加連威佬's Profile

周六晚上與平日一樣，好多外賣燒臘，堂食更多自由行。1）燒肉保持正常水準，皮脆，肉有碳燒既香味。比一般非碳燒的好很多，脆皮下面的脂肪層也不厚。2）叉燒。已經第二次叫。比上次更差。全部叉燒瘦到一點脂肪也沒有，結果好似食一塊熟到干成一塊，無任何水分的肉。甘都叫叉燒？相像一塊熟透無水分無脂肪的豬肉片，就是這樣。 上次食，交待要肥叉，結果叉燒中間有一丁點肥肉，但也好乾，完全無水分的肉，根本吾好食，這次無特別要求肥叉，因爲上次經驗，叫吾叫根本無分別，睇師傅就手和心情。結果，這次，更差。 甘以爲自己吾夠運，但望下搭台的幾個自由行叫的叉燒，全部與我一樣。真係送比我都吾食，結果他們全部也食剩叉燒。埋單時候，問收錢個貌似老闆既人，夠竟可以吾可以要求肥叉燒，答案如我所料：可以，但要睇師傅有無。 甘即係無咯，睇你運氣。所以，這個店鋪，唯一還可以食的，就祇是燒肉或乳豬。 其他就免提。 不過，全香港都好多燒臘店又係炭燒，又提供非常好食的叉燒。…Read More

紅咗甘多年，新粉絲一直湧現。再次食多次，真係無比較下，就會覺得好好味。1）豬潤太薄，好處係煮得快，容易控制，但問題係唔多爽，與家庭做既無咩分別。2）豬潤無乜味，感覺好普通。唔覺得價格平，要27蚊。如果客人食過已經高調關門位于SOGO後面既豬潤粥，就知道乜叫好既豬潤。有厚度，食落係有鮮味和爽。這裏既豬潤絕對無。深水埗其實附近有檔比這裡做得出色既豬潤麵，就係漢X。如果豬潤粥水準係100分，漢X應該有80分，這裡最多50分。不過，無比較下，好多人都無所謂咯。…Read More

平日幫儭下，並無出現其他食評既問題，西多士5分鐘内就做好，服務態度屬於非常好，對全部顧客都係有禮非常，所以好多所謂問題，都應該係出現在周六日人多排隊下，做吾切所做成，我覺得周六日既顧客應該以體諒既態度睇事物。奶茶其實吾錯，味道好濃。餐廳貼有雜誌推介，話這裡既西多士好脆，我覺得係D職業食評家既寫法，因爲我睇咗前後左右台既西多士，都係屬於軟綿綿既效果，絕對吾屬於脆既狀態。這裡既西多士既特別應該吾係脆吾脆，都吾係用咗咖央，而係這裡用既咖央估計係自己做或加咗D香料，所以味道吾係超市賣既罐頭咖央味道，我估計係加咗班蘭葉。不過24蚊屬於過高，應該係出咗名既結果。蛋牛治屬於正常味道，不過師傅切成四塊，有誠意。…Read More

一直非常好奇點解每次路過這間西餐廳都甘多人排隊。這晚就去試下，攞飛係2樓，但1樓都有凳比客戶座，非常好既安排。叫咗黑椒牛柳餐，蟹蓋飯餐。黑椒牛柳叫咗四成熟，難得師傅真係做到，果然吾錯。牛柳水準一般，港式西餐廳水準，但非常厚，無欺客。薯角做得好好，配菜好多，就係D黑椒汁吾多夠。蟹蓋飯都吾錯，但飯比較干。正正常常。餐凍檸茶好大杯，根本就係正常SIZE，好低。服務吾錯，難得同時服務150人既餐廳，吾簡單。生意真係好好，以價格與食物來比較，價格吾屬於平，比好多吾錯既港式西餐廳都貴咗D，出品吾會特別有驚起，屬於平實類型，可能甘先長做長有。…Read More

晚上7點半，剛開始有龍。特意來食1855西冷，120蚊。黑椒汁及燒汁各一份，四成熟。汁：調得好地道港式牛扒味道，好吾錯。西冷：基本都吾只四成，有6成。吾錯既扒，但最大問題係有筋，兩份都係甘，覺得浪費咗師傅既心機，其實應該反應比供應商，或入貨時候選擇一下。實在可惜。紅湯：好傳統港式扒房味道，好好味。麵包：好吾錯。就算蒜要加2蚊，但一定要加，味道配上黑椒，真係很好。1855西冷已經係最貴，其他扒一般70-90，好街坊價位，仲唔收加一，但都吾收信用卡。下次來希望D扒吾好再有筋啦，本來想善意提醒下他們，不過都係算咯，因爲其他客人好似都無意見。…Read More

2點后無甘多人。叫咗咖喱豬扒飽、蒜蓉飽和凍奶茶。蒜蓉飽 - 5星級水準！製作超認真，好好味道。吾係只得蒜蓉，還有香草。咖喱豬扒飽 - 與澳門漢記差好遠。麵包一流，好脆。咖喱醬太少。但最大問題係豬扒過分遷就香港人，差唔多全瘦肉。雖然吾“鞋”，仲好滑添，但吾好味咯。澳門豬扒飽係油炸半肥瘦豬扒，甚至有少少骨。點知這個豬扒搞到好似麥當勞D牛肉一樣甘“標準”，好整齊既瘦肉。。 真希望店主能改善。凍奶茶 - 吾錯，一般正常水準。…Read More

晚上8點，吾駛排隊。33蚊茶餐例牌。炒蛋水準與平時一樣。 不過碗通粉湯好似淡咗少少。最值得讚係，搭台那對男女，應該吾係熟客，但發現叉燒意粉上有黑點。我係旁邊睇到估計係叉燒D黑焦多過係動物機會，吾算問題。但那個顧客舉手，同夥計講話有小動物。個夥計都無計較，吾爭辯，就將份意粉攞走答應換一份，仲係馬上見到將意粉掉咗。我佩服甘既服務態度，因爲如果爭辯係幾無謂。甘多顧客，除左品質外，服務原則都係成功因素。…Read More

叫咗豬皮+豬腸+兩隻蛋 18蚊會送一吋甘長既姜條（係條，吾係件）豬皮和豬腸剪開一小片，好入味，好淋。雞蛋都係入到味道。但問題偏偏就係味道。本來豬腳姜出名係香，辣和甜酸。但這裡既味道祇有酸。無咩香，更不會是甜酸，無姜既辣，祇有酸，但本地人好多買，生意吾錯，可能澳門人無食過香港甘好味道既豬腳姜。食咗八成就掉咗，你話好吾好食？除非好有必要，吾係一定吾會有下次。…Read More

吾知係唔係淡季，總之覺得好多餐廳都吾滿，與一年前差好遠。這次訂咗6點，結果食到8點，總共先有6台人客。侍應從舊店帶引到新店位置， 新店就在告利雅施利華街旁，有三層，比舊鋪大，舊鋪營業多三個月就關門。整個餐廳好歐洲風格，例如飲水係要買（與船屋其實一樣）。50蚊一支大水其實吾算好貴。另外選了白酒，90蚊一渣（約2杯），不過之後發現原來75杯的白酒加點果汁那個飲品也不錯。名字吾記得，就係白酒餐牌那頁，侍應話白酒係一樣不過加咗D果汁。之後就係這餐廳既推介，鴨肉飯+燒沙甸魚先來橄欖，好好食，送白酒和麵包最適合。沙甸魚：燒得吾錯，用橄欖油和海鹽。見過廚師落來，應該係歐洲人。127蚊吾算貴。味道算可以。鴨肉飯：好特別。鴨肉先弄好味道，放在飯既最下面。飯也有味道和顔色，蓋在鴨肉上面，之後焗。焗到有飯焦，這個未必人人喜歡，但都係特色。上面的豬肉（可能係火腿）好好味。而腊腸片係好咸，不過配了飯盒或白酒，就非常好味道。如果單獨來送白酒真係好吾錯。旁邊有台叫了火燒臘腸那個前菜，同樣係兩個人，個人覺得甘樣應該浪費咗，因爲應該適合4人以上，一邊聊天一邊配白酒，不然會覺得好咸和飽。兩個人其實一個飯一個主食就夠。下次想試下他們那個海鮮燴飯，掂可以叫價499，貴過船屋差唔多兩倍價格。…Read More

平日早上11點，基本無咩人。（後來越座越多）位置其實好易搵，如果係警察訓練營落車，就係對面監獄旁的石頭樓梯落去。因爲好靜以爲吾安全，點知迎面而來就係一對警察巡邏，問咖啡在那類，就知道我地係搵漢記。咖啡： 係好特別，不過試過三杯后，覺得糖無完全混合，結果上面過甜，下面過淡（因爲不提供匙羹）。希望下次更好。豬扒飽： 覺得係全澳門數一數二好食既水準。豬扒吾算多肥肉，但瘦肉完全吾奀，還有味道明顯用心調味。總之就係好好味。奶油多：麵包炕得好好，過咗一會先食都係甘脆。味道做得好好，吾太甜。這里既食物，完全感覺老闆既誠意，真係好認真甘做D食物出來。幾台本地澳門人吾一定叫咖啡，但就一定叫奶油多和豬扒。環境真係好好，有樹有風有鷓仔有唐狗，好自然。當然公主吾會仲意。之後走過去買葡撻也不遠。最新價格已經係13蚊杯熱咖啡（好似有D貴）， 還有週三休息。…Read More

落雨，所以無咩人（即係七成滿人）叫咗蝦子撈 + 豬手（單叫）+ 姜蔥魚皮 + 金沙鯪魚球蝦子撈麵仲係甘好食，爽而彈牙。比深水埗那家好食得多。可惜分量比較小。豬手比幾個月前那次更好味，已經切開小塊。 可惜又係分量不足。澳門租金貴，已經吾係以前價廉物美的地方了。魚皮就一般，無咩驚喜。正正常常。鯪魚球非常好味，與以前一樣。鯪魚有香味。價格係高咗，但與香港一樣，自由行令租金不合理提升，成也自由行，敗也自由行。落雨好似令廚師做出來既食物水準好D，因爲製作時間吾需要甘趕。…Read More

這裡資料話營業時間係早上6點到晚上9點。其實最新資料應該係早上11點到晚上9點。最諷刺係仲有早晨menu，11點開門，吾知仲叫乜早晨？叫了一份雙層芝士蛋，漢堡還是以前既漢堡，但份牛肉就明顯細咗，價格就升咗，我好懷疑單層牛肉漢堡只適合小孩分量。我記得這裡以前出名只係因爲近理工，因爲學生貪這類價格平加上有水準，屬於超值，先會甘紅，但現在加價后，反而食物變細，食物只係一般，甘樣就失去原本吸引力。都叫了一份魚扒漢堡，塊魚一定吾會跌出來，因爲只佔個漢堡包三分二面積。薯條就一般個一般，與之前食開有點距離。D枱係唯一保持水準既一環，就係一樣甘地道，有潔癖就最好有心理準備。加多兩杯凍飲，埋單73. 吾貴但吾係物超所值那種。山長水遠來就真係。。。…Read More

5點15分第一批，基本平日不需訂台。今日仲有不少位置，不過還是訂位有保障。第一次感受到食自座餐吾夠時間食勻全部食物。因爲好多食物好食。生蠔不錯，但有一半吾夠肥。長腳蟹一如其他酒店，其實無咩味。芝士有三種，大力推薦水果味和香草這兩個。超好食薄煎和牛也很不錯。服務很好。 但原本有成排的海膽比人order，一次一塊。剛拿了一塊，看還有很多，返回座位后馬上叫家人去order，點知道“馬上”那盤好多的海膽無咗，換來是今日海膽賣完，原來這裡唯一有限供應的是海膽。…Read More

平日早上11點到，基本有位，很多街坊熟客，幾符無網絡慕名而來的客人（唯一是我們）。前後左右，無一台點那個火腿奄列、雞翼、好立克奶昔。 但全部一定有杯熱奶茶。本來打算叫網絡寫爆的什麽 好立克奶昔，但經驗告訴我，信街坊一定無錯。結果，火腿奄列算OK，但除了大之外，就是裏面以醬油代替鹽。講高水平，澳洲牛奶公司還是遠遠抛離。 炸雲吞就非常有水準。脆！等到差不多食完，正常一早就到的奶茶先來，問阿姨，原來要時間焗（可能剛賣完），聼完覺得師傅製作認真。15分鐘后到，非常滑。實在信街坊絕對無錯。凍奶茶也OK，但要感受那種滑，非熱奶茶莫屬。還發現街坊絕大部分叫湯米或湯麵。豬肚、牛腩或雞翼。看對面小姐叫得豬肚，顔色非常到位，不是隨便做出來那種。下次有機會試下。…Read More

8點到，等咗十分鐘左右，不算耐。第一次來，個妹妹仔向老媽子講咩最快25分鐘，估計腸粉要25分鐘OK，有食評話叫埋粥會快D，妹妹仔無講，亦都無見人只要腸粉。菜干豬骨粥其實不錯。魚片與豬潤味道都好好。慢就真係慢D。因爲大部分客人，粥食完D腸粉都未到。其實主要外買搞到時間慢。服務當然木口木面（上得開飯喇的好食名店一般無咩服務），可能小妹妹不喜歡這樣類型的工作。男士最好一次叫定兩碟腸粉。…Read More