YikTatAu's Profile

咩係好飲嘅茶？有茶香，有回甘，如果係加奶，比例亦都唔好蓋過茶味，飲落新鮮，滿口爆出嘅茶味，尼個係我個人標準😅不過尼間愛茶，完完全全做唔到上面任何一樣😂，成杯野我只係好似飲緊三花淡奶加水加冰，收我$30？入迪士尼買支可樂我都肯俾係因為好飲，爽!尼到買杯水，我不如入七仔買好過，賣點係茶嘅鋪居然茶味都冇？sorry bye👋🏻搞緊新年優惠送左隻杯俾我(已經高速地送左俾人)，難怪要咁做，老闆真係諗盡方法盡力吸客，不過好飲，就有麝自然香，平時抽樣試下就唔會有咁嘅事發生，又可以控制到品質，又可以監督導員工有冇做到嘢， 勤力啲啦老闆!…Read More

去深水埗買野通常都食文x車仔面，維x果啲，今次試下食其他野，行落少少就見到尼間台灣面，睇埋左右兩間，完全冇興趣!就你啦!鋪頭裝修簡潔，有大量舊式掛畫裝飾， 感覺良好。落左柯打冇幾耐就上到。飲一啖湯頭先，味道乾淨夠濃，只有好少藥材味，非常好我中意!👍🏻牛筋好入味，牛肉都係我中意嘅，口感軟熟有少筋留有少少牛騷味，麵有咬口，唔韌唔痴口，good呀!舊白蘿蔔居然係淋嘅添!真係唔中意唔得😍飲品就普通啦，我冇加錢轉其他台式飲品，只叫左鳳梨多多試下。香港台灣牛肉麵有好多間，尼間絕對係好食之一，會再黎…Read More

女朋友好中意打邊爐，所以今日又去打邊爐。試下啲人成日講嘅串串鍋。本來仲驚會冇位所以book咗位先 點知去到人都唔多個。 唔記得咩原因送咗個小食，揀咗冰粉。重點嚟啦！其實食物種類都算多 不過唔知點解我覺得啲串燒都係燒好似好食啲， 好多都係落咗香料嚟醃，不過成都串燒又好似真係咁樣做，不過呢度係用嚟打邊爐，串串都醃得好入味。我個人係食肉獸，食咗大量肉類， 牛肉個人覺得幾好食，可能落得醃料多，就算烚得耐都好軟。少見地唔係台式火鍋都有鴨血，呢樣唔錯。其實一串串咁食都算方便，唔洗下下大海撈針咁撈，可惜張枱唔夠大，食得比較辛苦。同埋我坐近門口位，雪櫃係最入，攞嘢食都行到好遠。湯底都算濃， 可以入味嘅食物例如鴨血都入到。總括嚟講味道唔錯，如果再食都可以，不過如果坐得舒服啲就好喇。…Read More

放假同女人出街搵野食，係咁而搵左幾間cafe由老闆決定左食尼間。地點都算係幾熟悉嘅厚福街。本來想坐草地位但係冇位，唯有坐喺窗邊位置。本來想要食千層麵，點知賣曬😑唯有食蕃茄肉丸意粉。本來想叫小食，不過睇咗menu之後都冇乜吸引，所以就冇叫到。叫咗杯無味嘅花茶個茶包仲要浸唔到落去白酒煮青口得白酒味，冇青口味另一杯嘢有唔記得叫咩名好食啲嘅係個粒肉丸，意粉好普通冇乜特別好似佢個甜品都幾出名不過我冇食到 lunchtime冇乜興趣食甜品，我見隔離枱食完都係話普普通通其實呢間嘢好普通，有少少夾硬寫嘅感覺，環境都唔覺得有啲咩好影，完全冇想試佢其他嘢嘅感覺，試過就算了，反正唔難食。…Read More

等女朋友收工食飯，畀佢reject咗好多間， 最後揀咗食越南嘢，喺門口等咗15分鐘左右就入得，本來諗住食個湯河就算， 精明嘅女朋友見到有二人餐，又有小食咁就食二人餐啦。可以揀三款小食， 揀咗雞翼、魚餅、牛展。 雞翼好普通，魚餅係凍嘅，牛展好乾好硬，就好似放咗一日嘅湯渣咁，最重要係冇味。湯可就……生牛河但係啲牛係熟哂嘅？一人一杯野飲， 好彩仲有杯嘢飲濕下口，如果唔係真係食唔落舊牛展。起碼佢唔係難食，係個牛展伏咗啲，食飽一餐就算😂應該唔會再食,bye!…Read More

星期六梗係瞓到差唔多晏晝先起身，早餐連lunch一齊食，今次同女朋友特登過嚟食都幾易搵到入門口感覺舒適，暗暗嘅燈光本來想坐出面，不過冇位所以坐咗入面，梳化位有啲殘舊同污糟，叫咗份魚柳三文治連薯條，芝士麵包配沙律&蕃茄湯，女朋友要咗杯cocktail 我淨係要咗杯mango tea。魚柳三文治 魚柳炸得好脆 不過我個人覺得有啲燶，醬汁適中唔會食到成手係，麵包鬆軟聲稱係自家製麵包(好似)， 薯條即炸但係炸得唔夠脆，全部塞曬喺個籃仔度更加淋曬。芝士麵包我鍾意多啲芝士，雖然佢個份量都ok嘅，但係我覺得唔夠鹹，蕃茄湯落得太多橄欖油，總體嚟講係好食嘅，下次都係飲咖啡好啲 個芒果茶茶味唔夠 ，啲冰溶少少個茶就已經冇味。有下次嘅。…Read More

同女朋友行完街搵下野食，聞到pizza嘅味道 就入咗嚟，但係坐低食嘅嘢唔係食pizza😂叫左個魚糕湯同埋一個芝士拉麵就飽了。魚糕湯味道同喺韓國食差唔多，個人認為胡椒味可以再多啲。拉麵就純粹因為女朋友鍾意食所以叫，咪就係“拉麵“囉… 你懂的。店面員工好辛苦，得佢一個跑來跑去， 落單，出菜，執枱，收銀，都係得佢一個人做 見到都唔好意思叫佢落單。不過好彩就算係咁 服務都唔差，有禮貌， 起碼唔會好似大餐廳咁樣會西你面。不過會再黎，因為想試佢個pizza。…Read More