遊樂場's Profile

今日食咗個舞茸漢堡扒麻醬烏冬, 超開胃呀. 首先個烏冬彈牙唔在講, 天時暑熱食個酸酸甜甜o既麻醬烏冬, 好爽!!估唔到烏冬加麻醬係咁夾, 越食越想食. 個漢堡扒好厚, 上面有d郁下郁下o既木魚, 又得意又夠大件又好味, 個餐仲有一杯飲品, 我揀咗白桃梳打. 非常滿意e 個lunch, 食到我好開心 之前見到openrice d 人話e 度似日本小店, 但係我坐樓下, 就覺得好似o係外國食飯咁, 好relax 呀. 下次試下坐樓上, 睇下係咪咁ok 先.…Read More

先比十個嬲佢!!!!!話說男朋友之前食過話幾好食, 又好坐, 難得又可以公司贊助, 約齊一共五個朋友仔去食返餐. 坐低見到佢有半打蠔送, 個waitress 囉咗張紙仔嚟, 話今日新鮮到o既生蠔有幾款, 但係無寫價錢o既. 算數, 諗住都唔會好貴, 都係食開o既價錢. 就先食個生蠔盤, 共有四款, 每款五隻, 其中一款係送o既. d 蠔叫咩名就唔記得喇. 惡夢開始: 無反蠔... 蠔殼碎多 子似食沙咁 隻隻都係死蠔 淡而無味 埋單時見到要 $70 蚊一隻!!!!!!!好喇, 到個帶子墨汁意粉.... 兩粒扁扁的, 小得可憐的帶子仔, 無鮮味, 仲衰過佳寶超級市場o個d 雪藏貨.. 個意粉係最最最失望o既, 只係用d黑色o既硬條意粉, 用煮公仔麵o既煮法煮淋佢, .... um.... d 墨汁呢????? 稍為好少少都會做返個墨魚汁(人哋正宗o個d係用cream煮架), 太無良心喇!!! 到扒喇, 見都佢有個special - 美國頂級安格斯肉眼14oz, $682...... 無叫, 實在覺得佢太"略"水, 要咗個日本黑豚扒, 三百幾蚊, 細細件, e 個都還可以, 不過可惜唔係日本黑豚扒, 只係美國黑豚的質數, 又比佢厄咗, 算數, 叫到味道都唔錯. 另外叫咗個羊架, 又係special 嚟o既, 生熟程度啱啱好, 鐘意佢夠蘇, 好似又係四百幾蚊. 不過都係over price 得好緊要. 加埋一支白酒, 一支紅酒, 埋單三千二百幾蚊......... 真係無下次. e 個價錢去酒店餐廳食晚飯d質數, 服務同環境都比佢好百倍. 我希望佢哋可以睇到e 編食評, 做食物要將心比己, 唔介意你貴, 但係唔好貴得毫無價值, 唔好比d爛嘢人哋食, 食客都會見到你有無誠意o既!!!…Read More

又係時候試新嘢, 知道大戶屋做定食, 價錢又非常相宜, o係銅鑼灣食個飯都係八十幾蚊, 算係唔錯o既選擇. 我自己食咗個薑汁豬柳定食. 都有五件豬柳喎, 份量唔少, 味道可惜一般, 不過鐘意佢碗珍珠米飯, 又香又軟, 圓碌碌一粒粒. 朋友見人哋個soba 用個大盒上, 又八掛咁叫咗個tuna蕎麥面定食, 其實我就覺得都幾肉酸, d 面條散收收咁放o係個大盒上面, 個冷面汁叫做過得去, 有木魚香味. 佢個set 仲有一碗只有兩小塊tuna o既飯... 小得可憐, 雖然話唔係好貴o既一餐飯.... 八十幾蚊得個面, 一碗白飯同兩片tuna 就唔係咁抵囉.service 方面就有代改善... 上咗食物都唔比筷子我, 坐低好耐都無茶 ... 可能係我黑仔.…Read More

唔知點解上一次個食評無刊登到, 唯有寫返啦...招牌tiramisu: 好好食, 見到有好多細細粒o既咖啡, 食起嚟咖啡味更濃郁. 個cake 本身夠企身, 又唔會太杰, 唔太甜, 好啱我口味. 不過伴碟就差dd囉, 得兩片仔士多啤梨, 仲要好明顯係大陸士多啤梨. 有時食甜品個賣相都好緊要, 如果店主可以o係e 方面落多少少功夫就更好喇. 西多士面包布甸加雪糕: 一個好得意o既組合, 有幾舊細細o既西多士, 下面係面包布甸, 焗得好香口, 少少燶, 更能帶出布甸香氣. 布甸上面係個凍凍的雪糕球, 又香又滑, 食完凍再食熱, 好得意..不過如果有埋杯咖啡就好喇, 都係有d美中不足.…Read More