bibibianca's Profile

好耐之前就想食呢間雲南米線，因為之前去雲南食過呢啲一碟碟嘅，賣相一流，好似好豐盛咁樣，喺香港好難見到，所以知道旺角有呢間餐廳都有啲期待，希望可以食返雲南嘅味道。上菜嘅時候個賣相都同雲南差唔多，係幾靚嘅將啲配料到晒落個鍋嗰度，就可以開始食。但真係食唔番雲南嗰陣味，首先講吓個米線，米線偏硬身，我叫嗰個係五彩米線，點知原來上到嚟係扁新嘅面，而我唔鍾意食呢一種面身🥺🥺啲米線就算浸落個湯度都一啲都唔淋，食落好硬好唔入味。湯個方面我係叫蕃茄湯，不過不失啦，都係普通蕃茄味，冇話好濃郁。小食方面我就食咗手撕雞，一啲都唔入味，白曬曬，覺得非常普通。俾咗$88，但個質素好一般，最多都係外貌吸引啲，我覺得CP值略低，自己就唔會再去食☹️…Read More

一間bookmarked 咗想試好耐嘅餐廳💛得兩個時段俾我哋揀，6:00嗰個又太早，所以book咗8:00入座，早咗半個鐘到，餐廳職員好有禮貌地幫我哋安排座位，仲俾咗個好寬敞嘅座位我哋💓1. All day breakfast 🍳 🧇 🥞 唔知食咩嘅時候，通常都會叫all day breakfast, 貪佢咩都有，一上菜嘅時候，我同朋友都話，好protein 🤣包括：grilled prawn, 煎蛋，煎雞柳，avocado toast , 炸芝士，煎bacon, salad ，啱晒啲做gym/想食得健康啲嘅人2. 大蝦藜麥沙律🥗好fresh, 佢嗰醬好特別，係百香果醬，同個沙律出奇地夾！成個感覺好健康😍3. 和牛漢堡配薯條🍟普通野，牛肉有啲老，未必會再嗌4. 草莓梳乎厘蛋糕🧁都幾香雲呢拿味，而且好鬆軟，但自己唔係太鍾意食甜品，俾唔到太多意見仲未試佢好出名嘅龍蝦包同埋骯髒珍珠奶茶，下次可以試埋☺️總括而言，呢間餐廳都唔錯，雖然又未去到好出色，但支持黃店又坐得舒服都可以去食👍🏼…Read More

呢間由一間好細嘅舖頭，最初只係由3個阿叔打理，到逆市擴充仲請多左人幫手！以前佢會休星期日同星期三，成日放假想食都食唔到，好在宜家佢會做埋星期日😍雖然藍田都有壽司郎，但始終都係想支持小店💛最好食嘅壽司莫過於佢嘅厚燒玉子😍正到喊！以前都唔鍾意食，覺得只係甜蛋，又凍，冇咩好食。但係佢嘅厚燒玉子壽司，完全顛覆咗我對玉子壽司嘅睇法😍😍😍厚燒玉子中間夾住壽司醋飯，加咗招牌醬，再輕輕地燒香，招牌醬同玉子非常夾！😍😍仲要係暖暖地，有啲焦香，招牌醬有少少咸味再加埋玉子燒，一個字，正！😍😍仲有佢個炙燒左口魚邊，魚脂燒得好香😍勁滑勁香，好滿足😍💕💛🥰而家新鋪有埋座位，可以堂食，亦可以外賣🙈…Read More

⛄️ 𝐂𝐡𝐫𝐢𝐬𝐭𝐦𝐚𝐬 𝐥𝐮𝐧𝐜𝐡 🎄 疫情關係冇咗晚市堂食，唯有食Christmas lunch, 男朋友好識做咁book左位於中環M88 嘅Fofo el Willy 🥰聖誕lunch menu 同平時lunch menu 價錢相差無幾，都係大約$360 per person1. Fofo’s signature scallop ceviche 個人而言，覺得一般，好似同個sauce唔多夾，但帶子係鮮甜的👍🏼 2. Iberico ham with tomato bread 個ham鹹香味好濃，但又唔會死鹹👍🏼配合埋tomato bread 清新嘅感覺，味道唔錯！😋但唔知點解今次嘅橄欖油落得太多，令到成個包都好oily , 扣了些小分3. King crab salad with mayonnaise sauce 🦀 本身好期待，因為第一次食嘅時候呢個好surprise到我，味道好不特止，仲要口感都好，但今次佢起下面放左塊有yogurt filling ge 餅乾，yogurt味同king crab 完全唔夾！令到成件事present得好奇怪🥴失色不少4. Garlic and chilli prawns 🍤 surprisingly yummy 😋 估唔到呢個係最好味嘅Tapas 😋garlic 好香，蝦肉彈牙，簡直係完美嘅配搭😍5. Waygu beef with truffle fries （medium)超正！好好味嘅和牛牛扒😍叫咗五成熟，真係一啲都唔鞋口！食得出好鮮嫩，油脂分布同肉質都係恰到好處🥰必食之選😋…Read More

生蠔愛好者必食😍呢間真心高質又抵食！1. 日本蠔 $90/6隻，日本蠔通常比較大，冇禁甜，但呢度嘅日本蠔都幾鮮甜，大滿足😍2. 法國蠔 $138/6隻，朋友話比日本蠔出色，我自己覺得個群邊較日本蠔爽口，一樣嘅鮮甜味美，海水味重但無鐵鏽味😍3. 蟹肉忌廉意粉，超高質😍每一條意粉都勁掛汁！意粉煮到啱啱好，唔硬唔軟，好彈牙嘅口感，蟹肉一啲都唔吝嗇，差唔多每一啖都食到蟹肉！而且忌廉好濃稠，自己想食晒一個🤣4. Fish & Chip, 之前喺尖沙咀分店食過，覺得幾好食，諗住返兜啦，但呢度嘅炸魚薯條無尖沙咀做得咁好，普通質素，但如果同朋友飲酒，拎嚟送酒係唔錯嘅選擇5. 白酒煮青口，青口大隻而且鮮甜，不過就係比較鹹，調味上如果掌握得好啲會更好6. Cocktail: What The Duck 🦆,勁可愛嘅造型😍飲落去有少少似雜果賓治，酒精濃度我諗得0.05%🤣啱晒我哋呢啲，想飲少少但係又唔想wing嘅朋友們7. Cocktail: Honey Bee 🐝 又係另一個可愛嘅造型，蜜糖係另上嘅，酒精濃度同上一杯一樣，岩女仔飲🥰環境暗暗地，坐得幾舒服，由7:00pm坐到11:30pm, 係一個閨蜜傾偈嘅好地方🥰 …Read More

❤️骨膠原滿滿的雞白湯拉麵😍中環一到食lunch 時間，邊度都好多人，禁岩行過呢度，竟然唔使排隊！！就入呢間啦！😍叫咗佢兩款人氣拉麵1. 雞白湯拉麵（9/10）一嚟到嘅時候，俾佢個炸牛蒡吸引咗眼球👀以為係啲gimmick 野啦，點知又唔係啵，炸牛蒡脆脆的，好香口，有牛蒡嘅嗰種清香，而且又唔會炸到好油膩，就算係有啲部份浸左起湯度變淋咗，但係都係好好食！飲一啖湯，feel到滿滿嘅骨膠原😍，清得黎又夠味，佢有2塊雞肉，好小雞肉可以做到彈牙嘅口感，一啲都唔柴，而且feel到煮呢個雞肉好用心，相比之下，佢搞到個豚肉冇咩特別😂2. 黑蒜油拉麵🍜，唔係我食嘅，但試左小小，黑蒜油味好香！可一試！但我個雞白湯太正喇！所以下次我都係會stick to 雞白湯拉麵😍…Read More

實力十足的人氣店@Bakehouse出曬名難排隊，今日係平日2pm過嚟排，都排左40分鐘🥺痴線，但係職員好好，佢叫我哋留電話，所以我哋唔需要企喺度曬太陽咁等👍🏼👍🏼等緊嘅時候順便去咗利東街嗰邊行吓🙈佢個sourdough egg tart 好出名😆今日終於可以一嘗佢嘅滋味1. Sourdough egg tart (9.5/10) 超好食！蛋漿好滑好香，入口好creamy 😍 個酥皮都做得好出色👍🏼一咬落去係”Sah” 一聲，好鬆化，唔知佢有幾多層，但個皮真係好香好鬆化😍諗返起都流口水2. Double chocolate cookie (8/10)佢屬於軟身ge cookie, 咬落去琳琳地，仲會有少少溶化左嘅朱古力，甜度適中，幾好味😋3. Peanut butter cookie (6/10) 我唔係die-heart fans of peanuts butter cookie, 覺得曲奇有啲鬆散，而且唔夠香，double chocolate 好味啲4. Croissant (7/10) 好鬆化，層層都好脆口，不過牛角包本身就好食，呢度俾唔到一種好驚喜嘅感覺我，但都係好食嘅5. Avocado egg Benedict w/ bacon (7/10) 正常cafe 水準，唔錯總括而言，啲嘢都幾好食，值得一試🙈但如果星期六日一定排隊排到痴咗線，睇你覺得值唔值得排咁耐🙈#hongkongfoodie #foodie #香港美食 #cookforlove #healthyeating #healthyfoods #healthyfoodideas #dinner #dinnerideas #dinnerrecipes #晚餐 #晚餐吃什麼 #香港美食 #住家飯 #住家菜 #breakfast #breakfastideas #hongkong #cooking #cookingathome #healthylifestyle…Read More

港女必去🌾🌼波西米亞風Cafe 🌼🌾滿滿打卡位Boholic 係其中一間bookmarked 左好耐嘅Cafe, 電話超難打，打左6，7次先有人聽🥴建議都係3-4pm打，lunchtime 打極都冇人聽🥴book左同朋友慶祝生日，一早就安排好寫碟🥰職員態度都好nice 👍🏼佢個鞦韆位好吸晴，一入去就見到，我地係平日下午三點去，餐廳無咩人，我地可以慢慢食，慢慢影👍🏼餐廳以白色，木色同綠色作主色系，比到人一種好舒服嘅感覺，二樓都有個Sofa 位可以打卡🌾1. Fish & Chip (6.5/10) 普普通通，但唔貴，好似係$68定$78，包organic tea ，CP值高🍵 炸魚都算大條，薯條就有啲淋，但絕對抵食！2. 泡菜豚肉飯 (7/10)泡菜爽脆，豚肉都入味又唔算鞋口，調味適中，都幾好味😋而且價錢便宜，好似$78定$88包organic tea, CP值高！3. Berry cake (6/10) 酸左小小，唔禁甜其實係好事，但係蛋糕以$58來說有啲細總括而言，啲嘢CP值都幾高，環境幾靚幾舒服，值得一試🙈…Read More

🔝高人氣cafe 之一 一直bookmark左要食Morokok 好耐，最近終於試左，我哋兩個人叫左2個set lunch🍱 人均大約係$150 - $180 ，lunch 黎講價錢算有啲貴，不過環境取勝😃戶外要人均消費$200以上先可以坐，因為係食晏晝，就算有飄雪都影唔到靚效果，所以決定都係坐返起室內🙈1. 鮮蝦金邊粉（6/10）鮮蝦唔算彈牙，但夠大隻，金邊粉都正常發揮，不過嚟得呢啲打卡餐廳，就冇太大期望，唔好係難食就得🤣2. 香辣肉碎飯（7.5/10）有驚喜！加埋啲香葉一齊食又香又辣😍！好刺激到個味蕾！3. 蘑菇湯（8/10）食到有粒粒嘅蘑菇碎😍又好creamy 好香濃嘅蘑菇味！唔似係罐頭湯！湯係加錢叫嘅，但值得加！4. 黑松露薯條（5/10）黑松露醬嘅黑松露味唔突出，感覺上好似只係點緊普通嘅忌廉醬，薯條都唔係炸得好香脆，好普通，可以唔使嗌🤔整體來講，嘢食都算係中中等等，唔會係得個樣只for 打卡，可以一試😉👌…Read More

呢間bookmarked 想試好耐，一直都好鍾意食牛角包😍而呢間仲將龍蝦湯做filling, 懷着熱切期待嘅心去食😋1. 流心龍蝦湯牛角包🥐我鍾意食嘅牛角包，要係好香牛油味，而且好鬆脆香口，層層分明，呢度嘅牛角包基本上都做到以上嘅效果，不過個人喜好，我都係比較鍾意食原味嘅牛角包，雖然龍蝦湯係好味，但係整濕咗鬆脆嘅牛角包，感覺上就好似唔係好夾，令到個包淋左，not my cup of tea 🤨只係for 流心效果影相的話，係可以的，但個人而言，下次會order原味牛角包，另加湯🤪2. 63度溫泉蛋白松露意大利飯等左1個鐘先到，超耐！但我諗係因為漏單，因為男朋友個主食20分鐘左右上晒菜，我等左半個鐘先問，而可能又要花時間煮，所以我total 真係等左1個鐘，建議店家留意返，at least list out cooking time 比客人知道講返個飯，佢唔係完全用晒意大利返去煮，中間有啲薏米/藜麥，出乎意料地好夾又健康（感覺上）！😆松露唔算好香，但整體都算creamy, 等20分鐘的話會食，over 20mins 就不了🤨3. 慢煮雞胸肉配沙律男朋友叫的（好彩）一個字，嚡！再一個字，淡！好健康，但我唔鍾意！好彩係男朋友叫，如果唔係就要交換喇🤪（所以最後都會係佢食🤓yeah✌🏼）#hongkongfoodie #foodie #香港美食 #cookforlove #healthyeating #healthyfoods #healthyfoodideas #dinner #dinnerideas #dinnerrecipes #晚餐 #晚餐吃什麼 #香港美食 #breakfast #breakfastideas #hongkong #cooking #cookingathome #healthylifestyle…Read More

期待左好耐嘅omakase 我本身struggle 緊食鮨文好定呢間好，但最後揀呢間嘅原因係因為呢間抵食好多$360就有12件壽司+1件卷物，去到先知佢地依家做緊個promotion：加$1多一件壽司，可以揀中拖羅/深海池魚，我同friend未試過深海池魚所以揀左中拖羅，但之後後悔了，因為深海池魚實在太好食了😭前菜普普通通，不過不失一開始啲壽司比較清淡，我覺得唔係特別好食，師傅介紹下圖話係將甜蝦打碎，咁樣會更甜，但我個人覺得唔係好甜😂下圖為魷魚，再配上柚子汁，食落好fresh，但都唔係太岩我口味 帆立貝 不過不失呢個上面配上黑松露，感覺都高檔接下來就係我覺得唔錯嘅壽司，當中有深海池魚、剛魚、中拖羅、銀雪魚刺身，而我最鍾意就係深海池魚，佢油脂相當充足，但食落好有質感，有咬口，感覺清爽，中和返魚油可能產生嘅油膩感，魚油同佢個質感配搭得岩岩好整體而言，呢度啲魚都相當新鮮，所以都好食得出唔同魚嘅鮮甜味，而且有13件壽司，所以食得好飽，好滿足但如果雞蛋裡面挑骨頭嘅位係座位嘅舒適度唔高，雖然我坐bar檯，但我對住個sink食，感覺唔太開胃，有啲小失落，希望餐廳可以安排一下，嗰個位置就唔好安排座位喇…Read More

曾經係米之蓮一星食府，到坊之後，覺得「還好吧」個名好似係百花齊放嗰啲friend？（6/10）裏面嗰舊係豆腐嚟嘅，睇得出好考師傅嘅刀工，定係其實係有工具可以做到？雖然個樣係幾靚，但係味道就只係還好啦，冇咩特別好驚喜，只係睇得出個賣相係有落過心機嘅玫瑰花煙燻帶子（6/10）有玫瑰花煙燻過後嘅味道，係幾特別同埋出面食唔到呢隻味嘅，不過又唔係話真係好好食水晶牛肋肉（8/10）又係賣相一流，唔知佢點樣整舊牛落去，好考師傅嘅手勢，牛肉幾林，唔錯欖菜肉珠（9/10）一上碟嘅時候嘩左一聲，真係好考師傅嘅手勢，點樣可以將冬瓜裏面再釀一啲欖菜同埋菜心？清清地，好好食糯米飯（9/10）呢個真係做得非常出色，無論係賣相，定係味道，糯米外皮輕輕炸過，而裏面又軟綿綿諗返起都有啲肚餓總括而言，賣相非常出色，師傅嘅手勢真係做得好好，冇失禮咪知蓮呢一個稱呼，不過味道我就覺得「還好啦」…Read More

疫情關係冇得飛，唯有留港消費啦🤪第一次黎炉端燒，早幾日打電話去book位，要求坐左吧枱，可以一邊睇師傅燒，一邊食，別有一番風味每個吧枱都有一個師傅坐陣，亦都有一個侍應係專屬負責嗰個吧枱嘅客人，每一個吧枱大約坐六至10個人，而待應應人嘅速度都算快我哋一坐低，侍應就為我哋送上一份刺身刺身冇咩特別大嘅驚喜，但係係新鮮同鮮甜嘅再嚟就係食咗汁煮鮑魚呢一個我覺得好普通，接近唔好食咁滯本身好期待可以食鵝肝，但係問過侍應話原來鮑魚同鵝肝只係會有一樣，而今日嘅限定係鮑魚相當失望到到我哋自己叫嘢食阿拉斯加長腳蟹（7/10）師傅唔止係燒熟佢咁簡單，仲會喺蟹肉上面掃少少牛油，令到燒出嚟嘅效果非常之好食同埋香口係必食之選我哋總共叫咗三轉！另一樣要嗌嘅嘢就係銀雪魚西京燒！魚脂燒得好香好香我自己食咗兩條！雖然賣相唔係特別好，但係口感同埋香味真係一流！無法抗拒！再嚟就係西冷網燒，牛肉燒得啱啱好，唔會過老自己一定要一人食一件燒虎蝦就一般，有啲乾身，同埋好似有少少梅，可以唔使叫燒魷魚都係一般般，冇咩味總括嚟講必食推介嘅係有阿拉斯加長腳蟹，我哋叫咗三份，之後仲有銀雪魚西京燒，自己已經食咗兩條，牛肉網燒都好好食…Read More

呢一間嘅乳酪出咗名好似青花瓷一樣咁靚，但係亦都聽聞要排隊排好耐，今日難得朋友放半日假，weekday afternoon去食，完全唔使排隊我就叫咗人氣乳酪 ，一上枱果下真心嘩左出聲勁似工藝品，下面有一層原味乳酪，上面就係渲染嘅食用色素，伴隨着有啲急凍嘅莓果，因為係急凍嘅關係，上面仲鋪咗一層白色好薄嘅冰霜，完全係打卡之選但係其實食落去只不過係好普通嘅原味乳酪，就不要有太大嘅expectation除此之外，我哋仲嗌左黑松露薯條其實只係朋友嗰餐加多$20，但估唔到份量超級大呢張圖係已經食咗幾條之後個樣，因為真係太心急想食，熱辣辣又香噴噴好難抗拒總括嚟講，呢度排隊嘅話都可能會食，不過我都係會夾啱時間冇咩人先來食，同朋友好舒服咁樣坐左一個下晝…Read More

其實唔係第一次食呢間餐廳，第一次去食呢間餐廳嘅時候都係因為《阿元來了》冇開，但係又好掛住台灣啲美食，所以誤打誤撞咁樣入嚟我哋第一次嚟食嘅時候因為比較晏，佢哋都就嚟收工，食客得返兩三枱，所以佢哋員工同員工之間都開心地吹下水，睇得出佢哋相處好融洽多嘴嘅我同埋男朋友就有時join下佢地嘅話題，第一次嚟食，就有一種好似食咗好多次同佢地有偈傾嘅感覺🤣不過人哋就來收工所以第一次都冇影過啲咩相，快快食完就走喇到到上個禮拜係第二次嚟食，今次時間比較早，所以可以影一大輪相鹽酥雞拼滷肉飯 （7/10）個鹽酥雞真係非常之好食！炸得好酥脆而且又入味，我同男朋友都忍唔住再encore左一碟鹽酥雞，不過encore左嘅嗰一碟好細碟，所以係有啲貴嘅旁邊佢有好多唔同嘅調味粉，每一隻我哋都有試，個人比較鍾意食嘅係咖喱同梅粉，一定要試！但係我都係覺得有啲貴，單叫呢一個小食要40幾蚊，而且又細舊，性價比不高，建議店家可以一係整大嚿啲，一係就份量多少少🤏台灣腸拼花枝丸滷肉飯 （7/10）台灣腸同埋花枝丸都幾好食，台灣腸係厚切，整體感覺冇咩驚喜，但滷肉飯我覺得做得比較淡，唔夠香，可以再改善+$32任食餐前小食（8/10）我哋叫咗蒜泥白肉，醋青瓜，麻辣鴨血，青菜，海帶絲，黃金皮蛋，豬耳呢個真係好抵食！因為你可以任叫！每一樣都符合水準，不過個人來講唔係太鍾意黃金皮蛋…Read More