darerole's Profile

今日中午一點三個人去排隊攞飛等食，等咗半個鐘先有位，都算，間野一個人出就放一個人入去，或者兩個兩個，睇住遲過我地嘅人入曬去都未到我地，把鬼火！可唔可以合理少少參考等位時間安排座位？幾好食都無用啦，開餐前已經一肚火！無下次！…Read More

食過幾次+bread，最鍾意都係呢個花生醬肉鬆包，呢個組合真係一啖一滿足，推薦比所有鍾意食花生醬嘅朋友另外朱古力muffin味道都超級濃郁，鍾意朱古力嘅唔好錯過！…Read More

本人其實對服務業要求一直都好低，但係呢位姓何嘅中年男子服務態度真係好差，自問都唔係麻煩客又好聲好氣，但佢西口西面又態度傲慢真係不能接受。食物方面下午茶係好抵嘅，嗌咗星馬拼盤同炒蘿蔔糕，味道正常不過好油。…Read More

花生糯米糍皮薄餡靚，十蚊三粒，物超所值！糯米皮軟糯，餡料好香，有啲椰絲，又有粗花生粒，口感好好，唔會太甜，係我食過最好食嘅花生糯米糍超級推薦白糖糕、黃糖糕都唔錯，紮實唔酸有米香，都幾飽肚，甜度適中皮蛋酥入面有少少薑，幾有特色，我係第一次食，都唔係好知算唔算好食:(鍾意食皮蛋酥嘅人可以試下，我自己就麻麻地芝麻卷都有唔少人order，有機會下次再買黎試下～呢間老字號weekday人流都唔少，果然好受街坊歡迎…Read More

住咗西環幾年都無發現呢間不起眼嘅小店，琴日無聊睇吓附近有無良心小店試下，發現咗佢。（HKU站B1出口過對面馬路，係津津前面轉左第一個鋪位就係）30蚊兩個餸，38蚊三個餸送例湯。阿姐同伯伯都好好服務，因為我有啲偏食，會問佢地呢個係咩，果個係咩，佢地都好耐心回答，而且滿面笑容～食物方面，都幾多選擇：魚同菜都都有幾種，豬扒雞扒又有，仲有蘿蔔炆牛（我唔食牛所以無叫）我自備飯盒，伯伯裝好多飯比我，舊魚都好大好多肉！雞扒啱啱煎好，仲好金黃好脆（就算返去有點焗軟咗，無皮個面都仲係好脆），本身怕啲魚會腥同唔夠味，結果好鮮，調味都啱啱好。菜都唔係白烚，似屋企煮個啲。例湯係冬瓜薏米扁豆湯，應該無味精。女仔可以叫少飯。基本上就係住家飯嘅味道～食得到嘅心機同健康（唔油唔會太鹹，又好足料完全唔會因為價錢而比得少）住港大附近鍾意叫外賣嘅朋友一定要去試下～…Read More

服務周到的小店，侍應非常細心介紹菜色。店內亦有附洗手間方便食客使用。餐廳雖沒有提供酒類飲品，但可以在旁邊的酒辦專門店購買直接帶過來，非常方便～環境方面始終是小店，位置之間比較狹窄。推薦青醬日本水飼豬肉眼，豬肉肥瘦恰到好處，非常嫩和juicy，調味適當。配菜也不錯，意粉偏酸。德國麵團的口感很有趣，但和朋友都覺得芝士份量可以更多，主要食到的都是清爽的蕃茄味。另外叫了蘋果蜜糖雞翼，忘記拍照了，但味道很清新，口感也嫩滑，絕對可以一試。…Read More

第一次吃主打慢煮的餐廳，雖然是自助式服務，但員工亦相當有禮和勤快，態度友善親切。餐廳有洗手間方便客人。裝修方面，燈光較昏暗，牆壁有趣怪的連登公仔適合打卡，背景音樂則以陳奕迅的歌為主食物方面，這次叫了油封鴨腿、丹麥香草烤雞、芝士溫泉蛋蛋大啡菇、忌廉芝士菠菜苗、炸蕃薯條、白酒煮菠蘿配雪糕和布朗尼蛋糕。主菜份量豪爽，鴨脾肉質嫩滑鮮美，非常推薦～相較之下烤雞略嫌失色，炸蕃薯條配黑松露醬也很出色，雖然比較幼但也很有酥脆有蕃薯味，點醬更好吃～忌廉芝士菠菜和大啡菇味道較淡，但也不錯，最後甜品部份兩者都令人十分滿意，食材本身味道突出又不會過甜，brownies軟硬適中，不會太乾，另外白酒煮菠蘿配玄米雪糕，十分驚喜！這裏也有很多手工啤酒可以選擇，詳細可以詢問店員，他們也很樂意為你講解～…Read More

本身覺得呢間野個豬頸肉飯幾大份幾好食，今日夜晚去食叫個烤豬肉飯試下，個短頭髮阿姐聽到我叫豬肉扮聽錯豬扒，我重複一次佢竟然係到冷笑，我心諗食豬肉有幾出奇？係咪一定要叫豬扒？之後埋單個時明明餐牌寫50$，佢話收57$，我好聲好氣問咗句唔係50$咩，佢勁寸咁攞另一份寫明晚市嘅餐牌比我睇，繼續好寸咁話：「邊度有寫五十蚊？」但明明佢比我個份menu就係寫五十！講翻個豬肉飯，燶嘅位唔少，味道一般，份量正常。不過個阿姐咁嘅態度比我真係無下次…Read More