jolene0209's Profile

附近的早餐選擇不多， 星期日想食好啲， 路過見到有Sunday bunch , 即刻入去試 。食物質素當然好， 最好的是大服務效率， 比起附近的人氣食店， 店員有經驗， 港式有效率， 不會吃到一肚氣 。 …Read More

第二次黎， 食物質素好不在話下， 最好係貼心服務， 食物全部幫我們燒好😋還讓茶杯永遠有員工幫我們添滿🥰🥰🥰讚👍 。無影哂食物相， 不過真心無伏😋😋😋😋😋…Read More

中午來飲茶。 3 個人叫左以下食物： 藥膳雞腳： ok. 夠淋。有味珍珠雞：ok 好大件蝦餃： 一般， 蝦唔算新鮮。基本上無咩味潮州粉果： 外皮太淋煎腸粉： 第一眼以為是煎薄撐。未見過一塊的煎腸粉。只可以講唔合我口味大大碗乳豬飯： 食平時出面食燒腩仔多， 見有乳豬飯， 試下， 乳豬算脆皮， 但飯唔熱真係扣哂分囉埋單， 用八逹通比， 無比單我睇。 淨係話$39x , 打算拍咭， 但心中奇怪， 覺得貴左啲， 無理由拍得住平時食連瑣集團嘅價錢。一邊打算拍咭， 一邊員工比張單我睇。點知個員工即刻取消個八逹通支付， 再print 張單出黎。我企在櫃枱中間， 員工print 左單卻放在左邊櫃枱邊。一睇， 張單根本不是我的。員工反眼。我話我是xxx 號枱， 不是xx 號枱。員工再在櫃枱翻一輸才找到我的單。好彩我入坐時先攞位的拍了枱號照片給我。只可以講， 埋單記得睇單同埋對單。…Read More

被OpenRice 內琳廊滿目的定食照片吸引， 打算到這裏一試和牛定食。但原來晚飯是沒有定食的。所以惟有散叫。叫了一個軟殼蟹沙律$148.8。味道好， 軟殼蟹是即炸的， 上枱還熱辣辣4 種剌身盛合$ 488。四款剌身都不錯， 本身不喜歡白身魚的我都能接受以上兩道都十分合意， 之後的一道便出事了： 什錦海鮮鍋$ 746（ 黃金出汁湯加野菜盛合$ 178+ 什錦海鮮盛合$568）， 在沒有拍到餐牌中的照片， 忘記海鮮鍋在餐牌中的價錢， 只記得是七百多元。（發票是分開兩個價錢收的， 總數就是$746。）餐牌中沒能看清楚什菜和配菜量。心想$700 多的鍋物， 應該有一定的份量和質素吧！所以就叫了一試。餐牌中有6-7 款湯底可以選擇。我們選了黃金湯底。所謂的黃金湯底是什麼呢？ 就是在看似清湯的水裏即場由店員用木魚加到湯裏煮出味。所以湯底就是木魚湯然後店員會為我們放入野菜， 放入的次序嗎？ 是沒有的， 主要就是一併放下去囉， 放了耐煮的什菜之後， 店員就叮囑我們自行把不耐煮的菜待湯底煮開了再煮5 秒。煮完菜， 吃了， 我們猶豫店員會像在日本一樣再回來為我們加入其他配料， 把食物安排得吸引嗎？ 答案是不會的。要自己放入其實如果是這樣， 不如一開始由店員介紹下先放入什菜， 然後再加海鮮， 省得我們盯着她看有什麼技巧的尷尬至於這個鍋有什麼材料呢？照片一眼睇完。不需要用多過一隻手來數。最值得一提就是兩條蟹棒（ 柳）至於味道呢？ 什菜， 鮑魚， 蜆， 蝦都不過不失， 蟹柳就無謂談了。食物未上枱前還打算再點其他的， 但心中對鍋物充滿其望， 所以打算不夠再加， 或是加個雜炊。到鍋物上完枱， 己經失去興緻了。我看到有些食評說有海港城coupon 所以來吃， 果然不無道理。不過公道點， 這餐經OpenRice 訂枱是有8 折的， 所以失望中可算是一點安慰…Read More

星期六早上路過， 估唔到食物咁有水準蝦餃真係完勝， 做到皮薄喊靚全部食物上枱時仲係熱， 好多大酒樓都未必做到。夠熱， 已經贏咗一半價錢仲要唔貴， 平民價錢燒鵝味道食物同員工都有質素。正…Read More

終於等到由2 人限聚變成4 人限聚 ， 成年無見朋友終於可以坐低食一餐。叫左個2 人套餐加一個晚餐： 食物味道都好好。呢編食評主要係要推介羊架。朋友最鐘意食羊架， 所以我哋都食過好多唔同西餐廳羊架。講真呢間最好味😋外面焦香， 內肉嫩， 唔韌， 調味又夠， 好味😋意大利飯同意大利雲吞都好味， 但要即刻食， 凍左風味減低仲有不同特飲， 大滿足！…Read More

是日母親節， 和母親大人來慶祝 ， 看到食劣評多過正評真的有點擔心， 但估不到喜出望外， 可能因為未來過， 不和以前作比較， 食物味道其實不差， 乳鴿上菜時還熱騰騰的，母親大人是乳鴿控， 我們試過各大小酒家的乳鴿， 這裡的乳鴿味道算是中上， 雖然$108/隻有點小貴。 菜胆雞比坊間的夠味， 裝修後環境整潔， 有懷舊風味， 待應都是年輕人， 服務尚算不錯， 只是不能有車直達門口， 要行天橋過來對老人家來說有點不便， 但估計還是會再來的。 紅燒乳鴿…Read More

老實說成物品質不錯， 但是店員的服務不值一提， 三個人擺一張枱， 無人收搭食完的碟， 無人沖水，完全自助， 地版是木地版， 職員走來走去都會感到震動， 員工不斷用車仔推來推去， 環境嘈雜， 同大排檔無什份別。 …Read More

原本看到有些食評說食食不新鮮有點担心， 但吃過之後不得不寫個食評給平反。小龍蝦， 鮑魚和蜆都十分新鮮， 難得菜心都蒸得夠稔， 而且沒有苦味。唯一美中不足是門口比較小， 魚缸位置比較濕， 好像不是很整潔， 一個小哥為我們4-5 台服務， 有時候是要自己動手， 但個人認為自己動手也無不妥， 畢竟團購價錢不貴， 比一分錢就不要要求太多總括來說以此價錢得到這樣的食物質素和服務， 十分滿意…Read More