落單，而主菜就要向侍應落單，每次最多兩款（我地係兩個人食），所以要係咁計時😂120分鐘用餐，但90分鐘就會last order。前菜：芒果蝦沙律開一開胃先Parma ham濃味又大塊，岩用黎下酒白酒煮青口，無諗過都幾大碟，青口肉都飽滿無沙田園沙律，中途要加沙律消滯～主菜：西班牙烤乳豬，好大件肉味濃。第一道主菜就叫呢樣，兩個人share食都開始飽😂A4宮崎和牛肩扒&小排，外面燒得都焦脆，入面熟嘅程度可自訂，有肉味但無日本食到嘅牛肉甜味～燒北海道野生帆立貝好味，外面燒熟而內裡仲係糖心未熟曬，旁邊嘅配菜係pickled洋蔥幾開胃烤時令魚，今日係烤三文魚，雖然皮脆肉嫩，但調味唔算入味烤羊架一碟有兩件，第一啖好有羊羶味，肉嫩嘅，主菜調味普遍都係簡單。香煎鵝肝，個質地好奇怪，唔似鵝肝🤔食一啖已放棄⋯⋯甜品叫左Tiramisu，酒味好重，Cream好軟滑；另外覺得咖啡gelato比開心果gelato出色。…Read More

終於Book到同食到啦！入到去比想像中大好多，似舊式大排檔/熟食中心幾迫真。Farewell飯十幾人訂左8:30pm，去到個侍應勁好話我地知得番最後兩煲杏汁豬肺湯(👍🏻👍🏻推介) ，即留！上枱仲會幫大家分一碗碗，呢個豬肺應該係我暫時飲過最好飲最足料😋好滑好濃又有大粒薏米，仲有成碟湯渣可以食埋。黑松露鮮蝦多士(👍🏻👍🏻推介) 必吃！係我食過最好食最鬆脆嘅蝦多士，其他地方食過通常塊包係硬，呢道係鬆脆，黎到d黑松露醬已經撲鼻，連埋蝦膠大大啖好滿足慢煮醉鮑魚(👍🏻👍🏻推介) 係凍食，好彈牙好入味，可以一開二，多d人Share抵d。蟶子肉碎生菜包(👍🏻推介) 第一次見蟶子肉撈埋落去生菜包，咬落更有口感咖哩水魷(👍🏻👍🏻推介) 好足料，咖哩好濃味入味，好岩送酒油鹽水蒸馬友(👍🏻👍🏻推介) 蒸馬友唔多地方有，所以一見就即叫。簡單做法反而食到馬友肉嘅鮮甜，魚肉又滑，油鹽水唔駛蒸魚豉油。炸子雞(👍🏻推介) 大大份好多肉，熱辣辣皮脆肉嫩，圍邊仲有堆印尼蝦片襯埋色蟹粉豆腐：蟹粉係濃味但豆腐無入味，可能只係將蟹粉醬汁淋上面？相對呢道菜就一般鐵板爆大腸金菇肥牛粉絲煲魚香茄子煲…Read More

見愉景灣開始有聖誕市集就入去逛下，之前已經想去呢間The Chippy Chill下，今次去佢擺左好多聖誕裝飾更有氣氛就決定揀呢間。室外其實已坐滿人，不過好彩只係等左少於10分鐘就有位了！原本以為得Outdoor位，室外坐低左先見到有室內Bar位，細細地都好Cozy。3點幾諗住輕食飲杯野，兩個人想叫佢出名嘅Fish & chips regular size (6oz)就夠，點知話賣曬，得番Signature size (12oz)所以照嗌，黎到真係大份到令人震驚，兩隻手掌咁長嘅炸魚，$198都算足料。切開時候仲出煙熱辣辣，應該係即炸，炸粉唔厚，啖啖肉重點係真係有魚味佢哋係落Vinegar & salt去食，原來幾夾，又無咁油膩。食Fish&chips一定係配啤酒，呢句野又幾岩～唔飲酒嘅人都唔怕，佢有無酒精啤酒！…Read More