crystalting's Profile

今日因為整車所以黎到呢邊又想食蒸飯 又想食車仔麵咁岩見到呢間餐廳岩哂心水車仔麵叫左3樣餸 沙嗲牛肉 豬紅 冬菇加左沙嗲 腩汁 最讚係沙嗲牛肉👍好小車仔麵有得揀 有驚喜蒸鯇魚飯配大例湯凍飲即叫即蒸👍…Read More

首先我覺得失望係成個晚餐既服務其次係食物，可能初頭對呢間餐廳太大期望，見佢咁多好評，又有優惠券好似好抵，但最終因為我無係落單前show張券而我係無優惠，我覺得如果係要print出黎個種，我無print咁當然無，但如果只係電話show俾佢睇，就咁一句“下 落單前要show 唔係唔會有嫁wor 個優惠有寫得好清楚” 我唔覺得呢個係一個可以接受既服務態度，有禮貌解釋番都做唔到，我諗唔係一間好既餐廳有既服務，同埋呢個優惠其實有openrice既人就有，而我係用openrice book台，咁都唔可以俾呢個優惠，我諗佢只係想做人一次生意 無回頭本身睇完食評，我仲滿心歡喜準備影d野食相 諗住上openrice寫下，但食完之後無咩心機再寫，下次請我都唔會去食直至8點 餐廳只有4個客人呢個海膽杯眼睇好大杯 事實好細杯佢話唔洗加調味食，以為會好有海水味，但事實係完全唔夠鮮味，得魚子好味兩樣比較下 熟好食過生，因為生唔夠新鮮，熟既有調味去左雪味好d呢個係最唔推介，因為黑松露完全無黑松1味呢個係落order個時推介，但一d都唔好味，幾舊無味既旦收百幾蚊，會唔會狼左d?呢樣係唯一我覺得好食既野，燒得好香好滑，而且好鮮甜海膽火焰卷，除左點火特別之外，味道無特別，同普通卷物無分別，而且無海膽味總結，如果大家幫襯記得要點餐前show卷，平時有好餐廳我一定會推介俾人，但呢間我一定唔會推介要blacklist!…Read More

咁耐以黎好似第一次下午食韓燒，如果唔係朋友話好抵要試，我一定唔會下午食，因為怕食完成身臭味，但餐廳好貼心，一入門口就見到放左支有得除味既噴劑，咁樣就唔怕成身味啦肉既類型款式大致間間都一樣，但我鍾意呢間唔係自助，變左會衛生d,唔會好似其他任食韓燒有d血水浸住d肉我地大致想試左大部分肉類，肉調味唔會過咸，岩岩好，但我最鍾意係細心店員張個雞翼剪開左好似雞扒咁，變左好易燒得熟，平時燒一兩隻就唔想再燒，一係就燒到黑哂都未熟，但今次就燒得好香同野味得黎又熟，另外牛舌都係好爽身好好味甜品方便我就揀左食個疱冰降下火每位百幾蚊，以呢個質素，呢個位置，係超值價錢，都期待下次黎試晚市有海鮮燒…Read More

之前睇到雜誌介紹呢間餐廳既 burger, 不過我個人唔太喜歡burger,見到佢有意粉，咁就一試啦，佢個午餐頭盤可以揀沙律/餐湯/薯條薯條熱辣辣炸出黎，仲要係我最愛既粗薯條，香口重薯仔味蘑菇湯香濃 creamy, 有細細粒既蘑菇粒意粉味道可以 淡淡蕃茄味，但份量較小整體都幾好 不失為一個hea既好地點…Read More

以前係大角咀番工，成日都會黎幫襯，太耐無黎，初初都驚小店可能唔係度，但為左食，都去博下係未度，好在仲係度鮮味生蝦配自制辣汁，鮮味爽脆再加埋蟹子 好正，店家仲會配上唔同既冰制既公仔泰式通菜抄得剛剛好，色香味全，翠綠爽脆，辣味恰到好處豬肉生菜包極力推介！！超級香，好野味！明爐烏頭魚酸酸甜甜既明爐魚，好開胃呢間餐廳咁多年d野食都keep得好好味，老闆同伙記，廚師都係泰國人，想食好味既泰國野就唔好錯過啦…Read More

辛勞工作一日，好多時都想懶出街食算，但一諗起d 味精同油，都會想番屋企煮，但由買送，準備到煮，之後再洗，真係用好多時間，好累。。。所以好開心今次搵到間餐廳可以有煮家飯feel,如果我係煮附近，我諗我會日日黎食算lol 懶得煮最初想叫套餐，但好似份量好多咁，所以都係散叫好，叫左老闆娘推介既蒸雞，菜同蒸魚等待食物既時候飲住呢杯菊花杞子茶感覺份外清新第一樣係香菇杞子北芪焗雞，上到台先打開，一打開已經好香，雞肉好滑同入味而且不帶一d味精，雞汁流落下面既金菇同粉絲，吸哂d精華超好味!!!! 真心推介!蒜蓉抄菜心抄得岩岩好 同屋企煮既一樣少鹽少油!最後係蒸魚，本身想試多寶魚，但咁岩無哂，咁就試呢條3刀，蒸得岩岩好，好滑，而且好大條，新鮮既魚只係配上簡單薑絲就已經夠鮮味追求住家菜既享受，幸福就係咁簡單:):):)…Read More

今日老公黎到大角咀開會，太耐無黎大角咀，原來已經變左好多，好多小店都執左，換黎好多新餐廳，回想起以前每日午餐既餐廳，原來已經無咩邊間仲係度，相信再過多幾年去，其他舊樓都會被收購完畢換成新既一座座高樓大廈，我地行下行下，問左兩日火鍋都無位，有間話有位但只可以食一個鐘我心諗 一個鐘食打邊爐，會唔會過份d。。。之後行下行下，就黎到呢間係千色店對面既地舖本身想就咁叫花甲鍋，但店員推介呢個蟹花甲鍋，黎到既時間我有d驚訝，除左滿滿花甲外，仲有各種菇，白蘿白，栗米，所以叫呢個鍋就唔洗再叫呢d配菜睇隻蟹以為無咩肉同膏，但打開之後，原來都有膏，而且食落d膏仲好香$480雪白既象拔蚌好鮮甜，份量都好多，而且切既厚度剛剛好花竹蝦 $198 3隻呢樣都係店員推介，之後見差不多每台都有叫，好鮮甜，口感有d似龍蝦刺身 爽口鮮甜3隻$100反而聖子不夠大隻 但味道都可以海膽 $98 一版比我想像中大舊 但紫菜唔爽脆唯一敗點睇咗咁多刺身終於到打邊爐料啦，佢個湯底係有d糊椒豬肚湯味，所以咩放落去都係好鮮甜，好吸味牛肉切得較為厚左小小，但口感都不錯，有濃郁既牛肉味墨魚滑 爽口田雞 不過不失 豬腰 無怪味，好滑總結大速份野食都好滿意好正 好開心無意中發現到正店 好期待下次再去走既時候8點幾，門口堆滿等位既人，如果唔係今日早黎都無位，如果想去建議book位…Read More

老公話聽人講有間$10蠔既餐廳，我地星期六就去試下啦，當時係7點，佢問完有無book位之後，就話而家有位，但8點要交枱，我地都係諗住快食，咁就無所謂啦呢間餐廳選擇都幾多，而且價錢都算合理，本身為$10蠔而黎，但最終我地都無叫到lol 我地叫左個seafood platter 入面有8隻蠔，我當然問下佢同唔同10蚊蠔一樣，佢話唔同係正價蠔黎，咁我就信住先，不過眼見枱枱都有叫蠔第一樣黎係沙律，講真 我未食過咁酸既caeser salad, 仲要月食月2酸，最終我都無食哂就算，呢樣令成個晚餐大打折扣美國肉眼，叫左5成熟，好香牛肉味，如果配埋薯條會更好等到7：45先上seafood platter,待應有話因為今日多人所以就遲左d,不過等得好值得d蠔好鮮甜，好香蠔味，每一隻都好肥美，食過咁耐蠔算係數一數二既好,帶子，赤具，甜蝦 每樣都好鮮，比專食刺身既日本餐廳更高水準如果下次有book位 慢慢食會更好不過餐廳既服務有待改進，我地安排坐係一間房入面，好唔容易有個人入黎，又會扮見唔到出番去:(:(:(下次都會再去！…Read More

日本野無論日燒，壽司，居酒屋，火鍋 以及 拉麵，全部都係我既至愛，百食不厭聽朋友講, 有間銅鑼灣近住地鐵站新開既拉麵店, 今日出開去就試下，無論大門至內裡裝修，都好有日本小店既特色，一坐底，店員就為我地介紹番佢地既拉麵，佢地有兩款湯底拉麵，一款味噌 另一款為豚骨，麵可以揀粗或幼, 麵既軟硬度, 佢原本配有豚肉, 木耳, 紫菜同菠菜, 份量極為多, 如果有需要再可以追加點單的紙我地分別叫左兩款, 配兩款唔同既麵, 試盡唔同味道一款係味噌配粗麵,另一款係豚骨配幼麵我個人比較喜歡味噌配粗麵, 湯底較香濃, 粗麵可以帶起湯的精華, 令每口拉麵都可以食到吸食左濃湯的味道一定要提到既係, 豚肉係唔同平時, 食到口感好滑, 肥瘦分佈平均, 想知點解?睇最底就會知啦~~~另外叫左兩款小食, 都係店主推介, 一款係餃子一款係牛舌一咬落去餃子度既時候, 肉汁就溶入口內, 好香好滑, 而且係即時整, 熱烘烘, 好香牛舌切成厚粒, 熟度岩岩好, 仲係好嫩除左追加的配料, 餐廳附有蒜泥同芽菜 提供加入拉麵第二張的雪櫃係熟成中的豚肉, 聽店主講, 佢地的豚肉係選用肉眼, 係豚燻肉, 所以口感同出面唔同整體黎講我都覺得超好呀, 可惜要去開CWB先有得再食, 如果唔係我應該會成日都幫襯~ …Read More

想係旺角搵一個唔限時, 可以慢慢傾計而又有空間既地方真係小之又小, 今次經朋友介紹, 黎到呢間價錢相宜既西餐試下入到去見到有兩個餐揀, 我地想試多D, 所以就揀左$388既SET, 淨係前菜都可以揀3樣, 我地就揀左三文魚露荀, 牛油帆立貝, 鵝肝多士三文魚露荀配上日式胡麻沙律醬汁,醬汁帶起番露荀既清新牛油帆立貝 煎得岩岩好, 無油膩感鵝肝多士 一拎起, 已經有好香既鵝肝味吹入鼻, 入口後溶化, 成個口都充滿鵝肝既香味清新沙律加日式胡麻沙律醬汁, 剛好清清味雷準備主菜雜菌蘑姑湯 呢個湯比較失色, 略為稀蜜糖芥末燒雞胸個醬汁味道好特別, 可惜雞略為煮太熟, 令到肉質有點鞋, 若然唔係太熟, 呢味菜令人好滿意安格斯肉眼扒我地叫左5成熟, 佢黎到既時候熟度剛剛係我地既要求, 肉質仲係好幼滑, 蔬菜若然可以提供多D就好…Read More

朋友約係又一城食野, 叫我揀食咩, 對於我黎講, 一直覺得又一城係無咩選擇, 睇OPENRICE見到呢間多笑面, 咁就試下呢間啦只係影左佢LUNCH同埋TEA, 但其實佢係又勁多野可以叫, 有西式野食, 甜品, 都有中式既甜品, 不過可能佢係太多選擇, 所以出菜既速度比較第一款係黑松露白汁雜菌意粉熱烘烘出黎好香黑松露味，食落口白汁比黑松露味濃，香濃既汁可以沾滿每口意粉，美中不足係芝士略為小另外我地叫左個tea set一黎到個反應係，嘩 咁多既，第一次食份量咁多既tea set, 每樣份量都係標準份量唔係迷你最近呢個係芝士三文魚溫泉旦沙律， 一切落去d旦汁就流出黎，個配搭同份量都幾好，但個餅底比較硬身薯條剛剛炸，香脆，啖啖食到薯仔香味鬆餅有菠蘿同士多啤梨每樣一件，初頭視覺上覺得士多啤梨會好味d,但事實上菠蘿較優勝，菠蘿好甜多汁配上鬆餅好夾，相反士多啤梨本身無汁所以食落會比較乾綠茶牛角包同雪糕我地食到最後先食,所以令到牛角包硬身左無好食同香脆雪糕好香滑 唔會太甜 我個人鍾意一啖薯條配一啖雪糕食 好夾好好味我地睇到人地個火焰雪山好正，咁就叫埋黎試下，制作需時，如果想叫就要預早叫，酒味略濃，蓋過左生果同旦白的味道，如果減少酒既濃度會更好…Read More

我對上一次食一風堂係幾年前係TST,個時仲係要等個幾鐘先食到, 自個次之後我就無食過一風堂, 因為我對佢地既幼麵無咩好感事隔多年, 今次經過九龍灣, 原來有一風堂我都唔知, 太耐無經過過, 咁就再試下啦, 原來而家唔只有幼麵, 仲有埋粗麵, 而且多左好小食選擇咁我地就一人叫左一個拉麵同一個小食, 小食就叫左炸雞腿, 雞腿炸得好滑好多汁, 雞油香充滿口, 令人想一食再食, 可惜佢只有3舊,如果有多一舊就好叫左兩個拉麵, 都係因為佢有粗麵所以揀, 一個係特制黑, 一個係特制雞醬油, 我個人比較鍾意特制黑, 因為味道比較濃, 但比較油, 面醬油相對比較淡味, 而且醬酒係有雞肉同豬肉, 所以可以如果想試兩款既人就可以食雞醬油不過食完之後, 會好口亁…Read More

老公係觀塘開會，咁我就睇下有咩日本野好食，之前完全唔個3原來有呢間餐廳既存在，咁就試下walk in有無位啦，都好彩，都仲有幾張台餐廳環境都唔錯，不過d位唔好坐同d歌比較大聲，所以食完就拿拿聲走就岩叫左一底海膽，$198，鮮甜不過得5塊紫菜lol 想分多一舊食都唔得，三文魚腩 好滑好肥我揀呢個卷物係有芝士，蝦，鰻魚，好香好重芝士味，反而鰻魚既味道被芝士蓋過左，但咁多樣野真係最好味係卷物明太子雞翼一干燒，燒得岩岩好，好香好煙銀生蠔都好新鮮，38一隻，但其他壽司就好麻麻牛肉鍋，底全部都係豆腐，出到黎牛肉已經太熟，唔推介埋單880， 我覺得呢個價錢可以食更好既野…Read More

陪朋友睇結婚場地，原來入面有間cafe, 平時唔多覺眼，12點幾去到，成為第一個客人，無諗過一到1點，全場爆滿，仲要等位tim裝修好有心意同精緻，環境好舒服，枱與枱間都有好大空間是日精選係溫泉旦肉醬長通粉 $68我地一個揀左湯一個揀左沙律，湯係南瓜湯，有細細南瓜蓉，都幾香滑沙律如果有醬或洋蔥會更好，而家較為乏味熱辣辣出黎既溫泉旦肉醬長通粉，淨係香味已經拎滿分，肉醬既咸味剛好，加上溫泉旦令意粉的汁更滑更香白酒奶油汁海鮮焗飯新鮮焗出黎，我差唔多食完肉醬佢先到，橙色一粒粒係紅羅白，海鮮數量不多，汁偏淡味餐包埋甜品同飲品，以呢個價錢黎講，算幾好，環境舒服好岩黎傾下計經過見到呢段說話，感覺好窩心，係呢度食野，感覺好浪漫溫馨…Read More

去完會展附近，見呢間餐廳門口個牌既"set dinner $258 就入去試下啦set dinner既選擇都唔錯，前菜有湯 兩款沙律 雞翼 揀，而份量都幾多，一d都唔似前菜如果唔揀set dinner, 其他都好多選擇3樣前菜都有被選中，沙律的菜好爽脆，沙律醬味道調得剛好，唔會太咸或太酸，三文魚肥美香滑雞翼炸得好香脆，新鮮炸出，醬汁略為不夠味道，如果再加小小香辣會更好rib eye達到4成熟既要求，肉汁剛好鎖住，好香濃，好耐無係香港食過咁有牛味既扒雖然價錢合理但人流少，餐廳人數坐不夠一半人，所以可能係因為咁，餐廳唔俾share set dinner, 一定要每人一樣main or一個set ,如果細食既人就不太適合…Read More