ChanManZoe's Profile

好耐都無食過酸辣粉啦！最近黎開順德做野，咁岩比我見到呢間專食重慶野既舖頭，而且門口望入去地方雖然唔大，但勝在夠乾淨，簡潔，價錢又抵，所以拉埋兩個同事就入去食個lunch。總括以下幾樣:一，酸辣粉味道正宗，辣味香口，開胃；二，地方企理，乾淨；三，平；如果係本身就對重慶酸辣粉有興趣既人，絕對值得一試!…Read More

早幾日夜晚一家四口上去做節，因為阿媽唔食得辣，所以我地叫左個濃湯花膠椰子鍋湯底。花膠鍋湯味濃，而且夠香口，“陸”完全程都無口乾既感覺，湯“黏黏地”，入口感覺係幾滋潤，呢款湯底比個好評。配料雪花肥牛正常，黃喉爽口，其他野食基本上都正常，不過有樣野食值得提下既，係佢個韓國年糕條，口感“燕un",放入去滾一滾，吸埋啲湯味效果超正。呢間平日黎都還可以，但係一做節，一定要預早多少少時間訂位，唔係你都唔洗旨意入得到…價錢中高，但環境唔錯，果日我地訂果張台咁岩係海邊，如果每次都可以對住個海景食就一流啦XD!…Read More

上次星期五晚walkin入去，點知爆棚full左…所以今次我地預早訂定，終於入到去>_<!試左佢個三文魚刺身，魚肉厚切，口感唔錯，味都幾鮮(只係可能果晚太多人，所以落單都要耐心等下)…不過我地主要黎試既，係個fd介紹既“活魚刺身”。特色:成條起肉，然後會砌番條“魚形”擺落碟到上菜，就連我兩個平時唔多食魚生既朋友都比碟刺身吸引左…淨係個外觀都可以比90分，而且魚肉新鮮，味道唔錯。價錢同食物成正比，會再推薦比朋友。…Read More