Larissa Szeto's Profile

由於九時後入座會有八折，所以我們早已預留了位置。人少少，我地就決定散叫左幾個小菜，七味脆豆腐，天下第一雞，揚名國際燒肉XD，同埋一個花甲蟹煲。花甲蟹食落有少少辣，但勝左夠味道，而且花甲同蟹肉份量都夠，$368一個OK的；七味脆豆腐，炸到脆卜卜香噴噴，$78一份，雖然周圍都有呢味菜，但呢間個量都算多，而且個味都唔錯，推薦叫；揚名國際燒肉，$98一碟，名字有趣，食落同我想像中既差不多，惹味，肉質嫩，都OK(由於呢款係米芝蓮推介，所以本身對佢既期望就比其他野高)！最後天下第一雞，$338/隻，雞肉肉質鮮嫩，咬落有口感，入味而且不油膩！值得一試。…Read More

已經唔係第一次黎呢到食嫁嗱,上個禮拜係澳門番黎,同班fd都係係番望月軒到落腳.(溫馨提示,晚市有時會好多人,最好預早訂定位先)叫左個瑤柱賽螃蟹,京蔥爆安格斯牛肉,五香素鵝,四川回鍋肉飯,同埋蕃茄蛋花時蔬湯 (仲有1炒麵+1炒飯+甜品),主菜係呢幾樣,超正!!蟹肉推薦,肉質鮮嫩易入口,加上汁味香濃!而牛肉就口感好又入味,四川回鍋肉飯配上個素鵝簡直一流~價錢同食物係成正價比,而且環境幾好,對住個海(前提你要訂到張坐海邊XD)推薦。…Read More

黎呢頭既機會唔多,咁岩今日要過大海,就順便係澳門商場入面"搵食"啦,入到黎大部份都係60蚊起, 難得見到有一間只係30蚊唔洗都可以"落樓"既小餐廳,就咁望入去,店裡面唔係好大,但睇落都幾干淨,而粉面既價錢又抵食。試左個招牌酸辣粉,感覺直頭係超出預期...無想像中既"勉勉強強食飽去算"!簡直就係"低價錢高品質"!實在是太超值了,難得係呢d地方都可以搵到既良心店,強推!!!如果下次再黎開呢頭,相信我都係會搵番呢間...下次仲可以試埋其他重慶美食!…Read More

上次朋友帶我去沙田呢頭食甜品放題,最後佢係簡左呢間,一開始上黎睇相,好似都唔差,都幾多種類.由其是係晏咒既甜品放題,感覺都幾好食,賣相唔錯.結果...感覺好似有少`少伏.種類呢方面唔講先,因為如果唔好食,再多都係曬氣..最後走果陣岩食既根本就唔多,太部份太甜,感覺一食就係成dum糖入口...唉,反正去試過就知道(可能個人口味唔一樣啦)......相信經過左今次之後,我以後都唔會再黎呢間食甜品放題...(哀)…Read More

第一次上黎呢到食,感覺還好啦...(之前係比朋友推介的)可能之前個朋友吹得太大啦......所以無預期到咁樣,有少少失望!野食就咁睇都係ok既,加埋價錢,就性價比唔算太高......…Read More

前幾日約左個好耐無見既朋友出黎吹吓水（我哋都係住將軍果頭），就比佢捉左入呢間餐廳（焸帝王蟹海鮮火鍋專門店）到，屈左餐放題邊爐食（默哀）。咁走果陣加埋呢樣果樣，埋單個價錢大概就係每位約莫三百蚊左右“落樓”啦，個火鍋餐既食物份量岩岩好。首先佢第一個上果個頭盤係一盤刺身，同埋一盤海鮮，咁都預左呢個價錢，食到既刺身同埋海鮮唔會話多得去邊到架啦，咁就雖然每款得一兩件（人頭計），不過上黎個種類都真係唔少，除番暈計都ok既，然後到個邊爐料，係可以無限添加，所以都唔洗驚話食唔飽。…Read More