杏福王太's Profile

路過試新嘢，意外地好食😋餐廳以魚🐟做主導，魚麵🍜、魚湯炒蛋🥚、魚肉春卷，最特別係炸魚肉條，整到好似薯條咁，望到真係以為係薯條。好味道推介😋店內環境舒服，走台灣style格局，店內播放著國語歌。店內有30個座位，其中6個係bar枱。坐得好悠閒舒適，感覺可以靜下來享受一下，人的心情都靚啲。服務也不錯，餐廳選用自助落單，點完可到收銀處俾現金或八達通，或者直接用信用卡或Apple Pay結帳。下次有機會試吓其他時段的食物。最衰唔係住呢頭，如果唔係一定會多多幫襯。…Read More

開了新的日式火鍋店，當然要試試。食物種類頗多，飲品及甜品選擇多而好。我們六人，點了四款不同的湯底：壽喜燒、蕃茄海老濃湯、雞白湯、五日市豚骨湯。其中，壽喜燒要加$25。肉類方面，有多個套餐選擇，價錢由$158-$258。由於半枱都係小朋友，我們點了最經濟的美國特上牛肉。肉質算不錯。本人對壽喜燒有些要求，故覺得壽喜燒湯底太稀。注意一點，加湯只有豬骨湯，即係無論你原本係咩湯，都只加豬骨湯。我點了壽喜燒，故要求要加壽喜燒湯，但職員話加壽喜燒湯要加$10。我話我點的是壽喜燒，本身已經加了$25，為何加湯不是加壽喜燒，仲要我俾$10才可加壽喜燒湯。我再問係咪每次加都要俾$10，職員答我係。本身個鍋唔深，90 分鐘任食其實都要加2次湯。後來，我再看門口餐牌，唔見佢哋有相關收費。建議揀壽喜燒的客人要問清楚。…Read More

真係慶幸在家附近有一間我喜歡的西餐廳。以W28的質素，午餐的價錢真心抵食！這裡的洋蔥湯是我的最愛😋 午餐沒有洋蔥湯選擇，我都要單點。這個洋蔥湯可以令我心情變好🤗。午餐還有甜品，加上舒適的環境，心情可以舒暢一下。情人節慳了的，可以今天再吃一餐好的。真好！😍今天吃了：- 法式焗田螺- 法式洋蔥湯- 扒三文魚配意大利飯- 法式焦糖蛋👆原來我鍾意法國菜，點餐的時候都冇發覺 😄同枱點了：- 三文魚沙律- 香煎石斑配蕃茄芝士及意粉- 芝士餅…Read More

公司附近開了車仔麵真好！今日終於和同事lunch去試一試入門口就見到司徒瑞祈(阿水)🤩，食物都係由阿水親自主理。舖內座位約有10個(吧枱)，外面還有2張枱推介食品：滷水雞翼、冰菠蘿自製飲品：黑糖冬瓜茶、豆漿、柚子蜜醬汁：牛腩汁、沙嗲、咖喱、麻辣食車仔麵，我一定會先試豬紅、豬皮、魚蛋。味道較淡口，老闆話因為佢個人食得比較淡，所以醬汁會調得較濃。整體味道不錯！同事試了花膠、紫菜、淮山等，都話好味。價錢唔貴，4餸都係$42。老闆好nice，好欣賞他用雜誌紙自製即棄骨碟。一邊食，一邊和老闆傾計，氣氛好relax。一定會再幫襯！…Read More

極力推薦！和朋友聚會，其中一位朋友介紹這間倫哥。食完全枱人都話好得，一定會再幫襯。平日晚上$288任食，汽水任飲。最緊要係唔限時間。首先，會有一個雞煲，任食的，有辣有唔辣。我哋七個人，點了一個唔辣一個中辣。雞煲已經好正，每煲食咗兩轉。 然後，有一個椰子雞湯底火鍋，中間有個冬瓜環。火鍋跟一盤海鮮及一碟手切肥牛。部份海鮮(蜆、蝦、魚)任食，墨魚滑、響鈴、炸魚皮、蔬菜任食。肥牛要添就要加錢，大$138/中$68。椰子雞湯超正下次會再朋友去食。多謝倫哥為我們帶來人間美食。真心極力推薦！…Read More

喺將軍澳區搵間車仔麵認真唔容易，這間榕記開咗唔係好耐。店內以單車做主題。老闆頗後生，係單車健兒，上年踩車上珠穆朗瑪峰，認真堅。車仔麵還算做得不錯。原味係豬骨湯底，另有兩種特色湯底：胡椒豬肚湯、姬松茸蟲草花湯。食物未算好好食，但真的不算差。有機會可以試試特色湯底。單車友也可以去同老闆交流吓。…Read More

apm去過好多次，成日都要諗食咩。今日睇水牌，見到有間灑家粥麵。咁啱唔想食好多嘢，結果去咗會會佢。環境格局舒適。坐低後慢慢睇菜單，粥粉麵飯點心樣樣齊，好難決擇😅。最終都要叫一碗雲吞麵試吓佢哋的功夫。幼麵彈牙，雲吞細細粒但好味，個湯係重點，加咗蝦籽好好味。好耐冇遇過好味的雲吞湯底，我成碗湯飲晒😋。另外吃了：叉燒腸（好滑👍）炸醬麵（幾好）炸雲吞（不錯）干蒸牛肉燒賣（我喜歡）以後apm有多一個選擇，我會再幫襯。…Read More

一向都好鍾意食車仔麵，但真係唔容易搵。大型商場唔會有（我家附近間匯麵都執埋），通常都要去舊區先會搵到。觀塘協和街這間值得推介，新店內懷舊裝潢，食物質素好，環境衛生。對於我嚟講，豬皮豬紅好唔好食，對一碗車仔麵好緊要。我叫了豬紅、咖喱豬皮、陳皮魚蛋、酸齋、油麵。它們都是我喜歡的味道。這間店沒有令我失望。隔離都係車仔麵，我在門口猶豫咗一陣。原本係入另外一間，但入到去之後覺得環境麻麻，地下又濕又唔乾淨，終於轉去隔離這間。…Read More

同事介紹咗好耐，終於都有時間去試程班長。紅燒牛肉麵、蚵仔煎、刈包都是地道的味道。沒能去台灣，在香港台灣一下也好。真心推薦！建議：周末去的話，最好能在7點前。7點後，人很多呢。…Read More

叫得深井陳記燒鵝，咁梗係要試吓佢啲燒鵝啦。叫咗燒鵝瀨粉、蝦干通菜煲、秘製醬汁燻蹄。佢哋將啲燒鵝浸湯，食落塊皮唔脆又唔香，瀨粉個湯冇味，有點失望。通菜煲同都唔差，燻蹄幾好味，不過貴啲。…Read More

好耐以前去過尖沙咀嗰間，覺得冇咩特別。早兩個星期好想食燒肉，咁啱將軍澳開咗，就諗住去食。六點鐘攞飛，要等49張中枱，最後等得太耐，去咗第二間食。今日早咗，五點幾攞飛，要等23張，結果等咗整整100分鐘。店面唔大，枱唔多，唔怪得要等咁耐。最後食到，都好滿足。今次join咗會員，有折有優惠券外，下次仲可以用app攞飛，應該可以慳番好多時間。今日點了：- 燒肉六品盛合- 牛肋肉四品盛合（會員優惠券）- 銀魚凍豆腐- 海鮮燒餅- 牛角特飲- 荔枝梳打…Read More

原本都覺得A1-Bakery Cafe食品質素唔差，以前間中都會幫襯吓。以前餐廳用瓷器碗碟、不銹鋼餐具。現在用所謂環保餐具。究竟，怎樣才環保？還有，白飯會黏住碗邊，連器皿面層都會刮起，都唔知食唔食好。晚餐價格係西餐廳價錢，一啲都唔平，但用環保碗碟上枱，賣相降晒格。點咗幾個餐，個兒童餐攪咗35分鐘，最後先到。店員仲要話突然多咗好多單，但其實得四枱客，遲我哋幾個字落單的（單都放在櫃面），反而仲早過我哋個兒童餐。囡囡等到眼瞓，結果食得唔多。唉，咁樣我真係好難再幫襯。:(…Read More

我們點了以下甜品，都好好味公主凍椰（椰子布丁配椰青啫喱）金芒凍椰（大片芒果、芒果沙冰、椰青啫喱）紫米熱椰（紫米露配椰汁燉奶）芝麻湯丸熱椰（芝麻湯丸配椰汁燉奶）燒金圓迷你QQ薯…Read More

在香港吃過的桑寄生茶之中，源記一定係最好。我最鍾意佢隻蛋入晒桑寄生茶的味道。其他糖水都不錯，但去到源記不可不吃桑寄生茶。…Read More

自從在法國喝過一碗美味的洋蔥湯後，便愛上了它。在香港，很難找到好喝的。試過最少三家，只有W28的最合我胃口。我間中都會專誠去喝一碗。除此之外，W28的煎三文魚配野菌意大利飯、安格斯肉眼、加拿大西冷、牛魔王三寶都好好味。…Read More