mspig's Profile

睇menu 睇到有杯圓貝之戀吸引我眼球，不過menu 係無介紹到飲品入面有咩成份，所以落單前就問職員飲品入面有啲咩。職員態度麻麻，第一句覆我：圓貝之戀係個名（我當然知道啦😓）然後就話圓貝之戀係杯有花味嘅珍珠奶茶，咁就即管試下啦，點知伏到一個點😓！杯飲品可以用無味去形容，連少少花味都無，我可以形容自己飲緊水咁，搞唔掂！所謂嘅珍珠奶茶，我真係食唔出有珍珠同奶茶，粒珍珠一啲都唔似珍珠。價錢又唔係平，成40幾蚊杯又細杯，真係無下次！…Read More

外賣三碗飯，芝士豚肉&牛肉及燒汁牛肉飯。味道麻麻，外賣唔建議叫芝士飯，因為耐左啲芝士好難食！飯無汁勞又一舊舊，唔好食難入口，外賣芝士丼飯用火槍燒到個外賣盒黑咗，有啲黑色甩出嚟，差啲比我食埋！…Read More

唔知道係點咪太早落外賣單，一點去到拎外賣。用左10分鐘時間返到屋企打開外賣食，發現啲飯唔太新鮮，3碗飯全部飯都係一舊舊。對比以前好大分別，希望下次再買外賣唔會發生同樣事情。…Read More

睇門面好似好正咁，就入左去試。點知又貴分量又少，重點係貴又唔好食。我叫左個花膠海底椰燉雪梨，我食完之後覺得廚房真係即叫即整！首度，我會飲得出真係糖水（將糖溶入水嘅感覺），雪梨食落係硬嘅（應該切無耐擺入去）。花膠食落認真膠，唔講笑。咁請問咩係燉？另有，佢個menu啲相真係呃得係人。叫左個彩虹綜合圓仙草涼粉，份量只有半碗都無！真係嚇死寶寶，芋圓好少。大家可以想像一下。我都有叫糖不甩三食！跟本唔值呢個價錢，唉！真係...…Read More

食物質素可以，不過份量細。店內所有職員態度麻麻，又囂張。由我入舖到我坐低點餐食野，個個職員都黑口黑面. 餐具唔乾淨，有污跡！餐碟大份量細，枱又細張，要趕住食完先上第二碟食完之後，職員執枱時會擺低執完另一枱食淨嘅碟連殘渣响我枱面，再執走我啲野，令我感覺嘔心！整體感覺麻麻…Read More

不推介原因主要為1.職員態度惡劣2.食物所素一般3.環境差，極嘈又有煙味入到去見到一班職員企門口，不過並唔係招呼你都算，態度差到不得之了。明明已經去左openrice book左位，點知佢黑面話無！算，有位坐低個刻都知瀨野！原本諗住同朋友傾計，點知問所謂嘅cafe嘈到似足酒吧，又勁大煙味！食完諗住埋單快啲走，坐多陣都唔想。埋單時職員張單寫$266,比左$500等找錢，點知職完找反$34。o咀，我知道忙中有錯，同番職員講點知黑面！算，等佢找就快閃，點知職員第2次找錯錢，找番$120幾！個下真係燥左，小朋友$500-266=234呀！計幾耐呀？職員再去收銀機拎耐張單勁惡同我講：你睇下自己食左乜？擺埋款自己實無錯咁！我就答反佢：第一張係寫$266，我對左無錯係$266，不過你家下拎呢張單我就真係唔知發生咩事囉！最後職員發現自己搞錯，繼續黑哂面好似我做錯咁款，咩事呀！今次之後我絕對不會再相信openrice 嘅野，假到喊，百幾人讚？笑左！完…Read More