chuF's Profile

兆萬中心樓上嘅一間韓式燒肉舖頭，呢個位置真係超級方便，食完今次之後我諗以後去旺角行街玩完之後都會幾常嚟呢間舖頭。平時比較少食韓式嘢，不過都幾鍾意韓流嘅影視作品，入到舖頭裏面個環境真係幾似韓劇裏面嘅燒肉店呀😂地方闊落又乾淨，特別係啲員工仲幾細心有禮貌。嗰陣員工見我同朋友手拎住一袋二袋，主動拉啲凳過嚟俾我哋擺低啲個人物品👍🏽 喺呢種價錢貼地嘅餐廳都有咁嘅服務，欣賞放題套餐方面我同朋友食咗個最平嘅 ’大君禦膳‘ 套餐，因為感覺性價比好高，豬牛羊雞海鮮一樣不少，上菜速度快之餘仲有好多熟食小食可以喺燒緊嘅途中食，例如1號芝士、蟹肉薯餅、炒年糕，仲有我好鍾意食嘅辛辣麵😂😂而食燒肉梗係唔少得生菜配燒肉呢個組合，所以蔬菜嘅乾淨新鮮程度好重要。我同朋友嗰晚應該拎咗三盤生菜，每一盤我都望得好仔細，因為驚洗唔乾淨或者有蟲。但我可以同你講呢間舖頭真係洗得好乾淨，每份生菜望落去都好健康新鮮😂👍🏽可以放心食！最後想講多點烤爐外圍嘅蛋漿煮熟咗之後真係好好味！唔夠食可以問店員再拎過…Read More

尖沙咀一間食漢堡嘅舖頭🍔🍟🍗我覺得佢嘅質素對比差唔多價位嘅連鎖店例如Shake Shack /Five Guys好上唔少😂 店舖裝修工業風，放工同同事過嚟飲嘢食嘢肯定好chill，我去到嘅時候已經過咗lunch time，唔使同人迫～菜單有非常多嘅選擇，可以自由砌一個心目中嘅burger出嚟，嘢食方面點咗杯菠蘿梳打，一杯好正常嘅菠蘿梳打😂如果份量再多啲就好另外點咗份雞翼，望到張相都知正，成隻雞翼炸到金黃色，但又唔乾身有肉汁👍🏽👍🏽至於主角burger，其實點之前真係用咗好耐時間諗，因為又想食雞又想食牛又想食魚，無奈得一個人，試唔到咁多嘢，最終揀咗個鱈魚鵝肝漢堡。鵝肝芝士鱈魚柳呢個組合真係冇得頂，成個味道好match，入口即溶，仲有塊蕃茄可以解膩，而兩塊包亦都冇話俾食材嘅汁整到濕晒軟晒，呢點好評。而伴隨漢堡嘅仲有沙律同薯條，所以食物份量方面係絕對夠👍🏽👍🏽…Read More

今日同朋友黎左旺角嘅一間樓上Cafe，今次約咗朋友，所以都想揀返個地點方便的餐廳 依個場都唔細架 好岩同朋友聚會，價錢抵食 就算食多幾樣都唔會肉痛大熱天我哋一坐低就叫咗兩杯梳打嘢飲，味道都幾唔錯，夠晒清涼 同埋我鍾意佢唔會太甜 另一個朋友就叫咗花茶 佢比較養生 花茶上嚟嗰陣仲係一壺咁上，又係打卡位嘢食方面我哋叫咗蜆肉意粉，蒜香味，但食落都有少少辣，食得辣嘅人就覺得惹味，唔食得嘅就要小心啲啦，蜆肉鮮味得黎又冇咩沙，而且都幾多，幾開胃另外想講個雞翼真係好值得叫，又睇得又食得 一睇就知道外皮係微微焦香，但入邊其實好嫩滑，其實我覺得我自己一個都可以食得晒最尾我哋仲叫咗個藍莓芝士蛋糕，芝士味都好重，口感我覺得就偏向美式一啲…Read More

是日到大西北探訪朋友，佢帶我食呢間野川拉麵之深宵食堂，淨係個名都已經好日本😂。不過唔好俾佢個名呃到，除咗拉麵仲有好多好多唔同嘅日式好西。 其實間店個位置都幾好搵，店內環境夠晒大，仲有隻大大隻嘅Iron Man公仔喺度。我同朋友坐低都點咗好多嘢食，因為有啲嘢值得慶祝🍾。嘢食方面我哋叫咗個炸蝦拉麵share食，果然店合有拉麵兩隻字個拉麵都唔簡單😂確實好味嘅，湯底濃郁，面嘅軟硬度亦都把握得幾好，炸蝦作為主角味道唔係話好突出，不過不失。 之後我哋點咗個刺身拼盤，真係冇得彈，特別係海膽同帶子大塊得來又新鮮，真係想再點過，三文魚腩好肥美，色水仲好靚仔～ 另外我哋仲點咗啲串燒食,味道亦好唔錯。都幾令人意外，呢間舖頭有咁多唔同款式嘅菜，但係味道亦都有返咁上下水準，而且佢哋對食材嘅入貨方面應該都有落唔小心機，呢點我覺得從佢哋飲品方面入手好多知名評價唔錯嘅日本飲品就可以知道…Read More

今日入左屯門時代廣場行街睇戲，玩到累就真接黎左依間燒肉食野，地理位置夠曬方便揀左個中間價位嘅安格斯和牛套餐，$388上菜速度好迅速，而且又唔會漏單，我寫幾多佢就嚟幾多。牛嘅種類好多，唔同位置嘅都食到壽喜燒係個套餐送嘅 佢送咗一碟和牛，食落超好味，我覺得有A4級。依碟和牛嘅片數都幾多，唔係古古寒寒一兩塊咁，每片都好大片另外我叫咗好多種唔同味道嘅牛舌，佢嘅牛舌薄得來有幫你醃咗。只係放上去燒就食得，夠晒簡單。佢有辣味、味噌味、鹽味等，都好多款俾我哋試，又唔使自己特登去調味，方便👍甜品大部份都唔會好甜 種類亦都唔少 食多啲都唔會膩而且可能因為新店嘅關係見到佢有好多promotion性價比相當高，依間店值得一試…Read More

今日過咗海食鐵板燒。見到依間餐廳原本的價錢係$458 ，但而家做緊promotion，$338就已經食到，好似好抵食咁，於是就入咗嚟試啦主菜有得揀美國頂級牛或者西班牙黑毛豬，咁我梗係揀牛肉啦。其實加多$150仲可以升級宮崎和牛，不過荷包有限，我覺得其實美國牛都OK 㗎🤣師傅喺客人面前即煎，等待嘅時候記享受緊佢嘅表演，亦都係一種煎熬，因為啲香味已經傳晒落你個鼻，但食物仲未入到你個口😭食物味道頗佳，廚師對於三文魚同牛肉個火候掌控都很好，唔會令食材煮到好乾或者好老。午餐嘅Menu仲配咗個蟹肉炒飯，所以唔使擔心食完唔夠飽。我係晏晝食嘅，餐廳位於好高嘅樓層，光線10分充足。望出去見到中央圖書館同埋大草地，幾寫意同埋好舒適。…Read More

今日朋友話帶我去食日本嘢，見到個地點嘅時候係旺角有幾開心，始終係鬧市。但係佢其實唔係喺大街度，所以可能都要望吓地圖先容易啲搵到。上到去嘅時候地方係好有特色嘅裝修，有預感呢一餐飯應該幾好食今晚叫咗鰻魚、燒鵝肝配大啡菇、燒菠蘿、帶子夾海膽、仲有牛小排和蟹肉沙律。整體嚟講佢嘅味道十分出色，擺盤打卡一流。如果大食嘅朋友會建議點返一啲主食。個人覺得當中最突出嘅係鵝肝配大啡菇。大啡菇一口落去就勁Juicy，而且始終都係蔬菜類型，所以感覺會好清新，配返個油脂充足嘅鵝肝，簡直夾到無與倫比帶子夾海膽，一口食落就已經感覺到食材嘅嗰種新鮮，而且上面仲有爆多嘅魚子。口感上層次有更豐富，都係必食之選。帶子厚度充足，海膽鮮而不腥，色澤勁佳…Read More

今日都係咁啱去尖沙咀食嘢，先發掘到依間舖頭。店內嘅座位有限，喺尖沙咀呢啲人流多嘅地方，我Walk in都可以咁啱又位坐，都覺得好好彩。店內嘅裝修行簡約日式風，幾舒適。師傅都好健談，會同客人講解食材之餘，都會傾吓偈，放鬆一下。今日嘅Omakase食材中我最鍾意嘅係個海膽杯，海膽鮑魚，同埋個鵝肝。海膽最近都好似當做，色澤鮮味，食落甘甜。另外比較驚喜嘅會係八爪魚同埋象拔蚌刺身。其實我本身個人唔係特別鍾意食象拔蚌刺身，因為出面食處理得唔好都仲係會有少少腥味。但係依間舖頭嘅師傅唔單止將兩種刺身都處理得好好，而且仲會喺兩種刺身上邊都界很多花紋，令到客人食嗰陣可以減少咀嚼次數，專心享受食材嘅味道…Read More

呢度無論係裝修定係背景音樂都幾日系，雖然我暫時返唔到鄉下，不過都要食返啲鄉下特色食物補下數🥲依間店舖嘅位置都係喺旺角鬧市中，位置於市中心係幾方便～叫咗個海鮮沙律，好似都唔使$100 ，勁大份，就算幾個人食都絕對夠食。入邊又多料又多魚生。無論菜定係魚生都好新鮮我仲叫咗個黑蒜蝦拉麵，拉麵上嚟嘅時候我望到啲蝦仲以為啲蝦係冰鮮蝦，點知食落嘅時候似新鮮的！😯😯好鮮味，有蝦味。個湯嘅配料仲有好多，如圖有糖心蛋，木耳，紫菜。魚湯嘅味道都算係幾濃郁。價錢抵食。另外仲叫咗個三文魚腩刺身，真係勁新鮮，係必食之選，油脂仲好豐富。我一個人可以獨食晒咁多舊我覺得勁幸福單憑佢依個三文魚腩嘅刺身質素我就想試埋佢其他刺身，可惜我已經飽飽地，下次再試…Read More

公司今日出咗獎金，一於去豪下揀呢間舖頭係因為佢個名幾得意鐵板超，入到去先知原來佢個超字係超人嘅超咁解，唔係我亂吹，有相為證架食物超新鮮，我點咗龍蝦、鮑魚、鵝肝&和牛鮑魚廚師幫我切開咗，每一面都微微焦香，好正有鑊氣，但又唔會乾噌噌和牛好肥美龍蝦同鵝肝都係超曬班，食物質素一流。鵝肝好肥美，而且佢個size同麵包相若，食落一啖鵝肝一啖包，配搭一流。龍蝦新鮮就不在話下，仲要係生猛鮮活的龍蝦每一個部位都冇浪費到，成隻龍蝦比廚師運用到極致。龍蝦肉就梗係拎嚟食，佢嘅蝦殼都比廚師拎出去煲湯再加埋其他配料，好鮮甜其實食到依度個人都已經飽飽地，但係有返啲米飯落肚都仲係實在啲嘅。一陣如果真係出咗門口冇幾耐就肚餓咁就唔抵啦。😆😆😆金黃嘅炒飯配埋咁多櫻花蝦，鹹香鹹香最後嚟個雪糕收尾❤️…Read More

今日朋友帶咗我一間好似好高檔嘅日式餐廳。雖然佢嘅地點喺長沙灣，但係可能好野就真係要花啲心機去搵，酒香唔怕巷深🤓餐廳嘅裝修風格都係行日式路線食左個六百幾蚊嘅大蝦套餐，其實依個套餐每一樣餸都做得幾好味，而且佢個'鐵板燒'嘅香味同埋獨有嘅味道喺每一樣菜式都可以品嚐得到，再融入埋菜式本身自己有嘅食材味道，幾正。但如果兩個人嚟食嘅話，我都會建議再散叫一啲食材，咁就可以再試多少少唔同嘅菜式。其實餐廳都仲有其他價位嘅餐，下次再同朋友嚟我可能都會試吓。首先黎個開胃沙律魚同蝦都非常之鮮味，蝦係大蝦嚟嘅，食完真係好想再叫加碼 魚嘅魚油再配合埋煎到表面焦脆，係享受牛肉熟度唔錯，隔離半碟嘅炸蒜都好香脆牛油炒菜味道有幾好食，而且份量都唔少仲有個櫻花蝦炒飯，真係食到最尾都仲有櫻花蝦…Read More

今日嚟到旺角嘅一休壽司店食壽司店內嘅裝飾都幾有feel，坐得又舒服。呢間舖頭有好多嘢食，我覺得佢食物嘅種類，無論中午嚟定係夜晚嚟都滿足到需求。而且地點又好，旺角市中心交通又方便。諗住食完嘢醫飽肚之後喺隔離行吓街😁我叫咗個壽司拼盤。整體而言呢個拼盤嘅色澤味道賣相都非常之好。海膽粒粒分明，唔會溶到一pat pat。隻蝦又大又新鮮。當中我覺得最好食嘅係三文魚花之戀、海膽、大蝦、仲有三文魚魚腩。其實就算冇特別講嗰啲壽司，佢嘅質素都好唔錯，我覺得呢個拼盤幾抵食。另外仲點咗個吞拿魚蓉手卷，呢一個真係大推薦，簡直就係畫龍點睛！新鮮嘅吞拿魚蓉混落咗啲米飯裏邊，而且仲配埋卜卜脆嘅紫菜又夾少少白芝麻，真係好正。👍🏼👍🏼👍🏼😋😋…Read More

其實我都留意左呢一間餐廳好耐，佢入邊嘅空間好大，而且見佢近期好似換咗Menu咁，所以就入咗去食晚飯以cafe來講，佢餐牌嘅食物選擇已經算係唔錯。我今次叫咗佢特別啲嘅花椰菜飯（唔係好多餐廳有得食 自己又懶得煮🙈）朋友揀咗個龍蝦意大利飯餐廳乾淨簡潔。如果個杯可以大個d 就好 哈哈。不過可能Cafe都預大家叫嘢飲我的係嫩雞牛油果。牛油果熟度岩岩好，打卡靚但食落又唔會硬雞果然唔柴，蛋夠曬流心好正。成個份量唔少但我真係三兩下就食曬朋友話個意大利飯熟晒啲龍蝦味，好入味，好食。而且上面仲撒咗少少芝士粉，佢覺得個配搭好有趣。我哋另外仲叫咗個士多啤梨芭菲杯底嗰度除咗啲穀物脆脆之外，仲有一啲類似蕨餅同埋一啲煙煙韌韌嘅日式食物。整體幾好食…Read More

今日因為公司無啦啦要入大埔，索性就喺嗰邊食埋晚飯先走人，而家間舖頭距離大埔地鐵站都算近， 落車行一陣就到無論店外定店內裝修滿滿日式style. 餐廳位置唔算多，但就好有小店情懷餐單種類多但又好清晰，分類易明。特別嘅係佢嘅紙質，比較少餐廳會依啲特別嘅紙，文青風嘅人應該幾鍾意呢個就係我叫嘅晚餐啦：松葉蟹丼。飯面又鋪滿曬蟹籽蟹肉蟹膏。而且又有刺身蝦、湯、小菜，咁樣full set 食起黎真心覺得唔錯，感覺特別豐盛😆😆。特別要讚嘅係刺身蝦， size大得黎仲好新鮮。入口滿口鮮甜 好正，好想黎多幾隻店鋪整體價錢都適中，唔會太貴，就算同朋友聚會或者帶小朋友嚟食晚飯都唔洗心痛荷包🙈🙈。 如果我下次再經過的話，好想試吓佢啲玉子燒。…Read More

今日行開MK, 入左黎E 間餐廳試下新野。位置好方便，又近地鐵站又近巴士站店內環境好乾淨餐廳嘅裝修風格比較和風，幾典雅。店內裝修仲加左d 日式元素，落左心機餐牌內的選擇都多，壽司，鐵板燒，丼飯個d 都有。選擇困難症嘅又要諗一輪不過講開又講，如果一大班人黎食/同屋企人小朋友都唔錯，總會有野岩食，唔洗驚麵豉湯味道唔錯，係我鐘意的唔太濃的味海膽的份量都足夠，顏色亮澤，味道都算鮮。都對得住佢個價位我比較鐘意夾紫菜，再加d 飯（丼飯個度挖🤣🙈🙈🙈）夾埋一齊食。就咁食太奢侈了🤣🙈海鮮丼的海鮮鋪得幾滿，以三文魚為主打，厚度適中。甜蝦Size 見得下人。再配埋籽食，都算係幾豐富。整體份量都幾夠飽輕輕鬆鬆解決一餐…Read More