floratszyan's Profile

聽過好多人介紹話，今日午市第一次嚟食，食佢嗰個好出名嘅拔道腩雞飯，睇人話個汁好好味，但係作為主角嘅汁係十分少，少到點兩下無哂，再加話要5蚊🙂無個汁基本上就係無味雞同飯，覺得唔合理無俾到五蚊，唔想浪費夾硬食哂個飯，如果我肯加錢佢俾返一樣份量嘅話真係十五蚊都唔夠點。55蚊一個飯唔包嘢飲，中環嚟講唔算貴，但係我唔會再嚟，大把其他選擇。服務態度同一般茶餐廳咁，無expectation 。仲叫人留港消費，笑死人喇。…Read More

一入去個侍應已經當我地透明，算，係出面餐牌見到小食可以揀，但個侍應無俾我地揀，個侍應完全係懶得出聲咁，我地仲以為佢唔舒服，之後我地就加28蚊嗌左個餃子，點知同我地講無四隻，得三隻加返粒咖喱角得唔得，咁都算喇，ok喇，之後最嬲個part嚟喇，我地為左流心蛋包飯嚟嘅，結果上到兩碟都係普通蛋包飯，個侍應仲要放低就即刻走，我地問返佢，佢話廚房整唔到流心之後又9秒9走左，我地再嗌返佢返嚟佢話部機整唔到啱啱先知，吓流心蛋要用機整㗎咩？同埋應該係你知嘅時候就講唔係你明知整唔到唔出聲就整左兩碟唔係我想要嘅嘢出嚟迫我地要，最離譜係隔離枱嚟左新客人，另一個侍應俾左三個choices小食佢揀，其中一個就係餃子，即係同我地落單個侍應無俾我地揀搞到我地加左錢另外嗌，極差，仲要一啲歉意都無，個態度係我整左出嚟你就要要，最後佢offer左85折，離譜到咁85折其實已經完全彌補唔到，其實好想走人但唔想浪費食物食到一肚氣都食埋佢，味道嚟正常，但鰻魚得幾粒，75蚊一碟完全唔值，個餃子都好差，又硬又無料，個迷你咖哩角完全唔想掂。我地懷疑係個侍應落漏單廚房唔肯整過所以先作個藉口話整唔到，個侍應由頭到尾都無講過一句唔好意思，嬲到癲，以後唔會再食，亦都會叫其他人唔好中伏！…Read More

唔明點解咁多正評，$112一個鍋，d料勁cheap，d肉嘅肉質差過大家樂，sell湯底但無味普通味精湯，最期待嘅臭豆腐又唔臭，同普通白豆腐無乜分別，成個鍋得幾條菜，幾塊cheap豬肉，幾塊豆腐，兩粒丸，嘢飲廿幾三十幾一杯，八點幾到已經無哂滷肉飯（滷肉飯係要加12蚊轉嘅）連白飯都無，迫住揀得兩啖嘅粉絲，加點食物貴到離哂譜，價錢、食物質素同味道完全唔•合•理！食過好多伏店，但呢間真係第一次忍唔住要上嚟負評佢等其他人唔好中伏，落單個位哥仔仲要口齒不清又應下唔應下唔知做緊乜，兩個鍋兩杯嘢飲一碟鴨血加埋一，$170左右一個人，真係倒錢落海…Read More