Alvis lam's Profile

我最近去咗人人和平飯店，試咗佢哋嘅燻蹄切雞飯，真係好正啊！呢間飯店，環境好舒服，裝潢好有格調，令人感到好放鬆同開心。我叫咗燻蹄切雞飯，服務員好迅速咁送上嚟。一上枱，燻蹄切雞飯睇落色澤金黃，我先試咗一啖燻蹄，肉質好嫩。切雞亦都好出色，肉質好滑嫩，配埋醬汁更加好味。飯就一般有啲硬，如果軟熟啲就完美！除咗食物唔錯，服務都幾好！服務員好熱情友善，樂意解答我嘅問題，確保我有一個開心嘅用餐經驗。佢哋迅速整理枱面，保持整潔，令我覺得好舒服同安心。總括嚟講，我去人人和平飯店嘅用餐經驗好開心。佢哋嘅燻蹄切雞飯真係令我印象深刻。我絕對會毫不猶豫地推薦呢間飯店俾鍾意食嘢嘅朋友。無論係用餐環境、食物質素定係服務態度，佢哋都做得好出色，令我享受到一頓美味嘅餐飲體驗。…Read More

今日第5次黎 ，食物水準一流 ，打個食評支持下，🫢🫢🤭🤭 今次黎見到佢牆身好似轉左 都幾靚 ，都係令人覺得好似去咗台灣小店咁 ，仲要聽住五月天嘅歌 ，啲嘢食都係好好食 ，喺附近返工，lunch過嚟食嘢，都幾放鬆 ，可能長期播五月天 ，加埋吊住啲天燈 ，間中望吓都幾悅目， 如果我住嗰度都有間咁嘅小店就好！ 咁就可以成日食 .希望呢間嘢快啲喺唔同嘅地方開多啲分店！！！！ 如果未試嘅值得推介 食咗應該都會覺得鍾意 有令人感覺去咗台灣嘅feel🤤🤤…Read More

今日經過北角見到有啲花牌，原來開咗間新嘅居酒屋。出面仲寫住新開張八八折優惠，我就帶屋企人去食。我哋食咗芝士吉列蝦卷同埋叫咗一個海膽刺身，仲有一個壽司拼盤同埋幾串串燒。啲芝士吉列蝦卷好好食㗎。佢個外層脆脆嘅，裡面有鮮蝦同芝士，食落好豐富，蝦肉同芝士嘅鹹香好配合海膽刺身好新鮮一啲都唔苦澀，入口即化。質地好軟滑，有啲淡淡嘅甜味👍😋壽司拼盤係我哋另一道點嘅菜，入面有各款唔同嘅壽司。每一個壽司都好精緻，米飯軟糯，魚肉鮮嫩最後係幾串串燒，肉質唔錯，帶出嚟濃郁嘅口感同香氣，串燒仲有各款醬料同蔬菜，增加咗層次同口味嘅豐富度。除咗食物好味之外，呢間居酒屋嘅環境都好舒適。室內裝潢簡潔，氛圍溫馨，好適合放鬆同享受美食。服務態度友善！總括而言，呢間新開張嘅居酒屋比我嘅印象。食物好味多樣，環境舒適，服務周到。我肯定會再帶屋企人嚟呢度食飯！！…Read More

今日去咗鰂魚涌搵野食 經過見到餐廳環境唔錯，同埋有好多位就入去試吓！點知入到去 問個後生女樓面 「唔該請問可唔可以坐嗰度」 因為見到嗰陣成間舖得一台客 其他全部吉位 點知佢黑面態度極之唔友善話 咁你想坐邊度啊？ 全部都有人留位！真係O晒嘴！ 直接講句有人留左位！其實我好理解！唔明點解佢要咁串「咁你想坐邊度啊」但又講話有人留哂位！格主個口罩都fee到佢返工等放工嘅心態！啲嘢食就冇乜問題 係啲串燒硬咗啲 好難咬 ，但唔難食 環境都唔錯 不過對客嘅態度 真係完全feel唔到友善！…Read More

今日女朋友小有地提議食燒肉 帶咗我黎試 平時我自己就好小食燒肉！今次係我咁大個人第二次食燒肉 ！入到去環境都唔錯同埋幾乾淨，試左一個160 $幾既有牛肉同牛舌餐 配白飯 湯同沙律但野飲就要加錢另外叫 感覺啲肉真係值得一試，口感唔錯。肉質都算鮮嫩，加埋有唔同嘅醬料選擇，味道更加出色。仲要有單獨一人一個燒爐幾特別，但就要電話落完單直接要俾左錢先 同埋飲水就要自助！不過都接受到既 因為距離拎水嘅地方都唔算太遠！值得一試 下次回再黎…Read More