刁嘴聖姆's Profile

新加坡的海南雞飯是我的喜愛, 喜愛他夠casaul, 隨便的用椰油, 雞油, 便得做出開胃的雞油飯, 配以特產甜豉油, 酸味醋而食的雞肉, 想起便吞口水了toast box 是新加坡的入口品牌, 主打是喇沙, 加央吐司. 但我還是選擇一碟地道的海南雞飯! 雞飯來到面前, 就令我有那種casaul 的感覺! 或許是價錢經濟令我有先入為主的感覺吧:) 雞肉的味是偏淡的, 但雞肉要好味不一定是好有味的東西, 只要入口舒服就行了, 雞肉份量很多, 很適合casaul 的你去試一試雞油飯就是之前所說的一樣, 簡簡單單的沒有花巧, 其實就已經讓我吃得滿意, 油飯的雞味太重, 又只會令成口雞肉的味覺太單調, 要記住油飯最緊要的, 就是飯的香味, 這裡的油飯, 飯味不算很優勝, 但已算合格了!甜豉油要彈的是唔夠香, 不過濃度倒是夠的, 點雞食都不錯了總括是toast box的雞飯是值得去食的…Read More

近日吃了三碗越式生牛肉河, 一碗比較平凡, 出自某連鎖店, 不提了. 一碗剛點評過, 而這一碗, 又另有特色火車頭的名字都頗出名, 今次專吃一碗越南生熟牛肉粉, 價錢比剛才那碗更貴!同樣係生熟牛肉河, 代表的食物有很大的分別, 這處的生熟牛河, 不是半生熟的牛肉, 而是解作一半牛肉是生牛肉片, 另一半是熟的牛展片 感覺上構造複雜得多生牛肉河上桌, 先呷啖湯, 牛味濃郁, 已放了大半心, 加入香葉佐之就更佳, 不過店員只提供香葉及生芽菜, 沒有檸角及辣椒, 要問才有的, 這個可以改善就更好啦! 河粉的質地很滑, 這種河粉用來做生牛河是最合適的! 最抵讚係枱面備有魚露供客人使用, 我就老實不客氣的用來點牛展吃了, 味道倒是不錯的火車頭呀火車頭, 為什麼你不是在九龍城開店, 要吃, 就要老遠跑來吃了:(…Read More

路過尖沙咀的新商場theone, 見有"金寶"之分店開設, 又吸引我去幫幫襯新店很光猛, 落地玻璃令空間感大增, 裝修新潮, 跟九龍城老店有很大對比! 店員由泰國"阿姐" 變成後生仔女, 反映主理人之野心:)時值下午二時, 店內人客已經疏散得七七八八, 只有我這星期二放假之人, 才有閒情逸緻四圍去食, 四圍去玩 本來見有下午茶餐更抵食, 但對其越南生牛肉河產生興趣! 一碗四十多塊的河粉, 比起隔壁的店貴, 就看看是否物有所值?湯粉送到面前, 只賣相不俗(見圖__ ) 生牛肉半生半熟的, 用筷子第一時間"篤"入湯浸熟之, 牛肉變成八成熟.. 哈! 肥牛片切得薄, 八成熟放入口又真係好食得很侍應隨湯粉送來了香葉, 青檸角, 指天椒一枚, 但檸角太少, 擠不了很多汁. 故要求再添加, 湯底有一少缺點, 差一點胡椒味:(有水準的越南河, 會令人吃得回味, 今次一嘗, 期待下次再臨, 再次其他菜…Read More

好耐無去食洋一了, 今次去已經係六個月無嚟, 回味的, 係個咖哩飯一條冷食, 食一碟咖哩豬扒飯加一個壽司拚盤, 都覺得自己幾大食 咖哩的味道同以前差唔多, 不過豬扒就退步左, 好似已經無以前咁鬆化:( 壽司拚盤都係不過不失, 唔係專業壽司店的出品, 不過勝在幾大件:)價錢係比較街坊的水平, 要求唔會太高了, 不過坦白講, 初初開的時候好食好多…Read More

一天搭車落尖沙咀, 途經彌敦道居然發現失蹤多年的李錦基, 於是今日下晝去食兩個人食左一碟牛油雞翼, 蝦肉春卷同一碟炒通菜, 牛油雞翼好一般, 皆因沒有牛油味, 雞翼又比較淡, 如果就咁食就可以話係難食添, 不過食越南餐, 通常都要用酸魚露調味, 於是叫左一碗魚露用嚟點雞翼食, 好彩魚露的味道都過得去, 令個雞翼勉強清碟蝦肉春卷食法好正宗, 唔係用魚露食, 而係以花生碎溝甜醬取代, 食慣魚露的女友無辦法接受這個味道, 但係我就食得津津有味!炒菜一般, 結論係李錦基的食物好地道, 不過處理得唔夠好!…Read More

很久之前去過這間叫irori 的日本餐廳, 當時仲記得地址係在 sogo 隔離棟大夏, 如今搬了來時代這邊, 是首次幫襯的新的餐牌, 不再是只照顧日本人, 加入了很多中文, 最大的進步, 係加入了很多美麗的食物相, 令人可以看完食物的模樣才決定要唔要食, 抵讚!兩個人食, 一個湯豆腐, 一客牛肉卷, 一碟火焰牛柳, 再加一枝ebisu, 已經好夠, 湯豆腐係無味的, 有金菇, 菠菜, 紅蘿蔔同幾件豆腐, 要味, 就要用提供的豉油, 仲可以自己加蒜加蔥, 日本餐沒有像炒菜心的菜色, 要食菜其實絛幾多選擇牛肉卷其實以前已經食過, 此店做得好好味, 吉列的外層, 一點都不肥膩, 因為日式的做法一定會把油索乾, 比中國餐的油炸, 日本的可取得多, 牛肉卷點特製的像千島醬的醬汁, 少少酸, 很開胃火焰牛柳由十多舊小牛柳圍圈切成, 牛柳好嫩, 汁有少少檸檬的味道, 好味! 用嚟送啤酒係一流! 日本料理之中, irori的質素係不容置疑的, 就算貴少少, 都係值得!…Read More

在又一城行到攰, 同女友兩個決定到溜冰場邊的 "經驗" 餐廳抖一抖餐廳鮮紅的設計, 十分之 sharp, 俄應安排坐入面, 俾我拒絕了, 因為我想坐在溜冰場邊, 可以一邊食一邊睇人溜, 無咁悶, 又咁啱有一張吉的, 侍應就安排我地就坐了叫左一個辣肉腸pizza同一碟娃娃菜, 來一個中西合壁, 其實未到食晚飯時間, 又唔係太肚餓, 所以呢餐只係我的下午茶, 不過個pizza都幾好食, 批邊勁脆, 除左辣肉腸之外, 仲有青椒, 橄欖, 蕃茄, 加埋香噴噴的芝士, 味道配合得不錯!此店尚有很多不同的 crossover 食物, 服務不錯, 環境又光鮮, 下次都會再嚟食一間正餐的!…Read More

澳門之行, 總共食左六餐, 結果係, 滯左...最後一站去美高梅賭錢, 好似賭俠入面三叔借左阿星一半特異功能去賭咁, 揸了多舖好牌, 終於反敗為勝, 執番身彩, 所以即使不算太餓, 都入去食•八方慶祝慶祝兩個人食, 只叫一個义燒飯餐跟一碟干炒牛河, 價錢都幾貴, 义飯六十八蚊一客包合掌瓜湯一盅, 干牛河要八十八, 未計加一不過味道幾好, 特別係個义燒, 比起好多香港出色的燒腊店, 食•八方都做得更好, 义燒燒到微燶, 火喉剛剛好, 豬肉一咬即開, 唔會同牙齒角力, 肉質軟熟, 合掌瓜湯又夠火喉, 這個美國人開的中國餐估唔到做得咁好干牛河一般, 不過個辣椒醬相當好味會唔會因為贏左錢有 bias ? 可能啦, 但係心情真係幾靚, 哈哈哈哈哈…Read More

去到木偶葡國餐廳的地址, 發現已經不見了, 原來搬了新地點呢, 新店有三層高, 全新裝修, 地方很闊落, 坐得好舒服!最想食, 係佢地個燒沙甸魚, 上次食過之後, 印象難忙, 沙甸魚係逐條計, 十五蚊一條, 於是要左兩條食, 另外再加一客西冷牛扒同炒什菜一碟!沙甸魚燒到香噴噴, 用义拆掉魚皮, 魚肉不是鮮甜, 但有濃郁魚味, 唔算好腥, 所以好好味, 再擠點檸檬汁食, 更加滋味!西冷牛扒七成熟, 切開係有血水的, 但不多, 沒有生的感覺, 反而因為控制得好, 令牛扒唔會靭, 牛扒係有調味的, 不過味道唔錯!食物有水準, 環境又幾好, 服務都不錯, 經理很有禮貌, 食得好開心!…Read More

在新葡京比新哥劏到一頸血之後, 轉戰氹仔的皇冠再搏殺, 但因周車勞頓闔係, 決定入新開的新濠天地抖一抖入到咖啡天地, 環境係一流的, 梳化大大張, 坐得十分舒適, 也令我突如其來的心情歎番杯espresso 跟一件芒果熱情果蛋糕廿蚊一件蛋糕, 廿蚊一杯espresso, 酒店式的coffee shop 在香港當然唔算貴, 不過澳門現在的生活指數都好高, 搭的士都要六十幾一轉 (由葡京搭嚟, 懷疑被兜路了:()espresso 係有意外的驚喜, 咖啡味好香濃, 入喉的感覺順滑, 就如法拉利的油門用輕力一踏, 精神都為之一振! 芒果熱情果蛋糕都好食, 不過多了個不速之客---椰絲, 令到原本滑嘟嘟的蛋糕變得鞋口, 不過都算好食义足電之後, 入crown大搏殺, 咖啡因起了作用, 搶回一半輸掉的賭本了 …Read More

在新葡京輸掉大拿拿的三千蚊之後, 去了瑪嘉烈蛋撻食葡撻洩忿 喺香港的時候, 都已經成日去肯塔基買葡撻食, 但係水準越嚟越低, 機械式的生產總是壞了好事的...買左兩個葡撻食, 雖然都係叫瑪嘉烈葡撻, 但係就好食得多了, 同肯塔基最大的分別, 係個酥皮的層數多出數倍, 因而令個葡撻更鬆化, 入口更好食:) 如果肯塔基可以做到咁就好了..只係環境就比較惡劣, 天氣炎熱, 坐出面沒有冷氣, 大風扇吹出來的風有好多水點, 好似落雨咁, 慌忙搬到旁邊的卡位坐, 以免弄濕我美味的葡撻…Read More

去搏殺之前, 再食多轉, 去到明記吉牛什每一次去澳門, 經過明記都覺得牛什香噴噴, 好想食, 可是每次都食唔成, 因為次次都係1李康記食到飽哂先會經過, 今次就唔同, 專登留番個肚去食一串肚肺, 一串咖哩魚旦, 就咁, 便成為我今日的第三餐! 其實咖哩魚旦的味道只係一般, 魚旦唔夠爽, 咖哩都唔係太入味, 不過嗅覺方面就好香, 有少少比預期失望但係牛什就頂瓜瓜了, 牛肚好好味, 寫牛什的五香汁唔會好咸, 反而比較溫和更好味, 肚煮到淋, 易於咀嚼, 但好的地方係牛肚依然可以保留很多的牛味, 好多牛什檔都煮到無哂味, 但明兗的牛什就因為咁而特別好味雖然唔算係好好食, 但係水準都不錯了…Read More

下一站, 就係去街尾的一間碗仔翅專門店食, 去食的原因, 係朋友的推介, 話不可不試, 於是就改變一吓行情, 放棄了李康記了去到門口, 有十人排隊, 原來真係咁受歡迎,自己都唔孤寒自己的時間了, 不過排了只係十分鐘, 就有得食, 都唔係等太耐哈, 我只係食最平的碗仔翅, 兩蚊一碗, 再飲一枝靈芝雞骨草! 廿蚊碗的碗仔翅, 翅窆份量當然唔要求高啦, 其實想試的, 係個湯, 個人而言, 魚翅唔係太好, 只係覺得取翅係好殘忍的行為, 不過食翅又真係一種享受, 戒不了, 只好食少一點..碗仔翅有竹生, 豬肉絲同少許散翅, 味道很好, 湯的味道很濃, 加入浙醋, 白胡椒粉食, 比起一般的街頭碗仔翅有水準得多, 朋友果然無介紹錯!試過個湯, 相信其他貴價的翅都唔會差得去邊了, 放心推介俾大家啦…Read More

星期日過大海搏殺!! 同時亦係大食之行的開始!落船之後, 首站係先去祥記, 食既梗係招牌的雲吞麵了, 話哂都係澳門的名店... 之但係因為想食多幾間, 所以明知唔夠飽, 都只係叫一碗雲吞麵食就算!如果要食一碗麵就夠飽, 你會極之失望, 因為佢碗雲吞麵真係只得兩啖, 雲吞都只係有四粒, 但係麵的水準係好高, 首先: 係無梘水味, 其次, 麵身唔會好似橡皮筋咁, 而係比較軟熟, 但係又有靭度wor, 所以又唔會散哂, 你會覺得係真正食緊麵, 而唔係橡筋!雲吞都ok, 全靠靚上湯吊味, 食完, 就好似朝聖完一間崇高的麵店, 滿足的去下一站了…Read More

約左朋友到朗豪坊睇戲, 未睇之前自己去食點東西, 就到了左近的王家沙吃了一客小籠包, 鹵水鴨舌及魚湯菜心, 小籠包味道不差, 一口咬落肉汁必了出來, 很盪口, 餡的味道夠, 豬肉醃過調味料之後才用來包小籠包的鴨舌都ok, 蠔油的味道比較多, 有少少偏甜了, 不過算係合格的! 菜心都不錯! 吃完去睇戲, 時間剛剛好…Read More