reignnnn's Profile

幫襯土瓜灣老店多年，一直係嗰區最好食既粉面茶餐廳。家族生意人情味到不得了，搬到新佐敦舖位，食物高質依舊未變，尤其係牛筋腩撈粗 同 炸醬麵，兩樣水準都非常高，而且好足料。…Read More

前幾晚同太太到Megabox睇電影，見到Sharetea本開開心心買杯奶茶飲，點知遇到既服務態度令我地哇然。落單既係一位紋身男士，表情由一開始就好似我地得罪佢咁，拖住下巴，黑面落單，令我地非常不安，以為係咪阻佢地收工.. 後面就企咗一對年輕男女.. 落完單我地轉身，佢地三個就開始爆晒粗口自己有講有笑大聲喧嘩，我仲以為去咗古惑仔地頭，附近仲有好多細路，完全唔明白點解sharetea會容許呢種staff咁樣serve顧客，買杯嘢好似得罪你咁，自己就大聲爆粗玩樂，實在無可奈何.. …Read More

不多不少都已經食左呢間餐廳6,7年，作為經常幫襯既街坊真係好失望。質量每況越下，食物量愈縮愈少！我都明白疫症肯定有影響份量，但都唔好少得咁過分！！！！呢次會係我最後一次幫襯😡😡😡😡😡😡😡😡😡😡😡😡拜拜啦泰寶龍，你既好已經成為過去通常幫襯既，大多數都係遊客再唔係就係9唔9先入西貢搵野食既人係我地呢d食開既街坊先會咁失望諗住6點限堂食就外賣都支持一下又點知道今次會係最後一次失望x100…Read More

多年食客，今日以後決定以後不再。外賣叫左一個九十幾蚊既椰汁雞湯。攞俾我時老婆同我都嚇親，眼前得一細外賣碗仲要唔滿既。我問佢細既九十幾蚊得一人份，咁大既一百六十幾係咪兩人飲？佢話椰汁雞湯係咁wor。喂，大佬，有蝦既冬陰功我都明貴啲啊.. 呢碗係椰汁雞湯wor。佢地話係正常既。大佬，我幫親你五年幾，你地不漏都係用大號外賣碗，你加到九十幾蚊我都算了，如今你加價不突止，仲搞到細碗到咁？？九十幾蚊wor... 仲要裡面得三兩塊急凍雞肉，香料半碗多。我好失望。泰寶龍bye bye…Read More