dorothyfly's Profile

今日去左終於有地鐵到嘅黃埔站食蒸海鮮今次嘅海鮮主角係: 松葉蟹!!!!!我地一早睇左食個原價$1388 for 4人嘅套餐，原來係HKTVMALL買coupon的話，用$988，就可以食到哩個餐啦，精明嘅朋友一早發現左，所以我地都買左coupon享有優惠價其實係地鐵站行過黎都係幾分鐘，算幾方便!!!我地6點半到左，店內未有人，店內都幾企理，無油煙味一去到就安排左我地坐卡位，好闊落舒服跟住就上左啲前菜沙律俾我地食住先等齊人就開爐啦，先上左啲煲粥料先，除左米，啲湯係用雪濃湯，仲有韓牛粒同白羅卜,啲湯白白地好似唔錯!!湯一滾就先放左一層上去先，其實就係主角松葉蟹，蒸8分鐘就可以食得，一打開，個個都有驚喜，隻蟹都幾大隻，食落好鮮甜，完全數洗點調味料食完蟹啲職員就收走左蟹嗰層，一次過放左3層上去蒸，當係上面個溫度計去到95度，就可以食得，哩3層主要有少少海鮮同啲飽肚啲嘅5谷食物，食材都新鮮，除左有1隻硯唔識開口哩度有啲扣分，其他都唔錯:)最後梗係唔少得個粥底，一打開，啲粥已經煲到棉棉地，職員會加入紫菜，京葱落粥度食落好正，粥夠味，韓牛粒超林，正雖然飽，都食左兩碗飲品方面要另外叫，set無包，本身朋友想叫酒，原來未有酒牌，得汽水果汁飲總結，坐得舒適，食得出色，無限時催你走，已經加分…Read More

今日去左太子搵食，其實哩間茶餐廳經過過好多次，次次都見佢啲人好忙咁整緊煲仔飯好啦，今日夾啱時間，又有啲涼涼地，就去食個煲仔飯暖下啦可能今日閒日，唔算多人，入到去仲有卡位坐煲仔飯種類有幾十種，基本上你up得出嘅餸都有，我地都諗左一輪，最後決定最common嘅餸嘅煲仔飯好搞笑係餐牌話煲仔飯有得跟xo海鮮醬,沙嗲等等不過我地最後要返豉油得啦:)豉油有辣/原味，我地兩樣都要，辣味嗰隻真係好辣，建議食得辣先好叫，或者要少辣，否則變豬咀不過在場好多人都要辣豉油，可見都有好多捧場客蠔餅(細)由於煲仔飯係即整，大約要等20分鐘，我地就叫個細蠔餅醫下肚先，味道一般，不過就炸粉少，乾身左啲 北菇滑雞臘腸煲仔飯主菜黎啦，熱辣辣，新鮮出爐yummy雞無雪味，臘腸味道都可以，加埋啲煲仔飯豉油無得頂 田雞臘腸潤腸煲仔飯田雞都有肉食，加左辣豉油，野味到陣臘腸加潤腸真係無得輸，煲仔飯嘅好朋友:):)食到最尾仲要剷起煲邊啲飯焦食埋佢總結，下次黎太子又多一間搵食好去處，食煲仔飯唔洗次次去到廟街先有得食…Read More

今日做完yoga, 同好姊妹去搵食，其實已經9點幾，係旺角好多地方已經到宵夜時段，我就提意，辛苦完不如去食`邪惡´炸雞，結果就被我引誘左去食想試好耐嘅nene chicken!!!! oppa我黎啦!!!一坐低就有開胃前菜:淹羅卜幾爽脆，入味，胃口大開兩條友，我地只叫左碟炸雞已經好夠飽 鴛鴦炸雞(酸辣&香蒜味)無骨整體上啲雞炸得乾身，入面嘅肉都頗嫩滑，無乜'鞋'口感酸辣醬汁味道不錯，不過建議襯熱食，否則啲汁會變結!!香蒜味濃，香脆可口，有啲中菜香蒜骨影子Grapefruit soda & Trapical passion fruit soda先講正常嗰支trapical passion fruit soda, 正常汽水味，無特別個Grapefruit soda真係好似西柚汽水加水咁，淡貿貿，仲衰過叫支西柚soda飲收成40蚊，整支咁嘅飲品真係好差總結，今次淨係試左炸雞，下次可以試埋其他食品，希望佢啲飲品有改善啦!!…Read More

今日難得姊妹們可以齊人出黎high tea, 當然要豪一豪佢啦，我地揀左香格里拉酒店大堂酒廊哩度嘅high tea set已經有好多好評，今次當然要order試下啦 我地7個人叫左3 set二人tea set, 包6杯$60以下飲品。Acqua di Parma Afternoon Tea (for 2)tea set由下至上有咸點，如三文治， 鴨肝法包仔... 甜點方面，如草莓, lemon mousse, 朱古力條....咸點味道不錯甜點都不錯Scone出奇好味，熱熱地好鬆化，揸上cream cheese和果jam, 真係perfect match公司三文治連薯條配沙律因為tea set咸點較少，我地就order多份公司三文治， 味道薯條新鮮熱辣，沙律新鮮Darjeeling 食左咁多野，梗係要飲返啖茶消下制，靚茶配靚餐具，真係賞心悅目贈品原來叫左tea set有Acqua di Parma香水同cream送驚喜 ❤…Read More

今日情人節，帶情人食啲浪漫野-麻甩的浪漫去左上水街市大排檔: 強記!其實有時食下大排檔都好，貪佢啲小菜夠鑊氣強記除左小菜，仲有得打邊爐，配料都有好多選擇!不過今日就食小菜:) 薑蔥霸王雞(半隻)雞夠滑，薑蔥豉油配合得好好，送飯之選，其實淨係薑蔥都可以食半碗飯同埋半隻雞份量都幾多。 蒜蓉粉絲開邊蝦(例)另一送飯之選，蒜蓉夠野味，蝦就有小小`鞋´，未算好爽口。 不過下面嘅粉絲吸收晒啲精華，好味 蒜蓉炒白菜仔不過不失之選，份量夠多!!比平時出面嘅店大碟好多:)…Read More

青衣想搵間性價比高嘅街坊茶餐廳，真係要推薦位於青怡花園內嘅俊達晞!!!!早餐必叫肉丁米，佢地俾嘅肉丁一啲都唔姑寒，大大粒，夠辣夠香腸蛋多士食得出係新鮮製作，唔係一早煎定嗰啲，無得頂熱鴛鴦嘅奶味夠， 但咖啡味就爭啲啲不過以31蚊嘅價錢，有咁嘅質素早餐，我好滿意…Read More

係10度天氣走去食杯冰，真係凍上加凍是日係尖沙咀食完dinner,友人口痕話想食糖水，於是走去厚福街搵食啦啲間店店名已經係韓文，主打應該係韓國甜品啦，我地叫左兩款冰草莓有啲酸，不夠甜兩款都可自行落練奶!兩個個冰底係一樣，用奶做成，不過食落不夠綿線冰咁滑，奶味不夠濃，所以要靠練奶黎加味:(…Read More

今日約朋友約食韓燒, 推薦了平昌By BBQ 7080我透過openrice個網上訂位功能, book 左7點鐘4位, 哩個功能真係好方便, 希望多d餐廳可以加入我地準時到左, 即刻可以入座, 入面已有幾台人食緊, 佢地有安排到大膠袋俾我地裝住d外套, 唔錯:)放題任食兩小時, 緊係第一時間拎張點食物紙, 點返d食物燒住先啦食物種類不算多, 有肉, 有海鮮,有d熟食由於朋友太肚餓關係, 結果放左勁多野入去燒其實一開始係有爐邊蛋, 不過不失啦, 我地食完就無加啦, 反而將d豬頸肉呀, 五花腩呀.....食物放係個度解凍鰻魚, 牛舌好味腌牛肉就麻麻地....菜新鮮, 洗得乾淨熟食方面, kimchi 海鮮湯同海帶湯都推介…Read More

見到雜誌介紹，位於尖沙咀K11內新開左一間專食大板燒，廣島燒同文字燒嘅店，又標榜可以自己落手燒，於是即刻去試下先:):)下午5點53去到，門口已經有數10人拎左飛排緊隊等入仲諗住6點未到去到已經好早，結果都有排等，6點鐘入得嘅只有10多人，輪不到我張飛所以強力建議想食的話，5點半好去到拎飛先，咁就應可以係6點鐘第一輪入去食!!!等左個半鐘終於有得入啦，入面都幾闊落，台同台之間都坐得好舒服!!(為保障私人，對上左鏡嘅食客打格仔，不好意思)今晚嘅主角-大鐵板!!旁邊除左有menu，仲有教你自制御好燒嘅說明書!仲有大阪燒汁，炒面汁，醬油....任君自由發揮(廣島燒)佢嘅製作方法較為繁複，所以我就要求店員幫助製作!當然，如果你想自己整都可以!!:)店員orange 哥哥邊落手製作，邊介紹製作方法! 而且佢透露佢係去左日本接受70個鐘嘅訓練，確保客人都係整到或食到正宗嘅御好燒!!好好味，熱辣辣,特別係入面個炒面，超好味，必食不用擔心會漏，因為入面有大量嘅椰菜絲(大阪燒)自己就落手整大阪燒，方法簡單好多!只要撈勻碗入面材料，最好撈到起泡，確保入面有好多空氣，到你整個大阪燒就會鬆化啲好味啲跟住就記住5，5，5嘅口決(5分鐘反一反，反3次)，跟住加上燒汁，沙律醬, 紫菜碎同鰹魚粉, 咁就完成啦無失手!!!味道都好正，因為自己親手整嘅，加分個口感就同廣島燒不同，佢就較鬆化，但個皮就脆脆地!!!正( 白桃乳酸飲品)食燒野緊係要叫杯冰凍飲品， 冰凍解渴， 甜甜酸酸咁，正總結: 呢間禦好燒喺香港還係第一家， 有得自己落手整下御好燒，都係一個唔錯嘅拍拖選擇!!!…Read More

今日去到上水搵食，想試下啲街坊商場茶餐廳，於是走左去位於彩園邨内嘅商場茶餐廳(芝士焗牛魔王意粉 $59 連餐湯/餐飲)咦，原來係鴛鴦汁黑椒牛扒意粉，出乎我意料之外，其實我想要全茄汁的意粉:(我叫哩個全因佢餐牌上有隻辣椒，結果一啲辣味都無，而且啲汁唔夠夠，食到中間得返啲白意粉失望!!(帆立貝雞扒蛋包飯 $55 連餐湯/餐飲)蛋包飯賣相不錯，旦都幾滑，入面嘅飯係炒飯底而且加左左芝士係入面，加分雞扒不過不失，尚算可以，入口不`鞋´。(脆炸洋蔥圈 $24)香脆可口熱辣辣!讚!…Read More

今日路經中環，到了晚餐時間，友人建議到港澳碼頭斜對嘅越泰搵食!門口都幾靚喎!餐牌上有多款越泰美食，好啦，一於試下啦!我叫左無⻣海南雞飯,當晚我地6點零去到，已經聽到啲侍應話海南雞得番一隻， 我心諗咁快賣曬啲雞唔通好好味一上個餐，咦?!點解得一款酸辣汁嘅??平時啲海南雞飯都有3款汁跟架,有啲失分:(味道就...黃油飯有啲硬，不夠咸香! 雞就不夠滑嫩，可能俾左啲雞胸肉我友人叫左個香茅豬排飯，豬排味道不錯!另外叫左個鮮蝦米紙卷，味道不過不失!…Read More

今日下午悠悠閒行去到中環high tea，唔想食太heavy嘅野，網上見到位於嘉咸街嘅Green waffle Diner! 一於去試下3點去到，有tea set食，好野! 店名都有`waffle´， 當然要叫返份啦，另外叫多個沙律!!waffle到!!!嘩，好靚呀切落好鬆，好新鮮!!味道不會太甜!!!熱辣辣，正配埋雲尼拿雪糕一齊食，真係perfect match另外叫左個烤牛肉沙律伴黑醋汁，味道不錯，幾開胃!!沙律上撒左啲芝士薄片,感覺不錯tea set有餐飲，叫左熱咖啡!!係即磨咖啡，幾好飲!!好滿足嘅下午茶，下次有機會會再encore waffle!!…Read More

今日係姊妹聚餐生日飯，揀左位於尖沙中港城內嘅沙嗲軒。 當時訂左7點半嘅位，去到只係得幾台人係度，幾安靜一坐低就上左一兜卜卜脆片,微辣香口，不自覺食唔停口是日5個人，決定叫個新年套餐，另再加幾款小菜。先上肉骨茶，味道香濃，肉排好林身，好味好補身嘅感覺!再上啦沙湯面，湯好好味，入面有蝦,魚旦，豆卜等，正新年要撈起🔥， 材料新鮮，有8款醬汁俾你自己撈， 要好好控制落醬汁嘅多少，好影響碟撈起嘅味道，啲羅卜絲頗吸汁，建議慢慢落，不夠味先加再上個麥皮蝦，超級好味!!!好味到連蝦壳都炸到卜卜脆，可以食埋!!!黎多個炒羅卜糕粒，味道頗濃，野味之選，不過羅卜糕可能太細粒，所以太林!!食完啲濃味野，即刻要整返杯青檸梳打，爽!再上雞牛豬串燒3兄弟，味度不錯最尾上多個炒芥蘭作結，菜嫩好味!!今餐真係大滿足，過個肥年…Read More

今日係結婚週年紀念，特登book左City Art慶祝❤中意佢做semi-buffet!!準時6點就到左，我地算早到，未有太多人，太好啦，可以慢慢食睇左menu，同之前食差好遠!如果食semi-buffet，得返幾款main course揀，之前有成10款揀，有啲失望一另外如果想食其他main course要散叫，另計，外面個海鮮吧要加3百幾先可享用睇下啲食物，外面個海鮮吧keep到水準!生蠔有3款揀: 法國，愛爾蘭和蘇格蘭本人較喜歡後兩者，海水味濃啲其他海鮮凍盤都唔錯!main course揀左羊脾同埋牛膝，麻麻地:(，兩款都較'難',食完會好飽要讚個龍蝦海鮮湯，夠熱，夠濃，夠香，夠滑甜品有上面幾款，全部都幾好味!係啦，今日加左$88/人，任飲紅，白酒同果汁，我地當然飲酒啦，試左white wine and sparkling wine 🍷, 易入口，不錯!飲得之人如果加錢任飲，一定回晒本最後黎個Haagen-Dazs雪糕做結尾…Read More

第一次寫食評，由最穩陣嘅荃灣金坊打頭炮😜平時金坊到dinner時間，係門口都會大排長龍, 今日閒日6點零到金坊，不用等位就可以入得，太開心啦😙😙兩口子叫唔得多送，啲送份量都頗多，建議多啲人去食好啲好，唔講咁多，去片....1.咖哩大蝦份量頗大，蝦都有5，6隻，咖哩汁撈飯食一流如果啲咖哩再辣啲就更好啦!!啲蝦都幾大隻架2. 肉碎生菜包(可揀豬/雞肉)無得輸泰國菜至愛3. 串燒3兄弟(可揀豬，牛，雞肉)，今次我地每樣要兩串串燒即叫即燒，上台時熱辣辣，正!!!點埋個醬更正!!!!個人較喜歡牛和雞肉串，豬肉串較"鞋"口總結，係荃灣食泰國野，都係推薦:金坊!…Read More