aaatingaaa's Profile

中環人可以唔駛黎 食物係正常 但侍應態度極惡劣 侍應落錯單要迫客人改食佢落錯單既食物 我地堅決唔肯 侍應即黑面 然後其他人比我地遲落單啲食物都上哂 我地追單 仲要同我地講跟單上 唔關佢事 基本上我覺得佢係特登既其實問一問有幾難 尤其最後生個個態度超差 一定會叫其他人唔再黎其實從來無要求過茶餐廳要有幾好service 但起碼比返一個正常既態度 $60一個餐其實有大把選擇 一間餐廳 請乜野人係好重要 係中環只要你啲食物正常味道 一定多人 但依間餐廳 請啲咁既人 好快會轉手…Read More

呢間野喺銅鑼灣渣甸街，係一間永世都唔應該再嚟嘅茶餐廳。原因有好多並唔係食物嘅質素問題，餐廳裝修都冇問題，光線都充足嘅，最大最大嘅問題係員工。雖然明白茶餐廳唔應該有高要求，但係員工態度連正常都比唔上。雖然唔係全部都有問題，但係一粒老鼠屎足以整壞一煲粥。事緣係叫咗一個晚餐，等左30分鐘，個晚餐跟一個湯一個飯，佢話冇碗，所以唔俾湯同飯，仲要話咁冇碗呀嘛咁你想點呀，其實點解唔用下個腦諗，俾隻碟咪得囉，飯係咪一定要用碗裝，員工態度超級惡劣，永世不再來！！…Read More