fatjor's Profile

老公見我最近返工辛苦話帶我試新店慰勞吓甫入舖就見到唔簡單一大幅艾斯🤩又見到幾個師傅純熟咁處理鮮魚好似去左日本我鐘意食刺身同壽司於是叫咗三色魚生飯辣汁拖羅卷唔好睇魚生飯細細碗攞開啲刺身就會發現其實幾豐富有帶頭甜蝦、厚切三文魚、帆立貝刺身嘅質素唔錯冇雪水冇雪味又夠鮮不過最值得一讚嘅係佢啲壽司飯壽司飯配有飯素飯粒分明唔硬亦唔易爛感覺係新鮮製作好味到第一次覺得可以齋食壽司飯連豉油都唔使落辣汁拖羅卷（4件）有圖有真相拖羅餡超多（多到瀉）上面配左京蔥絲同埋辣汁沙律醬味道有層次，口感亦豐富又一款不用豉油/wasabi的菜式另外叫咗一串燒牛舌同唔常見的松葉蟹甲羅燒燒牛舌同刺身一樣都係厚切火候控制得很好一啲都唔韌五味粉黑椒鹽等調味亦剛剛好松葉蟹甲羅燒甲羅燒啲蟹膏多到瀉蟹肉蟹子亦不吝嗇仲有新鮮生鵪鶉蛋🤩送飯一流見到隔離枱叫咗焦糖鵝肝壽司同好多生蠔望落去好正就跟住嗌焦糖鵝肝壽司一句話：不得了上菜已聞到陣陣濃郁嘅鵝肝香氣厚厚肥沃嘅鵝肝脆脆焦糖外層剛好中和油膩一淡下去鵝肝嘅暖油脂滲入微酸嘅冷壽司飯一啖滿足軟、脆、甜、酸、油香… 可謂味覺盛宴，齒頰留香…（回味中😋）生蠔有好多款式選擇由於第一次喺壽司店食生蠔於是揀咗價錢最化算嘅日本兵庫縣室津蠔生蠔洗得好乾淨雖然唔係好大隻但蠔身非常飽滿（脹卜卜）店家很悉心製作了檸檬寒天配辣蘿蔔蓉和京蔥絲一口鯨吞所有鮮味十足Again完全唔需要加檸檬汁或調味難怪別桌叫了一盤有一盤的生蠔良鮨的食物絕對高質但一分錢一分貨性價比雖高價錢都唔低不過如果慶祝節日或者偶爾獎勵自己絕對是一個不錯的選擇😋😋…Read More

屋企人好鍾意keigo 隻樹懶於是買飛去$188 入場券+主食+飲品三款主食各點一款間舖唔大雖然有好幾個店員但係要self service隻碟好大張檯好細放完三碟主食基本上刀叉都擺唔哂份量好少🥲主要得個包餡料亦少得可憐味道就係正常嘅味道得一個人整上菜很慢諗住當食環境食氣氛唔知係咪嘢食上太慢好多人排隊都唔敢食太耐但明明買飛果陣要揀時段🤯張檯亦細得可憐店員要「強行」放三杯「Latte」係那已經無咩位的檯的一角擠擁的情況令我打卡嘅心情都冇哂🥲講返杯「Latte」零咖啡味好似飲緊水咁唔香唔苦唔nutty/ fruity🙄真心覺得扣減入場費個餐成舊水又唔特別好食份量又少明明book左時段又會多人到想趕你走除左第一個店員叫nice啲之外全部都_____只可以講，西營盤其實有好多更好更平的選擇…Read More

好耐以前黎過覺得環境幾好食物幾好價錢合理琴日難得同朋友出觀塘就帶左友人黎食叫左香酥雞便當🍱（$58無野飲）雞炸得脆不過冇咩味個飯淋到好似「爛」便當配的「二至三款精選蔬菜料理」就是那兩條白烚小白菜同新鮮青瓜件🥲（說好的料理部分？）不講食物講環境打卡用的筷子同杯都舊到變成真。時光產物尤其是杯的破口很多🥲（sor無影相）係觀塘這美食天堂價廉物美的餐廳多的是如只靠幾年前的裝修或只對社會事務的良心不考慮對食客的良心終歸會被淘汰😢…Read More

假日經過有好多人排隊難得中秋正日放假就去荳子冰室試吓下午茶見到好多人叫雪糕粒粒西多士雪糕以乾冰上打卡一流但經一輪研究焦糖雞翼似乎都係佢哋一個主打小食因為全日都有得叫於是就叫左 焦糖雞翼配沙律+熱鴛鴦另外見到好多人會叫多個包於是我都唔執輸揀咗個用東洋麵粉製作嘅傳統菠蘿油首先講焦糖雞翼伴沙律焦糖雞翼表面嘅焦糖汁都幾多幾濃郁由於冷氣好大係我食完一隻之後其餘嘅雞翼焦糖已結晶沙律入面主要係罐頭菠蘿粟米水果醬汁都係偏多個人認為over左好彩個底有啲生菜撈下整體來講味道濃咗啲雖然下午茶以價錢嚟睇有少少失望但係菠蘿油好有驚喜估唔到塊牛油係用打卡用嘅乾冰碗上影相拍埋片之後塊牛油都無融菠蘿包幾大個，大過M字漢堡包一早切好放牛油嘅位唯一挑剔嘅地方係個菠蘿包唔熱但係$12個包夠大牛油夠厚又有卡打CP值滿分整體來講基本上冇服務，因為係自助落單環境同食物不過不失只係定價偏高…Read More

上水餐廳選擇唔多，想食得開心同有chill既環境，我暫時只係諗到Homy cafeHomy cafe 開左咁耐，漢堡質素有保證，餐廳行工業風既裝修，長期都有食客係外面輪候今次又係好在早幾個字到，就好快入到去。留意番，用餐時間得75分鐘，最好就諗定食咩再入去。漢堡質素有保証既，但真心就唔平，同埋lunch set 係得一款友人點左大啡菇牛肉漢堡同海鮮漢堡，我就點左lunch set 既蒜香蜆肉意粉唔知點解啡菇漢堡係冇薯條跟，不過都食唔晒就冇問啦！漢堡味道幾好幾大個意粉少少辣，彈牙，幾過癮…Read More

廣成冰室可能係全北區最老既冰室，裝修同以前冇大分別，只係油左新既顏色。如果價錢都冇變就正啦早去到唔駛等位就入到，叫左個早餐+茶餐，有晒菠蘿油同三文治！今次冇叫手刨紅豆冰，因為記憶中好貴，同埋冇得將跟餐既飲品加錢order既！:(生牛肉粉冇以前咁鮮味，菠蘿油同三文治都普普通通，性價比亦唔係特別高。我諗最唔同既地方只係佢保留既人情味同風味！…Read More

又想食放題，又怕回唔到本，咁就要lunch time時候黎校長放題啦！星期六日午時自助餐都係唔駛$200/位，加錢要埋刺身任食都好抵！除左可以燒野食，重可以打埋邊爐一般既雞牛豬菜菇，佢通通都有齊！重有甜品同雪糕機。飲品方面有啤酒，有幾款自己出既茶飲，最特別係有個花茶區，可以自助沖花茶飲刺身就有赤蝦，三文魚，螺肉，八爪魚片等，食幾轉都應該已經回左好多本到尾聲既時候，食物就冇再refill好多啦！自家飲品更加係飲晒就冇lu!不過食足2個鐘，咩都賺番晒啦！…Read More

係粉嶺出發再行到大埔，黎到熟食中心已經係下午茶時段啦！中心依然多人，尤其係好出名既餐廳。東X太多人，我同朋友去左世記，重要係要去其他檔落單先可以好快咁有位食到碗麵好在都不枉我地等咁耐豬扒大大碟，麵質爽口，再加埋辣椒油，正ar!不過就岩岩行完消耗既卡路里，一次過還番晒…Read More

唔想淨係食連鎖店既漢堡，梗係要去嘉寶啦尖咀嘉寶正正開係某M字快餐店隔離，但一樣無阻佢keep住人氣高企裝修新淨，最麻煩就係要自己搵位啦！點左 烤菇芝士牛堡啡菇大塊，牛堡唔會太老，夾埋生菜，蕃茄，洋蔥同溶緊既芝士，絕配追加左3塊香脆粟米雞塊，不過唔記得影相雞塊係新鮮即炸既，加左粟米片之後更加脆口！食到咁上下，就準備收野走人，因為不停會有食客等枱，將心比己留意番嘉寶全部都係自助形式，記得食完要有手尾執枱啦！…Read More