Gnani Poon's Profile

已經有一段時間無食過韓國嘢, 今日有機會終於可以一試, 來自韓國釜山既炸雞品牌, 厨師們都係韓國人~味道更加正宗~人流同以前剛開一樣咁多人～人氣不減。餐廳位於尖沙咀厚福街, 怕等位耐既朋友唔洗怕, 因為餐廳外面仲有免費即影即有提供!餐廳內環境比較暗配上特別既燈飾, 特別有格調 炸蝦紫菜飯卷($98)韓式炸蝦紫菜飯卷好食！炸蝦酥脆，飯卷餡料豐富，口感層次分明，絕對要再encore！韓式炒粉絲($118)韓式炒粉絲入味彈牙，口感爽滑，配料豐富，調味恰到好處，作為主食或配菜都一樣咁夾，值得一試。 韓式燉牛小排餐($338)啲牛小排多到你唔信! 可以一排一排咁食, 牛小排燉到超軟淋, 醬汁甜鹹適中, 配料方面亦絕對唔手軟, 有金針菇 冬菇 韭菜 娃娃菜等等, 夾埋牛小排一齊黎食, 口感好特別 藍檸檬梳打($48)藍色好吸睛。入口係清爽嘅檸檬酸味，甜度適中，唔會假甜。氣泡好足，好解渴，尤其係食完濃味嘢之後飲一流。 #outdarkhk #香港美食 #香港必吃…Read More

同男朋友行完朗豪坊想搵野食, 聽朋友講有間好好食既日式燒肉放題推介, 位於TOP彌敦道700號4樓既八木橋日式燒肉 呢間日式燒肉有4個套餐簡, 分別係雪, 雲, 霞, 雨, 可以簡既野食同食用時間都唔同, 男朋友話辛苦左成日一於簡個最多野食既雨啦! 最近仲做緊優惠, 兩位半價加埋都係$1128! 坐低野食都未開始叫就已經送左雨既頭盤埋黎! 包括有A5和牛西冷, 四品和平燒用盛, 比目魚西京燒, 味淋魚干, 鮑魚, 薄切和牛等等和牛每件都有寫係邊個部位, 包括有和牛後腰肉、和牛薄切、三角腩、牛肩、同埋尚頭幾個部位, 每件肉都切得好靚, 正宗入口即融海鮮亦相當出色, 鮮中帶甜, 特別推薦大家試下比目魚西京燒!頭盤既份量已經好多! 除此之外, 我地仲叫左生蠔, 大花菇等美食, 非常高質,飲品可以任拎!仲有啲小菜都好正！我哋叫咗薯角同波波～波波好食！小總結:地理位置非常方便, 在旺角地鐵站上蓋依加雨套餐仲做緊半價! CP值好高! 絕對推薦各位一試…Read More

好多時候講起烤肉都會係日式或者韓式，但呢間係中國東北朝鮮族烤肉，試完之後係有d驚喜！╰(*°▽°*)╯我同男朋友叫左個二人餐，分量好足，味道不錯！最大特色係個麻醬，入邊有麻醬、醬油、醋 、蔥 和芫荽，味道中和得好好，唔會被醋搶味，建議點肉食，但我配飯都好正~老太太特色肥牛：肥牛油脂多，燒geh時候逼曬d油出來，好香口！怕膩可以食青瓜/蘿蔔解膩~香甕鳳梨牛肋條：擺盤好靚，將d牛肋條放入菠蘿入邊。牛肋條肉質不錯，燒完之後都係嫩口，完全唔會乾身。佢仲有幾塊菠蘿可以比你燒，燒完之後geh菠蘿更加香甜多汁~三筋肉：厚切，肉質鮮嫩，點麻醬食一流，再配埋白飯更正！秘製豬頸肉：燒肉點少得豬頸肉！燒到微微焦脆就更加正！外脆内軟，肉質軟嫩！建議配埋生菜一齊包住食~秘製鷄腿肉：腌得好入味~先將有鷄皮果邊燒，但要注意火候，太大火就容易膿。鷄肉都係不錯的！嫩身唔柴~海帶湯：用料簡單，就係純正海帶湯味，冇過多調味~簡單就係最好~我都飲左好幾碗~喜沛多多：整得真係好似柿，入邊係cream，出邊就係平時糯米滋d皮，少少甜~小食推介~薯蓉：好食！口感好滑，帶點甜味，食落唔會好膩，有d似甜品~沙律：沙律菜好新鮮，加左黑醋，好開胃~腌蘿蔔、青瓜：食烤肉比較肥膩，配上呢個清新geh蘿蔔同青瓜可以解膩…Read More

我平時都會試下印度餐，所以今次男朋友話食呢間都幾期待！食完覺得不錯！幾推薦大家試一試！尤其係個甜品~而餐廳環境好寬敞，燈光微暗，整體氛圍好適合同朋友小酌幾杯。Chicken Wings 65：外皮勁香脆，但入面啲肉仲keep住juicy，一啲都唔乾柴，抵讚！配杯凍啤酒簡直完美，絕對係送酒神器！Tenderloin Skewers燒牛肉串，燒到外層微微焦香，串燒嘅火候控制得啱啱好，唔會過熟。如果鍾意濃味啲，可以點埋旁邊嘅醬汁，同牛肉好夾，但唔點都已經夠好食！Lamb shank rogan josh + truffle ricotta cheese Naan（印度烤餅）羊肉炆到超淋，一叉就散，完全冇羶味，個醬汁香濃得嚟帶少少辣，香料味好出但唔會搶咗羊肉嘅鮮味，配Naan食一流。Naan一上枱已經聞到陣松露香，咬落去外脆內軟，芝士味濃但唔會太膩，加埋松露嘅香味，同個Rogan Josh嘅醬汁超夾，食到停唔到口！Truffle toffee pudding 是日最愛！凍vanilla雪糕+暖暖地又濕潤Q彈的布丁，冷暖兩重奏，個口感又暖又綿，真係幸福到震！。加上香濃的焦糖醬，相信會令甜品愛好者愛上~ 我會想為左呢個dessert食多次~ it tastes really goooood!…Read More

之前去新加坡都有食過天天海南鷄，味道確實不錯！今次係第一次香港食~不論空間、外相同味道都令人驚喜╰(*°▽°*)╯我地叫左個二人餐，分量頗多，三個人都夠食！前菜：新加坡檸檬鳳爪，本身係一份平平無常geh菜式，但佢地好注重儀式感(?)氛圍感(?)，利用氮氣整到雲海咁，即刻有feel。調味好清新，食完炸物可以balance返~小食：黃金雞軟骨：蛋黃包住雞軟骨去炸，勁香！烤物：火炭石燒豬頸肉，店員上菜geh時候會幫你用火槍再燒一陣，有少少膿膿地就更香脆！醬汁有兩款選擇，隨你口味喜歡~天天海南鷄+燒鷄：鷄肉肉質真係冇得彈，單單憑呢個嫩滑geh肉質已經贏成條街！真心食過會想n call~ 蔬菜：參巴辣椒炒通菜，好大碟，唔會太辣，炒得好好食~主食：鷄油飯，好香~好大碗~食得海南鷄就一定係鷄油飯，咁先perfect match！飲品：豆花美祿東南亞菜點少得美祿啊！唔會太甜！又有豆花咬下，口感豐富~Overall體驗都超出我預期，而且價錢不太貴，兩個人都係558。食完想去多次新加坡，哈哈。…Read More

上海維記大角嘴附近好多野食，但呢間上海菜係我同屋企人成日食~好適合我地口味！講到上海菜點少得小籠包！熱騰騰新鮮出爐，皮薄多汁，點醋同薑絲，輕輕咬一口，飲下d精華湯汁，飽滿多汁，之後再成個食，jeng！黑醋骨：平時食黑醋骨最怕就係醋味太重，但今次呢個balance得好好！酸酸甜甜好開胃~而且每一塊都好入味，肉質嫩滑，肥而不膩！奶油津白：我好中意食娃娃菜，所以每次都必點呢個！娃娃菜好甜~再挂上d奶白調味就更加正！酸辣湯：酸辣湯好大碗！夠3-4個人食！入邊加左蝦肉，令口感更佳Q彈，味道都有點鮮甜！餐廳環境都坐得舒適，可以同屋企人慢慢享受食物，傾下計~幾好！…Read More

以前想食泰國野都會去九龍城，但今次意外發掘左新蒲崗呢間都不錯！——好運泰國美食餐廳提供既美食應有盡有, 有串燒, 湯河, 金邊粉, 沙律, 等等泰式美食, 價錢亦超值正宗泰式船河($52)+豬頸肉(+$5)算係我食過其中一碗最好食嘅船河! 湯頭濃郁好夠肉味, 配上豬頸肉, 比例剛剛好！豬頸肉真係值得一贊！唔會肥, 食落好爽口, 份量亦都足, 非常滿意!强烈推薦！蒜蓉炒通菜($58), 好香蒜蓉味, 唔會太油, 比例剛剛好, 少少辣，但可接受！份量亦足夠！青胡椒炒大蜆($138)青胡椒炒大蜆辛香撲鼻，蜆肉好肥美！微辣胡椒唔會遮蓋左蜆的鮮甜味，辣辣地又有蜆汁既鮮味,味道不錯！而且火候岩岩好, 蜆肉仲係彈牙口感,！不得不説蜆真係好大粒，同埋係真係新鮮！ 菠蘿梳打大大杯,好清甜，配泰餐好適合！總結: 極具風味既泰式隱世小店， 價錢宜人，味道可口，非常推薦各位一試！…Read More

餐廳裝修舒服，窗口風景直望維多利亞公園，餐廳服務周到，服飾專業，每碟餸都會專門介紹食法🥰自家製醬汁煮南非鮑魚：蘿蔔有少少辣，好多汁冇渣；鮑魚易咬唔韌十分爽口，已切片方便入口，非常入味季節刺身3款：先食鯛魚，然後吞拿魚赤身，鯛魚肉質鮮嫩，吞拿魚赤身肉質飽滿吞拿魚酥：已經調好味道，入口即溶，非常高質海鮮茶碗蒸，有蟹柳有菌，鳴鳴卷，配料非常充足，口感豐富三文魚湯，味道超級鮮甜鐵板野生生猛龍蝦：已經切好晒，肉質飽滿鮮嫩，配上清甜嘅汁，非常夾香煎鵝肝配自家醬汁多士：配上多士唔會好肥膩，鵝肝入口即溶，靚料美國頂級牛柳：非常多汁，肉味豐富，加少少鹽味道更佳炒雜菜：配上特製醬料，撈埋一齊更加惹味煙肉香蒜炒飯：炒飯粒粒分明，擺落口好香，食得津津有味提子啫喱：清清甜甜，為豐盛的晚餐畫上句號！…Read More

九龍城食泰國野一向最出名，平時經過見到呢間都好多人，今日就一於試一試！我地叫左個2人dinner set，菜式好豐富，食到D字形身材，好滿足~泰北木瓜春鳳爪：作爲前菜食好開胃！少少geh辣味更刺激胃口！鳳爪肉質飽滿爽口~黃咖喱鷄肉：精粹係d咖喱汁！一定要配蒜蓉包點住食物，咁先係perfect match！香濃的咖喱汁，配上脆口的蒜蓉包~味覺同口感上都好豐富~泰式臘腸：呢個有驚喜╰(*°▽°*)╯！食落去其實唔肥膩，仲有少少甜甜地！而且烤到香香脆脆，好惹味！豬肉、牛肉、鷄肉串燒：肉質鮮嫩，有炭火香味~泰式鹹魚炒椰菜苗：平時比較少食椰菜苗，原來可以咁樣煮~鹹魚的香味可以掩蓋椰菜苗本身帶有的甘苦味道~以後有機會會試下自己煮~最後當然就要芒果糯米飯作爲happy ending 啦！外相設計得好有心思~見到都開心！😉芒果係原隻，而且好甜！雖然已經食得好飽，但都食曬成個芒果糯米飯就知佢幾好食~一定要try try！…Read More

朋友之前試過覺得不錯，所以今次都同男朋友一齊試下。店鋪好近地鐵站，一出行2分鐘就到~好方便！餐廳有居酒屋vibe，好適合坐低同朋友暢飲聊天~ 我地叫左4樣野食~全部都食得好滿足😉壽喜燒牛肉鍋最近天氣開始有d涼意，最適合就係食壽喜燒牛肉鍋~暖下身子~薄切嘅和牛肉片色澤好靚，夾起放落鍋煮10幾秒，再搭配醬汁~放入口真係一口口幸福geh感覺~而d蔬菜都好新鮮~蛋白質+蔬菜，營養都補足埋~即燒即食甲羅燒（海膽蟹味噌）甲殼放咗鵪鶉蛋、海膽、新鮮蟹肉、蟹膏和蟹籽。厨師會即場幫你燒，所以唔使怕自己燒得唔好~燒完之後有好香的蟹膏味，配上海膽就有一番鮮甜geh味道~再加上海量嘅蟹籽，真係好滿足。推薦大家都可以試下呢款~香葱吞拿魚腩卷吞拿魚腩有好香魚油味，加入蔥粒一齊食更提升魚的味道！魚生丼丼飯賣相好吸引，任務住刺身款式好豐富亦好新鮮，有蝦、三文魚、吞拿魚、蟹籽， 仲有玉子粒同清爽的青瓜~整體分量都多，可以兩個人食~最後價錢都唔算貴~大約$200左右/人就可以埋單~不妨放工可以去食餐慰勞自己~…Read More

今日放工想同同事輕鬆吹下水，食下野，所以就近近地由office行過黎。呢度燈光暗暗地，但因爲有各種燈飾裝置所以好有氛圍感，好適合小酌一番。而且仲有個鞦韆可以比女士們打下卡，男士們就可以篤下波~ 芒果莎莎蝦雖然已經立秋，但呢排天氣都仲係有d悶熱，清爽開胃geh芒果莎莎蝦就最適合不過~ colourful geh賣相加上芒果香甜的味道，食落已經令人心情大好~ 香煎鵝肝多士香噴噴嘅鵝肝 ，飽滿肥美，未食已經聞到油脂香味，入口即溶，幼滑geh口感令人好食得好enjoy~配埋脆口geh多士，雙重geh口感好滿足~軟殼蟹黃金扁意粉原隻軟殼蟹炸得酥脆 ，好吃又唔會油膩~鹹蛋黃好惹味，醬汁沾滿每條意粉，適合鍾意濃味嘅人~超級雜錦薄餅是日最愛一定係呢個pizza~ 我個人喜愛gehpizza皮西薄皮、有嚼勁！ 呢個完全match到~餅底又脆又薄，味道不錯！番茄醬為基礎，配上豐富又美味的芝士，肉腸~一個人都可以食曬成個~Cocktail可以選擇無酒精~ 我揀左Berry Mountain，甜酸味好balance~ 配以上geh菜式好適合；另外都有果汁比大家選擇，我地就要左菠蘿汁 😉整體我地都覺得幾好，靜靜地同朋友傾計，飲下野，好適合放鬆😉…Read More

蒜蓉粉絲蝦仁-擺上台geh時候，蝦仁係未熟geh狀態，店員會幫你開爐，然後用流沙倒時。時間一到，就可以自己開蓋食啦！蝦仁好爽口彈牙！配上濃濃geh蒜香味真係絕配！ 粉絲都好入味。成蝶菜冇得輸~鮑魚辣椒炒肉-店員會將蝶菜放在蠟燭上，令d食物可以一直都keep住個溫度！鮑魚細細粒好得意，煙靭有咬口，令整體口感更有層次！辣度方面我地叫小辣，但都幾辣！不過配上個香水檸檬茶就剛剛好！可以解辣又fresh！鮮炒黃牛肉-牛肉係肥牛，配埋蔬菜一起炒。味道方面冇其他咁辣，比較清淡，可以balance返~招牌蝴蝶魚-果然係招牌！蝴蝶魚一咬落去就知冇叫錯！肉質爽口彈牙！加埋辣椒就更香更惹口！而且完全冇魚腥味同魚骨，就算平時唔中意魚geh朋友都話好食。炒番薯苗-宜家正係番薯苗當季，所以一定要叫黎試試！炒番薯苗一定係落蒜頭炒香，可以更突出香味！番薯苗食落好新鮮，完全唔老！花卷-類似饅頭，係個形狀捲成一條條咁。我會將佢配埋其他菜一齊食，咁就冇咁dry~ 同埋一定要趁熱食先最好食！整體：第一次試湖南菜，比我印象係菜式調味都偏重口，而且偏多辣野揀，所以一定要配飲品。總括而言都幾好味道~適合一家人食~…Read More

之前有朋友介紹呢間西餐廳，話個名好特別，而且好近我返工位置。今日就同男朋友一齊黎試下，入到餐廳，裝修非常特別，門口等位geh時候有位比你坐，而且仲有書睇下，果然係library！ 菜式亦非常多選擇~我就就揀左3樣菜式，同兩杯飲品。前菜：烤西蘭花烤西蘭花是一道簡單卻讓人驚喜的菜！西蘭花烤得外脆內嫩，保留了蔬菜的鮮甜和營養。這樣的烹調方式讓西蘭花的自然風味得以充分展現，既健康又美味，簡直是主菜的完美搭配！主菜：意式蜆肉意大利粉我地一直都好中意清蜆肉意粉，新鮮geh蜆肉味道鮮甜，肉質飽滿~比人一種清新又滿足的感覺！意粉煮得剛剛好，不會太硬也不會太軟，撒上新鮮香菜的點綴，既增加了視覺上的美感，也讓整體味道更加清新，而且加左少少辣椒，令整體味道更加有香氣~一碟有差不多10粒蜆，擺盤都好有心思~整體味道主菜：香烤豬鞍（推薦！）豬鞍這道菜真的讓人印象深刻！豬肉烤得好嫩滑，你見到中間d肉係粉粉嫩嫩咁就知道一定好食啦！佢geh外皮微微焦脆，但裡面又多汁嫩滑。搭配的醬汁剛剛好！！不會搶了豬肉的風頭，卻能提升它的風味。每一口都能感受到豬肉的鮮嫩和醬汁的濃郁，這道菜絕對是王牌！飲品：士多啤梨荔枝茶士多啤梨同荔枝geh味道好清香，同茶geh淡雅香氣match得剛剛好！好適合中意飲熱果茶geh朋友飲！呢個果茶係熱飲，飲落去一陣陣暖意~特別適合長期在冷氣房内工作geh朋友~飲品：菠蘿果汁飲得出係新鮮榨geh果汁，酸酸甜甜，幾開胃~…Read More

上海萬家村小館最近都好中意周圍揾上海菜食，今次又被我發掘到好食geh上海菜館——上海萬家村小館！上海菜最不能錯過geh就係小籠包！！-D小籠包新鮮滾熱辣剛剛蒸好，香噴噴！皮薄餡多！鮮嫩多汁！大家食geh時候要小心，以免一咬落去比d湯熱親個嘴啊~ 食完一籠，忍唔住想叫多一籠 >.< jeng！生煎包都係每次都一定會叫geh基本上海菜😉-外層金黃酥脆,咬下去餡料飽滿多汁,肉質鮮嫩彈牙,配上軟糯的麵皮,層次豐富,口感完美！這就是上海菜中的經典代表,值得一再回味!開胃酸辣湯-酸辣湯,湯汁濃郁香醇,酸甜微辣！驚喜geh係加左鮮蝦~所以食落去多左重口感同鮮甜geh味道~ 瑤柱賽螃蟹-賽螃蟹主要係以蛋白模仿蟹肉，所以千萬唔好誤會係真蟹肉啊 😀~ 食落去口感都真係好似食緊蟹肉咁，食geh時候加埋d醋一齊，味道就更好！整道菜撈飯食就最正！而且啲瑤柱好香，為道菜增添不少色彩！螞蟻上樹-螞蟻上樹好香豆瓣醬味~作爲豆瓣醬fans真係好滿足！豆瓣醬炒香肉碎同粉絲，成道菜都好有風味~辣辣地好開胃~以上加埋都係$200尾，仲有送兩支飲品。Overall 味道都係不錯！所以呢個價格真係CP值好高！好推薦大家試一試！…Read More

今日同男朋友行荔枝角，男朋友突然話想食餃子，於是我地找到一間餃子專門店，位置好近地鐵站，一岀就見到👍餐牌上有好多不同類型的餃子，有湯餃，煎餃，不同小食等等，我地每樣都試左少少。 首先係香煎軟心芝士餃子。外皮煎得金黃酥脆，裡面嘅芝士超濃郁，一咬下去芝士就融化在嘴裡，奶香味十足，真係好正🙌唯一要特別小心的是要慢慢吃，因為芝士很熱。然後是栗米豬肉湯餃子。湯頭好清甜，唔係普通清湯👍餃子有栗米的自然甜味，豬肉餡料鮮嫩多汁，和湯底搭配得剛剛好。每一口吃起來都特別滿足。蔥味酸辣雲耳好開胃。雲耳的口感爽脆，酸辣的味道剛好，蔥香味也很濃，讓人食慾大開，好解膩！蜜餞雞翼則是甜中帶鹹的美味。雞翼外皮有點焦糖化，帶著微微的甜味，裡面的肉質鮮嫩多汁。這種甜鹹交織的口感讓人忍不住一口接一口。最後是蜂蜜檸檬薏米。這道甜品清爽解渴，蜂蜜的甜味和檸檬的酸味搭配得很好，薏米的口感軟糯，整體搭配非常和諧。不僅好吃，還有助於消暑解熱。…Read More